阿爺八鮮鍋 (已結業)

上網睇介紹呢間海鮮火鍋，話海鮮同甜品任食，好抵食。今次就試下係咪真先😛一坐低就有刺生頭盤同老火湯😋😋😋老火湯好足料，幾好飲👍🏻再到雞煲上枱，辣度唔會太辣，雞既份量岩岩好，肉質幾滑😋快手快腳食完，打邊爐啦🤣再送一盤送既海鮮😂龍蝦都有啲膏放左落去打邊爐都唔會滾走哂，肉質爽口👍🏻大蜆同扇貝都好鮮甜👍🏻仼食既海鮮都唔差，有鮑魚，大蜆，蟶子，蠔，花膠😋就算係仼食海鮮都好鮮甜，好食！😋店員自動送上既甜品，芝士蛋糕🍰唔會好甜，芝士味香濃😋整體好抵食，海鮮都新鮮。如果可以食耐啲就更好😊

今日帶屋企人黎食海鮮！海鮮勁生猛$318每位 + 20 有飲品任飲套餐包燉湯 前菜小食 （今日係牛柳粒） 刺身拼盤 雞煲 火鍋湯底6款精選海鮮拼盤再加無限追加小食，某啲海鮮。就連 生蠔、鮑魚賴尿蝦 、海蝦 、泥鰻 、生蠔、新鮮墨魚都有得任叫！松茸螺片湯 好清甜足料 大大盅夠哂飲刺身都幾新鮮 每款一舊 岩岩好 唔會太多雞煲整得幾好食wo! 好出沙茶味 幾入味同埋好惹味～重頭戲 海鮮🦞樣樣都勁新鮮， 好生猛，隻隻都幾大隻。一開頭佢黎左龍蝦、大蜆、鮑魚、海蝦先鮑魚仲係度縮下縮下， 唔係死既！ 湯底冇味精，食完個口都唔會好口渴咁 ，真係幾難得。配料方面叫左即炸響鈴真係大大舊 現炸 好脆好香！ 好索汁食一兩舊都好飽了 唔係出面果d勁細舊牛肉好靚 幾滑幾嫩既 牛根丸爆汁超正 好爽口蟹籽蝦滑丸都幾出色 好彈牙～最後食埋個出前一丁 飽哂！ 飲品好多選擇 有apple juice, 蜜桃汁, 橙汁, 竹蓆茅根水、蜂蜜雪梨茶 細細枝 可以試足唔同味服務員態度都抵讚 好窩心！ 成日幫手換碟 整海鮮 好熱心😝下次會帶親戚再黎食長腳蟹做優惠 4-5斤 $888 都好似好抵咁！ 呢度係我地追加既

火鍋最緊要食材新鮮，主打海鮮火鍋就更加唔使講。呢一間有自家海鮮缸，海產上枱時真係新鮮到識跳㗎。一坐低，先有刺身，大蝦啖啖肉。仲有海鮮蒸水蛋，個底又有蝦。再嚟芝士燒元貝。仲有.....仲有一盅燉湯，夠哂潤。前菜夠豐富，火鍋之前呢就有雞煲。唔使驚會好飽，每人有幾舊，但重點係花膠呀。之後到主角-海鮮盤上枱，火鍋開始。海鮮盤有龍蝦、花蟹、大蝦、鮑魚、大蜆，扇貝，全部都好新鮮！再嚟就係任點火鍋配料。除咗特色肉丸、安格斯牛肉等，佢嘅配料仲有生猛海鮮㗎：花蟹、海蝦、瀨尿蝦、海蝦、海斑片、鮑魚等，讚呀！由於用餐時間係兩個鐘，所以要密密食，密密滾呀。

