阿詩瑪雲南風味軒 (已結業)

三月高山水晶麥是有趣的小菜，取富韌性的小麥粒，配上肉末、蔥粒，加上雲南醬油炒香，以麵餅包來吃，原理與粵式肉鬆生菜包無大分別，材料切得細故工整，既鬆且爽，亦能不廢嚼勁的嚐及肉及蔥香，小麥粒較薏米「al denete」，吸收了辛中帶點酸的醬香氣，食趣大增。更多正宗雲南大菜風味，不日公映＠http://foodxfile.blogspot.com/

晚上約左朋友10點去食飯，結果來左呢度，不過可能將近關門，都唔使等位，同埋個場唔太多人。我地order左5款食物，不過唔太記得d名，都ok ge, 都幾有特色竹笙扒時蔬, 白菜餃, 湯飯, 跟住另外2個, 係好似一個鍋入面好多石頭, 上面舖左d牛肉係度, 唔知咩名xd, 最後一個係 唔知咩雜菌 xd個白菜餃好似最失色, 無乜特別, 而且好乾; 我最近賞係佢ge 牛肉鍋, 好夠'獲'氣! 而個雜菌都係OK, 可能我個人比較鐘意食菌類 下次如果有機會, 會試下佢第二D款式, 服務態度OK

很喜歡過橋米線，因為即場將所有配料在你面前放落木湯度，不過由於而家要成六十幾蚊，感覺唔係太抵，所以今次無食。$18特價氣鍋雞湯，湯底很夠味，最重要是夠熱，雞肉亦唔會太"鞋"。珍菌抄鮮魚柳，雖然比較多油，但d魚真係好鮮，d菌亦好特別，確實炒得不錯。松茸菇炒飯，d菇幾大粒，幾鮮，配炒飯口感很不錯。

係旺角搵食想試新野所以擇咗呢間雲南菜好彩我地6點幾到之後約7點已經要等位叫咗3樣野: 唔記得咩咩魚頭 ($98) 勁多chili, 不過又唔太辣, 好"野"味 過橋米線 ($62) 好普通, 個人認為譚仔仲好味 水煮雞 ($68) 呢個正...好辣好香

我係愛菌人，所以好鐘意黎阿詩瑪食，唔貴又好味，當然如果你怕肥就請回，因為每碟菜底都會有一堆油嚇怕你！松茸飯：一個木桶裝o既飯夠三個人份量，但我同男友次次都可以食哂，因為好香，一打開木桶已經聞到陣陣菌味，松茸亦落得好足料，一定要試！麗江炒雜菌：想一次過食唔同o既菌類，一定要叫呢味！炒得好惹味，所有菌類都好爽口，不過超肥桑拿牛肝菌：牛肝菌帶點苦好特別，但只要你一吃，會停唔到口，送飯一流！有些時段會推出以特惠價試新菜色，我有次試過麻辣蝦，好刺激，真的好麻辣，我唔食得好辣，只係叫左小辣但都食到停唔到口，不過唔知係唔係味覺遲鈍左，蝦無蝦味，但起碼唔會霉。P.S. 好鐘意飲佢地d "lor" 米茶，好特別，比玄米茶更好飲

朋友生日, 所以特別選左他其中一個他喜愛的食店 - 阿詩瑪我都係第一次食呢間野, 呢度係一間雲南菜館, 7:00 左右黎到等位, 約9:00先至有位................ 好長好長ge等位時間.入到去感覺就好似去左深圳區ge巴蜀風, 因為入面ge侍應無論衣著/ 外貌/ 言談都好"外省"!不過其實等位又好, 侍應又好, 入到黎最緊要係d野好唔好食ja~~~~商討左一段時間後, 就叫以下餸菜....唔知係未因為對呢間野無抱好大期望, 所以食完之後覺得所有都好好食!- 呢個餸有d辣辣地, 好惹味, 而牛肉亦超入味及嫰滑.- 雞絲粉皮GE粉皮轉為米線, 同樣GE食法, 更飽肚更有味道!- 初頭以為呢個係肉碎豆腐之類ge物體, 但原來下面係有米線, 撈埋黎食出黎效果真係出奇地好味!- 初頭以為係豆腐釀豬肉, 但係食落唔係..... 但味道同咬口都好好! 可惜最終我都係唔知呢度係咩材料做...- 呢個小籠包不過不失. OK- 由於自己本身唔鐘意食雲南湯米線, 所以呢度菜不願置評

