陳儀興玫瑰餐廳

营业中

休息中

黎緊星期六冷風又到除左食煲仔飯我仲有好介紹就係食羊腩煲！滾下滾下已經感覺好溫暖而且食完羊肉真係會成身暖笠笠不過我都好怕羊羶味所以我只會去陳儀興玫瑰餐廳食佢個羊腩煲好啱我口味濃而不膩羊肉唔羶份量又多件件都肉多骨少🤭配料枝竹、馬蹄、冬菇入味冬菇夠厚馬蹄又爽加埋生菜滾一滾又食得諗返起又想食😂除左羊腩煲我都鐘意食佢地嘅小菜鑊氣嘅有家常嘅有今日食完羊腩煲我地就加左個薑蔥桶蠔桶蠔外脆內嫩❤️香口鹹蛋蒸肉餅肉餅鬆軟唔死實鹹蛋味香好好送飯🍚九層塔燒汁胡椒脆雞雞球炸得香香脆脆外層蘸上燒汁入口甜甜地到中段會有胡椒香幾特別次次黎親都至少一人一碗白飯食到勁飽先肯走🤭

近幾年新蒲崗已經由一橦橦工廠大廈轉變成有食店有娛樂嘅一站式娛樂地區，而今日襯天氣急降，就即興過左來食翻個羊腩煲暖暖身。💖😋 好幸運地被安排坐卡位，兩個人舒舒服服坐，不過間鋪本身空間感都好大，所以相對舒服既。羊腩煲，398蚊，煮得骨肉分離超級入味，而且大大舊，絕對係對得住個價錢有餘，配料有冬茹枝竹加一大碗生菜，令人食唔停口。🥹餐廳既自家製涼茶都值得試，真材實料，少甜，打邊爐飲呢啲夠養生夠健康，女士和健康人士恩物。💖前往方法：鑽石山站行15分鐘左右

今天食既係一家位於新蒲崗的陳儀興玫瑰餐廳，這裡是一家以中式料理為主打的餐廳，特色菜式有番茄薯仔海鮮蟹煲和不同既火鍋配料。我這次品嚐了他們的番茄薯仔海鮮蟹煲，裡面有鮑魚、蜆、蟹，連湯都是那麼鮮甜，真是讓我驚喜不已！首先，讓我們來品嚐這道番茄薯仔海鮮蟹煲。一打開鍋蓋，迎面而來的是滿滿的鮮香味！番茄湯底紅亮誘人，搭配著薯仔的濃郁香氣，讓人垂涎欲滴。在湯裡，還有豐富的海鮮，鮑魚的鮮嫩滋味、蜆的鮮甜韌勁和蟹的鮮美肉質，每一口都帶來滿滿的驚喜和滿足感。湯的口感濃郁，卻不膩口，讓人欲罷不能。這道番茄薯仔海鮮蟹煲絕對是必吃推薦！除了番茄薯仔海鮮蟹煲，他們的火鍋配料也非常驚艷。火鍋裡的水魷鮮嫩彈牙。而安格斯肥牛則是肉質鮮嫩多汁，入口即化。這些高質素的火鍋配料絕對能夠令你的味蕾感到滿足。

一到冬天，必吃羊腩煲同雞煲！黎到陳儀興，晚市竟全場爆滿，好彩有book位。今年呀媽嫌煩唔煮羊腩煲，就食佢啦！一大煲超足料，有必食既枝竹、馬蒂、筍、冬菇。啲羊腩炆到軟淋，而份量真係唔少😂餐廳配左個腐乳汁沾醬，非常過癮。到最後兩個差唔多食唔晒，我估三個人食都夠。另外加點佢推薦既花枝丸勁彈牙。個薯粉同個汁都好夾。我諗下年係唔煮了，自己煮要整同買好多配料，黎呢到食真係快靚正呀！食到暖笠笠，滿意地離開😌

