陳儀興飯店 (嘉悅)

营业中

休息中

今晚母親大人大駕光臨，血拼完後又係時候補充體力，問佢想食咩?  佢話想食潮州菜，好彩有呢間。早到早食，二人安排四人側邊枱，滷水/傳統潮菜/小炒/水煮系列一應俱全熱辣辣燉湯首先出場，今晚有蟲草花雪耳燉鷄 ($68)，可提高免疫力，雪耳潤肺養顏。超足料，面層唔會有層鷄油，味道清甜，阿媽話飲完成身䁔晒。凍食元朗黃油烏頭王 ($188)，已起主骨，食時相當方便，有普寧豆醬點食。話明係黃油烏頭，中間位置係見到黃油嘅; 肉質鮮甜，唔點醬汁食都好味，煮法愈簡單愈能食出原味，正呀!潮界嘅脆物擔當，當然唔少得蠔餅啦 ($93)，送埋魚露點食蠔仔飽滿，散滿係蛋餅漿內，入口先脆，然後有蠔仔嘅柔軟口感，用啤酒汽水黎配搭，咁邪惡得唔得架?!  哈哈.......簡單又專一地點咗呢碟滷水鵝件 ($148)，份量夠2-3人分享，相當抵食。鵝肉入口無渣，滷得相當入味，皮下脂肪適中，用黎送潮州粥都唔錯。底部有大豆芽，若果有埋滷水豆腐就仲正。上菜速度快，坐得幾舒適，本想食埋糖水但已經好飽，綠荳清心丸.................你等我呀.....。

喜歡吃潮州打冷菜的朋友對「陳儀興」這個名字應該都不會陌生，超過半世紀的歷史，從新蒲崗起家到現在擁有多家分店，分店的裝潢比老舖新穎，但出品依然保持一貫水準。今次來到這家位於將軍澳的分店，離港鐵站數分鐘步程，附近一帶都是新落成的住宅區，所以吸引到不少家庭客，一家大小來用膳。▶️潮州鵝件（$148）潮州滷水最聞名，是潮州打冷必點菜式。滷水鵝件的外皮色澤均勻，肉質鮮嫩多汁並帶有絲絲的滷水香料的味道。▶️潮州蠔餅（$93）金黃色的蠔餅，大大隻的蠔仔口感軟綿，加上脆脆的炸漿，外脆內軟，形成强烈的口感對比。▶️凍食黃油烏頭（$188）黃油烏頭的價錢是時價的，價錢會以大小和來貨有所不同。來自元朗的烏頭，尾巴夾了出產商的名字，有名有姓，當然有品質保證。▶️老火燉湯（$136）可以在潮州打冷店飲盅粵式的老火燉湯，材料、味道和火喉都到位，十分滋潤又清甜。兩款的燉湯分別是五指毛桃無花果燉烏雞和蟲草花雪耳燉雞。▶️白飯（$12）▶️茶芥 （$10）Storefront Interior Menu

呢間係我食過幾間陳儀興最差既一間，落錯兩樣單呢d小事，燉湯黎錯左話無曬另外一款，但係一開始唔講直接隊另外一款燉湯，仲要鹹到苦既...食過太子同新蒲崗都好好食，諗住將軍澳近近地可以食到就去試下，點知真係十分失望

跟住住將軍澳的朋友夜麻麻搵野食，好多餐廳9點零就收鋪，好彩行一陣見到呢間潮州菜。朋友話平時餐廳都好滿，就算外賣都要等好耐，今次誤打誤撞黎到食，果然無令人失望！🥢想食好耐嘅蠔仔粥勁足料，一份細嘅都分到4至5碗，蠔仔size中等，配菜有冬菜、肉碎同方魚，脆脆地，啖啖肉之餘又有粥，夠晒兩個人慢慢添食！🥢鹵水拼盤好惹味，醬汁落得一啲都唔手軟，滷得好入味！有墨魚片、腩肉大腸、紅腸、豬耳、豬頸肉、鹵蛋同豆腐，乜都可以試幾舊，啱晒口痕嘅我地😆 個人最欣賞豆腐同豬頸肉，超入味，又唔會太咸！🥢朋友話未食過白鱔，所以一試豉汁蒸大白鱔，上枱擺盤幾吸引！海鮮要襯熱食，凍咗可能會腥。大白鱔肉身好厚，但豆豉整得唔夠散，下底嘅豆卜吸唔到味。😥🥢今次係我第一次食手工芋泥，味道略甜，落得太多糖？實物同相片有距離，大家要叫就小心啲！整體用餐體驗唔錯，滿足咗想食潮州菜好耐嘅慾望！下次一黎一定會食鹵鵝片同炸蠔餅😋😋😋

