陳儀興飯店 (崇齡街)

营业中

休息中

好耐無食潮州菜, 心血來潮想起之前在網上看過有朋友打卡食過陳儀興飯店, 話有傳統潮式餸菜, 於是便與家人去試試。家中有老人家, 十分喜歡潮州菜。一去到飯店, 已見到牆壁四周貼著各式各樣的菜式和價目。琳瑯滿目, 目不暇給。雖然是老店, 但陳儀興的餐牌毫無殘舊感。一口氣叫了幾款潮菜, 包括生醃瀨尿蝦、滷水鵝腸、炸蠔餅、蜆仔拼咸菜、春菜煲。另外叫了一款廣東菜, 醬爆豬王喉。整體來說, 味道算正宗, 猶其是鵝腸更是驚喜。我很久沒有吃過滷得入味而又爽脆的鵝腸, 這個我非常推薦。至於蠔餅, 由於老人家喜歡, 特別叫廚房炸得「透D」, 送來時還是出煙, 吃落去非常香脆, 蠔仔也沒有任何腥臭味。春菜煲又係好出色, 一黎到我們已急不及待咁夾黎食, 既有豬油香味, 而春菜也炆得夠淋, 食到唔記得影相。至於令我最失望的係事前最滿懷期待的生醃瀨尿蝦。生醃螄蚶有好多潮州店都有, 難得第一次見到有飯店菜單入面有生醃瀨尿蝦, 所以一見到就即點, 也充滿期望。但一吃上口, 魚露味唔夠, 而瀨尿蝦亦太細隻無乜肉, 但卻是全晚最貴的菜式, 價值$128。只能說, 要食得返古法的生醃海鮮, 可能只可以返內地先食到(如果唔怕

約舊同事在舊公司附近吃飯，由於大家都想喝兩杯，就來了吃打冷。花多眼亂，好多都想點。春菜 - 侍應推介，打冷必食之一。菜很林，很清淡，健康之選。避風塘炒蜆 - 好香好惹味，火喉剛好，蜆肉還是完整在殼裡，不會肉殼分離，送飯一流。蠔餅 - 佐酒一流，脆脆的外皮，再點魚露，更顯鮮味。大漠牛柳粒 - 乾辣椒很香，香濃的麻辣味。牛柳粒不會很韌，又是送飯之選。澄海滷水鵝 - 很抵食，底下有滑滑的潮洲滷水豆腐，上面鋪滿鵝肉，再點辣椒醋更惹味，不知不覺就吃完整碟。蒜香骨 - 喜歡蒜香人士注意⚠️炸得很好，外脆內滑。打冷果然很適合喝兩杯，佐酒食物又多，正！

新蒲崗呢個地方看似只得工廠，而且地鐵站唔經，感覺似係自成一角無乜嘢食嘅地方。自從係呢到番過intern之後，就發現原來呢到有好多好嘢食，今次呢間係其中一個同事介紹嘅～夜晚去食呢間嗌餸食飯，佢第一個舖位已經滿座啦，我地被帶到去另一個舖位。入面牆上痴滿唔同餸菜嘅相片，方便大家跟住嗌大漠牛柳粒呢到每一碟餸都好大碟好夠份量，呢碟牛柳粒加埋豆角一齊炒，唔洗怕得肉。成碟牛炒得好入味，啲肉唔韌好易咬開，連埋啲豆角都炒得好爽口，唔會炒得太老避風塘炒蜆怕辣嘅朋友就可能無得叫呢碟啦😛 佢入面加咗辣椒等等令你舌頭變得麻辣嘅材料，每一舊蜆肉都炒到好惹味，而且吐沙吐得乾淨蠔餅上菜個時真係嚇親，因為真係好大塊🤣 入面嘅蠔仔肉好足料，佢嘅油份無多到食到膩，外層炸得香脆。佢咁大件可以叫多幾個朋友share🤣呢個餐廳真係好熱鬧，大家都係大大聲講嘢所以二人拍拖溫馨晚餐就未必啱啦😜 但同friend聚會casual晚餐絕對適合嚟呢到！

