阿爺粥品手工涮涮鍋 (已結業)

一行三人又係荃灣搵野食，大家都想打邊爐，上網見到有新火鍋店開張，我自己本身未食過粥底火鍋（無錯，唔係新出但真係未食過），朋友都覺得粥底好似健康 d，所以就行去試一試去到門口，等左一陣就有位，由於新開張既關係，感覺所有傢俬餐具感覺都好新，通風都好好，無乜味（因為正常火鍋店有時令人卻步既原因係清潔度同好大陣味）店員介紹菜式前介紹佢地既餐前小食-烘冬菇，估唔到呢個整法既冬菇咁爽脆有味，感覺都好健康，可惜得一兜好快就被 KO由於我地叫左個白粥底，所以叫左 d 海鮮去煲，黃金蜆俾我既感覺好多，好鮮甜，亦幾抵食另外我地再叫左三色油炸鬼，分別係釀左三種配料係油炸鬼，感覺幾特別，個人最愛係釀蝦肉，而台式黑椒腸都好惹味，分量亦不少另外食火鍋必叫嘅響鈴同埋炸魚皮，估唔到都好特別，響鈴個size都幾誇張，每一條都有一隻筷子咁長，可能由於係即炸嘅關係，所以感覺好鬆脆，另外炸魚皮都好脆，而且唔似出邊啲炸魚皮咁碎，每一舊都好完整總括嚟講第一次食粥底火鍋都幾滿意，而且最後食埋個好多精華好甜嘅粥，飽到不得了，正，以後火鍋多一個好選擇

荃灣新開左呢間粥底做火鍋新店。見到開飯喇咁多笑臉，我地試左$298呢個套餐$298真係期望唔好咁高，除左指定海鮮，仲可以自選6款食品。份量好少，但如果二個男人一定唔飽。豬潤麻麻地。墨魚滑過得去。南瓜切得太細，都撈唔番上嚟，同番茄一齊當淆湯底。油墨菜同個粥底我覺得唔係幾夾，下次唔會點呢個。海鮮都ok。沙白好甜。不過我個人對粥底打邊爐真係麻麻，試下無坊。肥牛都幾好味。可惜得4塊真係好搞笑。店內仲有特色飲品，不過無叫到。飲左枝藍妹，要提一下醬油費，每位$18唔明一間新開既店，可以咁多好評，我都覺得一般，食物份量太小。

天氣尚未熱嘅時候去火鍋，因為遲下唔會有心情去，今日同大家介紹荃灣嘅火鍋店，大家一定要去試嘅粥底火鍋，去到可以先選粥底先，我自己就選咗個普通嘅粥底因為我個人認為食粥底火鍋要知道佢地啲食品新唔新鮮就唔好選啲有味嘅粥底，所以我叫咗個白粥底，另外叫咗半隻雞，當粥底滾嘅時候落雞已經有雞嘅香味，幾分鐘後攞反啲雞上來一食，就食得出係新鮮雞，我仲有叫尤魚，啲尤魚非常新鮮，鮮到好像剛剛仲游緊水仲有鮮蝦丸，蝦味好重爽口彈牙，，金茹同菜都唔錯，不過咩特別，要講到特別一定係最後放嘅油炸鬼，因為啲粥已經張所有新鮮啲食物精華吸收，令到油炸鬼嘅味道好味到唔能夠用筆墨形容，一個字粥我都食咗三碗不過太飽真係食唔曬，係火鍋嘅熱力下，喝反杯透心涼啲忌廉沙冰簡直係人生一大快事

直接用粥打邊爐都係第一次，感覺正氣😜唔熱氣調味豉油料除咗有辣椒，生蒜，熟蒜，仲有唔辣菜脯，如果有辣會更好🤣湯底都有好幾款，間野叫得阿爺，梗係叫返個阿爺粥底試一試啦🤣阿爺粥底分別有南瓜，芋頭同蜆，仲有油炸鬼油炸鬼好好食，應該是即炸，好趣好香口，好味到要散叫左一碟👍🏻👍🏻第二碟一樣咁好食👍🏻👍🏻打邊爐又點可以小得響玲，第一次食咁長既響玲，又係即叫即炸，因為等左有d 耐，好趣好香口。手切牛肉，不過不失，唔算太有驚喜🤣玫瑰豬爽肉，因為個名而叫，一拎出黎都覺得幾靚，當然要相機食先，但份量唔多其餘都係菜，菇無特別影相，都係正常野😆結論：菜單上名稱比較特別，員工也不太清楚是什麼，但會主動提出向廚房查詢👍🏻👍🏻如有唔食粥底打邊爐仲有小菜叫架😜