本身係新蒲崗潮州打冷的老字號，已經開到去將軍澳喇🙌午市、晚市十分墟冚，座無虛席，記住訂枱丫，就可免除等位的時間。環境充滿懷舊風，地磚顔色分別以藍色啡色圖案為主，別岀心裁，店內的畫及擺設都十分吸睛，用餐時不防留意一下。侍應友善有禮，殷勤服務，上菜速度亦相當快。餐牌選擇繁多，可滿足不同口味既食客；包括套餐、精選、打冷、小菜、燉湯，還有自家制飲品，非常養生。當晚二人點了元朗黃油烏頭王，全身只有一條脊骨，肉多骨少，味道鮮味，肉質肥美。燉湯分別點了五指毛桃無花果燉烏雞、蟲草花雪耳燉雞。非常足料，湯料滿滿，養顔必點，火喉十足，清甜可口。蠔餅分量超班，香味撲鼻，蠔餅炸至金黃色，而且蠔肉非常飽滿大粒、新鮮不腥，口感十足，炸至甘香鬆脆，令人食唔停口。滷水鵝 大大碟，仲有鵝脾，肉質鮮嫩細滑且滷水非常入味，必食之選！整頓晚餐分量超值，味道亦不錯，食品種類好多好味又大份，兩人吃到相當飽。陳儀興飯店（將軍澳店）🔹地址：將軍澳至善街9號嘉悅地下2-3號舖🔹 網址: https://s.openrice.com/QrbS0ASqA00~ukrZ9Aw

本身朋友建議去其它區食另外一間潮州餐廳但係我次次經過尼間有種從動想試一試最後都係過黎試一試尼間 雖然潮州菜唔係我嘅最愛菜係之一某些菜我都係比較鐘意 比如滷菜系列 豬肚咸菜湯：第一嘆我老公話好鹹 然後朋友都話鹹 我因為肚餓 還快遞飲完一碗 除左鹹無其它味 我就係想知價錢唔平 點解可以做到 味道除左鹹 豬肚只有5-6條 😅煎豪餅：我唔鐘意生蠔 但我鐘意帶壳燒烤嘅蠔同埋煎蠔仔餅 分量算OK 一食到口軟踏踏 問題係竟然係空心餅 里面好少蠔 煎麵粉🤣滷鵝片：咁精貴一碟菜 得返7定8塊鵝肉 仲係刺身咁樣薄切 最大疑問❓點解係芽菜墊底咧 而家唔講叫佢同正宗滷鵝比咩味道 但係點解可以基本品質都可以做得咁差架 滷水拼盤：味道唔太好 碟又細就算 但係唔好擺盤都係d頭頭尾尾 邊邊角角 尼d基本滷水店展出黎唔要架 咁樣呃我 真係好心痛 香港賺錢不易 唔好咁啦 避風塘炒蜆：我無見到避風塘影子 係唔係廚師煮菜果一刻 腦入邊幻想四川美女👩🏻‍🦰但係唔好意思 川菜唔係加多d乾辣椒就係川菜 擺盤又係好精緻嘅 又唔知咩風味 我未試過食飯可以一碗飯 從頭到尾一碗飯都係度 按道理人特別肚餓嘅時候 食咩都香 特別係

今晚在將軍澳吃完飯，這家餐廳平日有不少街坊光顧，由於今晚下雨，客人比平日少。餐廳是中式裝修，燈光光猛，座位頗多，坐得舒服。⭐️蟲草花雪耳燉雞點了兩碗湯補一補身。燉湯很足料，有蟲草、雪耳和雞肉。湯頭很清，加上紅棗，入口甘甜，夠滋補。⭐️蠔餅蠔餅很大一塊，一共有兩塊。炸得很香脆，裏面還有蠔，入口卜卜脆，蠔細細隻，但頗飽滿。⭐️滷水鵝滷水鵝我們很喜歡吃，滷水鵝切成一件件。滷水鵝連皮入口很美味，鵝肉很嫩，不會過鹹，很好吃。⭐️蒜炸骨蒜炸骨一件件很小，炸得很香脆。入口香脆惹味。