今次同一班都係住九龍東既朋友食飯，有朋友就提議咗打冷，我地就搵咗新蒲崗呢間老字號打冷試下。舖頭係新蒲崗好出名既甜品華園隔離，去完仲可以係隔離食個甜品入到去都幾多人，好滿座。本身中菜就已經樣樣都想食，呢間仲要好多選擇，四個人就嗌咗成六個餸。成枱都係嘢～澄海鹵水鵝 - 呢個係職員介紹，啲鵝肉都好滑，食落去好多汁，底仲有啲豆腐添，滷水味都好勁。蠔餅($70) - 好鍾意呢個蠔餅，口感好爽脆，又好多蠔仔係入面，點埋魚露啱啱好。春菜 - 叫得多肉都係要返個菜平衡返，啲春菜連埋湯汁好好入口，又好香甜，而啲肉都軟又好肥美大漠牛柳粒($80) - 呢個都好鍾意，事關佢係辣味好香，食落去無論係四季豆定係牛柳都好惹味，而份量又好多避風塘炒蜆 - 呢個蜆又係份量非常多，而蜆好入味，炒得好好蒜香骨 - 蒜香味好重，如果鍾意蒜香既朋友應該會好鍾意，外層非常之香脆

陳儀興是新蒲崗幾十年老字號的潮州打冷店, 由一間正鋪擴展到依家三間鋪, N x N年前嚟呢度考試已經食過, 近年嚟彩虹道運動場打波都食過幾次, 覺得唔錯, 但今晚嚟食勁失望, 食物除了味濃....就祇有濃味, 近呢幾年好少食味精咁重手嘅食店, 口渴到回家落車直情要入七仔買支啤酒解渴.滷水鵝 （1/4隻）1/4隻巧大碟, 真正潮州滷水鵝的大Size, 味道好濃鹹, 但欠了點滷水的醇和香, 鵝肉浸滑得好嫩滑, 肉質鬆軟, 若然個滷水膽正的話......就very good 鳥凍馬友 ($168)凍烏頭就食得多, 凍馬友第一次食, 估唔到馬友凍食會咁好食, 魚肉油滑富肉汁, 完全冇腥氣, 祇有微微的鹹及香, 食到魚嘅鮮甜, 食味頗佳滷水拼無咩特別煎蠔餅蠔肉鮮甜, 卻落得好少, 粉漿太多, 勁索油, 食到滿口油....椒鹽鮮魷大量炸蒜, 椒鹽下得夠, 好香口惹味, 佢地個炸漿睇落都幾薄, 唔知點解咁油的!杞子豬膶浸番薯葉呢個味道算適中了, 唔會鹹死你, 猪膶嫩口唔腥, 番薯葉黄左, 有黄氣, 不要浪費豬膶精華, 飲碗豬潤湯補下身,  淨飲其實都偏鹹。

工廠區新浦崗有不少老店陳儀興飯店就是其中一家上一次光顧已經是數年前不好酒的我坐下先點可樂用玻璃樽上先留下好印象第一道菜是避風塘茄子乾辣椒一大堆毫不吝嗇炸過的茄子香口惹味第二道是元朗黃油烏頭王的確魚肉肥美充滿魚油凍烏頭魚制作相當簡單但卻是最能帶出鮮味的食法凝結成膏狀的魚汁才是精華肉質鮮嫩入口肥美甘香第三道是澄海鹵水鵝潮州的澄海別稱鹵水鵝之鄉鹵水鵝淋上熱鹵水後上桌鵝肉嫩滑招牌鹵水美味配上一碗潮州粥食最夾兩人胃口有限下次再嚐其他小菜

從小到大的都愛吃潮州菜蠔仔粥，凍蟹，鵝片，鵝腸等等通通都喜歡吃這間來過幾次，絕對係家人最愛飯堂價錢街坊價沒有收加一每次來都會點韭菜豬紅豬紅大件且入味，底下韭菜也來得翠嫩滷水鵝件滷水汁恰到好處鵝片滷得嫩滑入味，肉厚夠嫩腍，入口甘香醇美滷水鵝腸新鮮鵝腸相當肥美，爽口且彈牙底下吸盡汁的豆腐絕不能錯過煎蠔餅炸得香口不油膩，蠔仔鮮味多汁如覺得太單調的話可以加點魚露跟胡椒粉元朗凍烏頭烏頭已經切開，不用自己再剝皮味道非常鮮味，吃不出有泥味新蒲崗崇齡街 40 號地下

