阿爺粥品手工涮涮鍋 (已結業)

最近天氣轉涼，每次見到火鍋都好想食... 見到呢間粥底火鍋，就諗起啲生滾粥... 豬腰牛肉粥就最正～🤤做嘢做到唔知時間，原來已經宵夜時段咯... 128已包加一及茶位，任點任食，鍋底已包三斤蜆... 超值～以粥底煲所有食物都份外滑～各樣嘢都新鮮，尤其是我最愛嘅豬腰～特長蚧柳，好味又滿足～豬爽肉玫瑰花🌹廚師好有心思呀～啲蜆鮮甜、肥美呀～除咗生料，仲有熟嘅食物可以即時醫肚先...大良炸鮮奶，同一般嘅好唔同，外層係用麵包炸㗎～其實炸物仲有即炸響鈴... 但係，超長嘅響鈴熱辣辣上檯，賣相超吸引，決定唔益相機，益自己先... 唔洗30秒，搶食，食哂～😋從來唔知道可樂配百香果係咁好飲㗎～

開左咁耐終於一嘗粥底火鍋，之前未試過用粥底打邊爐，星期六唔駛返工又未食早餐，12:00來一次過食早午餐啦。呢度午餐時段除左有$98任食粥底火鍋亦有單點粥品午餐，我選擇左$98任食，星期六日假期另加$20午市任食都有唔少選擇餐廳乾淨企理粥底係指定既有芋頭粒及南瓜粒另有呢蔥花、菜甫及莞茜可加入粥底黃金蜆，海沙白鮮甜全部都開口的証明全都新鮮鮮滑牛，呢個牛真係堅軟滑，點煮都唔un玫瑰花豬爽肉，玫瑰花造型好靚食落爽口似豬頸肉伯爵肉丸係人手打既，肉味香甜仲有肉汁添👍🏼巨根蟹柳確係好長，皮旦有松花旦黃仲有少少流心，脆鯇新鮮爽脆無骨響鈴、炸魚皮真係不得了，兩款都係即炸皮薄脆口，響鈴超長size仲好鬆化，炸魚皮我覺得即食更好食因爲佢夠薄身唔似其他魚皮較厚同有時有d位好硬，推介必食😋最後加單有手工牛丸、粉腸、脘魚骨腩、娃娃菜同炸鮮奶，炸鮮奶係老板娘推介，雖然食到已經好飽，既然咁推介當然要試試啦，即炸熱辣辣，入面d奶有d似吉士醬但再杰身d，好有奶味確實無介紹錯呀，總括用料好新鮮，好多手工製作好有心思，食品味道亦好味有驚喜。

聽人講話呢間你鼎爺有份的吃市，今天尊程跑來試試，點了一個午市任吃火鍋，要了一個最簡單的白粥底，越簡單就越試到功力有多深，粥底嚟咗發現真係白米加水的白粥底，乜味都冇，咁都算啦，可以認認真真咁試下啲火鍋料掂唔掂，可選火鍋料比較少，點咗幾個例牌嘢，肥牛OK，脘魚好重坭味，其它乜嘢手打丸呀，水餃呀，通通唔掂，唯一值得一試嘅係順德春花卷。但係環境唔錯，服務員態度很好，但火鍋料款式少，上菜速度極慢。雖然係100分鐘任吃，但吃唔夠一個鐘就唔想吃，埋單走人。美食指數：可以不試

天氣開始轉涼，上星期六同K先生去咗荃灣嘅阿爺手工涮涮鍋打邊爐，午市任食火鍋配料款式多，價錢吾貴，好扺食。我地第一用粥底打邊爐，味道不錯，打完邊爐的粥底還可以食理。呢度d火鍋配料一d都吾hea, 好多都好特別。蟹柳大大條，菜肉雲吞同韭菜餃好新鮮，皮薄餡靚。肥牛非常厚身, 芋頭同南瓜細細粒，啱曬煮個粥底。有我最鐘意食嘅響鈴卷，每人食咗2 條。大良炸鮮奶，剛剛炸起熱辣辣，好好食。鯇魚片配粥底打邊爐，非常夾。魚片頭好彈牙。

1）送餐次序唔好：首先送d肥牛過黎 d海鮮等左成10幾分鐘先到2）服務唔好 :都冇人介紹首先落d咩 跟住又落d咩 d侍應聽到我地唔識點食又扮聽唔到成日掛住同同事傾計 冇啦啦拎碟菜過黎又唔講係點用加去邊3）唔好食）個粥底火鍋d粥只係得d粥水 加粥個陣一粒米都冇跌落黎 4）d海鮮難食）隻蟹食落去苦既 d魚有渣 d蜆有沙 d茶又苦既好在d地方夠闊落 坐得都舒服 燈光都夠光猛 有usb叉電插座 又有電視睇咁囉整體黎講可以的話咪L食e間

