陳儀興玫瑰餐廳

营业中

休息中

位於新莆崗的火鍋食店, 地方頗闊落, 店員招呼唔錯, 火鍋湯底和配料選擇有很多。先來一碟涼拌雲耳, 雲耳口感爽口而滑身, 醬汁麻辣, 真正醒神醒胃。我們選了椰子雞鍋煲,  一見配搭已預計惹味, 果然椰子雞煲加上紅洋蔥, 莞茜, 色香味俱佳。 雞件肉質軟滑, 吸收了椰子香味後,豐盈惹味, 半隻雞瞬間被吃光。 之後加入清湯作火鍋湯底之用。隨椰子雞鍋煲 附送唐生菜一碟, 顏色嫩綠, 味道清甜可口。松露墨魚丸, 一碟8粒, 分量足, 墨魚丸質感鬆軟滑身, 有清淡黑松露味, 可以一試.招牌手切本地牛, 廚師把牛肉片鋪放得十分整齊美觀, 值得一讚。牛肉肥瘦分佈均勻, 色澤紅潤, 入口稔嫩, 是我今晚最欣賞的火鍋配料, 所以encore了一碟。肥鵝腸, 外觀新鮮, 保留肥膏脂肪, 灼數秒, 口感爽而油潤, 不會韌口。鬼馬墨魚膠, 底層炸脆油炸鬼, 上面釀墨魚膠, 很有創意。 經過幾分鍾滾灼後,估唔到油炸鬼中間仍然脆口, 配上軟滑墨魚膠, 很有層次感。踏入初秋, 更多朋友會選擇吃火鍋, 這裡值得我推薦。

係新蒲崗返咗一星期新工. 跟同事去過玫瑰餐廳陳儀興食Lunch. 覺得都唔錯. 而且見到晚上有雞煲. 適逄老公今日放假接放工. 順便食埋晚餐. 而且天氣又涼涼地. 最適合不過. 就去返玫瑰餐廳陳儀興試吓.  雖然餐廳冇華麗裝修. 但勝在坐位寬鬆. 而且職員又好有禮貌. 餐廳有好多選擇, 有小炒/雞煲/烤魚.....我地最後當然選擇花膠雞煲啦! 花膠養顏最啱我. 半隻新鮮生雞, 有紅棗, 杞子. 花膠有大約6-8件. SIZE都OK架. 花膠送到前已經處理過. 所以好快就食得. 值得要係個湯底. 用豬骨筒餚湯. 湯裡面有紅棗, 中國芹菜, 再加上新鮮生雞一起煲, 整個湯係好鮮甜, 好正. 忍唔住飲咗2碗. 同埋, 有位四眼肥哥哥好好人, 教我地應該點樣食先會最好味. 就係滾湯之後落雞...落雞後大滾熄火焗2分鐘....食得. 哇! D雞真係好滑呀, 而且雞胸都好好食. 一D都唔鞋. 我地好少會食到一件都冇的. 今次真係冇浪費雞胸呀. 雞煲附送一份蔬菜, 有金菇/鮮冬菇/生菜/仲有一款唔知叫咩名嘅菇除雞煲之外, 我地仲叫咗一份海鮮拼盤. 有海蝦4隻, 聖子四隻, 大大隻豪4隻, 脆肉鯇魚片

天氣凍左約咗朋友去新蒲崗打邊爐，聽聞哩度嘅椰子雞煲好正，就決定過嚟試一試叫咗半隻椰子雞煲椰香好出，成煲都係奶白色，有成塊椰子肉，足料！而且雞件吸哂椰香味，好滑好香打邊爐有點少得雪花肥牛肥牛油脂分布好平均，牛味濃，屬於高質雪花肥牛喺度最出名嘅就係魚標，唔係度度有得食，咁大個既魚標！記得食前要吉穿個魚標！海鮮拼盤，有蝦，蟹，脆肉鯇，海蝦，蜆，蟶子蝦好大隻，有成個煱咁長，好爽肉，屬新鮮貨！打邊爐又點少得叫個炸魚皮啦，係呢度嘅炸魚皮係即叫即炸

