陳儀興飯店 (崇齡街)

营业中

休息中

新蒲崗絕對是陳儀興的地盤，只要你在新蒲崗逛逛，總會發現一兩間的陳儀興店在左近。晚上十時多，我和外子尚未吃晚餐，便架車到新蒲崗。剛好陳儀興飯店前有吉位，我們停下車子便走進飯店。 我們時間實在有點緊迫，於是我們很快便點了餐。太夜也吃不了什麼，我們只要了兩道菜—啫啫魚鰾及蝦米節瓜粉絲煲。上菜時啫啫魚鰾熱辣辣，"炸炸"聲，賣相吸引。魚鰾既爽口又煙靭，有微微酒香。加上炒香葱段和薑，十分野味。蝦米節瓜粉絲煲也是熱騰騰的，蝦米大大隻，有點像櫻花蝦，節瓜切成一絲絲，煲至軟稔，粉絲爽滑，味道也是很好。陳儀興的菜色味道很好，只是如果可以改善一下衛生狀況便會更好。

約左班friend好耐，終於約齊腳去食陳儀興潮州菜，聽人講話好食，所以大家約去試下～店舖地方唔係好大，門口都係舊式潮洲舖咁，入到去坐，望下周圍d枱order啲乜，好多枱都有叫潮式淹瀨尿蝦，咁我地都唔執輸叫了1碟，仲有order左蠔餅、滷水拼盤、其他小菜～都算快上菜，上左第一碟滷水拼盤，冇乜驚喜，同其他打冷店差不多，再來一碟潮式淹瀨尿蝦～泰式生蝦食得多，生食瀨尿蝦就未試過，一人一隻～嘩～正，汁好濃，有d醋味，好食，我地隨即再encore 一碟～真係好食～而其餘小菜就冇乜特別～但唔差～

是日OT ... 同事車左我地去新蒲崗食野本身諗住食呢個豆花米線9:30 關左門咁我地就周圍搵日同事講有間潮洲野之前唔知咩雜誌講過好好食所以我地就黎試下LOR！螄蚶我覺得醃得唔夠入味唔係唔好食， 但又未去到朋友講好好食哎丫，唔記得呢個咩菜但呢個好好食D菜超腍超入味蔥爆魚卜呢個好惹味浮豆腐外皮炸得好鬆脆豆腐唔係好濃豆味但好滑

節日食飯，度度都多人，咁咪呢間食囉，以前食過，炒菜都好味，今日多人食，叫多幾個餸，都正頭幾樣，炒四季豆，豪餅，滷水拼盤，炒(顯)，好野味。。。跟手再叫左d蝦球，煎肉餅又係好味，當然唔少得椒鹽鮮尤，其實仲點左d西檬雞，乜魚雲食同魚腸食，呢幾味就一般般囉。。last再叫個沙拉骨食下，就唔係咁得，可以不叫，但整左個腐乳通菜，我非常like wor...點都好，大班人開心食，一流

特地在這個地區吃飯，都是第一次。來這裏目的，就是吃潮式打冷，在我腦海裏，打冷是有滷水鵝片，韭菜豬紅等等。他今次特地介紹我來吃，是這個生吃瀨尿蝦。 聽上去要來生吃，不會是中式菜式，應該會是日本菜吧，但是到這裡真是吃潮式打冷， 而一 隻一隻生的瀨尿蝦，在我面前，其實有點不敢吃下去，因為賣相不是十分好看，但既然來到，我便硬著頭皮一試。閉上眼睛，吃下去，有一種很特別的感覺，肉質鮮甜爽口，味道十分好吃，原來這些東西是十分好味的， 瀨尿蝦外面是酸酸的，有一點醋的味道， 原來口感十分特別，甜甜的肉， 十分鮮味， 原來是一種美食呀！！為什麼到今天才發現呢？？其他的滷水鵝肝，鹵水鵝片等等，食物都十分出色。 真是在這裡驚喜地發現美味打冷。生食瀨尿蝦真是極級推介。

飲完酒，一班朋友仲話要宵夜，見咁耐冇見，雖然勁攰，都係一齊去啦……，仲要去到咁遠……新蒲岡……打冷，其實我是很喜歡的，那些鵝片，韮菜豬紅等，誰知他們點了生的 瀨尿蝦及蟹，見到真是有點驚，唯有硬着頭皮試下……出奇地勁好味！！！蟹的肉質很林，但不是梅那種，帶點醋味，有點蒜香。而瀨尿蝦亦用同樣做法，效果差不多，一樣的惹味。這宵夜真是令我對打冷有全新的感覺！！

