阿詩瑪雲南風味軒 (已結業)

2007年12月1日，阿詩瑪跟另一半陪爸媽去看醫生後來到雅蘭吃下午茶，選了阿詩瑪。燒魷魚棒（＄22）：都幾香口，夠冶味。滇味鴨舌（＄33）：好食，每人得兩件咋。腐皮野菌卷（＄18）：呢個反而D菌唔係好出，唔夠香。翡翠蒸餃（＄16）：素餃，清清地，OK。金碧燕餃（＄16）：肉餃，唔係好似我以前食過既北京燕餃，但味道都很不錯，夠新鮮。小鍋米線（＄32）：雖然無咩料，但味道調得不錯，少少辣喞。巴巴餅（＄14）：甜甜地，有麵粉香，幾得意。山珍珠湯丸（＄18）：不甜（好！），但只得兩粒，一般芝麻湯丸而已，山珍珠都幾得意。玫瑰四喜湯丸（＄16）：都只得兩粒，都是芝麻湯丸，麻麻啦。所有食品再有8折，所以價錢都可以接受。

星期日同d 同學食飯, 一行六人點左都好多野, 但係冇特別深印象有竹笙小唐菜, 有野菌炒菜... 炒飯, 米線, 小籠包, 鍋貼, 米線, 氣鍋雞... 仲有鍋巴, 銀絲卷鍋貼同小籠包既皮有d 靱有個米線反而幾好味, 但唔係正宗雲南米線個氣鍋雞有湯既?!唔知佢唔正宗定係我以前食既唔正宗反正就係味道唔係差, 只係唔係特別特別一提, 星期日又有吉位, 不過d 侍應有d 好似想你地快d走咁... 十點就話一定要埋左數先, 又成日問住d野要唔要，不過都好有禮地問既。

我諗今次ge致命傷係，人太多，份量太少！我地一行13個人，其實都點左唔少野。田七氣鍋雞︰每人分到一碗仔，好重藥材味，但食唔出有乜特色。炒蜂蛹︰無乜特別，覺得粉同埋油。甚麼拼盤(素)︰個汁實在太濃太咸，雖然係大碟，但係得菇菜同竹笙都要過一百蚊？！三個炒飯︰我覺得無乜特色。(其中一個係特色炒飯)蘿蔔絲(唔記得左個名)︰又係太咸，同埋分量太少。鴨肉︰都係覺得無乜特別。米線︰一人食得一口，食唔真。大餅︰又係估佢唔到，竟然係呢個最好食，但係都唔平。豆沙鍋餅(送ge)︰我未見過咁油ge豆沙鍋餅，d油係拎起整餅，仲滴出來。結果食晒所有野，連女仔都話唔飽。唔再叫野食，去食糖水算lu~睇o黎一大班人，都適合去食d大件夾抵食ge.....

1.納西豆腐$30 ~ 好普通的小食2.過橋米一套$58 ~ 似平時在街鋪食到那些,又不是特別大碗,所以價錢幾貴.只不過此店用的碗碟較靚3.嘶嘶雞$65 ~ 賣相似好辣,因為好紅好多辣椒.但其實唔辣,得個樣咋4.酥炸蜂蛹$36 ~ 聽到個名好驚,但食落唔核突,因為只食到油炸味.5.特色炒飯$58 ~ 一碟可分到四碗,不是十分出色6.壽包$18 ~ 因為'糖糖'生日,專登叫壽包給她,都幾好食喎.

昨晚到這兒吃了這幾道菜：－－1) 米線：好神奇，呢度Ｄ米線浸O左半個鐘之後食同開頭一上枱時食一樣咁爽，無"林"到喎；好味，仲要配埋我鍾意食O既海鮮一齊食，味道更佳。2) 牛肉卷：是自己包，好像食北京田鴨咁包O黎食，味道ＯＫ，只是牛肉有點靱。3) 鴨肉：肉就燜得幾林幾入味，可惜，Ｄ冬瓜有少少‘宿’。4) 小籠包：Order左有冬菇o個隻，我未試過，覺得好得意。5) 最尾呢個‘南瓜’樣子，是豆沙菓子，我好鍾意食，豆沙餡不太甜。6) 最底個茶壺是我的疑問：係咪Ｄ蓋打爛晒？枱枱都係用左金屬蓋呢？