尋尋覓覓嘅粥底火鍋，俾我搵到間新鮮材料，價錢實惠，款式多樣選擇一一海鮮、刺身、文昌雞、小食、多款火鍋配料。點餐後送左秋葵乾，在等候時間可以食住先，好窩心，秋葵好大條，好脆，帶甜，營養價值高，又好味😍湯底方面我點左清清地嘅阿爺粥底，粥底好綿，好香，煮耐左都不會粘煲底，好正🎊花蟹仔和粥係最襯，必點，花蟹甜，慢煮可以提升粥的鮮味，跟住打後的配料便可以吸收鮮甜味。花蟹好新鮮，肉質係好甜好爽，食得到的新鮮，價錢實惠🎉🎉乾炒四季豆係我最愛，份量岩岩好，豆好入味，俾秘制嘅肉鬆料緊緊抱住，每口都刺激味蕾，小小辣，好惹味，無渣，非常正仲有豆卜和生菜和金菇，全部都同粥底好夾，綿綿甜甜甘，好正，另外唔同配料調教出來的味道原料好正，同出面的好唔同，下次再會約一班Friend去嘆，因為服務周到，笑容好，食材精選新鮮，價錢實惠😍唔容易遇到架🎊🎊

趁住夏天黎之前，瘋狂打多幾次邊爐先！同frd約左收工行街，本來打算去掃街邊小食，但天氣好熱。都係想坐低舒服咁食個晚餐好d覓食中見到阿爺粥底火鍋新開張，人唔多而且D卡位好似坐得好舒服，就試試新嘢先咁啱又想打邊爐喎一坐低侍應就拿左呢個前菜比我地，話係送既好特別呀好似係冬菇但好硬，一試原來係炸脆左既冬菇，口感好特別真係第一次食熱氣都要食多幾舊新開張環境係唔同d，而且餐具都好講究，筷子係可以換頭既，第一次見都覺得幾特別竟然比我見到有順德炸牛奶好好味呀第一次係香港食牛奶好軟滑但外面的皮好脆，口感一流差d唔記得我地既正餐未黎日本清酒黃蜆粥鍋-呢個蜆煲起碼有3-4斤咁多，係一般蜆煲份量既幾倍呀！好香清酒味，望住d蜆一個個咁打開，都幾正！粒粒肉都好彈牙好鮮甜，配埋清酒味既粥底，無得彈 呢個煲4個人食都夠呀打邊爐點少得芝士腸同肥牛！芝士腸質量唔錯，呢個肥牛係手切牛肉，偏瘦唔會太肥，反而好重牛肉味，幾特別全晚焦點就係呢個玫瑰花豬爽肉-砌左一朵玫瑰花出黎呀D肉切到好薄，一放落煲好快就熟啦肉好爽口。鍾意豬頸肉既必點呀！最後我地仲追加左響鈴，超級勁大條而且係即炸既，放3秒即刻食得今餐真係好飽好滿足