今日係新蒲崗收工見都有啲夜，返到屋企啲餐廳都收哂工，所以就叫埋同事一齊食埋晚餐先走，同事提議打邊爐，所以就行咗兩個街口嚟到，本身諗住打邊爐，但係見到枝竹羊腩煲幾吸引，而且近排天氣都幾凍，所以我哋就揀咗食羊腩煲。餐牌食物選擇都好多，而且絕大部份都可以雙拼，呢個雙拼做法非常好，適合啲咩都想食但個胃又食唔到咁多嘅朋友仔。落完單冇耐羊腩煲就好快送到，餐廳非常有誠意，枝竹同羊腩份量非常多，而且又夠入味。另外亦叫咗炸響鈴、鬼馬墨魚膠、豚片同安格斯肥牛，響鈴新鮮炸起所以非常脆口，墨魚滑配油炸鬼呢個食法自己超級鐘意。

踏入冬天，即約埋個fd去食羊腩煲暖暖身！！先叫咗個羊腩煲，成盆咁上入面好多枝竹、羊肉等，十分有誠意☺平時食羊腩好怕有騷味，但呢到好輕微，口感都相當軟稔~ 亦都有腐乳醬點羊腩，但我覺得乜都唔落好夠味！枝竹好吸味，真係好正~食完成個人都好暖~可以邊食邊打邊爐，火鍋配料好多，所以都揀咗肥牛，雪花分佈平均，牛味濃😂響鈴都係必食，吸曬啲湯汁，真係食唔停~加多個米粉，整咗個羊腩米😂真係勁飽😂飲品方面 除咗一般汽水，仲有健康飲品， 要咗羅漢果茶飲落好舒服，味道唔甜！陳儀興玫瑰餐廳⭐新蒲崗爵祿街33A-37A號百勝工廠大廈地舖

近排天氣轉涼火鍋邊爐當然就係絕佳首選，今晚同朋友就到了這裡食飯，一半想食火鍋一半想食小菜店員就推薦了食迎排推出嘅「羊腩煲」，落單後店員先準備了香濃腐乳醬料，當羊腩煲上枱後再在火爐上先滾滾，整鍋都鋪滿了不同美味配菜。羊肉經過充分燉煮，入口肉質酥軟入口即化，而且完全沒有腥味！而配菜方面，有新鮮爽甜嘅竹筍、爽口香甜嘅去皮馬蹄和大大塊嘅炸腐竹，它們都充分吸收了湯汁，口感鮮嫩多汁！整鍋的味道調和得恰到好處，不會過鹹，喜歡食羊腩煲的朋友必食推薦。小食點了避風塘粟米，以大量炸香蒜配上香甜多汁粟米🌽，又係另一種風味，朋友都十分滿意！小菜就落了玫瑰小炒皇，大大碟之餘份量十足，有大大隻蝦乾，蝦乾入口口感煙韌惹味，加埋彈牙魷魚，夾埋清新爽口嘅韮菜一齊入口，又係另一個必食之選！而個人較喜歡💕嘅鹹魚蓮藕煎肉餅，煎得十分香口，肉餅內夾住鹹魚粒，入口會感受到淡淡魚香之餘，還有爽口蓮藕混在煎肉餅，所以十分有口感。食完全身都好暖胃醒神，一個地方可以選擇到自己喜歡嘅食物，這就是人生！

陳儀興玫瑰餐廳 (新蒲崗).平日夜晚但都好爆場，我地八點食緊都幾乎全場爆滿.▪️枝竹羊腩煲▪️.今晚咁啱天氣轉涼了，羊腩煲真係一個好選擇！超香，本身煲都充滿腐乳香，入面有大量羊肉，連皮又嫩口仲有索味配料枝竹，爽口馬蹄，另外仲有一盤生菜🥬.▪️潮式墨魚餅▪️.炸到金黃色，上枱啱啱炸起好熱氣要等一陣墨魚勁彈牙！.▪️蝦乾濃湯娃娃菜▪️.蝦乾好有味，點綴娃娃菜，勁好食.▪️ 蒜茸粉絲蒸蝦▪️.時價但都係$148，價錢合理，全全部開邊巴入味另外再有大量粉絲！.📌 陳儀興玫瑰餐廳 (新蒲崗)新蒲崗爵祿街33A-37A號百勝工廠大廈地舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