之前都見食評評語ok, 最近路經此地, 就入一試. 可能期望高, 食後覺得有少少失望.野菌炒菜飯, 木桶上, 望落木桶大, 但實際份量唔係咁多. 好彩食落都覺得味道幾好, 炒得幾乾身, 係成餐飯最好樣菜.仲食骨(唔記得名)同埋餃子, 骨就炆得幾淋, 但唔熱, 似係一早整定. 餃子就好普通.環境裝修都有d民族特色, 服務都幾好, 食就唔係樣樣好食lor...

I quite like one type of dish, where 蒸魚混合菇菌一起煑, well, fish is frying one...anyway...the mixture is special...but a bit too oily.....Good try.

炸子雞（不是這個名的，哈哈）：經理推介，果然好吃！雲南米線：即席將豬肉片、米線、芽菜等等放入高湯，味道很好，作為招牌菜也不失禮！ＸＸ脆豆腐：忘了是什麼汁，甜甜酸酸的好好味！豆腐外脆內軟，驚喜！雲南特式炒飯：好味！小籠包：一般。鍋貼：不錯，多汁但不太鮮，香脆就是了！小丸子湯水：新相識的風趣經理送的！偶然吃到這樣的特式食物，價錢又合理，好！

星期五想在開戲前食埋飯先，亂打亂撞上左去雅蘭6樓...... 嘩！人很多，唯有睇吓邊間快有枱就食邊間，結果阿詩瑪勝出！以下是我們當日order的食物：- 正宗雲南米線：送來時由侍應親手幫我們落料，如果唔係我們實會亂落。雲南米線ok，但不特別出眾- 鮮味小籠包：一籠4隻，大小適中，但只可以話正常味道，實有第二間比佢好食- 芥末sliced beef：芥末是指wasabi，食落真係攻nose那種，食得辣的老公都有幾次差點標眼水，但真係好好食，愛wasabi人士值得一試。不過個人就唔係太喜歡佢用牛展，如果用牛柳粒可能會更好味，不過可能雲南是慣常用牛展吧！- 山味菌浸小棠菜：估唔到更大碟，除小棠菜外仲有好多菌類及西芹，清清淡淡幾好食- 山味雞包翅：雖然細細盅，但料用得好足，而且仲有2份排翅，好夠味道，$88我覺得都抵，成晚食得最開心係呢味！仲有叫左個唔記得咩嚷豆腐(好似係菌類)，但她們漏了單所以最後cancel了！不過都係好事，因為我同老公已經飽飽了！

六月九號同女友食晚飯﹐入座時係坐兩人細臺可能因為叫左鍋﹐位唔多夠﹐部長見有卡位就幫我地轉點左海鮮米線鍋連爐上-好味﹐魚好滑﹐滾到尾都仲好滑雞就可能係瘦o既關係較鞋我地仲加多碗米線﹐都係$12咋煎鍋貼- 多汁﹐一時唔為意噴到一面都係﹐正雜菌魚柳- 喜歡味濃o既我都覺稍咸﹐不過味道都好食飽部長過o黎執野﹐問飽唔飽傾左兩句賣單好似$200左近﹐抵啦﹐打o西邊爐o甘部長多謝前多謝後﹐態度親切﹐唔係機械式o個隻食完出去﹐女友去toilet﹐我企左o係出面等部長見我未走﹐隔好遠都同我點頭微笑仲招手叫我番入去坐住等嘩。。以我呢個長期街外食o既人多年經驗真係未試過食百幾銀有o甘o既服務講真兩人食過千我都係得公式化o既好服務未有o甘親切過﹐真係唔知佢係老細定部長係老細抵佢賺大錢﹐係部長老細知道一定要升職加薪基本上除左食茶記求其填肚外﹐我係盡量唔會幫襯同一間食店但呢間有機會真係要再去

昨晚一行四人到這裡吃晚餐,點了六樣餸,再加一個野菌炒菜飯(有酒店級水準)和燉雞湯(一樣有味精但個湯好入味)說回六碟餸,其中有兩碟都是有野菌.可能雲南菜真是以野菌出名!?!!但果然好味喎!但高估了那碟京都骨吧! 一句唔得咯! 最主要個汁唔配合嘛!最後那個仙桃包即係壽包,但餡料非蓮蓉而是豆沙,比我預期中份量大件,水準都唔錯!極力推介---野菌炒菜飯,必食!