6個人想去打邊爐，黎到呢間新開無耐既粥底火鍋，環境很新很光猛，坐得好闊落。其實個套餐都幾吸引，268有咁多海鮮，不過今次想食小食同牛頸脊而放棄套餐。大良炸脆奶，上枱熱辣辣，夠香脆，咬入去係軟滑香甜既牛奶糕，味道有驚喜，非常特別。廖媽雞翼，炸到皮脆肉嫩，醃得好入味，外皮帶香香既南乳味，非常juicy，正!特價既清酒沙白蜆粥底鍋，98蚊，份量超多!! 每人分到幾十隻，蜆肉鮮甜嫩滑，唯少量蜆有沙，但程度可以接受，清酒蜆湯底好香，加入粥底質感更幼滑，做火鍋湯底一流。另一個鍋經理介紹我地叫龍蝦海鮮泡菜鍋，298蚊，有1隻龍蝦，海蝦，蟹，蜆，仲有大量配料，豆腐，泡菜，芋絲，蕃茄，芹菜，椰菜花，非常足料，泡菜湯味道夠惹味，主角龍蝦質素很高，肉質爽滑鮮甜。響鈴是即炸的，非常鬆脆，好正。牛頸脊，198蚊，肉質嫩滑，牛脂味香，推介! 海蝦好新鮮，上枱仲識得郁架! 非常鮮甜。芝士蝦丸會爆芝，蔬菜籃好多款式，亦都好新鮮。鳳凰蚌是經理的另一推薦，48蚊1隻，話可以生食或者火鍋，朋友試了刺身，說味道很好。我膽小試了火鍋，味道有驚喜! 淥完唔會縮水，仲係好大隻，鮮甜度爆標，肉質爽嫩彈牙，呢個非常好食! 最後試試清

大夥人聚會最好就係打邊爐，慢慢滾慢慢食慢慢傾，最終就揀咗阿爺粥品手工涮涮鍋幫襯店內裝修得好有中式格調，睇怕都花費唔少晌裝修到，同埋佢地有樣好特別，就係個筷子要套木筷子嚟用，畀人感覺都幾衛生重點當然喺嘢食，睇餐牌見到268一位粥底邊爐，同出面食嘅差唔多價錢，有海鮮拼盤加五項自選嘢食，但待應推介多人散叫抵啲，咁就無叫散叫方面感覺最吸引嘅就係呢個日本清酒黃蜆白粥鍋，佢話足4斤蜆同埋只係98蚊，忍唔住叫，睇到又的確幾足料，個煲啲蜆夾親都有，吃極都吃唔完，另外個粥底超重胡椒味，好似食緊胡椒豬肚湯咁，愛胡椒味嘅朋友一定十分like, 加埋極多蜆嘅甜味...另外亦都叫咗好多配料，當中最吸引嘅喺海鮮，呢個鳳凰蚌受到待應推介，可生食或者打邊爐，雖然可能生食大多數人感覺吸引啲，但滾兩滾先食都唔差，鮮味同甜味依舊，好爽口另外叫咗手切牛肉同埋頂級牛頸脊，刀工好好，好薄身，同埋都新鮮，食落滑口，值得一試

最近荃灣開左一間粥底火鍋今日做緊呢排最hit既卜卜蜆優惠$98就食到足四斤既日式清酒黃蜆沙白粥鍋我地得2個人，見咁抵明知4斤都要衝入去試下入到去好寬敞，天花掛滿一隻隻紙鳥燈枱都係好大張，坐得好舒服我見到呢個USB好驚喜，香港人成日機不離手，又唔係成日帶住小米係身，座位有插頭叉電絕對係窩心之舉！筷子好特別，下面係即棄竹支，每次都係將竹個部分用少少力塞入上半部分，都慳返唔少洗碗時間😂呢個蜆粥真係唔好講笑，一打開蓋，聞到勁鮮~一舀，嘩！係超多蜆，過百隻無走雞淨係食蜆加粥都一定飽我地兩個人食左一段時期都未清到一半四個人既話都好足夠當然，打邊爐就一定叫下其他野食韮菜餃脹卜卜，大大隻，韮菜份量十足，豬肉又有咬口墨魚滑拳頭咁大粒魚滑好實淨之餘，係非常彈牙佢地好重視食物賣相，睇下雜菜籃擺到成個盆景咁就知所有蔬菜都係好新鮮同乾淨，唔會滴哂水南瓜同粟米係超甜呀玫瑰豬肉片點解我話佢地講究呢？因為上呢一碟即時候，有一塊豬肉花瓣跌左落嚟，店員即刻好緊張咁話拎返入廚房再砌過，睇得出佢地好有心思有睇頭，亦都有質素，豬肉片涮落漏就變得晶瑩剔透，涮耐左都好彈牙手切牛肉厚度適中，雪花脂肪平均分佈，好重牛味生腸亦洗得十分乾