在香港少有專營雲南風味的食店，今次來旺角食野，便被這家名叫阿詩瑪的食店吸引。三人ORDER咗: 酸湯魚，小窩米線，招牌過橋米線，豆沙窩餅，仲有**肉絲，可惜忘記了名字。。。。。酸湯魚：湯汁已被煮成白色，味道香濃，即使光食湯已經夠味，魚片切的夠細，也夠入味，即使是不愛食魚的我，也忍不住多食了兩口，週一到週四更有特價優惠，只要28蚊，絕對抵食推薦！小窩米線：一直覺得小窩米線是香港本地的說法，其他的地方并沒有聽過，這家的小窩米線，個人認為也是被”港化“過的，好在湯汁夠濃，份量也夠足，可惜只是港式風味，并無出彩之處。過橋米線：絕對的雲南代表菜系，上一碗滾熱的雞湯，各種配的食材，酸菜，韭菜都可以自己揀，放在滾雞湯仲，”汆熟“，雖然價錢略貴，可是好玩的吃法，偶爾一試也無妨啊~~~ 豆沙窩餅：選了豆沙窩餅做甜品，豆沙夠細夠甜，算是不過不失的一道甜品

情人節下晝，同友人去食tea消磨時間，雅蘭非常少人，呢間舖又冇人係門口serve既，誤打誤撞入左去，下午茶7折原來係叫點心，無興趣所以都係叫粉麵類啦，叫左個排骨米綫($28)，一個阿詩瑪炒飯(唔知$28定$30)完全無期望的，不過食下食下又okay喎排骨米線其實完全無骨的，凈肉排，夠薄夠瘦又唔韌，有香茅味的，唔錯，只係大食既人會嫌唔夠肉啦，但for女仔啱啱好阿詩瑪特色炒飯，事前問佢話有酸菜呀，肉碎呀咁，第一啖食落去，死啦，咁酸既，勁多酸菜喎，不過食下食下又幾好食，酸酸地幾開胃，飯夠乾身，唔算肥，不過肉碎就冇乜，食肉獸既人未必夠飽囉，最緊要夠抵！好似冇收加一添喎！p.s.佢d茶係有d似玄米茶之類的，我就唔係咁enjoy囉，對我黎講既唯一敗筆！

今晚收到兩個來自大學同學的好消息, 恭喜唒~~這裏碟頭不大, 所以可以叫多幾像, 試多幾味菜式.涼伴什菌有點過咸, 也帶點苦.士多啤梨汁炒魚柳吃不出士多啤梨味, 反而見到有蕃茄同炒. 魚柳當然是普通質色了, 幸雪藏味不重.牛肝菌爆炒蝦仁比預期中淡味, 但也算不錯, 牛肝菌不少, 我也吃了不少.雲南小鍋米線和酸辣米線各一, 前者清雞湯鮮甜, 後者惹味香辣, 兩者也愛吃.麻辣雞真的幾麻辣, 但雞肉偏鞋.什菌羊腩煲湯底藥材味很重, 但我正好此味, 喝湯及吃什菌已滿足.炸子雞則普普通通, 同樣地雞肉偏鞋, 又不入味.還有幾樣沒吃或印象一般的菜式, 例如竹笙扒小棠菜, 松茸炒飯, 餃子等.

忽然間好想好想食這裡的脆皮雞, 我次次去都必定食, 而且來這裡大多數都不用等位, 可能競爭大...2個人點左:1) 金沙脆皮雞(半隻) 塊皮好脆, 好多熟蒜, 好香口...不過今次隻雞好多肥膏....!!2) 糯米鴨胸 煙煙"un un", 口感幾好, 不過幾多油, 如果放塊吸油紙在底會更加好.3) 個名唔太記得...類似蔥油餅....表面有芝麻, 內裡有蔥, 好好食!!因為太飽...所以無叫到甜品食....!!第二樣鐘意是這裡的茶是玄米茶, 好好飲!

今日同女友來o左呢間店食晏,諗住之前都來過食晚飯都唔錯,點知今次中計啦.我地叫o左個炒鳳尾菜,一個雞絲粉皮,一個雲吞排骨米線,一個過橋米線;雲吞排骨米線係一d味都冇o既,淡如水,鳳尾菜其實同生菜冇乜分別,可以不理;雞絲粉皮就有好多花生醫,呢個幾好,一定要試過橋米線,d小二會o係上呢碗野時,o係你面前落曬d偑料,跟住再搞勻等d料熟曬先比你食,不過要小心碗湯超熱,小心燙親,味道唔錯,唔知點解會同雲吞排骨米線有咁大分別,不過係冇我地上次來果陣咁好味啦.

