阿爺八鮮鍋 (已結業)

朋友非常推介呢間火鍋店我地今晚就去左食5點半去到 價錢係$318 + $20(飲品放題)套餐包左燉湯 刺身 雞煲 小食同任食火鍋是日燉湯用上雪耳和木耳 十分清甜滋潤刺身拼盤是日小食 - 雞腎串燒花膠雞煲可以揀辣度 唔辣都得雞煲整得幾好食 好惹味入面仲有好多花膠 好食火鍋每枱都會送一個海鮮拼盤有大大隻龍蝦 好正仲有其實配料同海鮮可以任點任食樣樣都好新鮮 款式又夠哂多今晚like左佢地嘅社交平台page仲送左一盤象拔蚌刺身象拔蚌刺身非常鮮甜爽口餐廳座位舒適員工熱情 服務態度好火鍋配料非常新鮮 最岩鐘意食海鮮嘅朋友

呢間好有名又高人氣既火鍋店，之前見有好多朋友食過，今次趁有時間，就同朋友仔來試下。地點非常方便，就係家樂商場對面，上三樓全層，地方好大，座位好舒服😌侍應生都很好禮貌，詳細地解說收費和有咩食。每位338元，會先有四款熱食，之後就是任點既火鍋🍲首先上既是燉湯，今晚有猴頭姑燉淮山杞子，然後再有一盤刺身，和一份小食可樂薯餅，仲有二人份既雞煲。如果like 埋社交平台仲送多個鐵板牛柳粒呢。未食火鍋已經半飽。海鮮控絕對喜歡呢到，因為真係任點多種海鮮，而且每位有一盤特選海鮮盤，有帶子、魚包魚、半只龍蝦同蟹另外只要加20元，就可以任飲，而且包埋啤酒🍻，真心抵

踏入秋冬，吃火鍋的意慾更大。今日去左位於旺角登打士廣場既阿爺八鮮鍋，位置便利。餐廳提供任食海鮮既火鍋，收費每位$338(1930-21:30)，包括好幾款海鮮都係任食，例如海蝦、花蟹、鮑魚同大蜆等等。如果鍾意吃海鮮就真係超抵！未打邊爐之前先有一盅燉湯，燉湯勁足料，十分清甜。之後仲有刺身、串燒等前菜今日廚師推薦小食蒜蓉蒸帶子帶子勁大隻又厚肉，鮮味十足！然後有雞煲，雞煲都係任食。不過我地主打係食海鮮，所以無refill ov完雞煲轉湯底打邊爐，一黎先有刺身拼盤，有蝦、鮑魚、有子，大蜆同埋每人有半隻龍蝦！！！全部都好新鮮！其他食材都好唔錯，手打丸爽口彈牙。蟹都係任食，而且係有膏必食推介仲有深海泥鯭，條魚仲札札跳，要店員幫手落煲！整體黎講，呢度價錢雖然唔平，但海鮮任食其實係超抵，食多幾隻鮑魚同幾隻蟹已經回本，絕對係同類型海鮮火鍋當中最抵食。

捉緊冬天的尾巴， 趁天氣仲係涼涼地， 食多次火鍋。 朋友選擇了在 旺角的阿爺八鮮鍋。 一個價錢可以試好多唔同嘅嘢食。最先嚟香辣花膠雞煲， 好多花膠 炆得又夠淋😋😋， 雞肉嫩滑 又唔會太多汁。另外仲有刺身， 章紅魚+三文魚+牡丹蝦😍😍😍重頭戲海鮮火鍋， 有我最鍾意嘅龍蝦、扇貝、 鮑魚、 大蜆、 花蟹， 樣樣新鮮彈牙， 鮑魚仲好生猛喺度喐緊😚😚😚我哋另外仲嗌咗聖子、 帶子 、鮮蝦手打丸 、黑松露手打丸、 班片。😊😋😊安格斯牛肉肉味濃郁， 仲有帶著我最鍾意嘅牛柏葉， 非常爽口。值得一提既係呢度嘅燉湯非常滋潤， 我哋一滴不漏飲曬😀😀facebook like官方網頁, 仲會請我哋食串串辣蝦😋😋😋。 非常惹味， 蝦肉又彈牙。呢度實在太多唔同款式嘅嘢食， 眼闊肚窄不能盡錄。

