阿爺粥品手工涮涮鍋 (已結業)

打邊爐就食得多要用到粥底來食就真係第一次試餐廳十分之細心因為怕客人會比D粥辣親個咀所以每一隻嘅筷子頭都係用生即棄嘅竹筷子咁樣就唔會因為熱辣辣嘅粥傳透咗個筷子而辣親個咀呢度同其他火鍋店一樣都有青蔥同芫荽作為配料而呢度最特別就係有我最喜歡用來送粥嘅菜譜及冬菜喺放入食物之前就梗係食返一碗白粥先發覺個粥底本身都已經非常出色好彩朋友撳住我如果唔係食下食下可能空口都已經食咗成半鍋白粥了首先叫咗一碟滑牛肉牛肉放落粥入面拖一拖就已經可以食得可能因為個粥底關係牛肉食落口非常之滑之後叫埋牛骨髓軟滑滑的牛骨髓估唔到加入粥度食都幾滋味仲有叫咗呢款伯爵肉丸叫得伯爵肉丸就即係弄得好細緻矜貴嘅豬肉丸要食爽口而且鮮甜嘅豬肉丸一定要用上新鮮豬肉再人手打至起膠呢度就完全做到晒呢啲要求而且肉丸中令到成個粥底再增加鮮甜最後不得不提呢度送嘅秋葵小食起初以為呢款秋葵小食會係滑潺潺嗰啲但係食落口就完全比佢呃到晒因為係好似脆到薯片咁樣嘅開胃小食呢一款令人驚喜嘅開胃小食真係一試難忘

其實我未食過粥底火鍋，究竟同一般火鍋湯底有什麼不同呢？食完就知。跟朋友們入座後，點了茶就研究點菜。新開不久，餐具和裝潢都很新。點完火鍋及配料，店員就送上醬料，共有6款。附送的前菜是秋葵，口感脆卜卜，就像是零食一樣，很好味。就算怕秋葵黏液的朋友都可以食到，因為整條都脆身，內裡沒有滑潺潺的黏液。阿爺有米粥 $48，粥底比較稀，以粥水來作火鍋底，味道清淡健康。手切牛肉 $198，顏色鮮豔頗新鮮，份量雖然不算多，但質素較好。牛肉味道濃郁，油脂適中不會過多，肉質柔軟，用雙飛切法食落帶咬勁，越咬越多肉汁。玫瑰花豬爽肉 $68，外賣吸引攞哂分，豬爽肉卷成玫瑰花形，很有心思。豬肉十分爽口彈牙，味道清淡，沾辣醬油更美味。三色油炸鬼 $58，有墨魚滑、蝦滑及鯪魚滑三款材料，分別釀入油炸鬼再炸，炸得很香口脆卜卜。墨魚及蝦滑都很彈牙爽口，墨魚鮮味更突出，鯪魚不算很腥，魚味重。蔬菜拼盤 $88，很豐富又很有氣勢的蔬菜拼盤。有生菜、娃娃菜、唐生菜、冬菇、粟米、南瓜及金針菇等等，我地一次放了大部份蔬菜在粥底火鍋，令粥底更清甜，就算涮肉質也不會膩。最後的粥底也較稀，但味道變得豐富了，連蔬菜同食，更為清甜。

早幾日出去工作經過見到新開左呢間粥品涮涮鍋,見裝潢唔錯,就決定今日放假同男朋友黎食,順便食完睇返場戲.餐具係我至愛既熊貓,好靚,最特別係對筷子,筷子前部係可以更換的木造質料,感覺衛生又方便.有6款醬油配料俾客人自己添加餐前小食送既山葵:原以為會有滑潺潺既口感,但一食好令人驚喜,係脆架,感覺似風乾左咁,但又保持到山葵既味道,值得一讚既小食...阿爺有米粥底$48:開頭以為有咩特色,但結果係普通既白粥底,不過都好既,清清地都唔錯...玫瑰花豬爽肉$68(份):賣相相當吸引,但份量就比較少,豬爽肉切成薄片,放入鍋裡好快就熟,食落肉質爽口帶點嚼勁三色油炸鬼$58:三色分別就係墨魚,鯪魚,蝦肉釀入油炸鬼內,每款有2件.外脆內裡彈牙,口感豐富,不過鯪魚就有點魚腥味,個人不太喜歡.手切牛肉$198(份):價錢和份量對比下較貴,但佢都切得幾厚身,而且牛肉質素唔差,所以都可以接受...牛肉脂肪比例適中,食落肉味香濃,肉質帶點嚼勁,但唔會太韌.蔬菜拼盤$88(份):打邊爐點少得蔬菜拼盤,咩都有,唔洗煩選擇咩好...呢度既蔬菜拼盤賣相好靚,份量都幾多,而且蔬菜每款都好新鮮,特別冬菇,南瓜,栗米放落粥底一齊食

