阿閒泰 (K11購物藝術館)

营业中

休息中

泰國菜相信大家一定成日食，但最近興起食fusion泰國菜大家又試過未？早幾日同老友去K11 Art mall行街，行到餓餓地見到阿閒泰環境幾好，Menu d食物又幾岩食就入去試試阿閒泰位於K11 Art mall 2樓餐廳採用綠色裝潢，有點文青feel🌱青檸特飲有酒精 $62呷下有很香的薄荷葉味道，配上青檸的酸味解膩一流椰青沙冰 $68一上枱被這個份量嚇親，飲落口好清涼解渴！份量大到走果陣都未飲完酸辣柚子沙律 $88柚子新鮮爽脆，口感酸辣，加上炸蒜香料等等好適合作前菜享用泰式香葉炒肉碎配炸米餅 $98每次食泰國菜我都一定會點肉碎生菜包。而阿閒泰有這個肉碎配炸米餅，當然要試試米餅炸到脆卜卜好香口，夾埋有小小辣既肉碎一齊食非常惹味啊❤️虎蝦卜卜蜆冬蔭米飯 $158平時成日食西式risotto，但今次係第一次食泰式冬蔭功味既，估唔到泰式risotto又幾特別。配埋虎蝦同卜卜蜆，海鮮 X 冬蔭功永遠是prefect match的組合兩個女仔叫三個餸加兩杯飲品綽綽有餘

今日朋友帶嚟K11食呢間阿閒泰，比我感覺係新派泰菜！食物質素都幾好。泰式香葉鴨肉肉碎泰式生菜包就食得多，但係鴨肉的生菜包我真係第一次食! 都幾辣! 但係酸酸咸咸的肉粒，襯埋D小洋蔥鴨肉一齊炒，又幾好食，仲好開胃。伴碟的蝦片都好好食！脆皮豬頸肉伴自家製檸檬蕃茄醬朋友飯聚必點小食! 呢個豬頸肉真係勁邪惡，炸到脆卜卜! 個檸檬蕃茄醬仲好襯，雖然好熱氣，但係食到我唔停口。青咖喱帶子蟹肉意大利麵幾朵花仔又幾靚! 青咖喱味都幾特出，新鮮帶子再加埋啖啖蟹肉的意粉，值得一試!阿閒泰冬蔭功濃湯野米糙米飯果然係推介之選! 自從想食得健康D， 搵咗好多關於降膽固醇的食譜。知道糙米係非常之好，見倒呢個咁特別的冬蔭功濃湯糙米飯緊係要試下! 冬蔭功味好香濃, 飯質似 Risotto，配上糙米野米，口感更有層次。青口大蝦仲吸哂冬蔭功酸酸辣辣的味道， 好食! 出色！椰青滑冰好彩嗌咗呢個冰，食生菜包食到好辣，呢個滑冰勁解辣!餐廳環境都幾舒服，但晚飯限時90分鐘，大家唔好掛住傾計喔！

泰西融合人氣餐廳 最喜歡他們的船粉🚢～～～好耐都冇出街享受一下，日日返工都好鬼忙。是晚難得老細早少少放人，可以早收工，就嚟咗K11呢邊，行吓街同食嘢。～～～排隊排咗5分鐘左右就有位，八點左右餐廳都幾乎滿座，去唔到旅行嘅香港人，似乎真係攞晒啲錢去食好西😄。～～～🥢睇過餐牌之後叫咗阿閒泰秘製滷豬手 烤原個椰菜花配青咖喱醬 泰虎蝦卜卜蜆冬陰功意大利粉 印度薄餅同手切豬腩肉豬肉丸船粉等等～～～🐷阿閒泰秘製滷豬手：肥美嘅滷水豬手 入口非常軟腍 而且滷水汁滷得好入味 肥瘦適中 食落去係唔辣嘅 另外就係佢哋嘅汁味道有少少特別 同平時嘅滷水豬手有啲唔同 甜甜地咁 令到豬手有種獨特嘅甘香～～～🥦烤原個椰菜花配青咖喱醬（另外加咗印度薄餅黎配搭）：貌相非常得意嘅原個椰菜花 上台之後就用匙羹敲碎食用 就咁食椰菜花覺得佢唔算好濃 比較清新 但係用印度薄餅黎點 成個味就會辣同濃 一碟餸雙重味道 不錯 另外印度薄餅嘅邊緣亦都好香脆～～～🦐泰虎蝦卜卜蜆冬陰功意大利粉：泰國同埋西式嘅組合 配合得恰到好處 意粉軟硬適中 由於卜卜蜆唔係時令嘅關係 所以店員幫我哋轉咗做青口 虎蝦亦都大隻爽口 冬陰功汁底則微微辣 幾開胃～～～