好似好耐冇打邊爐，上網見到話呢間係海鮮任食，抱住半信半疑嘅心態，心諗邊有咁大隻蛤乸隨街跳，所以即使佢位於登打士街廣場呢個我認為伏爆嘅大廈，都要嚟會一會佢。不得不提嘅係一上到嚟，令你感覺會食得好安心。因為佢會首先幫你量體溫同埋要你消毒左對手先至可以入鋪頭，然後喺開餐之前職員也會幫你用一百度滾水幫你消毒啲餐具，真係唔係度度都有咁嘅服務。嚟到就知道原來唔單單係打邊爐，因為原來佢仲有一個沙律同埋湯，然後仲有一個刺身前菜，在然後係食咗雞煲先，再再然後先至係食今晚嘅主角-海鮮。呢個就係佢個沙律-脆薯沙律三重奏。除咗出邊係粟米脆脆之外，薯蓉入邊都有火腿同埋粟米粒，再加埋麻醬都幾開胃㗎。然後就係佢個湯啦，呢個係猴頭菇淮山杞子湯，佢會根據你嘅人數你俾返相應嘅份量你，而呢一壺就可以不到三碗湯。然後就係呢個刺身，佢有三文魚同埋蝦刺身（原諒我唔知嗰隻係乜嘢魚，但係好好食）仲有一兜中華沙律。佢啲刺身真係好新鮮。隻蝦都超級大。然後因為我哋like咗佢個Facebook所以就送左瀨尿蝦，你哋之前我以為送嘅野應該好細隻，點知原來仲大過我隻手，而且最重要嘅係真係好新鮮好甜。食咗咁多野都仲未到重點，然後我哋就食埋個雞煲，

呢個時勢餐廳真係好難做。無selling point 真係好難突圍而出。為食妹👧🏻搵到間超水準嘅烚烚下餐廳。🐽仔當然有幸陪伴我出席啦。烚烚下之前先食四寶1）燉湯 2）小食（🐔扒 ）3）剌身拼盤 4）🐔煲哈哈。。食完四寶為食妹👧🏻飽咗一半。店員話like Facebook / iG有蟶子送阿爺👴🏻嘅Selling point 一定係海鮮新鮮都震。呢個海鮮超級盒。龍蝦🦞爽口彈彈牙海鮮無限order。你試過未？係真唔係真？大大隻蟶子。鮑魚。🦀。泥猛🐠。安格斯牛肉。真係無🉐️輸。靜🐔🐔話你知。隻🦀有膏架。好味到不🉐️了。食埋甜品就大🈵️足

朋友推介左依間任食海鮮火鍋🍲果然係性價比極高😻有超新鮮海鮮! 同多款邊爐食物🤤💰夜晚時段任食:$338加 $20 可以加埋任飲😼🐽 是日精選燉湯花膠烏雞燉湯🐓感覺很補既湯 好足料啊🥰而且好大盅🤣好清甜🐽 刺身拼盤刺身樣樣都好新鮮😻成大碟象拔蚌刺身🤤唔un! 好食🤪🐽 麻辣花膠雞煲🐓要左小辣 好惹味😋雞入曬味🥰又唔會太鹹 不錯🥰雞煲都可以任添 不過要留位食邊爐啊🤤🤣🐽 海鮮拼盤🦞🦀🦐真係好新鮮!!蟹睇落雖然唔係超大隻 但d肉好鮮甜! 蟹膏又多又好味🤤鮑魚好生猛😗係咁郁🌀龍蝦🦞肉質結實彈牙🥳d海鮮好多都可以再嗌! 鮑魚 蝦 蜆 蟹 等等都得 真係好抵食😼😼其他邊爐料都好唔錯 特別係個🐽 安格斯牛肉🐮牛味好濃🤤而且好嫩😗甜品都係任食🤣🤣藍莓芝士蛋糕🍰好味🤤食到捧著大肚子走了🤰🏻

疫情持續， 街上都少咗好多人， 就連今日要幫襯嘅呢一間火鍋店， 平日客人好多， 今日都係得返小貓三四隻。火鍋店面積唔係好大， 但由於人流比較少， 所以感覺好寬敞。前菜已經好豐富， 有黃金蝦，有刺身仲有撈起！呢個燉湯好高品質， 係松茸菇煲響螺！呢度食嘅係火鍋放題， 都係先食一個雞煲， 然之後再打邊爐。雞煲揀嘅係小辣， 辣味一般， 不過勝雞在夠嫩滑， 另外有花膠做陪襯。火鍋湯底應該係雞湯， 最犀利嘅係每人送半隻龍蝦， 亦有好多唔同 海鮮任君選擇！安格斯牛肉都十分高質。 食物種類多都唔識揀。