果然係夜晚係旺角食飯要早d去等位足足等左45分鐘先有位 相信已經唔係最慘 見到有好多人繼續等不過入到去都覺得值得既味道的確唔錯先黎一個雲南過橋米線一拎黎個超巨型碗 即場放d肉片同配菜落去 最後放埋米線其實份量唔多 不過個碗真係超大 d湯亦非常好味 (不過都幾油)米線唔錯 幾彈牙 肉就略嫌有d過熟 下次應該要早d食左先之後再叫左個松茸炒飯聽聞松茸係日本好貴既食物 佢地唔係用最靚個d既 不過試下無妨男朋友就話個飯無嘜味 我就其實食到有類似野菌類既味 應該就係松茸啦而且仲有d好似係咸火腿既野 所以其實都算有味既最得意係佢用個木桶裝住 名符其實係飯桶~ 最後叫左個豆沙鍋餅一拎黎我即叫「有豉油既?! 」哦 原來係糖漿...嚇死...初時以為軟身左既唔好食 點知食落又唔錯喎係就係有d過甜既 (入面d豆沙都好甜嘛) 不過算係試下新食法~ 值得一讚既係個茶 應該係糯米香茶 味道好得意~ 服務方面就幾好啦 上餐都好快座位就有少少窄 不過感覺都舒服既但就真係奉勸一句: 記得訂位!

近天氣温驟降，相約了朋友到旺角打邊爐取暖，因朋友近日多打邊爐怕太熱氣，所以改變了主意去了阿詩瑪吃雲南菜，想起上次來時已是年多前。 隔了這麽長時間没來，發覺裝修也看來老舊了，有些沙發座椅還有點破爛，環境相比從前差了些，老闆是時候該花點錢翻新店面。 本來三個人但其中一人突然有事離去，只剩下兩個人吃飯，不能叫太多菜艺式，端詳了餐牌一輪後叫了以下幾款菜：酸湯魚 (特價 $28； 原價 $88))很多滇菜也有下酸菜，以雲南地道的酸菜放湯來煑魚，魚肉被切成魚片，味道酸辣中帶鲜味，配合鮮魚肉非常醒胃，但味道有別於東南亞國家的酸湯魚，我在雲南自助旅遊時吃的酸菜比這個的酸味重很多，相信厨師已調較一下味道以遷就本地人口味。桑拿牛肝菌 ($58)這個是用一隻黑色小金屬鍋蓋着牛肝菌、红蘿蔔絲、靑椒及其它香菜，上枱時放在小爐上一路燒着保持熱度，牛肝菌在本地不平宜，這一小窩大部分都是牛肝菌，份量算不少的了。蔴辣羊肉煲 ($88)這鍋蔴辣羊肉煲好像廣府羊腩煲也是用一隻石臘小爐燒着上枱，還有一碟紹菜伴隨着，下單前向侍應查詢，侍應告知是中辣级數，羊腩質素唔錯，羶味只是很輕微，煲至骨肉分離，用筷子一夾便分開，窩內除

好耐之前黎過食都OK架,於是琴晚再去一次。因為自己好鍾意食菌類,而呢度又標榜多菌類。但係坐低之後發現菌類的菜式好似少左,但係就多左D其他菜式。我地三個人ORDER左1.酸湯魚 2.麻辣牛展 3.桑拿牛肝菌 4.京蔥爆羊肉 5.麻辣米線 6.麻辣餃子首先講個魚先啦,魚片用OK,都幾滑,但係唔知點解有少少火水味,個汁個樣有D似嘔吐物,話明係酸湯魚,不過唔夠酸。其次就係D麻辣菜式就好大件事,全部都唔麻辣仲酸酸地,個味怪怪地...牛肝菌就OK啦,但係勁多油同好幾碟.....最好食就係羊肉,不過唔知點解明明係京蔥爆羊肉變左京蔥煮羊肉煲

我同男友諗住試新野就入左去, 開頭感覺都唔錯, 我地叫左豆燜飯同野菌豬肉蛋卷, 結果我地等左二十分鐘, 仲要三催四請先等到個飯, 佢聲稱此飯有雲腿及青豆, 但結果兩樣係有, 但雲腿完全唔香, 味道同白飯冇分別, 個侍應仲話呢個餸係要等耐d, 但當初完全冇人同我地講過, menu 亦有寫明喎.好啦, 到豬肉卷上場, 只見豬肉, 野菌完全唔知去左邊, 搞到我地成餐都唔知食左d 乜, 但就成為一百三十二蚊, 當然我地一毫紙貼士都冇俾啦, 一定唔會有下次呀