餐廳裝修以泰式田園風，用木材、綠色植物、藤器等作為裝飾。環境舒適，座位闊落餐廳主打泰國西式Fusion菜，西式烹調結合泰國食材，嘗試新派Fusion菜味道食物方面:泰式椰香卜卜蜆湯(2人份量) : 蜆湯份量十足，很香的椰子味，蜆肉大隻鮮味，加上香茅、香草和菇湯，味道甜甜很惹味泰式冬蔭功海蝦手拉薄餅 : 薄餅香脆，冬蔭功餡料微微酸辣，食落開胃酥炸軟殼蟹芒果牛油果他他 : 軟殼蟹外脆內軟，芒果牛油果同蟹肉層次分明，非常美味Ours Tips : 餐廳晚市較多客人光顧，建議預約訂位

My friend and I went to a restaurant called "Ahan Thai" (Shop 219, 2/F, K11 Art Mall, 18 Hanoi Road, Tsim Sha Tsui(尖沙咀河內道18號K11購物藝術館2樓219號舖)The restaurant has greenery around it and adopted south east Asian style decor."Deep fried chicken in Thai style"泰式炸雞HKD$168The chicken has golden crispy skin.The meat is soft and tender...Large portion.Value for money...Pairing with shredded green apple salad which adds some brightness and sharpness to the dish...Yummmmmmm.Recommended!"Fried whole Barramund

之前見到有朋友食所以就黎試吓，但點知都幾失望😔😔侍應啲態度好差😡😡我哋坐咗一陣諗住叫杯水飲吓先，但我哋叫咗三次先有🙄🙄仲要餐廳都冇乜人😐🤷🏿‍♂️如果你話好忙我哋都會體諒吓食物方面真係唔知點樣評論，碗湯麵有牛扒，係幾特別嘅🤔得嗰兩粒牛丸係好味😶另外一碟炒粉就冇乜味，食到好無胃口😖😖🤮價錢仲要唔平飲品OK嘅，封面嗰張係鴛鴦，佢用咗奶茶來做冰，咁杯嘢飲就唔會變淡👍🏼👍🏼另外一杯柚子蜜嘅凍飲，飲落好似有啲黃皮味道😲😲📍 阿閒泰 (尖沙咀)尖沙咀河內道18號K11購物藝術館2樓219號舖

最近放工都比較夜，尖沙咀最近晚飯都開始熱鬧起來，經過K11 見到阿閒泰有排隊人龍，想起fusion泰國菜，朋友就決定坐低試吓。脆炸薯條泰式三色醬 $58放工大家目的都係傾偈散心，叫個粗薯條作為小食慢慢嘆！薯條剛剛炸好，熱辣辣，外脆內粉。食脆炸薯條配靈魂人物就係醬汁，今次可以一次過點齊蜜糖芥末醬、青咖哩醬、香茅醬；滋味好食。脆皮豬頸肉伴自家製檸檬蕃茄醬 $78繼續我哋嘅中女小食系列，脆皮豬頸肉滿滿的香茅，香氣四溢，肉味濃郁，肉質爽滑，再伴自家製檸檬蕃茄醬，味道層次更加豐富。慢煮手切肉眼爽彈牛丸船粉 $108最近一兩年潮流興食船粉，自從冇去泰國旅行之後我都冇喺香港食過船粉，今次有機會一定要食返碗。湯底濃郁，加上泰國空運直送新鮮手造卷粉，更加有地道風味。慢煮手切肉眼，牛肉味重，肉質柔軟，入口順滑。爽彈牛丸粒粒彈牙，好味道又飽肚，兩人開心share都夠食。泰式海蝦卜卜蜆炒金邊粉 $128另一樣食泰國菜我都堅持要食嘅就係Pad Thai，泰式海蝦鮮甜彈牙，卜卜蜆肉美味無沙，炒金邊粉酸甜開胃，炒得有少少濕潤唔太乾，值得推介！芒果希臘式乳酪軟雪糕芭菲 $78最後來一個甜品，賣相吸引，金黃色的芒果很清

