阿爺八鮮鍋 (已結業)

今晚咁凍又肚餓唔洗講梗係要去打邊爐啦! 就去每次經過登打士街都見到佢個大招牌既阿爺八鮮鍋, 見佢3百幾蚊任飲任食乜都有咁最緊要係今日好想食海鮮, 依度連海鮮都係任食, 唔洗諗就上去食!精選燉湯今日係木瓜雪耳燉湯,  原盅咁上一人盅, 清清甜甜似乎冇味精, 坐低就飲盅湯暖暖胃好舒服!避風塘茄子天氣凍個人都為食D, 想食D香口小食就叫左個避風塘茄子, 炸粉薄薄咬落有薄脆既感覺, 茄子腍身熱辣辣, 外脆內軟!刺身盤先食刺身, 平時食既刺身盤會有既魚生依度都有, 而且三文魚同大大隻牡丹蝦都好新鮮肥美, 最驚喜係竟然有象拔蚌刺身!麻辣花膠雞煲花膠雞煲可以揀辣OR唔辣, 我地梗係要惹味既麻辣啦! 炒佢兩炒, 渣渣聲之餘香到不得了, 聞到都流口水。 大大塊花膠, 連雞都入哂味,  雞半隻左右份量岩岩好, 要留肚食海鮮呀!!!海鮮盤竟然有原隻龍蝦平時一般都係送半隻,  原隻龍蝦放入口真係好爽, 肉質彈牙又大隻,  即刻覺得勁抵食緊龍蝦既同時, 隻鮑魚就係面前旭下旭下好生猛, 唔洗講食落有幾鮮味啦! 仲有我地其實係蝦怪黎, 平時有買開蝦就知, 依度既係海蝦, 肉質更彈牙同鮮甜, 依間餐廳D海鮮真係靚野黎

呢個價錢黎講，又可以任食海鮮，又可以任食牛，真係唔錯，可以回頭再試！！！阿爺八鮮鍋，呢間主打海鮮牛肉任食打邊爐，性價比絕對係非常之高！！！環境黎講，佢週圍都唔少大枱，同埋卡位，岩曬4人/十幾人既大group黎眾下，完全唔洗驚無枱岩坐。不過要留意既係，就算係weekday，佢都幾full下，所以如果一班人黎就最好預早1-2日book枱。本人就預早左book，所以一到市場就可以入座。咁一黎就上左個雞煲先，雞煲份量會比較少，因為佢實在太多種類既野食可以食，淺淺試下個雞煲已經夠曬，作為牛魔既我，梗係主打食佢個牛喇，切得夠曬厚，非常有口感，牛味亦都幾足下，唔錯。海鮮方面，一黎就有一盤，全部都幾新鮮，究其鐘佢個海蝦夠曬彈牙。

前幾日去咗一間性價比極高嘅火鍋店，鍾意打邊爐同食海鮮嘅話，極力推薦俾你呀！黎到旺角通常都掃下街食小食，但天氣凍，打邊爐嘅念頭自不然不斷霧起，見到水牌介紹《阿爺八鮮鍋》海鮮任食非常吸引到我呢個海鮮控，於是即刻同朋友上去揾食價錢一個人$338，加$20可以有埋任飲，以套餐形式供餐，餐裡面包咗刺身拼盤，一壼燉湯，今日我地飲到嘅係木瓜雪耳，湯料好多好足，味道清潤，刺身拼盤雖然唔係任食，但份量都算多，厚切三文魚，一d都唔小氣。打卡仲會送阿拉斯加蟹，蟹腳厚肉鮮甜，正呀佢地仲先送上一個包咗一隻龍蝦嘅海鮮拼盤，擺得靚靚，唔單止打卡一流，龍蝦味道亦唔錯，可惜嘅係龍蝦唔係任食打邊爐前先上個雞煲，店員送到後會先幫客人兜一兜，雞煲香料香味撲鼻，好惹味，雞肉好多唔會好多骨，唔夠喉仲可以黎多round添打邊爐喇終於，先畫單，見到張單勁心心眼，有花膠，鮑魚，貴妃蚌，元貝，馬甲貝，北寄貝，蟶子等，全部任點任食，你無睇錯，真係任食，全部都勁新鮮，貝殼類無沙，洗得好乾淨另外個人推介食佢地嘅牛筋丸，牛肉味超濃又彈牙，新鮮手打，一d雪味都無，連平日唔太食豬肉/牛肉丸嘅我都愛上咗