秋風起，打火鍋，最合時令的好節目。相約好朋友，放工來個相聚，食下聊天，又可愉快過一個晚上。為左大家方便，就選擇了在新蒲崗附近的餐廳，聽說這間餐廳，在晚上都會設有打邊爐，推出新的湯底火鍋，滋潤養生，是我地不可缺少的選擇。除左有打邊爐外，晚上都有小菜提供。未知點咩湯底，已被隔離檯，正在食緊的椰子雞煲的香氣味道吸引了我地的味蕾，非常香的椰子味，用左新鮮椰子及椰子水湯底，香濃湯頭，滑口，雞肉大大件，略少了些低味，雞肉有質感，爽彈，越煲越入味。魚標，爽滑彈牙，女仕必食之選，富有骨膠原。海鮮拼盤，新鮮美味，吸收了椰子湯底，蟹鮮，有海水味、大蝦爽口彈牙、脆肉鯇魚片、青口、聖子，爽滑彈牙，有質感。菜肉餃子，自家製餃子，皮薄餡料多，爽口味清，啖啖菜肉。鮮炸魚皮，不可錯過，燙手燙口，非常脆口酥化，入口卜卜脆，點上湯底，兩種口感，同時享受。

今日同媽媽0係屋企附近搵食，估唔到甘易執到寶。我地行左去最近屋企又有少少睇頭既餐廳。甘耐無幫襯，原來佢依家主打火鍋。一坐低就見到醬料自助，感覺好親民。當日做緊兩個優惠，一個係醉雞湯底，另一個係安格斯牛肉。諗都唔駛諗，一於兩個點哂。而其他野食都好平，火鍋生料選擇好多，有海鮮肉類同蔬菜。價錢方面，十幾蚊一個菜我已經多年無見過了。舊區果然是舊區，物價彷彿停頓10年前，呢個都係我堅持住在新蒲崗既原因。醉雞煲，一上台已經聞到陣陣香氣，一食仲即刻心心眼。湯底酒味好香濃 好香濃好香濃（很重要所以講三次），老闆話用私人靚花雕製成的，而藥材味亦十足。跟湯底既醉雞件另上，足足半隻，雞件切得好靚無碎骨，嫩滑有香味，唔係凍壞既急凍雞。另一亮點絕對係牛肉，牛肉價錢平期望本唔太大。但牛肉份量唔多得黎原來係靚野，肥瘦好均勻。薄薄一塊，滾一滾即食，唔駛點醬汁。牛味同酒味cross over，精彩。蜂巢豆腐呢度就扣返少少分，雖然好吸汁好入味，但未完全解凍就上左台，差少少口感。雲吞係佢地自己包既，好足料有大大隻蝦，而且皮好薄，一d都唔比出名既雲吞麵店遜色。呢個叫鬼馬墨魚滑，鬼馬原來係油烤鬼甘解，而個人覺得佢鬼馬在點煮都仲

住在鑽石山的我，又係區內發現新火鍋好去處，食神又要出動啦～！！💃🏻💃🏻💃🏻 和小妹正苦惱着要去邊到食野的時候， 就發現附近有一間店面裝修好街坊feel，但名字又有點親切感的餐廳 ——「玫瑰餐廳陳儀興」（下稱陳儀興）。 點解有親切感？ 因為小編一向都要是相熟的人，才會叫中文全名，所以餐廳取其名為「陳儀興」不禁給了我一份莫名的親切感，☺️ 見門面也有不少吸引的火鍋介紹，就入去試試啦。🙈  餐廳擺設都是以普通茶餐廳裝修為主， 座位大部份都是靠牆的卡位，有電視高高掛在牆上供食客收看，  雖然沒有特別的裝修，但我覺得食個飯其實環境乾淨整潔即可。😉 餐牌除了有各式小炒選擇之外，  還有秋涼時分最適合的打邊爐和食雞煲，選擇十分之多， 除了有傳統重慶辣雞煲，又有花雕雞煲、豬肚雞煲、娘惹鴨煲等，😲  我們千挑百選，就選了味道頗為新穎的椰子雞煲（半隻）（$128）。 椰子雞煲食得多，但咁重椰子味的雞煲就第一次試。😲 平時食開的椰子雞煲，感覺都會像喝老火湯一樣，椰子味最多只是微微地滲透出來， 但「陳儀興」的椰子雞煲卻是以新鮮椰汁製成的椰漿烹調而成， 椰漿比較濃稠，明符其實的椰子味，香甜可口，又不