平時黃大仙收工都鍾意去下新蒲崗食晚飯。今是就過黎食潮式打冷。晚上七點都未夠，已經有桌客人食完準備走陳儀興有兩邊舖位，呢邊午市係食米線Ge, 晚上就同總店一樣專門食打冷嘅。陳儀興食物款式都算幾多，又唔重複。價錢相比其他打冷親民。一行兩人就叫左三餸、每人一碗潮州粥。避風塘茄子 $70一上碟，香氣已籠罩住整桌。份量都幾多，大大塊。味道有別於一般避風塘口味。反而似辣子雞嘅口味。 茄子入面仲好juicy,食落麻而不辣!鹵水鵝件 $90鹵水鵝件 $90鵝肉都幾多件，有十幾件。鵝肉鹵得入味肉忝。底部仲有鹵豆腐墊底，一樣入味。潮式炸蠔餅 $70共兩小塊。蠔餅調味幾好，幾脆口。如蠔肉多番d就更好。另讚一點：可能不是繁忙時間上菜速度超快熱辣辣。

幾年前幫襯過陳儀興邊爐一次，總是想擇日重去，奈何都找不到機會。和友人提起，才知道陳儀興還有家打冷店，碰著朋友新居入伙，終於有機會回新蒲崗試試。 小店不大，一望到底是5張枱。地道的打冷格局。更地道的是牆上貼滿了黃底紅字圖文並茂的菜名，搶眼奪目又極具作用，絕對有助於選擇困難朋友們。 雖然如此，但我們都是好不容易才選出了心水，因為道道菜都好吸引！！先來的烏頭已開邊，肉質顏色雪白，用筷子一夾就可以成條肉咁拉出黎。肉結實而有魚味，而且魚身標明條條都出自元朗，質素有保證。三兩分鐘已經我地清晒。 韭菜豬紅份量好多，而且豬紅大大件，豬紅煮得入味，咬落去水感不重，反而結實得黎真材實料。 薑葱魚卜唔係度度有得食，難得呢度有，當然不可以過。上枱一刻個鐵皮仲係熱到沙沙作响。呢道菜絕對係人間美味。薑葱已經好香，加埋魚卜大大粒，入口煙韌但又帶爽口脆，而且仲有豐富膠質，成道菜就係無可挑剔。 再來的卥水鵝，件件肥瘦適中，卥得入味，鵝皮唔韌，點少少醋食，已經可以帶出鵝肉的嫩滑。 金沙骨蒜香骨新鮮即炸，件件都厚肉，雖然油炸，但入口唔覺油且啖啖肉，香脆之餘帶鬆化。蒜蓉番薯苗雖然略油，但炒得鮮嫩青綠

同朋友聚會話好耐無打冷，我就諗起上次食過呢間打冷，今次真係食過返尋味再訪陳儀興！今次三人行點左幾個小菜加蠔仔粥，一樣係超滿意仲好飽呢！首先嚟左條魚，元朗黃油烏頭王大大條肉好多呢，一夾就見到啲黃油～正啊！打冷一定會諗起鹵水野，今次我地就嗌左澄海鹵水鵝，鵝片鹵得剛剛好，帶點肥膏更香呢！下面仲有豆腐好滑～唔少得韮菜豬紅，最愛食豬紅，呢度既豬紅好滑架，仲大大舊口感一流！最邪惡一定係鐵板薑蔥啫啫魚卜，一上枱鐵板滋滋聲已經令我流晒口水，魚卜既量都好多～食落好爽口，仲帶點膠質漿口，係膠原蛋白啊！側邊既豆卜都唔可以放過，索晒味好正～蒜香骨好香口，雖然叫做骨但都好多肉～大滿足！蠔仔粥好鮮甜，見到粒粒肥美蠔仔～一碗3人分都好足夠，增添飽肚感～再嗌個菜就完美了～呢度真係麻甩系打冷必到之地～大推！每一樣餸都好味又抵食！講完又想再去食啦～