今日是朋友生日， 知道朋友係海鮮控， 所以我地就帶佢嚟到「阿爺八鮮鍋」去慶祝生日！ 我地一坐底不久， 生鬼的侍應就放低了一碟好豐富的刺生，有三文魚、象拔蚌、 𩶘魚、龍蝦🦞、蝦、蟹、貝殼類食物...數之不盡，仲應有盡有，好滿足到我海鮮控既朋友，之後還有麻辣雞煲， 我一向都係雞控， 整個煲滾起後帶出陣陣的麻辣氣味，雞不太辣又滑，食完雞煲後，就會轉成打邊爐，也是牛控既我簡直開心到暈，再有一碟泰式豬頸肉，配上泰式醬料，好味啊還有好鮮甜既湯！ 好正啊！ 後來有趣侍應知道朋友生日，還送了一個用象拔蚌刺生同冰整成的蛋糕送給他，好暖心啊！ 今晚真是一次過滿足了我5個願望，有海鮮、有雞、有牛、有湯水、價錢仲要合理！ 一定要試及再嚟

近日氣溫驟降，實在係忍唔住要打返個邊爐，喺家樂坊附近左揀右揀，最後決定試下呢間好評眾多嘅海鮮火鍋。好彩我哋六點半左右到，侍應話好多枱都hold起咗，有對情侶遲我哋一步都要等到成九點半先有枱。餐廳除咗以任食海鮮做招徠，仲有燉湯、刺身同小菜，一個價錢全包。是日靚湯係燉松茸，材料豐富，味道又鮮又香濃，非常滋潤，好啱呢個天氣飲用。餐廳做緊推廣優惠，like 某社交平台就送一款海鮮，當然唔可以放過！今日嘅優惠係法國生蠔，頗為新鮮，蠔味濃郁，夾雜住淡淡嘅海水味，唔錯。刺身份量限定，有大牡丹蝦、三文魚、蟹籽魷魚、海螺同中華沙律，食材新鮮，不得不大讚巨型牡丹蝦刺身，比手板更長，肉質肥美入口啖啖肉。今日嘅廚師推介小食係爆炒牛柳粒，份量都唔少，炒得幾惹味，肉質幼嫩，油脂均勻。打邊爐前先食雞煲，有辣有唔辣，當然係辣先過癮，兩個人食大概有半隻雞份量，侍應會幫忙翻炒，有大量香料，相當惹味。食完雞煲之後侍應會換上清湯底，以免濃味嘅雞煲醬汁掩蓋海鮮嘅味道，好細心。先上枱嘅係海鮮拼盤，十分新鮮，尤其係大大隻開邊龍蝦同仲曉郁嘅鮑魚，咬落非常鮮味彈牙，大滿足！大部份海鮮都可以encore，而且質素依然咁好，真係即叫即劏，

天氣咁凍，就一心同男朋友諗住去旺角打邊爐。點知想去果間冇哂位，於是就周圍行下-點知就見到呢間！話說每次同男朋友試新野都會中伏，所以都唔敢抱太大期望🤨🤨🤨🤨一黎到見到唔算多人，張張枱都被人訂左。我地walk in就坐左係魚缸隔離。一坐低有位叔叔就黎介紹，先食小菜、刺身，然後雞煲(可添)，再有海鮮拼盤打邊爐。我地決定唔加$20任飲(因為選擇唔算多)，點知原來可以每位加$8飲茶。☕️第一款小菜- 炒牛柳粒，牛柳粒唔會炒到好韌，唔錯。之後有刺身，男朋友話：「下，咁少既！」我地果時仲唔知原來會食到好飽🤦🏻‍♀️🤦🏻‍♀️🤦🏻‍♀️之後黎燉湯，唔記得左叫咩名但非常非常足料！份量跟人頭，見有啲五六個一枱係有一大煲湯！我地兩個人都有一大盅，每人飲到兩碗！之後到雞煲，份量唔算大，但小辣都已經好辣🤣🤣🤣 同埋呢個煲既花膠係多過雞架！🥰🥰岩哂女仔！開始打邊爐啦！一黎到見到煲湯就心心眼左，係好濃既魚湯！最好既係之後加湯，都真係會加返魚湯而唔係水！煲緊果陣就黎左個海鮮拼盤，都非常新鮮！鮑魚仲郁緊架！龍蝦比想像中新鮮，啲肉好實淨又彈牙，竟然仲有膏！之後收到放題紙，海鮮都有得放題？？問左兩次，double confirm左