阿爺粥品手工涮涮鍋喺荃灣一間打邊爐既食店 食店係打邊爐 粥底邊爐等 仲有唔同既順德小菜 裝修同中菜館一樣 坐位舒服 有長枱卡位日本清酒黃蜆沙白粥鍋 98 蚊一上枱用雪滋爐慶住 煲一陣就食得 煲入面有好香既清酒味 應該落左唔少清酒 入面落左葱花 薑 胡椒 令到整個湯底好香濃 胡椒微辣得黎開胃 而重點係佢嗰個沙白黃蜆既數量 98 蚊足4 兩 差唔多有成2,3百隻 勁落足料 又夠新鮮 食落十分煙靭鮮甜而中途可以落料打邊爐 食到最後 可以落粥水米 食埋粥 粥底好軟綿綿 吸盡打邊爐料既精滑 十分滿足酥炸鯪魚球 48 蚊一碟有6 粒既鯪魚球 大大粒 外脆内滑 入面有d黏稠既口感 魚味充足 而 醬汁 有蜆介 薑 葱花 辣椒魚露 溝得好好同炸既鯪魚球 味道好match 好正秘制咸水鴨 65 蚊 應該都係順德菜嗰類 鴨既整法 , 鴨肉好軟滑 應該用鹽水醃浸過 好耐 所以食落去有少少似臘鴨既咸味甘 但不同既係鴨肉好juicy皮肉都好夠滑 , 上面以薑絲同辣椒調味 好唔錯

好朋友上星期話荃灣新開左一間粥底火鍋質素唔錯，我第二日就即刻去試吓！原來我去嘅時候仲係事業階段， 連餐廳名嘅紅紙都未揭開。呢度嘅筷子都好衛生，用竹頭套上就可以。海鮮肉類小菜熟悉樣樣都齊全。餐前小食佢送咗個烘秋葵，好脆而且好香秋葵嘅味道。我哋叫咗個可樂百香果沙冰，好特別，酸酸甜甜！用嚟配打邊爐唔錯！除咗粥底之外，我哋揀咗個泡菜海蝦鍋！配料非常之豐富！正如圖入邊一樣，配料塞滿整個鍋，有大量蝦同埋菇蔬菜！職員仲好細心咁話我知可以揀大中小辣。打邊爐配魚皮係非常之夾！餘地係啲叫即炸非常之香脆！上面仲有點點嘅蒜香！響鈴體積非常之大！同樣都係十分之香脆！牛柳粒非常之重牛味，脂肪分布均勻。彈牙！另外我哋叫咗個水餃，其實一碟入邊有六粒， 但我哋食咗兩粒先記得影相， 粒粒都好飽滿！好鮮味！鮮貝好鮮甜！多肉！打邊爐淥兩淥已經熟！爽口彈牙！講到創新又點少得啲個Wasabi墨魚丸？鮮打墨魚滑一邊載有少量Wasabi，味覺十分之刺激！呢度嘅粟米亦都好鮮甜飽滿，粒粒肉都勁多汁！總括嚟講朋友真係冇介紹錯！除咗粥底之外我嗰個湯底都非常之好！希望佢唔係新開先有咁好嘅服務同水準， 可以一路keep落去！

荃灣不知不覺又成為一個食肆林立嘅好地方，朋友帶我去新開嘅一間粥底火鍋餐廳食，原來呢度只係經營左一星期！食物選擇都應有盡有，嫌打邊爐要等的話都有少少熟食可以叫。呢度嘅配菜唔太多，但最特別嘅係有菜譜，可能因為可以選擇粥嘅關係。我哋本來諗住叫粥底火鍋，最後被韓式泡菜火鍋湯底吸引左， 個湯底都幾辣！原來入邊有啲辣椒膏響度。不過辣得來有幾刺激！配料仲有好多！如圖所見蝦都已經成10隻，仲有啲蔬菜同菇添！所以＄98真係好抵！打邊爐點可以冇牛呢？我哋叫咗牛肩脊同埋牛肉粒。估唔到牛味超濃郁！又唔韌！超高水準。南乳雞翼超香脆。蔬菜方面，呢度嘅粟米超甜， 菜心又好淋！另外仲叫咗一隻蟹食，蟹肉唔多但好甜。兩個人每人二百幾蚊都已經食到好飽。個人對牛嘅滿意度好高！真係唔錯！