前日老婆帶我去呢間阿詩瑪午餐，仲話一定要試下豆腐米線(佢都係見到雜誌介紹...嘻嘻)，不過又真係幾好味喎，好大碗同埋都好多料，兩個人食好~~跟住仲點左鍋貼、蘿蔔絲鬚餅、同埋點左個算係甜點，但唔記得左個名，個樣係南瓜，餡係豆沙，唔算太甜，味道好好。另外值得一讚係有位男侍應(店面除左部長，應該得佢一個係男人)，佢服務態度真係好好。食飽飲一陣茶，茶味有少少怪，我同老婆都覺得好似雲呢拿味。之後就埋單去睇蜘蛛俠3，唔太好睇(呢d野都係唔度講喇)

因為<<飲食男女>>介紹過2次, 今日終於膽粗粗試o左la, 真係好有驚喜ar.叫o左3個食物, 首先松茸炒飯, 好好香, 好好味, 用個木桶裝住, 好特別lei. 有菇菇的香味, 飯粒好分明, 而且好乾身, 3個人每人都有2碗.豆腐米線, 香港依家好興雲南過橋米線, 但好多都係酸辣or涼拌, 但原來係雲南豆腐米線都好受歡迎ga, 佢暖暖地gum, 有豆腐花, 花生碎, 蕃茄粒, 同埋肉碎比你mix埋, 好足料, 豆腐花都ok滑, 感覺好新鮮, 值得一試.最後的小吃-蔥油餅更是畫龍點精, 唔同平日食o個d ga,佢個外表好似炸雲吞ge, 個皮超"鬆脆", 蔥油味好好香, 食到停唔到口lor.佢d茶係糯米茶, 特別香.同埋我地去的時候剛好係下午茶時間, 有8折, 超gd.唯一冇咁好ge係個waitress係我地好struggle選邊個炒飯的時候佢企係一邊冇出聲, 要我地出到聲先介紹lor, 但因為d o野食超好, 所以都係好值得去.

帶位果個小姐(Ling)服務幾好,有一個女侍應都幾好笑容(可惜冇做),野食一時多,一時少,一時好,一時差,野飲超甜(唔飲就罷),收費尚可.

情人節係星期三, 基礎照常上課. 既然食情人節大餐貴兼唔多好食, 就照舊上堂, 照舊三個人的晚餐.唔揀食西餐, 食中餐, 斷估無乜人. 到達時剛七點, 雖沒有訂位, 都有卡位坐.先飲啖茶, 姊妹C話同平時的茶唔同, 原來係糯米香茶, 但我就麻麻鍾意.雲南過橋米線$58: 7分, 上臺時才在我們面前把米線跟其他配料倒進湯內, 小弟剛好把這歷史性一刻攝下來. 湯底尚算不錯, 但實在好油, 不過還算美味.山珍鮮香小籠包$22: 3分, 相當相當厚皮的小籠包, 層皮好像潮州粉果一樣厚. 整厚D皮防止佢穿? 甚麼山珍餡其實沒有特別, 味道跟平常食開的鮮肉小籠包差不多.比起上一次食, 今次山珍鮮香小籠包的水準係插水式下降.鮮肉蒸鍋貼$22: 6分, 姊妹的選擇. 當然, 鍋貼幾時都係小弟的心水. 而度的鍋貼相當油, 但又煎得唔係幾香.蒸銀絲卷$12: 6分, 有餡的銀絲卷, 上臺時麻麻熱, 一般.白玉燒醬鴨$48: 6分, 要了一個二人份的白玉燒醬鴨, 都算幾大碟. 燒醬鴨幾淋, 食落就覺口感一般. 醬汁味道不明顯.過橋米線係幾得, 但其他食物只係麻麻.走時好多人等位了. 始終係情人節! 我們就加