良久未食打冷，最喜歡去都係西環食開個間，發現呢間都係機緣巧合，本來係附近食上海小店，走時無現發現此店而且見到好多人坐在街外一張張木台貼著店伸展開去。有見及此今次唯有放棄上海店而走進這，晚上9點多已經外面還是坐了很多人，但內裡還有位置，因為不吸煙所以還是坐內享受冷氣~~餐牌上小菜非常多，外到潮州打冷食品到小炒海鮮應有盡有，但難得見到店間開了一個空間放潮州打冷食品因此也叫些應景吧！4人點了7隻小菜，不算多吧潮州打冷拼盤: 老實說帶點失敗，首先上台時賣相像一堆垃圾樣，而且很多都只是熱水拖過跟本冇入任何味，再者豬大腸可算必有但那片豬大腸切到薄得可憐還只有2片而已花生雞腳: 全晚比較正常的一道小菜，雞腳去趾得來入味，而且都算易咬離骨，花生就跟平常一樣白灼東風螺:基本上不用技巧的一道菜，只是灼一灼便可以，慶幸螺新鮮鹵水鵝片: 一上台呆了呆，$78竟然10片也不到? 依餐牌上說應該是獅頭鵝，但老實說咬落無論是口感味道也不見得出色炸蠔餅:上台見賣相不錯值得一讚，但一咬口就失望，咬下口一點脆口都談不上，咬下口感到入面充滿空氣，明顯上炸粉用料和技巧出錯避風塘炒蜆: 本來想叫豉椒炒蜆 但侍應介紹這比較出名，

呢排都係去新蒲崗試新野, 原因公司附近有小巴去, 方便! 新蒲崗可能大家覺得唔會諗起既"蒲點", 但對於唔蒲既食友, 原來都係卧虎藏龍既地方...哈哈~今次食左3樣野...鹵水拼盤(有墨魚, 生腸, 紅腸, 爽肉, 鹵蛋, 豬耳, 鴨腎, 鴨潤/​心, 大腸, 豆腐...勁, 未食過咁多款式既拼盤$60)抵~鼓汁蒸大白鱔...新鮮, 脆口, 正~$75, 魚湯浸大蜆, 魚湯中加有胡椒, 粉絲, 香芹, 無咩特別, 我由其唔鐘意食粉絲時咬到粒粒胡椒...唔LIKE$6​5 白飯$6

掛羊頭賣狗肉潮州菜館食川菜門外很多海鮮但大家請看清楚醃的食物與活的海鮮放在一起醃瀨尿蝦係新鮮本地的至於味道就各有各喜好(唔係我杯茶)醃螄蚶嗰醃汁好混濁內裡較乾及有泥都係嗰句~各有各喜好(唔係我杯茶)鹵水鵝肝鹵水偏鹹欠缺香味鵝肝的質感介乎於舊式與新派之間(即是想做得嫩滑但又未夠功夫)炒薄殼始終是不時不食這個更不倫不類雲勝牛爽肉啲牛肉都唔知爽响邊度?收錢嗰個就爽 椒鹽百花釀大腸椒鹽欠奉純粹炸物百花唔係蝦膠而是墨魚膠大腸已經同墨魚膠混為一體(食唔出)川椒雞球係川式炒雞球已經達到無言境界沙茶牛肉炒河港式沙茶牛肉炒河居然出現喺潮州菜館內絕對香港製造

上個星期從朋友口中聽到在土瓜灣有家潮州菜館有非常鮮甜味美的醃獅菴吃，星期天就急不及待要去試，不過我和鬆弛都沒聽清楚名字，只記得有一個「陳」字，還有她說在土瓜灣廣場附近，雖然我已經搬到土瓜灣快要三年了，但從來都未聽過土瓜灣廣場，最後我只好在openrice打一個「陳」字再搜尋全九龍的食店，竟然就讓我們找到位於「新蒲崗廣場」對面的「陳儀興飯店」。七點多的晚飯尖蜂時間，門外已經有幾檯人在等位，店子不大，看來要等一段時間。不過隔了一會兒，店員就帶我們到轉角的另一個舖位，面積比剛才的大差不多兩倍，原來這舖位午市是賣米線的，晚上就改做小菜生意。剛才等位的時候看到門前擺放了不少生猛海鮮，價錢看起來一點都不貴，而且有我想試很久的薄殼。身為潮州人的我未曾吃過薄殼，甚至連薄殼是什麼都不知道，只是偶然有一次經過西環一家潮州菜館門口的貼紙才知道這東西，不過坊間有賣薄殼的潮州菜館並不多，這次當然要把握機會試試看。單吃海鮮不夠飽，看到鄰桌那碟辣子生蠔好像炒得不錯，所以我們又點了一碟炒辣子雞，另外再加一碟韮菜豬紅。醃獅奄。我之前吃過的獅菴都是灼過，半生熟的，而醃的我還是第一次吃。獅菴的殼閉得頗緊，要用點力才能打開。