天氣好似轉涼，梗係打下邊爐啦！呢個用粥做底既火鍋好似幾特別，一於入去試下南瓜豬骨粥底，味道偏淡左少少，但陣間加埋其他野食就可以愈來愈有味啦但係佢既海鮮真係超新鮮，唔洗點醬已經食到既鮮甜，加落粥到又可以增加粥既鮮味打邊爐必備既丸，午餐肉，芝士腸都係任食既呢個玫瑰花其實係豬肉黎架，係咪好靚呢肥牛好重牛味響玲係即炸既，十分之脆！！叫左杯薄荷忌廉梳打，好fresh，淡淡既薄荷味唔算好甜店員服務態度好親切，食物質素又高，價錢又合理，一定會再黎

海鮮出色，每款食品都有各自特色，該晚試左每位$268套餐，海活有沙白蜆、活蝦、貴妃蚌、蟶子及鮑魚，還包括美國肥牛，可另選5款火鍋配料，點左12寸響鈴、伯爵肉丸、手打貢丸、特長蟹捧及鯇魚片。各種材料新鮮無比，打完邊爐，再嚐粥底滲著海味的鮮甜，真是滋味無窮

聽同事講呢間ok,於是book左9點半去試下環境好靚，啲燈飾好特別，同埋坐位都好舒適，有一半都係卡位。仲有一樣好貼心既係竟然有usb充電插座。我地兩個人叫左呢個餐，再加左$3O升級任食放題，可能太晏既關係鮑魚冇哂，換左聖子比我地。配料到左，望落好新鮮店員好細心幫我地將D配料放落粥度，然後提我地計時器響左後食D咩先。滾左後，我地終於可以開動勒！D海鮮除左望落新鮮，食落都好鮮甜，豬骨都好正然後我哋加咗芫茜、蔥同埋菜脯落去，搞咗一陣之後就可以食粥啦 D粥完全吸收哂海鮮味道，所以非常鮮甜， 同埋有菜脯所以非常有口感食完粥後就叫咗啲配料嚟打邊爐勒。 響鈴超大條 ，最重點推介既係超長既蟹柳同埋魚皮 ，蟹柳就算煮耐左都唔會爛同散; 魚皮非常之脆而且無油益味。仲有D貢丸應該係新鮮自制，有好香嘅芹菜味同埋冬菇，同出面嗰D好唔同，非常仲有另一推介嘅係豬潤同埋豬頸肉，豬頸肉係超推介大家，同埋佢啲蔬菜類都好新鮮。總結:食物質數都好好，員工都好細心，又主動幫我地換碟、加粥。而且用粥打邊爐感覺上冇甘熱氣;同埋食物擺碟好有心思

難得一見荃灣有粥底海鮮火鍋，咪勇於嘗試！ 我選擇海鮮餐 $218位*3， $268*3，原來星期六需要額外加多每人 $30.，這點覺得有點搵笨，材料一樣，質素冇升級，一行6人就多付$180.-，180可以多點多一兩個火鍋料！而且醬油費，加一服務費！額外多左幾舊水！同鍋心比較，鍋心真係名碼實價！抵食好多！海鮮新鮮，不過沙蜆就煩壞了粥底，沒有吐沙，整鍋粥全是沙，同伙記反應，係沒有反應！ $268餐係奄仔蟹，細隻，冇羔！ 極度搵笨！自選火鍋料 ，可選5款，份量按人頭計，份量尚可接受！今次中伏，結帳$2018.-

香港人肯定間中就會吃火鍋，但以粥為火鍋底的，在香港的確是比較少見。店內以沙發卡座位為多，更設有 USB 叉電插頭，適合食客涮涮下～香料比一般火鍋的少，只有粥品會用到的芫茜、蔥和菜脯。配料有五十多款，令人難以下抉擇～除了一些常見的火鍋配料，也設有如油炸鬼般於粥品會吃到的，令這個粥品涮涮鍋更有特色～飲品只提供熱茶，配合中式的粥火鍋。剛呈上時，粥底較稀，但之後就越煲越稠。粥底以粥水為多，乳白透亮，用勺子撈一勺雖不見米，但仍能聞到米的清香味，吃下去軟綿綿的。第一輪便叫了滿滿的一大盤～肉類一份（如圖）份量不多，可點多份的。魚皮響鈴都是即炸脆卜卜，響鈴的長度相當嚇人。大良炸鮮奶和順德春花卷都是極力推薦！！兩者呈上時溫度恰好，都是溫暖的但不會熱得辣嘴。炸鮮奶充滿奶油味，外皮以麵包皮炸，更帶輕微的蒜蓉味，外脆內軟～春花卷其實是炸韮菜，是比較油膩的，但咬一口已嚐到那韮菜香，雖不太健康卻又令人回味無窮，實在太邪惡了～雖然周末要加 $20，但不收加一，每人都只是 $118 便可吃個放題，飽肚又划算！