海鮮不嬲都係香港人最愛～～打邊爐都係，我地可以一年四季都打邊爐，當海鮮同邊爐結合埋一齊個陣，都可以諗到個效果都唔會差得去邊！呢晚因為想食海鮮同埋又想打邊爐就黎到阿爺食啦！呢度既海鮮真係超新鮮.... 坐低之前店員就上左個燉湯，入面真係勁足料！呢個雞湯都有半隻雞咁滯！好想食哂D湯渣但無奈要留肚，哈哈！ 個湯夠哂鮮甜！正呀！Like埋佢Fb and ig仲送燉蛋！入面都好多海鮮又夠鮮！正！燉蛋燉得剛好唔會老！飲完湯刺身又黎啦！份量岩岩好，再食多就食唔到之後d野！跟住就係串燒，配上沙嗲汁真係好好食..d肉唔會Un! 正！再黎就係雞煲，我地揀左少辣！岩岩好！炒完夠哂惹味！其實食完個雞煲我都差唔多6成飽，都未到主菜！跟住就黎主菜啦！龍蝦、蟹、扇貝、鮑魚、海蝦，樣樣都真係好新鮮... 我都唔知俾咩評語好，因為真係鮮甜彈牙！另外仲有其他火鍋配料叫，不過我地主力都係叫左海鮮，留意番龍蝦冇得任叫，哈哈，如果有我真係可以食佢十隻八隻！ 仲有蟶子同瀨尿蝦等等，都係新鮮到仲跳緊！佢既泥蜢都好鮮同生猛，落鍋個下真係小心，因為佢好新鮮可能仲識跳記住要蓋！一定要再黎食多d海鮮～～

平時食普通火鍋食得多，今次試吓海鮮火鍋，$338阿爺八鮮鍋😋有預設好咗嘅海鮮拼盤，同埋有其他小食任食，飲品選擇都好豐富，最重要嘅係員工服務態度好親切！老闆非常熱情！👍🏻👍🏻必點‼️安格斯牛肉‼️牛肉片好好食，肉質鮮嫩，滑口刺身拼盤雖然唔係日本餐廳，但刺身做得好認真，非常新鮮，非常鮮甜！海鮮拼盤雞煲雞煲太好食，所以我哋加咗底！手打黑松露墨魚丸黑松露味配墨魚好鮮味，爽口彈牙，食到停唔到口！榛子朱古力蛋糕甜品正，所以基本上樣樣甜品都order咗啲，甜品都一啲都唔Hea，推介芝士蛋糕同埋泡芙！特上牛肉老闆非常熱情，特別為我哋上咗客牛肉，牛肉肉質鬆化，入口即溶，一試難忘！

今日同屋企人衝住海鮮而來，之前朋友提過呢間阿爺打邊爐好多海鮮，食材又新鮮，咁岩我地想打邊爐又唔想太多肉，感覺食海鮮好似冇咁罪惡收費按入座時間分，+$50仲可以任食象拔蚌，不過第一次食我地諗住試下先所以冇加…混醬配料人參清雞湯小食- 椒鹽多春魚，超香 好食！皮薄香脆刺身拼盆！一啲都唔講得少雞煲， 雪園雞煲先打邊爐海鮮！！！ 每人有半邊龍蝦，大大隻嘅生蝦，鮑魚，大蜆，花蛤，蟶子！全部都好新鮮！龍蝦除咗海鮮， 仲有其他海鮮配料全部都好新鮮，好好食！雖然三百幾蚊打邊爐係比平時打邊爐貴少少，但係絕對值回票價值得呢個價錢！

同兩個同事食收爐飯，由於好想食海鮮，天氣又開始凍，尼个海鮮邊爐係兩位同事之前各自都試過，又唔介意同我再食，真好！先上個燉湯，清甜暖胃，足料湯品！刺身好新鮮，不過大家要小心，佢嘅wasabi超級攻鼻，冇錯！係超級嗰隻！我同事先咳左一次，以為佢唔小心攻到，之後到我，係攻到標眼淚嗰隻，然後隔離枱陸續有人中招😂紅豆卷，幾好食，但唔多覺紅豆，本人喜歡大量紅豆的，如果好似銅鑼燒內嘅紅豆餡就正啦！不過只不過係前菜，唔緊要，海鮮先係正題。食海鮮前有雞煲，分量啱啱好，太多嘅話就冇空間海鮮邊爐了。like 佢FB有象拔蚌刺身，都幾鮮味。好啦，終於到打邊爐啦！龍蝦、鮑魚都好新鮮！生蠔大大粒，好肥美！喜歡食魚的，唔好錯過斑片，好滑同好鮮味！整體來講，所以我哋叫咗嘅食村都好新鮮高質！驚喜位係泥鯭，本身已經唔係好多地方食到，打邊爐有已經好特別，更特別嘅係⋯⋯睇相！點解要用個蓋蓋位上菜，係因為即使已經劏左，佢地都係扎扎跳，店員千叮萬囑我哋唔好自己落，仲好細心咁話等水滾左佢黎落！佢黎到，先叫我地坐開啲避下，三條魚一落鍋，勁扎扎跳，好彩職員眼明手快，蓋得實！真係跳得出鍋嘅新鮮！成餐飯，服務都好好，仲周不時幫我哋換骨碟，

