阿閒泰 (K11購物藝術館)

营业中

休息中

前兩天和朋友去到K11商場的阿閒泰吃泰國菜，即使當天是平日的晚上，餐廳仍是全場爆滿，座無虛席。阿閒泰秘製滷豬手，豬手肉質軟淋，豬手皮滑而不油，非常入味。另亦有酸菜伴碟，搭配豬手食用又可解膩。除此以外，伴碟的還有半熟流心蛋，蛋黃呈半凝固狀態，也同樣滷得入味。脆炸軟殼蟹米紙卷，可以清楚看見就三隻軟殼蟹組成，一共有六件，份量充足。米紙口感煙韌柔軟，包著炸得金黃的軟殼蟹，酥脆可口，配上牛油果醬，口感更豐富。泰式冬蔭公湯粉，用新鮮彈牙的虎蝦、蜆去熬製，湯頭非常鮮甜，帶有濃郁的蝦膏味、椰奶香，雖然口味偏辣，但會令人一飲再飲，非常美味吸引。湯粉採用由泰國空運到港的手造金邊粉，爽滑彈牙，浸著湯裏面都不會糊爛，而且吸附了湯汁，酸酸辣辣，份外醒胃。秘製三式串燒，包括雞肉、羊肉、豬肉各兩串，醃製後才燒，所以非常惹味。特別喜歡豬肉串燒，肉質爽，肉嫩多汁，並不嚡口，搭配特調的辣醬，份外美味。芒果希臘式乳酪軟雪糕芭菲，以高身玻璃杯盛載著，用一層又一層的酸乳酪和軟雪糕，交替分隔開芒果肉、粟米脆片、珍多等材料，並淋上芒果醬，味道酸酸甜甜，帶有濃郁果香，又有多重口感，而且賣相非常吸引，拍照打卡一流。

中午約咗阿媽去K11，試吓泰國菜。1:15去到，全場沒一半人，仲同我地講用餐時間90分鐘。哈！唔覺得有幾繁忙。午餐只有八款，無單點無飲品。可以話係無野𢵧，連飲個椰青都無嘅泰國餐廳。

見到comment 唔錯諗住又去開K11就食個lunch，加上之前行開街都見佢幾多人等位排隊，咁就同老公試下啦。咁岩lunch時間都知無得揀位坐或者要搭枱，可能要坐廚房門附近，d氣味都幾複雜。咁個lunch有8個餐可以揀，個個都差不多100左右，同埋d款式又簡單，應該無咁伏掛，2個人就分別叫咗個帶子冬蔭公粉同泰式意粉配西冷牛扒。首先，個帶子冬薩公粉個湯好淡得少少酸同蝦味，而個粉系一pat咁，連同2粒岩岩熟掛既帶子同一d菇。而伴菜既菜絲是無任何既調味，好健康。我都好耐未試過出街食飯系幾乎留返哂個餐咁俾返佢。而另外個泰式意粉配西冷，個意粉就得個辣味，加咗青檸之後，得返酸味，而個牛扒黎到個面都幾焦下，咁以為佢整到熟哂啦，原來係5成熟，咁5成都食得既，不過有筋就😂😂😂「生筋」？，你咬埋我果份啦。最後個飲品，就特調冰茶，好似啫喱味糖水加茶。好甜，好泰式😌250食2個set lunch，只能講仲衰過茶餐廳，或者自己煮都好過佢😒不可一不可再。

已經隔左一段時間冇嚟，今次再嚟Menu上又有新菜式轉變除左常見泰國野會有既串燒、冬陰功湯、生蝦、咖哩等等，burger、Carbonara或者特色d既意粉、雪糕芭菲等等都有提供先來一個生蝦刺身🦐每隻生蝦獨立用細杯裝好似酒吧小食咁精緻🤣每隻點滿泰式醬酸酸辣辣非常開胃食泰國野一定要食生菜包🥬豬肉肥瘦適中 加左少少辣椒、洋蔥等調味，就算唔食得辣既人都應該食到阿閒泰虎蝦卜卜蜆冬蔭米糙米飯🍚用泰式獨有既冬陰功方式去整risotto，米飯每粒被濃郁既冬蔭公汁包住，比起平時食黑松露risotto更加濃味而不膩

今日約朋友食晚飯，去左K11阿閒泰食個泰西fusion菜。室內環境空曠，田園風裝潢舒適，枱位數目多，晚上7時已有八成入座，菜式款式多變。阿閒泰經典卡邦尼煙燻意粉鐘意食卡邦尼意粉既朋友必選，夠曬Creamy和香濃芝士味。放上煎脆的煙肉，芝士汁沾滿每條意粉，味道幼滑香口。泰式冬陰公湯粉夏季冇咩胃口，總要有D較辣味既食物來開開胃，冬陰功湯粉是個好選擇。先飲熱炳炳的湯暖身先。湯粉又沾附滿滿湯汁，令人停不下口。