今日喺k11 shopping,見到呢間裝潢優雅的泰式餐廳，感覺好舒服就選了呢間。呢度有個酒吧，除了泰菜還有意粉、漢堡包等食品，我們今晚都想食泰菜手打脆炸鮮蝦餅🍤$78一碟三件，面層炸得好脆，沒有油膩感覺，𥚃面鮮蝦味足，外脆內軟秘制三式串燒🐔🐷🐏$148雞豬羊各兩串，肉質鮮味，雞肉串在香茅上，特別香又惹味秘制滷水豬手🐷$98入味又夠腍，送白飯一流🍚$20，還有一隻溏心蛋手切豬腩豬肉丸船麵🍜$98大碗，食極都有，豬腩肉肥瘦適中，又係好腍同入味，有三大舊，豬肉丸，芽菜，炸豬皮，還有件鴨血，材料十足，湯底濃郁，也有肉桂香味，齒甲流香

今晚同朋友到了尖沙咀K11 吃了一頓豐富的晚餐。一到門口被餐廳的園林裝修吸引着，中間正正坐落一個被綠色植物圍繞的吧枱，光線充足。安排枱坐下我們便看看餐牌點了我們很喜歡的食物。先點了頭盆 沙律醒一醒胃 -：酸甜青芒魷魚沙律 - 酸甜清膩，入口醒神是一道非常出色的頭盤。阿閒泰冬陰功濃湯野米糙米飯 - 超大兩隻蝦配了肥大肉厚青口及濃郁香惹泰式香料汁的糙米飯，出奇地清新不辣，散發陣陣甘香餘韻。阿閒泰幸運碳燒超拼盤 - 充滿獨特的炭燒香氣香濃的肉眼扒、鮮魷魚、手作雞肉串燒、還有什菌同、蕃茄、碳燒香味的菠蘿再配以泰式醬。我們還點了兩杯特色的飲品。 自家製花香斑蘭藍碟豆花茶 $52 - 啖啖碟豆花的花香味再配以糖水，視覺和味蕾同得享受。另外一杯是泰式奶茶- 奶茶盛載在一個酒樽裏，再配自家製奶茶啫喱及香濃奶茶雪條，今晚的晚餐簡直又有得玩，好味兼試過三重享受。

同老友行完K11，順便在附近搵食，天氣漸涼， 故想食d辣野，行經2樓見#阿閒泰，環境裝修夠特式，開放式酒吧，故便進入開餐啦。 🌯香芒紅菜頭米紙卷，包住新鮮紅菜頭及爽口的蘿蔔絲，仲有清甜的芒果🥭粒圍住米紙卷。食的時候將芒果粒放一點同米紙卷一併食，清新健康之選。🥩手切肉眼爽彈牛丸船粉，湯粉類第一時間梗要飲啖湯先，湯飲落有鮮甜味，配料有脆口炸豬皮、鴨血，牛丸同主要的肉眼扒，牛丸爽彈多汁有咬口，肉眼扒牛味重肉嫩多汁，粉亦都爽滑。🍲冬蔭公濃湯野米糙米飯，有肉質爽口的大蝦2隻和青口1隻，冬陰功湯味濃帶酸辣，本身己很喜歡飲冬陰功湯，加上糙米飯有新鮮感又健康，每粒飯都食到濃郁湯味，有層次感很出色。 🍵斑蘭藍蝶豆花茶，蝶豆花含有豐富花青素，加上雛菊做配襯，飲落清甜的花茶。 ☕️生薑木橘果茶，朋友話好香飲落令人感覺好舒服。