平時食雞㷛，通常煮得過老，雞肉鞋颯颯，今日終於有間另我滿意。不要被外觀影響，雖然有點似茶餐㕔裝潢，但食物水準不馬夫，不錯！椰子雞煲香噴噴，椰香樸鼻，濃而不膩。原來雞件經慢火煎過，所以肉質特別嫰滑。配料紫洋蔥吸盡椰子雞汁精華，特別滋味！吃過數件雞後，加入湯底再烚下烚下，和味。本地切牛肉，肉質脂肪比例均勻，入口軟熟，牛味濃郁👍黑松露墨魚丸夠彈牙，黑松露味夠搶但又不失墨魚鮮味。韮菜餃子粒粒飽滿，皮薄餡靚。響鈴炸得脆卜卜，吸了湯底精華，一流。生菜爽脆鮮嫰。今晚太飽足太滿足了。

幾位在新蒲崗上班的朋友相约收工後到附近的玫瑰餐廳食火鍋、聽說每天下班经過都吸引、今日就付諸行動约理入去試試！嘩！種類繁多、樣樣都想食！先耒一個……凉拌雲耳/38雲耳爽、芫茜香口、醬汁帶麻辣、椰子鷄煲湯底湯是香濃椰奶、比較稠一點的、料有半隻份量鷄件、配合汁料令鷄肉香滑……當滖起椰香四溢……很滋味！豚腩……瘦中帶點油脂甘香、肉質甜！拼盤海鲜+什菜/238用料非常新鲜、特別蝦和聖子很爽甜！值得一讚的是……採用本地屠宰的牛肉2O8(大) 、很新鲜、入口嫩滑、肉味甜美、有這樣的質素、抵食！！鬼馬墨鱼膠/88面層铺上蟹子的墨鱼膠下面是油炸鬼當油条吸了湯底的味又保留了脆脆的口感、好味！好特别！响鈴自家制的、好脆！1松露鱼丸食落滲出陣陣松露香味、冰豆付有咬口、好一味！

新蒲崗陳儀興小菜食過幾感覺水準不錯，得知兄弟店專食平靚正火鍋，今次約埋三五知己一齊奉場。餐廳地方寬敞，難得的是侍應招呼細心周到，可能以街坊客為主，份外親切！未人齊先來一客“涼拌雲耳”($38) ~ 麻辣爽脆，零舍醒胃，佐酒一流。玫瑰鍋煲有多款口味，有雞有魚有鴨等，亦有辣有唔辣, 真是有些選擇困難。幾經決擇終於揀了“招牌娘惹鴨煲”($148 半隻 ) ~ 熱騰騰的娘惹鴨煲果然風味濃厚，顏色鮮艷奪目，芳香微辣，鴨肉肉腍入味。輪到我們至愛“本地肥牛”($208 大) ~ 入口鬆化，牛味濃郁，簡直令人難以抗拒，一定要encore ！賣相漂亮的“海鮮併盤”($238) 用料豐富，有鮑魚，鮮蠔，帶子，蝦蟹，鮮魚片等，款款鮮甜味美。“鬼馬墨魚膠”($88 ) 外面較少有，上面是白滑黏口的墨魚膠，下面是油炸鬼，放湯後外軟內脆，非常有層次感。“肥鵝腸”($88) 爽口而不肥膩， 沾滿娘惹汁份外惹味, 亦是佐酒良伴。“松露墨魚丸”($98) 新鮮彈牙，味濃的黑松露豐富了味淡的墨魚肉，兩者互補長短，份外出色，亦較普通墨丸特別。其他的“蜂巢凍豆腐”($38)及餐菜(免費)亦有一定水準，不愧為“街坊靚火鍋”！

今天住在新蒲崗的朋友帶我來到這家位於工廠區的玫瑰餐廳。原來都不難找的。吃完飯九時半左右，附近仍然燈火通明，搭車回家也挺容易呢！想不到這裡環境光猛整潔，坐位闊落。服務像街坊般的親切。我們先來個椰子雞煲，吃完雞件再加淸湯吃火煱。椰子雞煲加了紫洋葱，令湯底更香甜。雞件大小適中，肉質有彈性脂肪較少，吃完了雞件，那椰子湯底也不會覺得油膩。手切本地肥牛：牛肉油脂分佈細膩均勻，入囗溶化，牛味好重，吃至停不了口。鬼馬墨魚膠：墨魚膠既有墨魚的鲜味，又有彈性。而油炸鬼吸收了滿满椰子雞的清香，在煲内滾越長時間越好吃。脆肉鲩魚腩：魚肉質地新鲜爽彈又美味！極品西班牙豚肉：薄薄－片片的豚肉，肥瘦相間，稔彈而有肉香，忍不住要吃多幾片。蜂巢凍豆腐：吸收了湯汁的凍豆腐變得稔稔軟軟，味道豐富。唐生菜很新鲜爽甜，連墊碟的幾片也不放過，也一併灼熟吃掉不浪費。這入秋的第—鍋真是滿意呢！