今晚到尖沙咀上堂， 下午快閃約咗個friend食tea。去到K11 「阿閒泰」， 人流不少， 之前在這裏吃過晚飯食物質素唔錯， 原來下午也有特定套餐， 難怪咁受歡迎。阿閒泰炭烤迷你拼盤$98賣相幾靚仔～ 集合幾款碳烤小食 ！燒魷魚圈 ：有碳烤香味，不會蓋過魷魚本身嘅鮮味， 魷魚好軟熟， 唔韌，好美味！中間有炒雜菇，份量不少～燒豬頸肉切條， 入味又香口，！素肉醬芝士三文治配香草$58總係覺得欠缺些澱粉質～～ 同時點了這款三文治。 素肉醬好辣好惹味， 配合芝士更滿足！ 三文治厚切焗完仍鬆軟， 絕不是隔夜麵包， 份量都幾多，二人分享已經捧著肚子！泰式奶茶配自家製奶茶啫喱及奶茶雪條 （跟套餐 升級泰式特飲 ＋$38）來到泰國餐廳怎能不試泰式奶茶。 賣相別緻有心思， 玻璃瓶盛載著泰式茶膽， 杯內有奶茶啫喱， 奶茶雪條好重奶味， 同時間可以把茶倒入杯內， 一啖奶茶一啖雪條 真係好過癮！椰青滑冰🏝️（ 跟套餐升級泰式特飲＋$38）以椰青水打成冰 ， 非常清甜 ！絕對適合夏天， 超級透心涼。下午茶手切肉眼爽彈牛丸$78泰式船河， 深竭色嘅湯底帶有藥材味， 重點材料有手切肉眼， 還是約七成熟， 有牛扒嘅級

喺門口見到入面有好多人，想它應該不錯，撳吓OpenRice 又幾多讚好喎，咁就所以入去試吓啦，感覺服務一般，但有一個後生男侍應比較nice，座位每檯都有點近，不知有否1.5米距離，認為價錢略貴，但食物質素不如理想，我最期待的豬手，真係非常非常失望皮炸得很乾，很硬，完全咬唔開，椰菜苗都是較硬，薯條沒有香脆感，較乾，不喜歡，最好吃的應該是意粉吧，但不會再來了。

呢間位於尖沙咀k11嘅餐廳主打泰式fusion菜，今日經過就決定試下啦！我個人好中意食泰式木瓜沙律，每次食泰國菜都必定會點！今次就試左肉眼扒配木瓜沙律，沙律新鮮，而且醬汁酸味適中，牛扒煎到半成熟，顏色粉嫩，口感帶點煙韌，好中意呢個配搭🙆🏻‍♀️而泰式卷粉都非常驚喜！手造嘅卷粉口感彈牙，同一般食嘅唔同；配上豬肉碎同唔同調味料，味道帶點辣又惹味！飲品嘅泰式奶茶，奶茶香滑，味道偏甜！而伯爵茶鮮奶嘅伯爵味香濃，我個人好中意茶香，所以冇加糖都已經覺得好好飲！

Hard to book so we had to book a week in advance. Food quality is similar to Kowloon City’s street shops so i would come here again for the convenience (air conditioning in a mall, located in TST city centre area). The drinks are so fancy! Iced thai milk tea that you can pour out from a glass bottle and add milk yourself. It also comes with thai milktea “ice cubes” so the flavor won’t be lessen upon melting of ice!!One minor point is they dont do birthday celebration (eg writing happy birthday o

等個青咖哩椰菜花等左成個鐘，其他枱遲過我入嚟食飯，都一早就上左個青咖哩椰菜，我仲追左佢3次，先話十分鐘後先有，由2點等到3點15好過份，d飯同d肉都等到凍晒，等5係問題，有咩理由，其他遲我入嚟叫，會早過我有

平時係K11行街成日會見到依間餐廳 今日就決定試一試佢點解咁受歡迎啦～餐廳裝修新穎，開放式設計令空間感十分足夠 座位之間亦保留一定距離餐單選擇豐富，菜式亦有別於傳統泰式餐廳，偏向fusion風格前菜 - 香芒紅菜頭米紙卷擺盤好靚，打卡之選芒果香甜唔酸，紅菜頭亦新鮮作為前菜或開胃菜最適合不過秘製三式串燒串燒食得多 有水準既串燒真係唔常見3款串燒包括豬肉,雞肉及羊肉，用羊肉取代左較為常見既牛肉各款串燒都做得好好味，肉質保留到嫩滑有肉汁羊肉亦唔會羶，怕羶味既朋友都唔洗擔心推介棕櫚糖脆燒雞好惹味既燒雞，外脆內嫩保留到肉汁，食落唔會覺得柴加上檸檬汁令味道更加豐富配料都好好食，同男朋友好快就清左依道燒雞介紹完野食係時候介紹下飲料同甜品啦依度都多選擇PINA COLADA飲過不少次PINA COLADA依款cocktail,依度應該係我飲過最用心既一杯擺盤配合一條冰條，加上有好多蘆薈好似同時飲緊cocktail+食甜品咁味道亦好好味椰香奶凍配荔枝雪葩相較之下依款甜品就較為失色，除左同menu上個樣唔一樣食落亦都好似只係普通既奶凍咁 無咩特別總結黎講，依間餐廳無令人失望坐落K11 位置方便，新式泰式風