旺角阿爺八鮮鍋，$318/位任食海鮮火鍋！加$20有埋飲品任飲！未食火鍋之前，首先有菜膽翅及芝士蝦春卷小食。一梳梳的翅，非常足料！刺身拼盤，刺身蝦好食！雞煲，小辣都好夠香辣，非常惹味！之後轉打邊爐，海鮮拼盤包龍蝦、鮑魚、元貝！海鮮好生猛，蟹同鮑魚仲郁緊添！蟹肉鮮甜亦有少少蟹膏！龍蝦肉實在而飽滿！元貝及鮑魚都幾好味！火鍋配料有好多海鮮，海蝦同賴尿蝦都幾好味，安格斯牛肉亦有驚喜！全晚最推介新鮮深海泥猛，跳跳下咁放落火鍋度，超級新鮮！

任食打邊爐大家食得多但係雞煲無上限海鮮火鍋刺身甜品馬拉松。。。大家試過未？🙈🙈今次係朋友生日佢自己話已經喺呢度常客我就係第一次嚟食 感覺真係好好😱價錢又抵性價比真係好高海鮮安格斯靚牛任食絕對冇漏單 職員高質 有禮貌1. 燉湯💜我哋今日係花膠冬瓜燉湯飲落去冇味精 可以食到成隻手掌咁長嘅花膠 超足料.2. 刺身💜刺身相對驚喜冇咁大但係三文魚同帶子都好大粒又新鮮唔會有雪貨味 幾抵讚😝.3. 雞煲💜呢個係任添嘅 食完可以再食啲雞好好食 又麻又辣 雞肉好滑唔會鞋颯颯會即時喺你面前整唔夠會立即幫你加花膠勁多！！！🥶性價比真係好高好抵呀！！.4. 日式豆腐💜呢個係小食黎其他太好食 呢樣建議skip.5. 打邊爐海鮮拼盤💜有大大隻生猛龍蝦帶子生蠔鮑魚蟶子全部都係新鮮喺隔離個魚缸度拎出嚟鮑魚蟶子仲識喐 龍蝦啲肉好爽又大隻生蠔又新鮮 食完已經飽咗七成.6. 打邊爐配料💜勁靚安格斯牛 走肥😁黑豚肉 一樣好味仲有好多海鮮可以叫 泥鯭海蝦聖子帶子 無上限top up每次雖然限叫六款 但係全部冇漏單食到九成飽了🙈.7. 甜品💜全部自家製cake 味道唔差拍得住出面嘢飲全部都係細細裝 只要加20蚊就可以任飲 啤酒

2020年1月11日 星期六天氣突然又開始轉涼，呢個時候最好打返個邊爐暖下肚，所以就決定睇下旺角有無火鍋店，點知俾我搵到呢一間舖頭係可以任叫海鮮，咁當然要去食下上到舖頭已經見到有一大個魚缸放住好多生猛既海鮮，果然係真材實料睇餐牌見到有好多款唔同嘅食物可以揀，特別係海鮮，大大話話都有十幾款，仲有雞煲同燉湯飲添叫咗嘢食之後店員就拎左調味料過嚟叫我哋自己整調味料，好少可會有火鍋店唔使專登出去拎調味料，可以想要幾多就幾多，特別係我最鍾意嘅炸蒜跟住等左冇幾耐就有燉湯，係人蔘雞湯，好大浸中藥味，聞得到有落重料，特別係人蔘，真係見到有一大條放左落去。而且個湯充滿雞味，見到差唔多有半隻雞，加上肉質好嫩滑跟住仲有小食炸多春魚，炸得好香口，同埋脆漿唔太厚，可惜每人得兩條然後再送上刺身，有四款刺身，全部都好似加大左咁，好厚切，而且蝦好鮮甜食完刺身即刻就黎個雞煲，份量都唔少，有好多雞塊，每一件都好入味，食到停唔到口跟住就開始火鍋嘅部份，先來既係海鮮拼盤，有花蟹、蟶子、帶子等等，最估唔到係有鮑魚同每人半隻龍蝦，全部拎晒落去淥，個湯底已經充滿海鮮味，而且可以自己選擇淥嘅時間，所以大部份海鮮都唔會過熟，淥得啱啱好。