是晚想食泰國野🇹🇭河內道商場內有間坐得舒服，樓底又高又開揚的泰菜館，店舖中央更有個別緻水Bar位，泰Chill啦😂 食物質素高上菜速度快。阿閒泰秘製滷豬手值得推介，滷水汁調味出色，豬手完全吸收了甜甜醬汁，既入味又多肉又滑溜，加少許酸菜及酸汁同吃，實在回味無窮，就連兩隻半邊蛋都色靚黃靚，好味😋泰式鹹蛋黃金單骨雞翼有驚喜，上枱一會兒後也是熱辣辣的，單骨方便進食，面層鹹蛋黃蓉特別滑身，多吃幾隻也不怕🤣阿閒泰酸辣柚子沙律實在抵食，整碟都是柚子肉，吃到柚子的清新味，少許辣但開胃非常。冬蔭功冰涼特飲真的估你唔到，內裡全是冬蔭材料包括香茅、青檸、薑片、紅辣椒及香葉等，清涼爽透，但慢慢咀嚼後辣味陸續滲出，好得意的飲品，有創意。自家製氮氣冷泡檸檬茶實在挑戰味蕾享受，先嚐到氮氣味，慢慢再感受到檸茶味，較適合喜歡新嘗試的人。芒果希臘式乳酪軟雪糕芭菲乃打卡必選，有雪糕、爆珠及乳酪等，芒果偏甜軟林林，雪糕真材實料奶味濃，是很開心的用餐體驗。

員工服務態度差食物正常,很後悔在這個店吃,在點餐時候問員工問題就皺眉頭有點狗眼看人低,其實侍應去到邊度做嘢都只係一個侍應以為自己在高級商場做就以為自己高人一等, 烏蠅幾完美都係一隻烏蠅,而且員工上面都冇名牌都唔知投訴邊個好琴日10月19號兩點幾喺門口嗰個員工服務態度都超差同埋個比較老嘅同埋嗰個後生黃頭髮嘅女仔,人都未走同埋問都未問就自己執枱,好唔respect就嗰個肥肥哋男員工態度幾好最後其實啲食物都只係一般般

假日7點半左右去walkin都有位兩個人叫左3樣食物同2杯無酒精飲品3樣食物最推介係冬蔭公意粉($148)意粉既硬度剛好味道都幾特別而只係輕微辣所以感覺都幾惹味炸蝦餅都算幾彈牙($78)泰式辣醬係偏濃稠而夠辣既串燒感覺一般($148)椰青滑冰就真心無特別($68)純粹比你打卡澎湃下飲極都仲係好冰同埋啲冰唔夠碎青瓜綠茶滑冰($58)飲落有明顯既蜜糖味再飲多陣發現隻味勁似天仁鮮奶綠飽肚度🤢🤢🤢🤢好味度🤤🤤🤤🤤肥胖度🐽🐽🐽性價比💰💰💰

今年大家姐生日飯，揀咗位於尖沙咀K11 二樓阿閒泰。阿閒泰係開放式餐廳，坐位都算寬敞。係繁忙時間就要限時90分鐘。如果冇人等位，就可以繼續坐，傾吓計 都好舒服的再睇吓餐牌，都有好多食物款式。自家手打脆炸蝦餅皮薄，香脆，蝦餅夠彈牙，唔好有好多粉，真材實料。一碟有3大件，一開二，每人有2件半煎肉眼扒木瓜沙律肉眼扒好腍，切開都有5-6件。木瓜絲沙律，清新，爽口脆炸軟壳蟹米紙卷配牛油果醬一碟有6件，每件有一隻軟壳蟹，夠晒份量，軟壳蟹每隻都唔細架!好厚肉的。再配埋牛油果醬味道非常夾。泰式醉貓炒新鮮手造卷粉用新鮮肉碎加指天椒再加泰國香料配上手造卷粉，卷粉非常煙韌，口感特別，好微好微辣，好好味呀！見到飲品好靚，忍唔住叫咗2杯芒果冰涼特飲，呢杯係家姐飲嘅，佢話芒果味唔係好出，不過就唔會太甜，可以接受柚悠，呢杯我飲嘅，係用柚子加檸檬汁，一定要攪勻，攪勻後柚子味好出，好好飲。

和朋友快有半年無見面，相約西鐵綫，非常方便。今日下雨天都完全有蓋，不需要雨傘，西鐵站出口直達。好耐冇嚟k11 ，原來3樓多咗好多餐廳。12點嘅時候已經有人在吃午餐，不用等位。直至到12:30已經差不多坐滿了。點了兩個餐， 因為朋友唔食牛肉，點了豬肉，手切豬腩片豬肉丸船粉$88 湯底好飲，好濃郁，豬血好彈口，豬腩肉大大塊好入味。泰式秘製 滷豬手飯配酸菜$98飯嘅份量剛剛好，滷水豬手好滑嫩，酸菜辣辣地送飯好好食。加$38泰式生蝦刺身兩隻酸酸辣辣，非常推介，蝦肉鮮甜加$35豬頸肉沙律沙律就非常開胃，必點。