阿詩瑪雲南風味軒 (已結業)

沉日係母親節，同媽咪離呢度食LUNCH......第一次幫襯。一離到，發覺冇咩人，心諗：死啦！唔通D 野好難食既，點解冇咩人幫襯架？不過食落都唔係呀，都幾好食呀！我地一行四人點左以下食物，如「葱油大餅」、「雞蓉鍋餅」、「酸辣水餃」、「椒炎豆付」，仲有一碟蝦，好似仲有，大概如此(好大食)食物味道好夠，而且唔會油膩，四個人食完咁多野都只係啱啱好飽。最重要係平時醃尖到死既媽咪都話好食，總算達成目標。(母親節至緊要主角鐘意呀嘛)

今日小雲同小吉去試吓雲南菜. d風味同上次係雲南食嘅完全唔同. d食物以上海浙江菜多個雲南菜, 咩排骨米線, 咪即係上海排骨麵轉咗米線. d鴨同係台灣料理食嘅差唔多. 仲有醬白肉, 咪即係雞絲粉皮轉咗豬肉. 不過, 話時話, d味道ok嘅. 只係唔好諗住自己食緊雲南嘢就無問題. 但最大問題係好貴. 小雲同小吉今日係下午茶時間去嘅, 兩個人, 叫特價嘢都要$150. 你話係咪嚇人...

大學同學飯局... 老實說...吃不太重要..最重要是坐下來可以傾訴一下...服務不錯..可能是星期一..不太多人...食物也有驚喜..不是我點菜..只分享有印象..蒜香雞..好滑炒雜菌...有口感...不油膩士多啤梨咕嚕肉...一般???魚炒木耳..賣相好...一般xx餃...十分一般四寶前菜..好食...甜品是送...湯圓..不好吃.茶是糯米茶..好有85折..8人..20元tips85元..坐了2.5小時

由於本人喜歡過橋米線, 所以到阿詩瑪必試此菜。如果跟深水比較, 冇咁辣和咁油, 但用料較少, 份量也較少, 或者方便大家試其他菜式吧。不過, 有一次去光顧, 卻發生了一個笑話: 我跟朋友試了雜菌煲、夾乳(雲南乳酪加雲腿)等菜, 個女侍應整晚在soso, 居然笑吟吟地說:「乜你地食得清淡呀, (指住碟夾乳), 又食豆腐又食菇, 唔食肉...... 」, 佢以為夾乳係豆腐, 真係講多錯多.........

聖誕的旺角周圍都多人, 要搵地方食飯都唔係易, 即管走上雅蘭睇睇. 可能我地六點左右就到, 只有零星的客人, 所以唔算嘈. 又可能人唔多, 侍應們的招呼都頗主動, 介紹菜式或斟茶等都好樂意.兩個人點了酥炸蜂蛹, 山珍香鮮小籠包, 滇醬肉絲餅及松茸飯. 講真, 以價論份量真係唔太合理, 味道亦不過不失. 其中以蜂蛹及肉絲餅較特別, 蜂蛹炸得香口, 是不錯的下酒小食. 侍應介紹滇醬乃雲南特色醬料, 食落少少咸, 帶點辣, 食法似片皮鴨般, 用餅皮包住肉絲/青瓜/大葱一起吃. 至於松茸飯則太油, 以木桶上檯, 食完見桶底有不少油剩下. 所謂的山珍香鮮小籠包, 餡料有冬菇及豬肉, 但味道淡淡的, 不試也罷! 媽子頗喜歡食店所奉客的茶, 糯米香茶. 據講係綠茶的一種(自己並不懂), 因飲落有一種糯米香味以得此名. 於是臨走前買了一包, 承惠廿八大洋.

我都去食過呢間餐廳,的確貴得黎唔成正比.野食唔係好差, 但係以佢咁既款唔似值呢個價!!!仲有...真係好嘈!!

服務差----個男侍應見到成日扮見唔到有人叫佢咁.d 野食好一般...d 裝修又差.又好嘈.食落都冇胃口..但個門口帶位小姐服務都ok既..叫左3 樣野...都要成220蚊..佢個款完全唔似咁貴囉..格調同價錢不成正比.