呢排越開越多粥底火鍋今晚見到荃灣呢度開咗一間新嘅二話不說梗係入去試一試啦呢度主打就係用上新鮮嘅海鮮坐低就梗係揀咗個粥底先啦我哋揀咗呢款叫做阿爺有米粥底發覺呢度個粥底同其他粥底火鍋店十分之唔同因為個粥底質地有啲似米漿而且就比較厚身唔會好似其他粥底火鍋店咁米還米 粥水環粥水之後就見咗半隻文昌雞因為由細到大覺得雞同宗簡直係隔世情人咁食親中一定要落啲雞落去發揮其鮮甜味道呢道肯定用上了正宗文昌雞因為文昌雞出名皮脆肉嫩而且沒有戴上多餘的脂肪放鬧鐘底之後已經可以看出其變化因為文昌雞的肉汁開始散發於粥底內我覺得可以歸功於個粥底用上了米漿所以食物本身嘅味道可以適當地滲入米漿內但係又唔會令到食物好似流失晒所有味道咁另外在點上了這款大大隻韭菜肉餃子起初都好驚呢隻韭菜餃子會淥下淥下就溶化於粥底內變成肉碎粥喺小心翼翼之下發覺原呢款皮薄的餃子原來同粥底非常之夾食得出新鮮嘅肉碎同濃味的韭菜比厚厚嘅米漿包住所以食落口好滑仲會滲透出鮮甜味道另外再叫左黃金蜆已經不用多說甜美的蜆肉完全修飾左整碗粥底令到粥差不多變成了海鮮湯般的香濃當食完晒所有食物之後剩低嘅粥底就變成了今晚的主角因為所有食物的精華已經完完全全鎖住源於這個粥底

時至今日的火鍋原來可以發展到用粥底,我覺得對勁易熱氣的自己來說係大大的福音,所以見到荃灣開左阿爺粥品手工涮涮鍋,都好有興趣試下。由於當日係試業期間,仲會有8折優惠裝修格局都以實用為主,光猛寬闊,多人打邊爐都唔會坐到好逼,走中式風格,仲有電視提供~~店員服務都好友善同主動招呼,火鍋是遂碟計,配料除左平時食開果D仲有自家制作的,價錢合理,不過另收$18茶錢,可能會覺得稍貴。我和朋友點了最基本的粥底同幾樣配料。筷子的設計好新穎,半節的設計似乎比較環保。調味料的選擇都多,而且衛生地蓋好。這是送的小食一烘好的秋葵,大部分人都唔喜歡食到秋葵滑潺潺的汁液,但烘好的秋葵十分香脆,好似零食咁。鮮蝦雲吞,SIZE好夠份量,除了有成隻蝦外仲有瘦肉,唔會加上大量調味粉來遮蓋腥味,爽口又唔會太肥,好好食~~芝士蝦丸,手打的蝦丸很彈牙,芝士淡淡的,送粥的好選擇~!成朵ROSE好吸引呀(少女心)~~~!!!切到透薄的豬頸肉一塊一塊砌成的ROSE,原來食落有十多件的,可以一早ORDER放粥底等佢有肉味,而且薄身可以好快熟,食落好爽口同埋有肉味,必試~~鮮炸脆奶,份量大方,賣相有心機,炸得脆卜卜香口,奶味不太濃,可以濃

一坐低就有杯茶飲下，杯茶有令人不斷飲的魔力，好香好飲，配料方面用個好靚既樽仔裝住，最特別係有菜脯粒，然後個豉油好香，又唔會太鹹或太淡，剛剛好。我地叫左一個清酒黃蜆鍋 ($98)一煮滾有濃濃的酒味蒸上來，因為個煲底都幾深下，個蜆既份量十分之足料，感覺有成兩斤咁多，而且都係厚肉的中型蜆，所以煲湯鮮味十足，配上清酒的香，好夾！會忍唔著係咁飲。手切牛肉 ($168)牛肉切得都幾簿，牛肉味好突出，肉質都好嫩滑。蔬菜拼盤 ($88)一來到個拼盤，好精美，看得出擺盤上花了一些心思，不得不提的是粟米，極之鮮甜，超回味。炸響鈴 ($48)個響鈴係新鮮即炸的，仲要大過隻手，相信係即叫即炸的原因，十分脆口。可以吸盡湯底的精華。三色油炸鬼 ($58)總共有三款釀油炸鬼，有蝦滑、墨魚滑、鯪魚肉，釀既料份量十足，咬落係啖啖肉，再加外皮由油炸鬼包著，浸湯食一流，叫粥底應該仲正。鳳皇蚌 ($48/隻)好新鮮、好大隻，爽甜！貼心的座位及服務，有USB charger 用。

