陳儀興尚潮樓 (英皇道)

营业中

休息中

🇭🇰陳儀興尚潮樓·金牌紅燒翅 & 潮州鹵水拼盤 $488老實講如果我地自己食飯嘅話 我地應該唔會嗌呢個 不過因為店員推介完之後我媽咪對個紅燒翅好有興趣 所以我哋就嗌左 估唔到最後都真係幾好食 我媽咪超滿意😂😂雖然佢個紅燒翅係一人份 但係佢係超大碗 我哋三個人分每人都有兩碗仔🤣🤣而且佢係真係密密麻麻好多翅 勁足料 調味都好好 食落好開心 我媽咪覺得超抵🤑🤣之後佢個鹵水拼盤份量都比我想像之中多 佢入邊嘅墨魚同鴨腎都整得岩岩好 入味得黎口感好好🦑之後五花肉都唔會話太肥 我自己幾鍾意🐷不過個豆腐我自己就覺得唔算話超級入味😂·欖菜肉碎炒飯$118 l 厚菇芥菜煲$128 l 反沙芋頭$88之後佢個炒飯係超有驚喜 佢係真係炒到勁有鑊氣 入邊有海量既欖菜 肉碎 同埋冬菇粒 所以食落勁香 好惹味 我地好鍾意🤤🤤之後佢個厚菇芥菜煲都好有驚喜 佢個芥菜煮到好好味 完全唔會澀 而且個冬菇都好多 之後佢入面個上湯都好好飲 所以最後我地係清少成煲😈😈最後個反沙芋頭就係我媽咪同店員吹水吹得開心 佢地請我哋食嘅 但係因為其實我唔係特別鍾意食芋頭 所以我都唔知佢算唔算好食🤣🤣·#rbyeat#rby港式 #rby中菜

相約長輩級朋友吃飯，一定要食中菜!今次黎到新開張無耐的<陳儀興飯店>，朋友一早已係熟客，樓面姐姐識做留咗張靚枱比我地坐。午市有套餐食，仲可以揀招牌的滷水鵝片、鵝件、鵝腸、豆腐等等，百幾蚊就可以試到招牌菜式，仲有埋湯、飯或粥，幾抵食!鵝掌剪到一隻隻腳趾好方便食、豆腐係硬心傳統豆腐、墨魚片好爽必試、鵝片反而一般無咩驚喜，紫菜湯好足料無沙

👍🏻滷水雙拼 $168（鵝腸、新鮮大墨魚）滷水入味，仲有豆腐😝，鵝腸同墨魚都彈牙🥢魚露金不換炒聖子皇3隻 $286加左魚露鮮味十足，不過唔太抵🧇汕頭煎蠔烙 $128最推介！蠔餅大大塊，好似pizza，脆身多蠔又大粒，重點系唔厚粉👍🏻🍜家鄉炒潮州麵線 $128唔建議，普通炒麵，淡味另收茶位$15

🥢滷水鵝片🦆💬方便唔鍾意吮骨嘅人，起晒骨厚切啖啖肉，滷水汁嘅香入晒味，非常有水準😋.🥢滷水鵝拼鵝腸🦆💬但識食嘅就鍾意連骨吮，咁先至原汁原味，鵝腸爽口彈牙，非常有口感😋.🥢魚露浸花甲💬真係非常非常之吸引，色香味俱全，精美而且鮮味，真係食唔停口😋.🥢蠔仔🦪方魚肉碎粥💬點可以唔叫蠔仔粥，無可能係唔好食，就係呢一種家鄉嘅味道，暖晒胃😋.🥢古法炸棵肉/傳統炸蝦棗💬乾身唔油膩，香口又夠彈牙，兩款都一樣咁出色，食到傳統嘅美味😋.🥢反沙芋💬的確係非常之出色，熱辣辣嘅感覺，外面沙糖皮包裹住，甜而不膩真係超級勁好味😋

Nicely decorated and space is well defined. We ordered duck thigh rice and oyster soup rice. Hard to have such authentic and tasty dishes. No msg and thigh is done right and oyster is fresh and soup rice is well seasoned. Would definitely recommend anyone to come and walk round hkeast.有格調的潮州菜館我和友人點了鵝髀飯蠔仔粥鵝髀夠味冇渣蠔仔飽滿鮮味強烈推介

星期日晚（15/1）去試吓，訂枱要分時段，六點半就要八點鐘交枱，下一輪就八點十五分，最終訂咗頭輪，準時到達，並且安排好入座。招呼感覺很好！價格中等，7個人叫咗以下：半隻去骨滷水鵝煎蠔餅蝦蟹棗雙拼春菜煲一碗鷹䱽粥，唔記得影相兩面黃清心丸綠豆爽，無影相，但因為有人試咗發覺有變壞嘅味度，同主任反影，佢即刻cut咗呢個order再建議轉反沙芋（免費）整體出品家人都很滿意，相比一些名牌潮州飯店更加美味，尤其滷水鵝，大家都一致叫好，而主任面對客人投訴食物有問題時，反應快而且貼心，抵讚👍🏻

Overall, the food was decent. The manager in charge of our table was attentive and welcoming. I don’t recommend ordering the crab and the clams since they lacked flavor and were pricey (crab was around 700). The floor is quite slippery, so be careful (a customer almost slipped and fell).

中午套餐抵食，跟餐有個海鮮湯，鮮甜，冇諗過會有硯有蠔叫左個欖菜肉碎炒飯同炒芥蘭，炒芥蘭又有方魚調味，食到一半先記得影相🤣環境舒適。之前食過其他分店，都係而到近我啲，下次再嚟🥰

裝修、環境都唔錯個花甲以為係招牌菜、但完全無驚喜淡茂茂套餐一碗翅 + 沙菜牛肉芥蘭 $488 個翅非常啱錯，牛肉個味都幾好滷水三寶有鵝肝、鵝片同鵝腸、豆腐墊底，幾好味！

見圖，影出嚟都交足功課。但鵝片既肉質偏鞋，只可說好有咬口，有點似落左豉油嘅煲湯瘦肉。$188川朝雞，同樣賣相吸引，但係重點嘅川椒葉，就算揀乾身嗰塊咬落口都係淋咗嘅沒有脆卜卜。最後放棄晒所有村椒鹽平時我係會食晒。失分。糖醋麵。普通。同樣沒有口感，提供既醋也不香。整體感覺比美心潮江春貴，但冇更好食。結賬$651。唔會再來

滷水鵝三寶，鵝腸爽滑彈牙，鵝肝味道算不錯，唯鵝肉比較乾柴，以三百元來說，份量偏少。滷水汁不算味濃。九肚魚烙，蛋少魚多（！），蛋漿不算脆，和魚肉混合起來的口感比較軟。個人認為這種質感較一般蠔仔餅好吃。乾貝春菜煲，春菜很腍，亦被高湯浸走大部分菜味。很普通。咸菜胡椒浸台山蠔，比較特色的菜式。很重胡椒味（類似胡椒豬肚雞湯），咸菜不太咸，蠔有一點點腥（有些人會覺得這是鮮味）。味道還是不錯的。反沙芋頭，據說很巧功夫。由相片來說，功夫應該合格。有很清晰的芋頭味和糖衣味，不過個人不太懂得欣賞這道菜。埋單三個人1078元。總括，比一般集團式餐廳明顯較好（價錢相若），不過味道不算有驚喜。如果你吃飯旨在欣賞菜式，而不在於吃飽暖身，那麼可以試試海鮮款式（涷蟹、各種魚類），手工菜等，或許會帶來驚喜。