影片
电话号码
23215398
开饭介绍
于1963年创立的地道潮州饭店，以潮式打冷闻名。推介菜式包括卤水鹅件、卤水鹅肠，均以镇店传统卤水炮制。另一特色菜是生腌蛳蚶，用汕头出产狮蚶，加上参考传统制法而特别调配之酱料而成。
继续阅读
营业时间
今日营业
16:30 - 01:00
星期一至日
16:30 - 01:00
以上资料只供参考，请与餐厅确认详情
相关文章
今次嚟都对佢有期望，本身见佢系老字号同埋有几间分店，所以谂住放假嚟试一试。👍🏻：今次都有叫到佢嘅蚝饼，佢嘅蚝饼值得一赞，蚝饼炸得好酥脆，啲蚝仔都好新鲜。另外，佢嘅蚝仔粥虽然调味并唔系话做得十分出色，但系胜在佢啲蚝仔够新鲜。😕：佢嘅鹅片可以话系不过不失，正常水准。😨：佢个避风塘炒蚬出晒事，佢个避风塘好重老干妈只味，以我嘅认知避风塘应该系唔会出现𠮶一只味😂。佢成碟嘢都好咸，饮啤酒都应该食唔晒佢成碟。佢个沙拉骨味道都麻麻地。总结：如果咁啱经过，又唔系咁多人要等位可以入去试一试。特登过嚟食就不必。（ps: 可以唔使叫佢啲小炒）建议餐厅如果小炒并唔系你哋嘅强项，其实可以唔使勉强写入个餐牌入边
继续阅读
呢期思乡情重，所以都系特别想食潮州菜，今晚过嚟食吓呢个潮州菜嘅老字号。呢度确实系比较传统，个环境好似大排档咁，啲职员都唔会特别亲切友善，仲有啲恶添。但系好在啲食物都真系几好食。坐低点少得食个卤水鹅片，鹅片都几大块，份量都唔错㗎，不过个卤水汁都几咸，所以叫埋碗白粥一齐食就very good。另外我哋叫咗个韭菜猪红，一上嚟个份量都系吓死人。嚿嚿猪红都劲大嚿，完全铺满咗个碗，啲猪红都好够咸，不过如果可以再多少少辣味咁就完美。个底都有好多韭菜嘅，呢碗韭菜猪红真系大件夹抵食。另外叫咗个椒盐鳝片，第一次咁样食鳝片，佢切到细细旧冇乜骨系唔错㗎。啲炸粉都唔会太厚，但系如果椒盐可以多小小，味道再浓啲咁就好啦。跟住仲叫咗个铁板通菜，普通菜就好够咸都好够味，铁板上，吱吱都几有特色㗎。甜品方面，叫咗个脆皮落汤钱，不过呢一个甜品真系要趁热食，如果叫嘅话一定要食饱晒先好叫或者记得要叫职员后上。如果唔系就食唔到佢软软糯糯嘅口感只系硬掘掘嘅一旧粉团。
继续阅读
应该都唔少人都食呢间食左好多年了呢度既生腌蛳蚶、濑尿虾、蟹都系无得顶唔系度度食到而出名既仲有蚝饼其他卤水拼盘都够大碟今次想介绍既系呢个甜品外脆内软尽量要连埋花生糖碎一啖吃好食都停唔到除左呢样仲有个芋泥如果夜左想揾地方食野呢间真系可以系首选
继续阅读
讲到潮州菜应该都冇人唔识＜陈仪兴＞，呢间可以屹立超过半世纪既潮州菜馆，出品一定有保证🦆卤水鹅片每次去打冷一定会叫，鹅片卤得啱啱好，肉质嫩滑，最重要系卤得够入味🐟椒盐鳝球鳝球炸得金黄香脆，口感弹牙，椒盐调味恰到好处，咸香惹味，送酒一流🦐美极虾虾肉爽口弹牙，咸香惹味既酱汁之中仲食到金不换既香味，好适合送饭🫓脆皮落汤钱将汤丸煎到外层脆卜卜，里面仲保持到烟韧之余仲食到糯米既米香味，点埋带甜味既黄豆粉更加有风味，唯一缺点就系好饱肚～
继续阅读
去开陈兴兴打边炉、得悉佢地附近有间系食潮州打冷，开左60年老店，所以黎开新蒲岗就试下佢。平日夜晚都大排长龙， 果然系人气食店，等左半个钟左右可以食啦👍🏻卤水拼盘 拼盘有齐多种卤味，生肠，猪肠，墨鱼片，猪耳，红肠，豆腐..…材料超丰富。每一款卤水都非常入味，特别系卤蛋同豆腐，吸收左卤汁精华，口感滑嫩。椒盐鳝球 鳝球外酥内嫩，椒盐既调味恰到好处，带有微微既辛辣，让人胃口大开。搭配炸蒜粒同香菜增添香气，令人回味无穷。古法砵仔鱼肠 呢道菜唔系好多地方有得食，系用一碗砵仔煲端上来，蛋面焗得好脆，入口好香蛋味，鱼肠肥美甘香，非常出色，带有古法经典滋味。美极鸭舌 鸭舌的肉质鲜嫩，美极酱调味让整体味道更上一层楼，令人食唔停口。蚝仔肉碎浸时蔬点都要食个菜,叫左个清淡少少既上汤浸生菜，配合蚝仔同肉碎好鲜味，大大碟， 岩哂去腻。
继续阅读