女朋友係終極火鍋控，呢個冬天我已經陪佢打咗好！多！次！邊爐😂今次呢間任食海鮮火鍋好有驚喜，值得一讚再讚👍🏻旺角火鍋選擇多，而任食火鍋不嬲質素參差，特別係任食海鮮火鍋，估唔到阿爺八嘅海鮮咁新鮮，款式選擇又多！我地星期六晚$358任飲任食！性價比十分之高！⭐️是日精選燉湯龍眼杞子花膠雞腳湯，燉湯足料大盅，味道清甜，好滋補。⭐️廚師推介小食油鹽水煮大蜆，油鹽水煮，好有提鮮功效，味道鮮甜，蜆肉冇沙。⭐️Facebook/IG like and share送麻椒牛柳粒，牛柳粒肉質軟腍冇渣，有鑊氣，好入味。⭐️時令刺身拼盤刺身拼盤大大碟！刺身非常新鮮！大蝦鮮甜爽口；三文魚肥美，油脂甘香。⭐️原味花膠雞煲花膠雞煲，香菜配料多，味道濃郁，雞肉嫩滑入味，花膠惹味彈牙。食夠花膠雞煲，就轉湯鍋開始打邊爐喇！⭐️海鮮超級盒有鮑魚/龍蝦/花蟹/芒蜆/大蝦/元貝！每款海鮮都好新鮮！貝殼類鮮甜冇沙，鮑魚肉質軟腍，龍蝦鮮甜，大蝦肉質彈牙。食哂個海鮮盤仲有好多款海鮮可以任食，無限追加㗎！真係好正！⭐️安格斯牛肉油脂甘香，肉質嫩滑，牛味香濃，好高質喎！我地仲追加咗唔同嘅食物，款款都令人滿意！甜品，飲品都係任食任飲㗎！

$338 + $20 任飲，岩晒喜歡海鮮的朋友們🥰先刺身，有3款，人頭份量。之後燉湯，好足料，螺片，茶樹菇，龍眼肉，鮮甜暖胃😋再黎芝士燒元貝，同埋廚師推介三文魚子蒸水蛋服務員上菜既速度非常快，就係成台野食之際，上左個雞煲，可揀辣或者原味，按回人數的份量安排，每人大概有幾舊，仲有花膠架接下來就到成晚晚主菜，海鮮盒到喇：龍蝦，海蝦，鮑魚，大蜆，花蟹同扇貝，共6款。海鮮的雅好生鮮，亦係此餐廳既主打，設有一個海鮮缸，保證食到既海鮮都生猛扎扎跳。海鮮火鍋紙既海鮮類都有好多款(當然無龍蝦)但海蝦花蟹鮑魚大蜆都任點，仲有賴尿蝦，深海班，生蠔，帶子片，深海泥猛等....其他既火鍋配料都好多選擇，安格斯牛，台灣黑椒腸，自家手打蝦丸同墨魚丸亦係小妹推介😋任飲包括獅威啤酒🍻仲有汽水同果汁，連cc檸檬同粒粒蜜桃都有，係有d驚喜，唔夠飽既朋友仔仲可以食埋甜品添😊總括來說，火鍋食物質素很好，特別係主打既海鮮一定生鮮，記緊一定要密密手搣殼哦，計時⌛️用餐時間，但保證鮮味👍

食任食打邊爐唔係第一次 食海鮮火鍋都唔係第一次 但係真真正正可以任食海鮮既 小妹真係第一次食呢間阿爺八鮮鍋話就話繁忙時段要$338 但其實計返條數係抵食既 因為包左好多野 有小食,燉湯,刺身拼盤,雞煲,再加無限量既海鮮邊爐放題 就連甜品都有 加$20就有埋任飲汽水啤酒第一樣黎既係頭盤小食牛柳粒一碟 好香椒麻味燉湯落足料 夠火候又唔油膩 同埋無花無假 真係有魚翅係入面 一梳梳架跟住由廚師發辦既刺身拼盤都正到嘩嘩聲有小妹好鐘意食既橡拔蚌刺身 點wasabi食勁爽勁過癒雞煲味道都ok 不過嗜辣既我地就略嫌唔夠辣 可以再辣d份量方面剛好 唔會因為想你食少d海鮮而快d塞飽你雞煲未食晒 打邊爐食既超級海鮮盒已經準備好有蝦有蟹 仲有龍蝦 果兩隻鮑魚仲郁緊架 好大隻全部一次過放晒落去烚烚下 湯底鮮甜度up好新鮮好正既海鮮大餐龍蝦肉係爽口既 不過最正都係鮑魚 用刀叉切片食 點埋食刺身用既wasabi 勁好味除左龍蝦 其他海鮮都係可以任叫任食既 淨係狂食鮑魚都已經抵晒蟶子雖然細細仔 但都鮮甜基本上食完海鮮 再叫多碟牛都已經8-9成飽 所以其他火鍋配料同甜品我地都只能夠淺嘗

