阿爺粥品手工涮涮鍋 (已結業)

最近天氣轉涼，每次見到火鍋都好想食... 見到呢間粥底火鍋，就諗起啲生滾粥... 豬腰牛肉粥就最正～🤤做嘢做到唔知時間，原來已經宵夜時段咯... 128已包加一及茶位，任點任食，鍋底已包三斤蜆... 超值～以粥底煲所有食物都份外滑～各樣嘢都新鮮，尤其是我最愛嘅豬腰～特長蚧柳，好味又滿足～豬爽肉玫瑰花🌹廚師好有心思呀～啲蜆鮮甜、肥美呀～除咗生料，仲有熟嘅食物可以即時醫肚先...大良炸鮮奶，同一般嘅好唔同，外層係用麵包炸㗎～其實炸物仲有即炸響鈴... 但係，超長嘅響鈴熱辣辣上檯，賣相超吸引，決定唔益相機，益自己先... 唔洗30秒，搶食，食哂～😋從來唔知道可樂配百香果係咁好飲㗎～