同屋企人約左打針，打完之後，因為近K11，就順便去行街食飯因為未到食飯時間，就先shopping，好多商店都開始大減價呀😍😍買左幾袋戰利品就去揀間餐廳食野見阿閒泰未開門已經好多食客排隊，反正屋企人未食過，我地都排隊等開門啦屋企人見到個餐牌樣樣都想食，只好比佢揀兩個餐一齊食午餐跟餐湯磨菇忌廉湯，香濃又不太咸，而且有磨菇碎粒午餐可以加購幾款小食，我地一致選擇香芒紅菜頭米紙卷賣相一流👍🏻味道夠清新😌甜甜紅菜頭配上酸酸🥭芒果粒😋味道好夾，岩晒依家大熱天時食傳統泰式蟹肉炒飯: 當侍應遞餐過來時，已經聞到好香蟹肉味食材好足料，食到一梳梳蟹肉，而且飯炒得幾乾身泰式秘製滷豬手飯配酸菜: 呢個我既至愛令我到依家都好回味豬手滷得好軟稔，又無骨啵每啖都食到骨膠原一樣而且配合酸菜一齊食，會中和肥膩感

真係同朋友食到一肚氣😡 本身同朋友慶生搞到掃哂興！ 呢間餐廳好搞笑，book 18:00，佢17:30先打俾我朋友confirm booking，呢樣都小事 問題係食咗個半鐘之後（佢限時個半鐘）有個阿叔態度真係差到無人有，同我哋講：我哋限時個半鐘㗎咋！ 個樣真係衰格到呢喂！ 咪埋咗單囉！乜事呀！ 我哋又無賴死唔走！ 之後我朋友問一位侍應生攞返個蛋糕，佢態度係絕對冇問題，佢攞完個蛋糕俾我朋友，我朋友就係呢一張摺檯上面諗住將個蛋糕放入袋啦，點知呢個時候有另一個阿叔又突然間走出來講：張枱凹㗎我話定俾你聽！仲要繼續係度bear住我哋😡到底係發生咩事呢？ 啲態度點樣可以惡劣到咁樣？ 想問你明知張枱咁危險，你擺喺到發生咗意外整親其他人咁點呢？ 我真係未見過人咁樣做生意囉絕對係唔會再幫襯！亦都勸喻其他人唔好幫襯！

今日約咗朋友喺K11！當然就係喺嗰度搵食啦⋯⋯之前都去過因為俾佢嘅食物同甜品吸引住⋯⋯所以同朋友喺嗰度開餐啦⋯⋯🇹🇭🇹🇭阿閒泰🇹🇭🇹🇭泰式鹹蛋黃單骨雞翼外層炸得非常鬆脆充滿鹹蛋香！而且最鍾意係單骨雞翼，食得非常方便⋯⋯配上特製醬汁，超級香濃！脆皮豬頸肉外層乾身內裏保留肉汁！肉質鮮嫩！而且份量唔少！仲有一層香茅嘅香氣！配以自家製嘅檸醬汁！附上青檸提鮮！泰式冬陰功湯粉份量超大！湯頭非常濃郁！充滿蝦膏味！兩隻大蝦🍤⋯⋯肉質新鮮彈牙！🈶️大蜆丶野菌⋯⋯🤩➕椰汁和青檸！味道大大提升😋湯粉吸收晒湯的精華超好味😬⋯⋯連啲湯都飲埋😉士多啤梨希臘食乳酪軟雪糕每次嚟到都一定必點😋一層一層的士多啤梨醬加香滑嘅希臘乳酪雪糕🍦配上脆卜卜嘅粟米片！非常滋味！芒果椰汁糯米呢個係Fusion菜！其實係芒果椰汁糯米😏加上希臘式嘅乳酪軟雪糕🤩芒果香貼🥭椰汁糯米🤩軟糯⋯⋯再配以我最喜愛嘅希臘🇬🇷式乳酪雪糕🍦超正⋯⋯呢間餐廳菜式非常美味之餘仲有特色甜品超正⋯⋯

今日放假約左朋友係尖沙咀午餐，朋友鐘意食泰菜，所以我就揀左呢間係K11 二樓既「阿閒泰」呢個餐廳樓底夠高，空間感幾大，裝修靚又坐得舒服，好岩食個優閒午餐接近12點黎到，門口竟然已經有人排隊等入估唔到咁好生意午市有套餐，包餐湯及咖啡/冰茶另外重可以加錢點埋小食豬頸肉沙律$32有6塊左右豬頸肉，配上微辣青木瓜沙律，沙律開胃，豬頸肉好爽彈香芒紅菜頭米紙卷$38伴碟既香芒有驚喜，酸酸辣辣，味道好清新香辣炒肉碎煎蛋飯$98好有泰式風味肉碎份量好多，而且炒得好惹味，下飯真係一流飯粒粒分明，煎蛋燶邊香脆傳統泰式蟹肉炒飯$128炒飯非常有蛋香，蟹肉同飯炒得很均勻，每啖飯都食到蟹肉冰茶跟餐免費泰式奶茶＋$18，手標茶茶味十分香，沒有泰國飲的超甜，是適合香港人口味的少甜