friend took me to the congee hot pot At Tsuen wan I am very interested !I have never tried congee hot pot before We order fish bubbles Very special and sweet After boiling for 10 minutes Bubbles become bright white The outer layer is soft Some of the bubbles are stiff inside But my friend said They are really fresh !I love the slice of beef Bovine tenderloin Very delicious 😋 boil it 3-6 minutes The best way to have beef the fun experience Is this delicious congee After the meat and fish bubbles

今日同三五知己聚會，友人話剛才行過見到呢度有間火鍋店今日開張，另一個友人就話未試過粥底打邊爐，順得人既我就和應咪入去試吓囉，大家無異議就向火鍋店出發，去到門外燈光通明，入到去睇見D裝修又幾有特色幾得意睇睇餐牌火鍋配料選擇都唔少，而且仲有D唔同既小食添首先第一碟就來了秋葵小食，本來睇個外形以為會麻麻，但食落完全係兩回事，眼望似植物但口感竟然似食薯片咁，又幾好食喎粥底火鍋店當然揀粥底啦淨係足底太單調，當然叫番半隻文昌雞增強味道啦，講開隻文昌雞又幾鬼好食喎，好有雞既鮮甜味，估計應是新鮮雞黎我哋仲叫咗幾款火鍋配料，例如豬皮……白白淨大大塊無油益味椒鹽九肚魚就食得多喇，粥底火鍋九肚魚就第一次，估唔到原來咁好食喎，因為好新鮮所以超級鲜甜介紹吓D小食先……廖媽雞翼唔通係姓廖既媽媽自家制嘅，係咪就真係唔知，我只知真係好好食啫，即炸的表皮好鬆化，内裏D肉汁仍然好多，幾野味由炸鬼又係即炸的，唔太油，食粥點少得佢呢估唔到火鍋點竟然連甜品都有，呢個 柚子蜜蛋散食落唔似一般既蛋散，完全唔覺有油，而且口感好特別，唔使用力咬好鬆化，配合D柚子蜜食好合拍好好食我哋D大胃皇仍未满足，所以加單要食韓國拉麵，韓國拉麵唔使多

今日去咗呢个嘅阿爷粥底手工唰唰锅，佢地系新开嘅，主打系粥底火锅。一去到我哋就叫左一个阿爷有米嘅粥底，一煲滚嘅时候，佢啲料好粥好多米，重点系冇味精嘅味道，令人有一种健康既感觉。话明叫粥底火锅一定要叫啲配料啦！我哋分别带咗一个顶级牛骨脊，一个菜心，韭菜饺子同埋黄金蚬！个牛骨脊一嚟到就已经啲花纹好靓，牛肉嘅颜色好红，咁我哋就梗系即刻摆入火锅入边试吓啦！佢入口即溶，不过技巧系唔好煮咁耐！个菜心就系冰镇菜心，佢哋好细心咁摆咗啲冰系啲菜心入边，目的就系要提升佢哋嘅新鲜度，咁当然佢哋食落都好爽口！值得一提嘅系佢嘅韭菜饺，佢哋嘅饺子系全人手制作，粒粒都好大粒好饱满，啲材料都好足够！最令我难忘嘅就系佢嘅黄金蚬，佢哋俾左好多只，而且粒粒都好爆满好容易开口！煲完之後个蚬肉好容易就攞得出嚟，证明好新鲜，食落仲好鲜甜！而令我最为满足嘅亦都系佢哋嘅酱油，佢哋除咗豉油之外仲有菜谱，好难得，装酱油既器皿都好细致，好靓！仲有佢哋铺头仲有叉电嘅USB插口，好正呀！总括嚟讲，佢哋嘅服务质素同埋食物嘅质素都好高水平，大家一定要去试吓！