星期日，見到荃灣新開粥底火鍋，於是用openrice 訂位去到不是很多人，店員安排卡位給我們四人。原來粥底火鍋有三個set分別$218 $268 $3xx我地選了最平覺得d海鮮都夠其他食材就一樣ge每臺都只可點5款，無論幾多人都係5款，份量就按比例比。我覺得咁樣只可以食到好少種類，失去了打邊爐可以食好多野ge 樂趣。四人份量海鮮最好味係個蚌，鮮甜多肉，其他就一般啦另外叫左炸響鈴，好長，好脆。可惜粥底火鍋比較淡，響鈴吸唔到味，所以好一般😓其他點了生菜、魚腐、雞、水餃，味道一般正常。點雞係想有雞粥底的味道，可惜完全無😓最後埋單計埋茶介都要差不多$300一個人。下次試第二間🌝

從未試過打邊爐打到意興闌珊，一個鐘就熄爐收工。1.叫左$268個餐，餐單上寫明有蟶子，但海鮮盤嚟到搵唔到蟶子，就多左唔多值錢嘅離殼扇貝。問個職員，個職員竟然話：「應該係冇蟶子，所以用扇貝代替卦！」廚房冇蟶子，應該要係點菜時通知食客，而唔係自己換左食物就算。2.海鮮盤嘅海鮮唔新鮮，鮑魚係白色離殼急凍鮑，非新鮮鮑魚，扇貝又係離殼…3.個餐可以揀五款配料，我們揀左豬肉做其中一種。點知三人份量少到以為係伴碟…每人只分到三片細到得手指公咁大嘅肉。啲豬肉係擺得成朵玫瑰花好靚，但正宗好睇唔好食！4.收得268再加一，埋單成300元個人。海鮮唔新鮮，份量少，仲要唔包飲品。枝裝汽水收16元枝，最後覺得價格太貴，冇叫飲品，齋飲茶算！5.見到食物份量咁少，原打算食完海鮮每人加$30任食配料，點知個粥底打到尾段仲係淡而無味，決定唔加錢埋單走人。

這個網上的訂座系統的確麻麻哋，因為你訂座之後，雖然有指示，說明你已經成功訂了座，但是再致電店方確認的時候，店方卻說還未有收到，遲些會致電給你確認。但是，本人再等多一天，去到晚宴當日前一天，仍然未有任何人士致電，或者以任何方式確認預約。去到當天，就知道是什麼一回事，因為店內根本沒有什麼客人，即使去到七時許，店內好像也只有半數座位有客人，所以其實訂座也不太重要，直接來便可以了。餐單上有三款餐，由於每一個餐，都是兩位起， 所以如果你單數人去，即是三個人去，也需要叫同一款湯底。然後每個餐，都只可以挑選五款食品，跟着會按照你的人數，安排食物的份量，其實這樣不太靈活，因為人多，大家都會想試多些不同種類的食品。此店的粥底火鍋，與平日隔着爐煮海鮮那種不同，這個粥底火鍋，真的二用粥做湯底，然後將各樣海鮮，逐樣逐樣，或是一次過放到粥裏面，一來可以將海鮮煮熟，二來會令到粥底更富海鮮味，各樣海鮮共惹一爐，令到粥底充滿各種海鮮的鮮味。家中很少會吃到多寶魚，這次試試，都不算非常多骨，但是如果是中間的位置，可能會有比較多碎骨。多寶魚肉質，其實挺滑溜，如果你吃的位置不多骨，其實味道還不錯。奄仔蟹不算太大，但是還算有點

環境舒適！值得一讚海鮮非常新鮮！而火鍋配料新鮮不過種類不多，而且選擇一般！如果要追加火鍋配料每位要加錢！最特別有大良炸鮮奶!而粥底可以無限添加不過偏喊！不過偏價格略貴！不包飲品！限時2小時！

去完荃灣買禮物俾朋友仔,經過呢間出名用粥底打邊爐既餐廳,見佢任何LUNCH先係$118,平過晚飯時間一半,哈,橫掂經過,試一試先好光猛,地方又大又高,唔會覺得好煙好焗任食點心紙,原本$98 ,假日加$20好大煲,2個人食最抵,平時淨叫個湯底都唔只呢個價錢特飲$28,平過出面韓式餐廳一半,咁抵點都ORDER一杯夠2個人飲炸奶,好濃奶味外層用面包,以為係脆,原來係軟一百分油炸鬼,超好味,新鮮炸起勁脆,爽丫丫响鈴,超巨型,好鬆化皮蛋同粥真係好MATCH餐肉厚切,唔係大陸牛餐肉菜都好新鮮,無黃無爛手工手打牛丸同牛肉,鮮味多汁可以加海鮮仲要好新鮮,雖然唔算好大隻,但都回晒本加左海鮮變左海鮮粥,好鮮甜好豐富lunch 價錢真係堅抵食,下次經過要再食過~