阿閒泰 (K11購物藝術館)

营业中

休息中

今天同事生日，老板請食飯當然想食好啲，經同事介紹嚟到位於K11既「阿閒泰」。10秒看完餐牌，唔知關唔關午餐事，一個餐牌8碟餸嚟講就真係選擇不多，不過餐牌既相影得都幾靚。感覺上碟碟精品。我自己點了「泰式豬手飯」，因為我最喜歡食既泰國菜一定係泰國當地既泰式豬手飯。而基本大家去泰國是但跑入一間大大小小餐廳，佢哋做既豬手飯都非常美味。但係香港真係好難搵到一間好食，呢個我真係無諗極都諗唔明。講番呢度個泰式豬手飯，豬手皮係入味既，個汁就一般香港版泰式豬手飯個汁。豬手既肉就over cook咗，無味之餘仲好老。真係麻麻地，跟餐個湯又係淡而無味，而且多油。如果呢個配套賣$98... ...唯一可讚既係，昇級既冷泡檸檬茶幾好味，唔太甜檸檬味濃，但要加$28總括而言，呢個價錢，呢個質數既食物我自己就唔太推介大家去了

收工來到位於尖沙咀K11的泰國餐廳 - 阿閒泰，由於是收工時間，所以人流都唔少，但都是等了一會便可入座。阿閒泰是一家可謂特別的泰國餐廳，主打特色精品泰國美食，有不少一般泰國餐廳沒有的特色菜系。前菜方面，叫了一款脆炸軟殼蟹米紙卷配牛油果，軟殼蟹炸得非常酥脆，絕不會太厚粉，以米子夠薄身，配上牛油果同特色醬汁，絕對是一款頗為清新的開胃菜。小食方面，有泰式鹹蛋黃金單骨雞翼，顧名思義是由雞中翼開邊，再用鹹蛋黃和牛油炸成，由於預先將雞中翼開邊，食起來非常輕鬆。接着還有手作羊肉串燒，羊肉的獨特的香味，配上獨特的酸辣醬汁，表皮香脆但內裏的肉質依然非常鮮嫩，是一款非常有驚喜的小食。主食方面，有泰式海蝦卜卜蜆炒金邊粉，和地道的泰國金邊粉一樣，配有不同材料，可供食客自由撈出適合個人口味的炒金邊粉，分別有豆角、芽菜、花生碎、辣椒粉等等。

每次經過都見到 好多人排，所以 趁今日放假去試試，但原來 午餐時段去只做六款set lunch 我order香泰式香葉肉碎飯， 但係起來味道一般， 沒有炒香葉肉碎那種香氣， 味道也不夠辣，飯本身亦不是很乾比較軟身， 煎蛋亦沒有燶邊， 所以整體吃起來沒有想像中那麼好吃， 亦沒有一般泰式餐廳那種香氣。 最值得吐糟的是整啲飯嘅溫度只是微暖不是新鮮熱辣， 這亦係令這碟飯大打折扣的原因， 這間餐廳試一次便算了。 除了食物外，他們的service其實也ok。

在K11看到一間fusion 泰菜，看到裝潢都不錯，餐牌食物貌相十分吸引就進入餐廳門面都10分開揚餐廳入面都十分空曠，座位都很好坐。泰式生蝦刺身$98第一個前菜很不錯，每一隻杯都各盛有一隻生蝦刺身， 保證有足夠嘅泰式辣醬。辣醬小辣，相信都適合食得唔太辣的朋友。生蝦刺身肉質彈牙，材料新鮮。脆炸軟殼蟹紙米卷配牛油果醬$128軟殼蟹很鬆脆，調味鹹味適中，份量亦都很大，配有蛋黃醬； 牛油果醬很清新，紙米皮厚薄適中。這款小食很適合配酒！泰式香葉鴨肉肉碎生菜包 $98鴨肉碎和豬肉碎感覺差不多，好香的洋蔥味，而且配有蝦片和身材兩種配搭，感覺都很新鮮。亦不失傳統泰式味道。泰式醉貓炒新鮮手造卷粉 $128主食方面，這個很值得推介，不肥膩，有醃製的豬肉碎，有香葉和洋蔥炒，所以很香口。有點像泰國版乾炒牛河，但係卷粉質感很特別， 係泰國進口。甜品：楊枝甘露沙沙配自家製芒果雪條 $68好香芒果味，有香芒爆珠，一咬啲香芒汁就爆出來。底下是楊枝甘露味，沙冰的口感。另外雪條是自家製的冰條，好清新不太甜總括買單大約$570兩人，份量很多。值得一嘗的餐廳。

今日放工約咗牙哥去尖沙咀k11, 行行吓，上到最上面果層，2/F, 見到有一間食泰國菜嘅餐廳，門面好似幾好特別，又好耐冇食泰菜，叫做阿閒泰，所以入去試吓，入到去，侍應帶我地坐一張四人枱，夠大，見到餐牌，我哋叫咗個阿閒泰燒脆鱔，泰式三色串燒（羊，豬，雞），生菜包肉，泰式生蝦，泰式奶茶配自家製啫喱加奶茶雪條，要讚一讚燒脆鱔，外脆內軟，好有魚香味，好正，另外泰式生蝦，雪凍左嘅生蝦加有小小辣味，都好惹味好好味，同埋個泰式奶茶配自家製啫喱加奶茶雪條呢個配搭好特別，飲落去都好有奶茶香味，呢個都好好飲，好特別