冬天一定要食羊腩煲，男朋友帶左我黎呢間舖頭試下，間舖頭坐滿曬人，好有大排檔風味，我諗味道都唔錯👍我地叫左1️⃣羊腩煲💰398羊腩煲份量好足夠，裡面有大量配料，包括馬蹄、腐竹、冬菇，當然唔少得羊肉，呢度嘅羊腩連皮，咬落去好軟焾，啖啖肉，點埋腐乳食，更加好食。羊腩煲會送個生菜，用黎打邊爐一流😍2️⃣手切肥牛💰208食完羊腩煲叫左個肥牛打邊爐，手切肥牛油花好均勻，食落好重牛味，肉質好柔軟，好正👍3️⃣胡麻淮山係Google 5 星好評，可以有個小食送，口感清涼，淮山凍食都幾好味😋4️⃣圓肉紅棗薏米水💰20飲落清甜，好香圓肉紅棗味，啱曬食羊腩煲飲5️⃣金銀花茶💰20飲落甘甜，下火一流🥰消費價錢：2人💰646，人均💰323結論：（10分為滿分）味道：7.5/10性價比：7.5/10回頭指數：7.5/10餐廳名稱：陳儀興玫瑰餐廳餐廳地址：新蒲崗爵祿街33A-37A號百勝工廠大廈地舖

朋友🧒喺新蒲崗返工，呢日天氣涼涼哋，朋友🧒話不如帶我食好味羊腩煲，有朋友🧒帶食好嘢，咁我梗係開心出發去新蒲崗啦🤣$398「枝竹羊腩煲」：非常大嘅一煲，裏邊有好多羊腩，羊腩有大件有細件有連骨有淨肉，全部都炆煮得好腍好軟熟，好好羊味😋；其他配料包括 馬蹄、枝竹、筍、香菇、香蔥，材料真係豐富😋；羊腩汁亦都好正，味道勁濃郁，朋友🧒同我都忍唔住飲咗幾啖🤣；羊腩汁 要嚟淥唐生菜，唐生菜吸收晒羊腩汁勁好味🤩；淨係食呢個「羊腩煲」我哋兩個人都飽咗大半👍🤩，朋友🧒同我食完都成個人感覺暖笠笠🤣$148「三蝦濃湯煮勝瓜」：「三蝦」係「蝦仁、蝦亁、蝦米」，要嚟煮勝瓜，令到勝瓜十分惹味🤩$88「椒鹽雞軟骨」：外邊嘅脆漿厚厚哋炸到脆卜卜，香口好食🤩$20「圓肉紅棗薏米水」：飲落感覺好滋潤，仲真係有 圓肉、紅棗、薏米 可以食🤩

羊腩煲，今次都係食陳儀興，即係上次食潮州菜果一間🔥質素依然有料到枝竹羊腩煲份量超多🐑🐑🐑嫩羊腩和滋補的枝竹烹製而成。羊肉經過長時間的燉煮，肉質鮮嫩多汁，搭配枝竹的香氣，味道濃郁。食完羊腩打個邊爐🤩🤩🤩鬼馬墨魚膠墨魚膠通常具有彈性和嚼勁，搭配特殊馬蹄同埋油炸鬼🤝🤝🤝非常有心機！海蝦新鮮，88蚊有8大隻，不錯🔥🔥花膠仔具有柔軟的口感和濃郁的味道，吸曬味，正！🐟🐟麻辣香芹餃包含香芹和辣椒等，有特殊的風味。🔥🔥鮮蝦雲吞和手打鮮蝦丸2個既蝦肉都夠多，份量十足🤝美國桶蠔蠔肉鮮嫩多汁，有豐富的海味和濃郁的口感🍺🍺