放假入咗將軍澳搵個friend 食晚飯，佢帶咗我去食潮州打冷。陳儀興飯店。坐底睇吓餐牌好多傳統潮州打冷菜wor 除左潮州打冷菜，仲有好多招牌小菜。鹵水鵝件鹵水汁好香濃，食件鵝試吓先，肉質鮮嫩，仲鹵得好入味Tim 正😋凍食黃油烏頭烏頭開邊上，食落啖啖肉，肉質鮮甜新鮮，配埋個麵豉醬好好味😋糯米釀大腸呢個菜我好少見有得食，所以叫咗嚟食吓，糯米煙煙韌韌包住咗啲花生食落又幾有咬口。點埋啲汁食又幾好味😋姬松茸無花果雪耳雞湯燉湯夠哂火喉，好鮮甜勁多料，又健康仲好滋潤☺️

潮州蠔餅呢度既蠔餅真係好好食，大件新鮮即炸而且蠔仔都有好多，唔會太油再加上魚露一齊食好惹味!呢個餸其實配飯或者就咁當小食配啤酒都好岩食!滷水鵝件另一樣必食既滷水鵝件，啖啖鵝肉而且仲保留到肉汁，食落鵝肉味濃而且唔會鞋，加上滷水味道好香又唔會過咸，所以配飯一齊食真係食到幾碗飯!拔絲咕嚕肉咕嚕肉香脆而且份量都算多，新鮮即炸所以可以保持到口感唔會淋哂，醬汁亦都調得岩岩好，入味但唔會過咸!無花果雪耳雞湯&茶樹菇杞子圓肉燉烏雞湯呢度仲有兩款特別既燉湯，都係一細盅入面加滿哂料，原汁原味而且新鮮熱辣出爐，即使過左十分鐘都仲係好熱。兩款雞湯都有好香既雞肉同埋配料一齊燉，時間上絕對夠火喉，暖胃又滋補!

想食潮洲菜。行行下俾我發現有*陳儀興飯店*。記得之前喺新蒲崗幫襯過。老字號食得放心D🥰。一人一碗燉靚湯。猴頭菇雪耳湯。好岩呢個時候飲。鵝肉滷得入味。滷水鵝肉份量大。我哋兩個人share都食唔晒😬。墊底仲有豆芽同豆腐。真係份量十足🤪。蠔餅一夾大大粒蠔仔真係好滋味😝。蠔餅炸得金黃酥脆。食落口唔會啖啖油。蒜蓉粉絲蒸活蝦呢個真係必食❤️。活蝦新鮮彈牙。食到我舔舔脷👅。粉絲索晒啲汁變得特別好食😋。元朗黃油烏頭王🐟一向鍾意食魚。烏頭蘸上豆醬鹹鹹香香好盞鬼😚。

五十年老字號 陳儀興飯店🖐🏻性價比極高👉🏻潮州蠔仔粥 ($72/碗) 沒錯這是一碗的份量😳🤭只需港幣$72就有一大碗了！兩個人大慨可以分到5-6小碗，蠔仔夠大粒之餘，方魚味濃烈，能突出湯頭鮮味😋潮州蠔餅 ($85) 酥脆而不過於油膩，蠔仔肉質飽滿，炸粉漿恰到好處，不會過厚👍🏻鹵水鵝片拼墨魚🦑 鵝片肉質夠嫩，重點是鹵得蠻入味，又不會過鹹🤛🏻▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ 陳儀興飯店 (嘉悅) (將軍澳)將軍澳至善街9號嘉悅地下2-3號舖更多飲食情報🍽：#muimui潮式更多同區情報📌：#muimui將軍澳 #muimui新界

✨陳儀興飯店✨ 位於將軍澳門口有兩隻獅頭鵝環境寬敞 帶點懷舊嘅味道平日晚市都坐滿晒人主打正宗潮州菜有潮州打冷、傳統潮州菜式及其他中式小菜特別推薦✨ 蟲草花圓肉雪耳瘦肉燉雞湯✨啱晒而家轉季天氣乾燥 好滋潤 好足料食潮州菜必點✨蠔餅✨口感極脆 充滿鴨蛋香味蠔肉好大隻好肥美 加少少魚露更美味✨鹵水鵝件 ✨份量多 鵝件好厚肉 滷水汁好香底下有大豆芽菜同滷水花生 好香口✨避風塘大蝦 ✨海蝦好大隻 好香蝦味每隻都痴滿避風塘脆脆 好香口✨傳統反沙芋✨好出名嘅傳統手工菜式每條芋頭都痴滿糖片同糖粉 糖粉入口即溶芋口熱熱地好香口 質感鬆化食潮州菜一定要試一試最後梗係要叫甜品✨綠豆清心丸 ✨係我鍾意嘅綠豆蓉清心丸質感煙韌有咬口清甜又滋潤💕