突然間好想打火鍋或者食雞煲，但系我只豬仔唔食得辣，於是上網揾到呢間餐廳，諗住求其食飽就算。入到來間野唔算好大，但系有卡位有包房，都幾得意。我地胃寒，所以叫左胡椒肚肚湯，都等左十幾分鐘先有得上，胡椒味勁香，聞到已經好想即刻飲返兩碗，不過老細話煲多陣，放小小野落去滾下先再飲。前前後後我地各飲左六碗，爆肚了就來。不過啲豬肚唸左小小。本來想試下啲蟹，於是問下價錢，個姐姐仔走去問左，跟住返來推薦我食龍蝦，88文一只，甘既價錢，當然要試。估唔到真系物超所值，絕對新鮮，甜，彈。正。以後來食我都要問下有咩廚師推介正食。。見到menu上有脆鯇，當然要點。好正宗，脆，彈，越嚼越香濃，不過千萬要小心的細剌，慢慢食。呢餐，點左都八九種料，都系三百幾，勁抵食。以後打火鍋唔使系屋企整了。開心

今次係我第一去新蒲崗覓食，經朋友介紹下，我同朋友去左玫瑰餐廳打邊爐！餐廳環境寬敞，晚市除左有打邊爐之前，仲有小菜比你揀。入到去，侍應就介紹我地試下呢個好事成雙嘅優惠。$128有個醉雞鍋，加多$38仲可以要碟細嘅安格斯肥牛湯有好濃郁嘅藥材味，原來都幾足料，有當歸、淮山、杞子同紅棗。醉雞會另外上，就算只得半隻雞，份量亦好多。已經雞一早已經用酒醃過，所以味道都夠。最抵讚係雞件都幾嫩滑先前提到可以用$38換個細嘅安格斯肥牛，我當然唔會蝕底，所以都叫返碟。肥牛新鮮，色澤紅潤，而且雪花分佈得好均勻。肥牛肉質腍身，以$38黎講，算係好抵食。除左牛，我地仲叫左黑豚肉，但肥瘦各估一半，對我而言係相對比較肥。既然有雞、牛同豬，又點少得羊呢！羊肉片羶味極濃偏愛羶味嘅朋友就非常中意，但我自己就一般喇！我地仲叫左三寶丸(貢丸、蟹籽丸同龍蝦丸)同烏冬。差啲唔記我我地仲叫左響鈴，原來佢係即叫即炸。響鈴卷大大件， 放入火鍋幾秒再夾起，就會變得外腍中間位脆，不過真係好油啊！整體黎講，呢間小店價錢唔貴，食物質素都唔錯，同朋友一齊黎打下邊爐、叫下小菜都幾好。唯一真係比較難搵到，而且交通唔夠方便！

上次我阿爸跟二伯父帶我去這裡 後😋好嘢當然要帶埋朋友去食都係果句，地方比較地踎一點😌但千萬別忽略小區小店的誠意最近做緊✌️好事.成雙優惠🐔🍲花雕醉雞鍋$128(半隻) 再加$38有細🐮安格斯肥牛一碟個湯底藥材跟花雕都幾足料濃郁，雞件有用酒跟調味料醃過😋所以好夠味而嫩<招牌手切本地肥牛> 🐮+$38 (小)雪花分佈平均，牛味適中，肉質嫩滑帶一點少咬口~ <松露墨魚丸> 🍡$98 成粒丸都好彈牙，一啲都唔粉，墨魚味濃郁足料，食食下仲滲出一點松露味 反而想講一下碟 <牛柏肉> $68口感非常爽脆，真係有少少一試難忘😍點解出面火鍋店好似未見過羊肉片就偏重羶味，我就麻麻地😅但我2個朋友話勁正，所以口味好個人主觀