大食海鮮邊勞上網睇呢個邊勞係sale食海鮮為主，聖誕前夕就同男朋友食好小小，任食海鮮邊勞。餐廳都多人食，所以穩陣d，早一星期就book好左，book九點入座會平小小，$318任食+$20任飲。先黎是日精選燉湯烏雞花膠燉湯，都大兜，我飲多d，烏雞補身呀嘛。芝士蟹殼呢個係like facebook就送，芝士拉絲痴住蟹膏，著數～刺身其中前菜之一，係三文魚同大甜蝦，仲有八爪魚仔同海帶。雞煲呢到應該係半隻份量，味道吾錯，食完都小小飽！超級海鮮盒好正，有蜆，蝦，蟹，鮑魚同龍蝦！睇過好鬼死新鮮，用黎邊勞一流，個龍蝦好正，啖啖肉。仲叫左好多火鍋料，安格斯牛肉，豬肉，賴尿蝦，帶子同幾轉生蠔，生蠔夠新鮮，餐廳又吾孤寒，點完都好快上，抵讚。埋單$774兩個，海鮮任打，又有雞煲刺食食wo，good呀。

今日係冬至前夕 一於和屋企人食個豐富的晚飯他們尤其愛打邊爐 所以就揀咗間評語十分不錯的阿爺八鮮鍋我們吃六點的時段 ，$318 任食 還送燉湯，小吃，刺身拼盤，雞煲 真係超級豐富醬油配料應有盡有 有蒜蓉 辣椒蒜蓉等等首先送上燉湯 有花膠 烏雞 飲落去十分順口 花膠大大隻 感覺到非常滋潤！跟住就係小食牛柳粒 一啖一口 好食無根跟住如果你IG follow佢哋嘅話額外送多個小食 今日個小食係水煮魚 我就覺得太辣唔係好啱我啦 但係我屋企人都食到好滋味然後就送上刺身 刺身新鮮有三款 每樣兩件雞煲就選擇咗唔辣 雞件亦都好多 食完之後其實都已經飽咗一半但係重頭戲先至嚟！新鮮海鮮拼盤每人比半隻龍蝦 再加上帶子，蝦，鮑魚，聖子 真係睇到都流晒口水 ！然後仲有一張Menu俾你自己揀嘢食 嘢飲只要加$20亦都可以任飲 可以㨂啤酒，蜂蜜雪梨，粒粒果汁等等 全部都係比罐裝或者支裝，非常之揼本㗎！海鮮拼盤勁新鮮 然後我哋再自己要多幾樣手工餃同手工丸 特別推介黑松露墨魚丸！超級重黑松露味 ～encore左好多次！食咗差唔多兩個鐘頭非常之滿足 ！

打便爐不僅食得暢快任食過足口引既模式相當豐富食物方面四款精選食材送上(頗受一眾大愛)無論入座起計兩小時對於大胃王與及三五知己或多人羣聚甚為適合，淨食種類能足己滿足你的胃「花膠烏雞燉湯」大盅補而不燥喝一口暖湯燉出真功夫滋陰又好味，足料鮮甜單憑炮製佳品的確夠地道「甜酸伴豬頸肉」小食黎講肉質軟腍爽口沾上惹味醒胃泰式醬鬆化一流令有一番層次「刺身拼盤」醫醫肚先别緻既擺盤按人頭份量展現肥美魚質挺實，晶瑩剔透色澤油滑讓人吃落一點也唔腥種類繁多火鍋海鮮匯集生猛珍味既質素，各色其式沒太大偏差，冰鎮上桌保存性質比高必定任隨有款合心水，鍋物的滋味怎不能一試獨享