上次同男朋友黎食完牛雜雞煲後，男朋友就愛上呢間既火鍋，變左佢同朋友約會聖地😆。秋冬起，佢見陳儀興推出羊腩煲，近排天氣又凍番，所以決定黎試下。呢道羊腩煲價錢唔貴$398 仲會送一碟菜。 之後可以加清湯打埋邊爐。羊腩煲既湯汁十分濃郁，材料好豐富， 有齊支竹， 冬菇 ，馬蹄竹筍等材料，羊腩肉質鮮嫩多汁，好軟腍，勁好食🤤，馬蹄清爽口感同微甜既味道，可以平衡羊腩既油膩感。枝竹同竹筍吸收哂羊腩湯既精華， 成個羊腩煲真係超正， 又足料，我地2個人食完一煲都7成飽，勁適合多人食用，秋冬真係必點👍🏻食完加入清湯打邊爐，我地叫左粒粒章魚丸拼香菇貢丸，章魚丸大推！真係超香同埋入面有章魚粒，口感爽彈。麻辣香芹餃同芥末西芹餃超有特式，店鋪自家製，皮勁薄，餡料好足，鐘意辣既刺激感岩哂。另外豆腐同西洋菜都係打邊爐必點菜式。飲品必點大大杯凍檸茶，勁抵飲！打邊爐必備😝

同事好鐘意食羊腩煲，今日放咗工，佢帶埋我哋嚟食。員工風趣有禮，招呼周到。我哋點咗個羊腩煲及一些小菜：🐑枝竹羊腩煲，送時菜$398呢煲羊腩煲好足料，炆得勁腍滑惹味，羊肉鬆化，連皮都也炆得軟腍。配料都好食，有枝竹、花菇和冬筍等，吸收晒啲湯汁精華，香口濃郁，我哋當然連湯都唔錯過，用嚟焯生菜一流哈😋🥢果皮蒸鮑魚$144每人一隻，新鮮嘅鮑魚以果皮清蒸，味鮮口感爽脆。 🥒三蝦濃湯煮勝瓜$148以蝦仁、蝦乾、蝦米、芹菜及雜菌等煮成濃湯，令清甜嘅勝瓜多了鮮味。🐟蜆芥鯪魚球$72好耐冇食，一客6粒，外層炸得香口，裡面很彈牙，沾蜆芥醬，好滋味😋。✨羅漢果茶$20 x 3自家製的，清清熱氣🌱

想分享一間係新蒲崗嘅餐廳，個名叫做「玫瑰餐廳陳儀興」。今晚呢幾日翻風凍咗少少，就點咗一個羊腩煲暖暖個胃，同時附送咗一碟生菜，今年冬天都係第一次食羊腩煲，所以好期待。個羊腩煲真係冇令到我失望，鮮嫩嘅羊腩同埋枝竹。羊腩煲裡面嘅羊肉質地鮮嫩，滋味濃郁，枝竹令湯底更加香濃。每一口都充滿了濃濃嘅羊肉香。而且，加埋碟碟生菜，可以搭配煲仔菜一起享用，可以平衡返個油膩感。之後，我哋再加湯可以打邊爐。如果你鐘意打邊爐，咁就啱晒你啦。我覺得間餐廳啲配料都好新鮮，可以根據自己嘅喜好去煮食材。冬天打邊爐真係一個享受，特別係同朋友或家人一齊分享，一邊食一邊傾偈幾開心。我哋仲叫咗一份鮮蝦餃去打邊爐。鮮蝦餃皮薄餡多，鮮甜多汁，同湯底一起煮熟，味道更正！而且餐廳特別推介嘅自製涼茶都值得一試。呢度嘅自製涼茶用料真材實料，唔會太甜，正好可以幫助解渴同降火。雖然餐廳對我嚟講有少少遠，但係呢間餐廳非常之出色，我一定會再去幫襯。

趁住天氣涼涼地，去食羊腩煲打邊爐🥳 平日夜晚接近坐滿😲 大部分都係三五成群打邊爐，大枱都坐滿哂，非常熱鬧🍻🐏枝竹羊腩煲好足料🤤 有新鮮枝竹、馬蹄、冬菇等配料，非常入味😋 羊腩夠羊味，炆得軟腍又入味😋 係得一嚿羊腩切得比較大，有少少難咬開🤏🏾 羊腩煲附有生菜，另外再加咗幾碟配料打邊爐餃子同丸類都可以雙拼，彈牙魚皮餃同粒粒章魚丸都好好味😋 見到牆上推廣貼紙，即場留評價有小食送，店員表示係送胡麻鮮准山，不過食飽咗就冇留到評價換小食🤰🏽🤣飲品點咗圓肉紅棗薏米水，有袪濕、補血同益氣之效，啱哂港女養生👸🏽✨