朋友推介話呢間粥品店不錯 晚上有得打邊爐,所以就帶埋兩老黎食下。 一坐低阿媽就問點解筷子咁短, 原來係要接駁一對木竹嘅, 夠曬長唔怕辣到隻手喎。阿媽話想試龍蝦粥, 但原來午市先有,唯有下次啦見附近幾枱都叫蜆鍋,於是揀左清酒蜆湯底, 哇！好足料 勁多蜆！令人更期待之後嘅配菜呀！以下嘅試完真係覺得必點：1）牛頸脊～淨係d牛花就知佢高級啦!真係好淋!完全冇雪藏味2）即炸響鈴～上碟時仲係有煙,就咁即食點豉油已經好好味！ 唔同平時果d未放落湯已經淋晒！3）南瓜～ 放入蜆湯好吸味，正！4）鳥結糖～ 真係成粒糖咁, 第一次見。原來係自家制嘅。彈牙爽口5）鵝肝墨丸～入面好多鵝肝，口感有點似吞拿魚，幾特別！6）廖媽雞翼～炸得好脆但唔油膩7）炸脆奶～ 完全係我鐘意食嘅野！ 有奶香味，擺碟好靚，食到一口接一口！8）沙冰～ 母親點左百香果可樂沙冰，我點左芒果味嘅。前者酸酸甜甜好開胃，後者好香芒果味。佢嘅外型真係令人忍唔住要影下相呀！！總結，3個人只係$6xx （試業期間有8折），絕對係高質打邊爐！

早兩日係荃灣行街，見到呢間試業期間有8折優惠，入面已經有好full，感覺應該唔錯所以就決定一試！每個卡位都有USB插俾你沖電脆蒜係自家制的間店送左碟秋葵俾我地，又脆又唔油，幾好食！問店員點整，佢話係用機去風乾佢，唔係炸嘅，所以無油份湯底揀左清酒黃蜆鍋$98，真係物超所值！！成個鍋都係蜆，大大隻！陣陣清酒味香，淨係蜆殼都換用左幾隻碟即炸響鈴，成隻手掌咁長！ 又香又脆口！ 必點呀！頂級牛頸脊，份量唔多，但入口即溶又有牛味！又係必點最特別係菜單有樣叫「鳥結糖」，好奇下點左黎食，食落有d似好爽口嘅墨魚滑，仲有d一粒粒脆卜卜嘅野，問下店員先知係用兩種墨魚滑整成，加左雞軟骨，所以食落口感咁豐富 ！特長蟹柳 比普通嘅長一倍有多少見嘅順德炸脆奶，外脆內軟，有陣淡淡嘅奶香味，一d都唔膩，食完成餐當甜品岩岩好呀！芒果汽水沙冰$28， 估唔到咁巨型！！ 好抵呀！呢間店好多手工配菜，環境裝修得幾靚，成餐飯都好enjoy!希望keep到呢個水準。值得可以再食！

今晚一家人外出晚餐，途經荃灣見到呢間新開張既火鍋店望入去見到裝修都幾靚幾有特色，家人都話可以試吓，於是就入去啦，服務員好有禮貌引領我哋安排坐位，跟住當然係揀嘢食啦，我哋揀咗個粥底仲有半隻文昌雞，先頭家人話半隻雞要百多元會唔會貴咗D，但食過之後大家都話物有所值，點解呢……因為係新鮮雞黎架（外出食嘢真係唔係咁多地方有新鮮雞食的）其他火鍋配料都真係幾好喎，阿爸至愛既粉腸，洗得好乾淨完全冇異味好新鮮又夠淋唔會好似食橡膠咁！呢個自家制雲吞成個乒乓波咁大粒，味道調配得唔錯幾好食九肚魚一睇就知非常新鮮又夠大條，食落好鮮好甜，食完火鍋配料D汁落哂粥底度，D粥果然夠哂鮮甜，美中不足係如果粥底稍稍多DD米會口感更好，見到餐牌有D小食所以又試吓唔試過都唔知原來火鍋店除咗火鍋及配料好之外，原來廚房嘢一樣可以幾惦吓，由以呢個干煸四季豆真係非常靠得住，炒得好有鑊氣而味道好香好好味！仲有個煎焗魚咀，焗得香之餘又唔會乾哂飲埋呢杯透心涼既茘枝忌廉沙冰就滿足哂！