喺旺角搵一間專食海鮮喺火鍋都好難，有朋友介紹呢間火鍋店係任食海鮮，當然要去試吓啦。300幾蚊任食海鮮真係好抵，原來除咗海鮮仲有其他野食。首先佢黎個雞燉翅燉湯，一打開蓋見到非常足料，有2大排翅同一大件竹絲雞，飲落非常滋保。大蝦沙律，好fresh,個沙律汁酸酸甜甜，好開胃。蒜蓉牛油焗生蠔，勁香蒜蓉味，用蒜蓉焗真係好正，生蠔size都幾大隻。刺身拼盤，最出色係隻蝦，勁大隻，好爽口，勁鮮甜，全部刺身都好新鮮，完全冇腥味。花膠雞煲終於上枱，我地叫咗辣味，好香麻辣味，食落非常惹味，仲有好多花膠片，用花膠煮雞煲真係好少食到，好正。食完咁多野都飽咗一半，但係主角係海鮮，緊係要繼續努力啦，店員攞咗個好豪華嘅海鮮拼盤黎，見到隻鮑魚仲旭緊，真係勁新鮮，除咗龍蝦之外，其他海鮮都可以無限refill,仲有多款火鍋配料任食，性價比非常高。

又鍾意食海鮮，又鍾意打邊爐，又唔想自己準備，咁點算呢？朋友就搵咗間可以滿足晒我三個願望嘅生日飯😂Book咗位，準時5:30到達。等左大約5分鐘執枱時間就入座。侍應哥哥好好人咁介紹左今日嘅海鮮，但好可惜like Facebook送嘅賴尿蝦未返貨，職員話用長腳蟹補數先。首先一人一碗燉湯，再加沙律同魚生拼盤，接住就食個雞煲😂咁好快飽㗎喎！我哋慢慢食，終於等到戲嘅海鮮拼盤出場啦！有龍蝦，帶子，花甲王，海蝦同鮑魚，見到都哂流口水！一輪衝鋒陷陣後，再叫大家熟悉嘅肥牛，丸同菜，另外梗係再翻兜海鮮啦，食咗幾轉之後大家都攬住肚皮😂職員仲問我地係咪要甜品，我哋每款甜品叫咗一粒試吓，都唔錯。準備埋單嘅時候，賴尿蝦竟然突然出現啦！供應商送貨遲咗，職員即刻撈幾隻出嚟俾我哋再試吓，想唔想到個肚有幾爆？😂😂一般嘅飲食火鍋通常都唔包括海鮮類，但阿爺連部分海鮮都可以任叫，上菜快，唔會漏單，正！而飲品加$20就可以任飲，可恨嘅係自己無一個黑洞嘅胃😅 這一晚真係好滿足🎉

阿爺 八鮮鍋 可以稱得上美味美味加美味 ，這個自助海鮮餐，首先有一個定食就是西洋菜湯, 這個湯幫你打邊爐前清熱,湯非常之味，有西洋菜味 及青甜嘅感覺！跟住呢一個刺身， 真係非常新鮮 ，再加一個雞煲配洋蔥，雞同洋蔥，同煲芫茜，簡直將雞嘅味道帶到最高嘅境界！跟住再嚟一個龍蝦 鮑魚 作打邊爐定食，有龍蝦鮑魚打邊爐，單單這一隻龍蝦已經值回票價啦！除定食外， 所有海鮮可以任叫海鮮包括有鮑魚蟶子帶子海蝦 等等，魚片，你諗得出D海鮮都有！我有點不好意思，擔心老闆會虧本，因為真是任食鮑魚任食蟶子任食花膠，花膠係女士最愛，所以我也拼命的成了很多件！加多50元， 象拔蚌刺身都是任食！如果唔加50元，出面很難有機會食五十蚊的象拔蚌刺身囉！還有雪梨，庶水，果汁任飲最後加埋個甜品，真是覺得滿足滿足再加滿足！比足一百二十分呢間舖頭！服務員的態度超級好及合作，速度亦很快！