之前去新蒲崗呢頭食過三兩次陳儀興玫瑰餐廳，打邊爐，覺得都幾唔錯！雖然成日遊走呢區，多次經過呢一間陳儀興飯店，亦都係街坊口中耳熟能詳嘅牌子，但係今次真係我第一次食佢的打冷，熟悉之中又帶點新鮮感！熟悉的感覺來自店員街坊般的招呼，新鮮感來自第一次光顧。門面唔係冠冕堂皇，但係都有好多海鮮擺咗出嚟，其實都幾吸引的！大漠牛柳粒充滿風味的炒牛柳粒！辣味牛柳粒，幾刺激！以為牛柳粒係主角，但係真係唔好睇小啲豆角，好香脆可口。滷水鮮鵝腸明知肥都忍唔到口，係咁食係咁食，實在太吸引！爽口之中又有啲肥膏帶出香溜嘅感覺！鼓椒炒蜆簡直係打冷必食的餸菜！醬汁好夠味，好香，又夠傑身，能附在每一隻蜆上！啲蜆又夠肥大，幾好口感。辣酒煮花螺食落都幾辣，但係又要辣又要食！好刺激味蕾，辣汁好香，啲螺肉嘅肉質好彈牙。

今日係新蒲崗附近做完野收工， 又到晚飯時間， 同同事係附近飯啤啤佢才回家。這間潮州菜館出名的澄海滷水鵝，鵝肉皮連着肉，中間隔着一層薄薄的鵝朥（脂肪），皮柔軟咸香，肉堅韌結實，朥肥甜油潤，咬下去口感豐盈，層次分明，嚼在嘴裏調和起來不至於太干太膩，越嚼越香，實乃下酒佳肴， 一邊食一邊飲簡直人生一大享受。 至於這裏的烏頭也錯，烏頭做法是鹽焗，再冷凍。沒有去魚鱗，所以魚皮能整條順利地剝下來。魚皮剝下來了，露出滿是魚油的魚肉。魚肉凍過之後愈發的緊實，沒有腥氣。肉質嫰滑鮮甜。配埋潮州粥食一流。另一道魚湯煮蜆, 每隻蜆都非常鮮甜, 份量十。足。湯底帶有胡椒微辣味道，唔腥之餘仲好美味。事後先知原來呢間係老字號, 唔怪之可做到潮州菜既精髓, 下次同家人再黎食過。

上星期放工後，同事帶我去一間新蒲崗潮州打冷店，來一個小小的聚會。不同的菜式餐單貼滿在牆上，滿喜歡這種感覺。滷水鮮鵝腸鵝腸、豆腐滷得非常入味，鵝腸口感爽脆肥美，豆腐香滑。 澄海滷水鵝份量比我想像中多，皮嫰肉厚，韌度適中，就算肉質厚身依然入味。韭菜豬紅豬紅份量多，味道濃，口感滑嫰，個人覺得韭菜可多一點更好。凍食黃油烏頭黃油佈滿魚身，肉質嫰滑鮮甜，沒有一點泥味，不用配醬汁吃個鮮味已足夠。潮州蠔仔餅蠔餅炸得非常香脆，蠔仔隻隻飽滿，沾上醬汁將蠔餅提高多一份鮮味。

今晚友人又帶我去搵美食，他是潮州人士，帶我去位於新蒲崗的陳儀興飯店食潮州打冷。在櫥窗外面望入去，菜式好吸引。好古色古香的餐牌。原來以前是街邊擺賣的大牌檔，好有風味呢😁。厚肉多膏肥鵝腸，碟頭幾有睇頭，鵝腸、墊底的豆腐和花生都非常入味，送飯、送潮州粥、送啤酒皆宜。蠔餅，蠔仔好多，蠔身飽滿，入口不腥，粉醬厚薄適中，脆口，不會食到一口粉。本地元朗黃油烏頭，鐳射標誌釘在魚尾以表明正身。黃油平均，佈滿原條魚身，魚肉結實鮮甜，沒有毫絲泥味，配普寧豆醬或潮州辣醬同食份外滋味。

潮州也是我喜好之一，因為我最愛是鹵水鵝，而新蒲崗的陳意興是我的候選名單之內，今晚有空便過去試試。正鋪已經滿了，老闆叫人帶我們去另一間，原來附近有另外兩間都是它的。我們點了潮州蠔仔餅$70，鹵水鵝件$90，烏頭$138。潮州蠔仔餅$70，外表煎炸得好香脆，蠔仔都算大大粒，味道正宗，點些魚露和加些胡椒粉就更好味。鹵水鵝件$90，鵝肉嫩滑，帶著濃濃的鹵水香味，而不太鹹，而鋪底的豆腐，都很入味。烏頭$138，用上了元朗飼養的烏頭，可惜不是最肥美季節，黃油比較少，不過已經不錯。烏頭肉質鮮甜，點些普寧豆瓣醬，就會更加好味。