如今的將軍澳不但交通愈來愈方便，就連區內美食餐廳也愈來愈多，朋友剛剛搬咗入去天晉，今晚就入去探佢順便搵好嘢食。朋友話附近有間陳儀興飯店，主打地道潮州菜，是一間老字號打冷店。蟲草花雪耳燉雞湯：是濃郁美味的養生燉湯，有提高免疫力、抗衰老、潤肺養顏的功效，燉湯色澤鮮明，足料夠火候，啖啖都係精華，鮮味十足！滷水鵝件：鵝隻吸收了滷湯的日月精華，焦糖色的外皮富有光澤，加上火候控制得好，鵝件肉嫩入味，點些蒜蓉醋，令鵝肉味提升。潮州蠔餅：蠔餅香脆唔油膩，每粒蠔仔都好新鮮又大粒。一啲腥味都無，每一啖都係蠔嘅鮮味。點些魚露能令味道提升。糯米釀大腸：係傳統潮州小食，將糯米、花生、冬菇、蓮子等釀入豬大腸入面，蒸熟後切片再煎香，餡料口感軟糯，大腸帶少許煙韌。

晚上同屋企人去海濱行左陣，發現都有唔少餐廳開咗☺️之前去過太子分店食過e間潮州野，覺得都幾好🤤所以試下將軍澳分店。餐廳格局都幾新潮，唔似一般嘅潮州菜館。餐點入面有唔少地道潮州菜😋我地點左以下：🌸老火燉湯-蟲草花雪耳燉雞燉湯味道原汁原味，入面有勁多配料，平時都鐘意飲燉湯，有滋補養生嘅作用，e個湯就可以提高免疫力，抗衰老，潤肺&養顏🥰🌸潮州蠔餅蠔餅口感鬆鬆脆脆，有勁多大大隻嘅蠔仔😍好鮮味🤩海鮮控必點👍🏻🌸滷水鵝鵝件唔太膩，鵝件切得簿簿，味道好香鹵水味😍鵝件肉嫩🤤🌸沙嗲牛肉炒芥蘭牛肉吸哂沙嗲汁嘅味道，芥蘭色澤翠綠，口感爽脆👍🏻

平時都好鐘意食潮州菜，尤其係潮州打冷，最鐘意食滷水鵝、潮州蠔餅，真係每次都要食今日去到將軍澳，又行完日本超市之後，就發現附近有間精緻乾淨，地方又夠大既潮州打冷店餐廳門口光鮮，同傳統打冷店有別，而且店內坐位寬闊，用餐舒服，懷舊得來又帶點新潮的味道菜式除左必食打冷、傳統潮洲菜式及其他中式小菜外，仲有足料燉湯不可不試，真係抵食又高質，好味又大份食物方面:潮州蠔餅 : 上枱熱辣辣香氣十足，金黃脆口唔油膩，充滿鴨蛋味，蠔肉大隻肥美，蘸少少魚露帶出鮮味鹵水鵝件 : 鵝件份量多，鵝肉夠厚又唔會太肥，食落啖啖肉，滷水汁帶少少甜，再加埋墊底既大豆芽菜及綿軟入味滷水花生，加碗白飯就一流避風塘大蝦 : 海蝦大大隻，原隻開邊，再用避風塘材料炒，鹹酥香脆、蝦味十足，飯酒送飯都一流傳統反沙芋 : 糖粉入口即溶，香噴噴既芋頭甜而不膩，芋頭外層酥脆，內裏又鬆化富芋香，講究烹調功夫的甜點蟲草花圓肉雪耳瘦肉燉雞湯 : 湯料十分足料，味道濃郁，滋補潤膚又養顏綠豆清心丸 : 滿滿的綠豆蓉、清心丸煙煙韌韌，清熱利濕的潮汕特色甜品