時尚嘅泰國菜當然要去返潮嘅地方食啦，咁一定係位於尖沙咀K11商場啦呢間泰國菜叫阿閒泰一開頭去到我以為係一間西餐廳因為佢裝修得好時尚好靚有少少浪漫感覺😍坐低咗我急不及待叫咗一個酸甜香芒魷魚沙律，酸甜芒果開胃醒神再溝埋魷魚，沙律爽口新鮮真係有另一番滋味🤭泰式生蝦，一版有六隻每隻都用左shot杯裝住泰式醬汁加埋隻生蝦真係好時尚，生蝦仲好新鮮彈牙👍脆皮豬頸肉伴自家製檸檬番茄醬，豬頸肉炸到脆卜卜細細條好爽口再加埋個醬汁冇得頂⭐️泰式醉貓炒新鮮手做卷粉，泰國空運直送新鮮嘅卷粉食落去當然新鮮好味再配上豬肉碎調味粉又辣又惹味！正最後我叫一杯檸檬冰涼特飲好清新⭐️

今天到尖東K11 逛街，和友人到了位於2樓的泰國餐廳用膳。餐廳的裝修很新，很舒服，大量卡位，坐得很舒適。脆皮豬頸肉豬頸肉賣相一流，夾脆彈牙，炒得香氣撲鼻，配上自家製檸檬蕃茄醬，特別惹味。阿閒泰秘製三式串燒豬雞羊各2串，大大串，絕對有睇頭。當中最出色的是雞串，肉質很鮮嫩，多汁。泰國式紅咖哩虎蝦卜卜蜆意大利粉很特別的菜式，虎蝦很彈牙，肉厚。每條意大利粉吸收 了紅咖哩醬汁，愛辣的人士必點。芒果希臘式乳酪雪糕芭菲論賣相100分，打卡一流。希臘式乳酪酸酸甜甜的，很開胃，很清新，入面還有可口的脆脆片，口感和層次更分明。下次可以再encore。

裝修新式，感覺似cafe, 坐得幾舒服，而且呢度有好多款特色飲品，可以坐低飲野吹下水。泰式生蝦刺身好有誠意，每隻蝦用一小杯醬汁浸住，賣相味道都一流，最後一人食左一份。鴨肉生菜包用上鴨肉做生菜包，食落無豬肉咁肥，好夠辣。黃金單骨雞翼用鹹蛋配上炸雞翼，好惹味，雞翼夠滑又大隻。因為其他幾款菜都有辣，靠黃金雞翼幫我減辣。虎蝦冬陰意粉冬陰功味既意粉夠晒特別，虎蝦好大隻，意粉好入味，好重冬陰功味。餐廳仲特別另上椰奶，加落意粉，食落可以無咁辣。

Today I go to the K11 to walk around, just try to have a good time. This is the first time I try the Ahan Thai Restaurant, so I try the simple lunch set : roasted chicken with vegetables salad. The set includes soup, salad and coffee. All of the foods are very good and fresh! And the service is nice!

放假行街食飯，已成為這年來的常態，真心掛念有陽光的泰國，過往放幾天假就可以過去充充電。 如今只好寄情食泰國菜止止隱隱啦😌! 趁放假早些吃晚餐避開等位時段， 還可以挑選卡位， 坐得真舒服🤗！ 餐牌內很多泰式美食亦有西餐選擇， 我當然全力點泰式菜。阿閒泰冬蔭公湯粉先用🌶來打開味蕾， 刺激刺激， yummy yummy， 有兩隻大大虎蝦及青口， 金邊粉真係有些不同， 比較幼身，入口更幼滑。自家打手脆炸鮮蝦餅上枱已散發著香味，  急不待切開一半點甜酸醬食(有少許辣)，鮮蝦餅的充滿彈性，食得出真材實料😋。阿閒泰袐製三式串燒(分別有雞，牛及羊三款各2串)火喉控制得好，燒後依然保持肉汁，外香肉嫩， 一碟三個口味，各有各喜愛，大家都食得好滋味，仲有小量清新沙律伴碟，又不錯喔。芒果希臘式乳酪軟雪糕芭菲在餐牌上賣相已經相當吸引😍，芒果味香，乳酪軟雪糕入口溶化，再一口脆脆，反覆食到不同層次，令人心花怒放，心情開朗！