我們到了陳儀興飯店的門口，因為陳儀興飯店沒有位，所以員工叫了我們到鄰舖(陳儀興桂林過橋米線)。但我們在桂林過橋米線裏吃的與陳儀興飯店吃的也是一樣，只不過他們叫我們到那裏吃。烏頭，好吃，但黃油不太多，有改進的空間。香腸墨魚，很入味，尤其是墨魚更入味。蠔仔粥，很淡，但蠔很大隻。蝦棗，點汁後很好味。(Tips:因為通常是剛剛煮熟，很熱氣，所以建讀者放凍才吃)方魚肉碎炒通菜，很入味。沒有加一服務費。如果坐在陳儀興桂林過橋米線店舖的話，有些餸菜要經過厠所附近運送，不衛生。更可怕的是有老鼠籠在厠所門旁邊。環境和服務都一般般。

dec 28, 09,3人嚟dinner,但今日食咗咁多嘢嘅我,已向友人們投了降,只會隨量挾吓,叫咗 : 1) 方味田螺-友人問過店員何為方味,原來紫蘇葉是也-不過個汁對我嚟講都幾辣吓,所以只喺隨量食咗2隻,個人麻麻呢味嘢-友人們就幾欣賞佢個汁 2) 大漠牛柳粒 (hk$48)-要求了少辣-其實都幾有辣意,尤其紅辣"hide"過嘅地方,簡真喺"興"呀.........如果唔覺意咬咗落紅辣上1定死得-腰果鬆,牛柳粒有肉質之餘亦鬆 3) 方魚肉碎炒時菜 (hk$35)-方魚碎唔太多,不過就幫助增+少少脆口度-之後就喺大量蒜粒發揮嘅香氣-我哋揀咗韮菜花,沒有炒老到,帶點爽甜-整體味道惹味 4) 白飯 * 多謝友人結賬

必食：鐵板三杯鷄 / 鐵板霸王鷄最緊要趁熱食，味道一流，有鑊氣

昨晚聽朋友講D間陳儀興好有風味, 於是同朋友一試.坐路邊, 有啤酒妹, 係大排檔式. 環境見人見智.都係叫D潮式菜, 如蠔餅, 鵝片, 之類, 食物水準一般, 應該好多味精, 要成晚飲水. 四季豆肉鬆幾咸 後來唔夠"食送", 加左些菜, 其中既九菜豬紅, 竟有隻小強!!!!!!!!!! 仲要唔細隻!!!!!!!!!!!! 有冇攪錯, 真係之前食乜都想嘔番晒出黎!當時好焗氣, 叫個四眼哥哥埋黎, 佢話隻小強好細隻姐, 跟住一手就攞走佢返入去鋪, 我地都未反應得切, 佢已入左鋪毀屍滅"即". 我地大叫有冇攪錯, 食野送甲由, 點知隔離枱一班赤膞地盤佬咁款既仲串我地, 有隻甲由幾咁奇?焗鬼氣, 即係埋單走, 那四眼仔連道歉都無聲. 我諗以後睇到豬紅都驚! D間野請我都唔去!!!!!!!!!!!!!!!!!!!!!!!!!!!!!!!!!!!!!!!!!!!!!!!本來我唔寫食評, 但D間野唔寫唔得

好耐未嚟呢度食嘢!一嚟到，就發現間舖頭有改善: 有新meun, 有新菜式,又光猛咗! 同朋友抬頭睇到牆上d posters, 真係碟碟都想試, 可惜人腳太少, 最後揀咗"大漠牛柳粒" "豉椒聖子"同堆"香脆鮮魷". D餸好快就到, 我地就馬上開動, 果個聖子..D肉嫰D汁又香又唔會一"PET PET", 個脆鮮魷就OK香啦, 都真係金黃色, 個賣樣唔錯! 至於果味"大漠牛柳粒"真係喜出望外, 我未試過係香港食過呢個菜, 好"北方"! 佢用四季豆炒牛柳粒又有腰果上面仲有D辣香草, 好惹味! 我地兩個人一路食又一路見到D伙計拿住其他好似好好味嘅餸出去俾其他人, 攪到碟碟都好想食, 下次真係約多幾個朋友一齊再去呢度食飯!