野食都幾好味~~服務都唔錯~~但係幫襯兩次~~張單都出錯~~第一次~~食晚飯~~唔記得左茶定係前菜o係張單個價錢同張單唔同~~唔差好多~~$1~~咁就問d員工~~佢地就話張單價錢先係岩既~~仲送埋湯圓俾我地~~第二次~~食lunch~~明明門口有既set~~入去既餐牌無左~~問佢地先會俾~~咁個set係送生果~糖水~飲品~~咁落單既時候都問清楚係送咩飲品~~埋單既時候~~張單收多成$32~~個員工仲話無飲品送~~佢跟著攞個餐牌黎睇~~係有得送wor~~轉頭就俾張岩既單我地~~一杯$16~~兩杯就$32~~我唔知係真係計錯單定係有心~~但係咁出錯~~又邊有客咁信你~~一次可以~~兩次都可以~~但係唔好有第三次~~因為我覺得佢d野都ok~~會再幫襯~~希望佢地可以改善下~~

今晚又有飯局，同三兩知己就簡咗呢間菜館，對我呢"D無飯煮婦"(即唔係屋企煮飯食)之新一代，一星期有七日都出街食飯，都咪話唔咀刁，呢間菜館月頭嚟食過飯印像唔差，由於Lunch同同事祝壽食得太飽，今晚只點了幾個小吃及米綫，順帶一提大家呢間菜館"D"件頭唔大，一大班人就要點多幾個餸同甜品；唔係棧攪！呢度紹呼客人杯雲南特產糯米茶都幾香幾好飲。i)酥炸蜂蛹:點椒鹽嚟食夠香口，唔怕蟲、夠胆都可以試吓。ii)肉配餡餅:-唔多記得正確名稱，只記得code No.159買相唔差，醬汁撈勻肉炒得夠火喉配合似包北京填鴨嗰隻餡餅伴青瓜、蔥段等嚟食都幾好味。iii)鴨舌:-無味、滲唔夠鹵汁入唔到味；一碟total得幾隻可以不試！iv)椒鹽餅:-用椒粉炮製但無話係辣嗰隻，食落唔油"琳琳"呢個仲好過蔥油餅!v)雞片過橋米:都O.K.啦，侍應會係你面前續樣配料放落湯內，最後再放米綫就完成，大家最好等肉熟曬、同米綫腍先好食呀！唔係就淡而無味！如食慣濃味湯底就可能覺得無料到!

今晚同班舊同學一齊食飯,叫個套餐同小食,兩個小菜.個汽鍋雞真係細得可憐,只夠每人幾湯匙,雞肉好鞋!其他小菜雖然份量唔係細,但只得一種味:鹹!!一間標榜健康食物店居然提供咁鹹食物,認真唔健康! 另外呢度d侍應服務好差,叫極冇人應,落單要重覆好多次才寫好,埋單超級耐!!收得唔平服務差食唔得,呢度已經俾我地black list !!

茶同前菜ge味都唔o岩口味,覺得好怪,係d甜豆同埋炸xx植物..叫左兩個米線,竹筒飯同埋水煮牛肉,米線感覺係無味車仔麵,好唔抵,竹筒飯即係花生糉,水煮牛肉普通la,阿拉廚房用麵底正d~total $200,過得去

Saturday night not feeling good, so try to 食淡D, 文迪suggested this place, and we gave it a second try. It is so crowded upstairs in 雅蘭中心6樓, I even did not want to wait. After sat down, the service was terrible. I wanted to have a tea pot, but they were out of tea pot. They just kept refill the tea for me, but only after I asked them to do so. Quite annoying! Since I was sick, we only ordered 1.氣鍋雞:7分, the soup is quite good. Though the size is small, it is still worth to try. Well, I did not ea

兩個人去dinner7點半去到都冇乜人叫0左兩個米線冇驚喜反而個氣鍋雞夠哂驚喜叫0左個細氣鍋雞唔記得係邊款因為佢氣鍋雞都有好幾款個氣鍋雞真係少得可憐數埋唔夠5件雞仲要4件係雞胸雞胸都算啦~€仲要"鞋"到死~..仲"鞋"過我塊面~~~~

o係太古城食過兩次後一直好回味,終於有機會試下旺角呢間.首先點左最回味o既蔥油餅.跟住有位廣東話不太正o既店員落力推銷幾味菜:鴕峰肉,雜菌黑山羊煲,酸辣米線,咖喱牛柳粒.鴕峰肉果然爽口,不過唔算多人特別喜愛;咖喱牛柳粒d咖喱真係好香好正!我地滴左d落香蔥油餅到扮食印度薄餅;黑山羊煲據聞係o岩o岩入的,嘩!一d羶味都冇!仲燜得好霖!又冇咩筋/肥膏..感覺有少少似食牛腩,但係好味好多!!!酸辣米線o既麵質十分之爽滑,湯料不太辣不太酸,正!反而可能因為以上菜餚都太香太好食,一比之下蔥油餅竟然比下去,食唔出本身d香味.....呢度d送比我印象中細好多,不過都夠食,三個人埋單$27x,地方寬敝又靜靜地,店員好nice,以後一定會再幫襯!

星期五晚七個人叫左個六人餐埋單每人百零蚊…之但係佢每樣菜都少得可憐…如果唔係d 女仔細食，我諗一定要再食第二餐囉！d 食物質素都只係麻麻地，食完都諗唔起有邊碟係有印象既！