再很早期時經openrice訂了枱，但到達餐廳沒有我的booking, 直接show手機給餐廳，他說沒有record, 但最後都有先給我枱。打開餐牌，覺得很豐富，很多食物都想吃，奈何胃沒有很大。點了紅菜頭芒果米紙卷，芒果不是包在裏面，有點失望，只是出面灑上芒果粒，但米紙卷內的蔬菜很新鮮。燒烤雜錦拼盤可見食材新鮮豐富，唯獨拼盤內的鮮尤是完全冇味的，一定要點汁。有個海蝦檬粉定貴刃，一時忘記了，味道很好，辣椒粉細心的沈响側邊，要幾辣自己決定。炸豆腐比想像中大碟，不過味道欠奉，淡茂茂的，要靠佢個汁先有味。點了凍泰式奶茶小甜，又係淡茂茂，茶唔茶，奶唔奶咁....整體覺得不錯既，服務也不錯。

阿閒泰既裝潢好令，環境坐得舒服。泰式海蝦卜卜蜆炒金邊粉，好足料，金邊粉酸甜開胃，海蝦鮮甜彈牙，唔會好乾。泰式香葉鴨肉肉碎生菜包第一次食鴨肉的生菜包，原來同平時叫開泰式生菜包差別不大。肉碎偏辣，生菜包上肉碎非常惹味。伴碟既蝦片都非常出色，好脆！自家手打脆炸鮮蝦餅一碟有三件蝦餅，蝦味足，口感彈牙，配上泰式酸甜醬。泰式奶茶配自家制奶茶啫喱及奶茶雪條　 樽仔奶茶、花奶、奶茶雪條成SET 上，好得意。將奶茶同花奶倒落奶茶雪條，就變成左一杯泰式奶茶！奶茶比想像中更香滑濃郁，甜度正常，可接受。楊枝甘露沙沙配自家制芒果雪條呢個甜品都好岩打卡。楊枝甘露入面有支芒果雪條，成個甜品都有好重既奶香味。

今日又係K11度做嘢又唔係好肚餓就揀咗食呢一間嘅船麵🤣貪佢船面細細碗🤣食完真係🤷🏻‍♀️唔係好夠飽果隻🙈下午茶時間入到去唔係話好多人下午茶時段只係得下午茶叫冇其他Menu選擇比較少🤷🏻‍♀️叫咗個下午茶餐豬腩片豬肉丸船麵🔥佢標榜船麵係手做加泰國空連🤤不過上到嚟嘅時候啲面好似仲未煮熟晒仲有少少硬😧呢一碗雖然細細碗但係佢都幾多餸👍🏻不過係份量唔夠姐🤣同埋整體覺得湯底偏鹹🤷🏻‍♀️五花肉肥瘦適中👍🏻豬皮一啲都唔油益咪👍🏻豬肉丸同埋鴨血都OK👅加錢叫咗個花茶❤️好香但係飲落冇味

今日約左朋友食飯，大家都冇乜胃口，想食啲酸酸辣辣既野，咁岩係K11 Art mall 行街既時候見到呢間泰國野好似幾吸引咁，諗都唔諗就去試試佢先～😋☺️👉🏻一打開餐牌，唔單止係食泰國菜咁簡單，就有啲 fusion 菜式揀，選擇多到都唔知揀咩好，因為樣樣都好似好好食咁😋😋最後都揀左幾個小食、主菜同飲品。👉🏻一望到飲品圖，有杯叫「泰式奶茶配自家製奶茶啫喱條」，睇到個名同圖都已經好吸引，諗都唔諗就即刻叫番杯黎試下先😋👍🏻飲品一黎到已經忍唔住咬左一啖啫喱條先，濃濃既Thai tea味即刻係口入面散發，食落口質地有少少黏黏既感覺，茶味好重，杯入面仲配有Thai tea 啫喱。👉🏻Staff 好好 service，即刻教我地倒左啲暖奶落去溶左啫喱條先，啫喱條溶曬之後就會變左比較重奶味既 Thai tea。唔洗擔心奶味太重，因為好貼心咁準備左一樽重茶味既 Thai tea，可以跟自己口味去調較，個人覺得加埋玻璃樽既茶入去味道就岩岩好喇～👉🏻脆皮豬頸肉伴自家製檸檬番茄汁真係有驚喜，平時食開泰國菜既豬頸肉都係比較薄身，冇乜邊間會整到條豬頸肉咁粗。一咬落去，可以用爽脆黎形容，配埋自家製檸檬汁，酸酸地好開胃，

K11進註左唔少特式菜館 ，咁啱今晚同朋友黎到附近買野，順便黎試試呢度的新派泰風味吧！呢間餐廳採用開放式，座位數量多，枱同枱之間有一段距離，環境寬敞，燈光光猛。今日好早嚟到，所以唔洗排隊入座。泰式冬陰公湯粉呢個酸酸辣辣的湯，有唔少菇、海鮮和配菜，就算頗辣，飲到人滿頭大汗還是要飲落去。我地仲叫左個薄餅用黎繼續品嚐。除左冬蔭功湯吸引外，大頭蝦夠曬大隻，食落特別香辣。阿閒泰虎蝦卜卜蜆冬陰糙米飯虎蝦除左膏多，同埋去左半殻方便食，軟身糙米飯冬陰味好濃好有辣味。辣得好過癮，食到我唔停口。芒果希臘式乳酪軟雪糕唔怕甜既朋友可以一試，健康又飽滿!泰式街頭椰子雪糕