今晚覺得有啲凍，所以二話不說就嚟左旺角登打士街呢一度 ，試下佢個火鍋， 因為之前呢一間餐廳係同事介紹，咁就試下啦，一入到去見到佢配料齊全，同埋見到都有好多海鮮。有刺身又大蝦三文魚同埋有蜆肉同海帶。 所有刺身都好新鮮，可以媲美日本壽司舖。湯亦都有燉湯西洋菜生魚湯，湯入味，不是味精湯，好過自己燉。咁今晚佢哋通常有雞煲同埋羊腩煲咁我見到其實出面啲羊腩都幾貴，就梗係要羊腩煲啦，當然未必個個食得到羊腩煲因為啲羊未必有人可以受得佢個做騷味，食完羊腩，咁佢亦都有一份海鮮畀我哋，海鮮包括有龍蝦，花蟹，鮑魚，蜆帶子同蝦。 最值得一提嘅係佢哋啲鮑魚呀，因為佢呢啲鮑魚真係新鮮佢放落嚟嗰盤嗰隻鮑魚都仲郁緊。 真係非常新鮮。龍蝦新鮮及鲜甜。食完之後，服務員為我哋換咗個鍋，咁我地可以煮食其他嘢食，咁我亦叫左鲍魚、安格斯牛肉、黑豚肉片、唐生菜、手打墨魚滑... 大家可以看圖参考。Overall呢一間火鍋店，我個人係非常之推薦，因為依家正直係冬天時間，所以食火鍋係十分之合適，同埋我覺得佢呢一間店個湯底非常之特別，再加上佢啲配料食物質素都幾新鮮，如果有人出去打邊爐嘅話，可以嚟呢一度試下。

一呢排真系好凍呀 得翻10度左右 ☃️❄️❄️ ，一凍就會諗起打邊爐 食到個人熱啦啦真系好爽呀 我地俾佢呢間勁生猛海鮮🦞吸引左 ，只需 $338 就可以任食海鮮🦐肥牛啦 想任飲果汁🍹 就要加多$20 。。坐底冇耐就有燉湯飲啦 ，仲有廚師推介嘅扎肉條 同 刺身 ，呢啲都係包埋係套餐入邊架啦 ！！ 雞煲🐥🐥 可以揀辣度架 ，我地要左BB辣 都系好辣🤣🤣 下次都系揀五辣啦 ，啲雞份量岩岩好 煮得好入味 。主角海鮮黎啦 🥰🥰 全部都好新鮮 鮑魚仲郁得好勁添呀 🤣🤣 蟹🦀🦀 五好睇佢細細隻，入面系有蟹膏架 ，蟶子 勁大條 勁肥美 必食 鮮味十足 又爽又脆！！

今晚同海鮮控媽媽撐枱腳。揀左呢間海鮮任食既火鍋。呢度每位價錢$338。每位加$20可以任飲。首先一坐底已經有一盅老火湯。跟住仲有魚生。仲有沙爹串燒。然後就上左個花膠雞煲，份量大概半隻，好香！like IG同FB仲有海鮮拼盤，呢個真係超級高質，有成大隻龍蝦、一隻蟹仔、帆立貝、鮑魚、蝦、聖子，真係淨係個都差唔多回本。超新鮮，第一次見到郁緊既鮑魚！龍蝦都係！擺落火鍋度煮完，拆殼係可以完隻出黎，連啲刺位置都係完整脫殼，真係超高質！食完之後就係餐紙度點，我地每款要左啲。瀨尿蝦就比較細隻，同平時既蝦差唔多大所以比較難剝殼。泥猛都幾好食，好似倉魚。甜品真係好有驚喜，布朗尼唔會好硬，超有朱古力味，雪米糍真係超軟糯，又係好有朱古力味！椰汁糕亦夠涼爽。今晚食得勁飽，勁滿足！