同朋友新居入伙慶祝，住荃灣附近，得知附近有一間新嘅粥品火鍋開張， 我哋又懷着探險嘅心情去試吓！地點都好就腳喺市中心附近，附近就係好多大型屋苑落成嘅地方。店入邊都好寬敞！我哋幫襯當日原來仲係試業期間！啱啱開張。食物選擇不少，有火鍋用嘅亦都有熱盤小食。呢度用新式嘅打邊爐筷子，樟木頭插上筷子就可以用，唔使全對都係木咁唔環保。好方便！餐前小食送咗個熱烘山葵俾我哋。外表好脆， 冇咗山葵滑潺潺嗰種口感。好可口！第一次用呢個食法， 估唔到健康得來又好味！話明粥底火鍋，我哋就揀咗阿爺有米粥底。 本身足底偏淡， 所以我哋加左大量粟米同海鮮落去調味。清清地打邊爐都唔錯呀！大蚌鮮甜肉厚！花蟹肉不多，但好甜好新鮮。牛肩脊好有牛味，唔韌又好𡁻口，食落油脂均勻！好正！油炸鬼勁脆，配粥食係絕配。原本以為最平平無奇，但食落有驚喜！Wasabi 墨魚丸好特別！鮮打墨魚滑夠彈牙，中間夾住d wasabi夠哂刺激！估唔到兩樣野撈埋一齊咁夾！忌廉士多啤梨冰，上台望見外型好特別，不過驚喜不大。呢餐入伙餐質素唔錯，雖然試業中有小小甩漏，但服務員態度都好好。希望水準能夠保持啦！

茶包係一個個幾好唔會有茶流出，筷子都大有來頭係楠竹筷竹，係換上筷子比我地唔好辣到，好細心！依到裝飾嘅燈好靚係雀仔形，好得意。先送小食，炸秋葵好脆但唔咸。比較乾身同都幾多條，送既估不到咁多。平時唔鐘意佢滑生生，食脆既就無依個問題啦，哈哈。娃娃菜大大份又有冰坐住，勁細心。無沙頭既菜又爽喎。落粥就淡味d，無落深色菜葉個d濃味，但想清淡d，就不錯選擇。新鮮即整既即炸響鈴，大大份勁多條又長，吸哂味。但唔好滾太耐會太軟身無咁脆。就咁食都得，脆又薄。蜂巢豆腐好似魚蛋咬感，一個個洞都吸到味又正，好彈牙既感覺，不錯也細細粒。特級牛頸脊脂肪分佈勁好，好香油牛味。咬既肉質好鮮美實在，無介紹錯，值得食！玫瑰花豬爽肉都係分泌好多油，造型勁靚，諗起近來既beauty and the beast既花，好靚呀。特別鳥結糖，滾完唔縮水！材料係兩種墨魚，所以好海鮮味。食完仲有，8大舊，好胞呀，又彈牙無麵粉感，好抵食。韭菜餃算得上大粒，內有大大粒肉粒又有勁大舊菜，好足料。原來佢地近日先開店，都做得好好，無馬虎d料。估唔到！阿爺有米粥係純粥，但因為吸盡所有野精華，愈食愈好味。我地食哂粥，飽到好和味。環境好光亮，坐卡位好舒服又

筷子係楠竹筷頭，好特別第一次用！每張枱都有叉電好正。服務好好，會過嚟介紹佢地特別菜。小食係炸秋葵，脆口但無青味，怕涮涮既人都可以食，因為炸左係乾身好多。幾好食，好似食緊薯片零食咁。阿爺有米粥，一開始無味，仲以為就係淡粥一晚嫁啦。但之後愈食愈有味，特別好吸肉味，同豆腐味。加埋菜莆好好食，有咬頭。娃娃菜大份量$28，清淡而有咬感。因為我地無滾到好熟，保持返爽口點。即炸響鈴，上枱仲勁熱，會唔會熱氣？唔理啦，咁新鮮整要食要食要食！三秒定律，123，吸哂濃粥水就食，仲帶有少少內脆，好豐富口感。蜂巢豆腐又係勁吸粥之選，無冰依點好難得！豐稠一個個窿吸晒啲粥汁，好辣口，點少少豉油帶返個豆味，正喔又健康。特級牛頸脊勁正，必食，雪花分部好好，而且鮮而無冰。牛肉有少少肥汁，就係佢搞到個粥幾甜同濃味左！玫瑰花豬爽肉好靚，成大朵玫瑰花，心心眼。薄切以為無口感？錯啦，滾左勁耐都好嫩肉，好欣賞！一層一層落，落完仲有，好多份量，依度食肉幾抵正。特別鳥結糖係黑白墨魚做成，好特別而且好靚。好鮮魚味。食落唔會粉感，好足量！一咬勁多黑墨魚肉粒，咬頭好！韮菜餃超大粒呀比起平時麵店個d，多汁多肉！皮算薄，料都無走樣，韮菜岩岩好，