今晚同男朋友突然好想食海鮮，上網搵到呢間好似幾吸引既餐廳，點知真係喜出望外！我地一坐低見到個套餐，店員都好主動過黎介紹返個套餐畀我地，聽完都覺得真係好抵！每人只係HKD318😱先黎左個燉湯，木瓜雪耳，好足料，個湯一d都唔hea！跟住仲有有個小食：生菜包，超多肉碎。另外，店員都有提我地只要facebook like佢地個page仲會送多一款小食，而今日送既係炸蠔🤩重點開始黎料！首先係象拔蚌刺身拼盆，我同男朋友一見到即刻心心眼😍，因為個拼盆比我地想像中豐富！除左象拔蚌刺身超新鮮之外，個拼盤仲有三文魚、櫻花魷魚同超大隻牡丹蝦🦐嘆完個刺身拼盤，再有個麻辣花膠雞煲，個味一啲都無偷懶，個辣味超正😋一直以為好似平時食雞煲咁直接加湯打邊爐，原來呢度係會另外有個蕃薯魚湯畀你打邊爐，再配埋個海鮮拼盤，每人會有半隻龍蝦，仲有鮑魚、貴妃蚌、花蟹同蝦。個龍蝦同花蟹都超級多膏😍之後仲有好多火鍋配料任叫任食，最吸引既係連海鮮都係任叫任食，任食既款式仲要有好多，有鮑魚、蟶子、花蟹、元貝等等。仲有一個重點係食完咁多海鮮之後，個魚湯真係精華所在，鮮甜到我同男朋友加埋飲左大半煲湯😂我地加左HKD20仲可以任飲😋 三百蚊幾蚊

最近同事推介咗間任食海鮮火鍋俾我，話性價比極高！除咗有游水海鮮，仲有多款食物選擇👍🏻坐低冇耐，店員就主動過嚟介紹，而家$338就可以任飲任食🥳是日精選燉湯花膠翅烏雞燉湯，燉湯好大盅，兩個人share都好夠飲。燉湯非常足料，湯底濃郁得嚟好清甜😋廚師推介小食芝士焗元貝配薯蓉，芝士元貝香濃惹味，薯蓉滑溜，好正！Facebook/IG點讚及分享送阿拉斯加蟹🤩估唔到咁重本，like fb/ig會有阿拉斯加蟹送！蟹肉好大舊，啖啖肉好鮮甜🤤象拔蚌刺身拼盤刺身好新鮮呀！隻蝦好大隻，好鮮甜😍麻辣花膠雞煲好欣賞佢地嘅份量，我地兩個人食，份量少少咁俾我地過下口癮，唔夠可以再加，但就唔會一開始俾一大煲你，唔會等你食完雞煲飽到食唔落其他嘢😂花膠雞煲有原味同麻辣可以揀，我哋揀咗麻辣小辣，惹味得嚟唔會過咸，仲好入味！食夠雞煲就可以轉湯煲開始打邊爐， 呢晚嘅湯底係蕃茄石崇魚湯😋先嚟海鮮盤，哇哇哇😍全部都好新鮮，店內仲有個大魚缸養住啲海鮮㗎！鮑魚好生猛，係咁郁！貝殼類有北寄貝/芒蜆/花蛤/沙白，款款鮮甜冇沙，海蝦/花蟹同樣鮮味！龍蝦肉質結實彈牙😋最抵食係，食完個海鮮盤唔夠，仲有多款海鮮可以encore！連鮑魚/蟶子/花

我一向都係海鮮控！！朋友介紹我去食阿爺八鮮鍋，餐廳的環境寬闊，乾净企理而且設有卡位和圓枱！適合多人聚會。雖然只係7：30但客人都漸漸多！好彩之前已經預早book好位。餐廳係任食的，價錢一個人$338，加$20任飲任何飲料！最重點係除了火窩配料可以任食之外，連海鮮都係任食的！！！！呢個價錢真係超值。套餐包左刺身拼盤，燉雞湯和一份豬頸肉。燉湯材料十足，除左有半隻烏鷄仲有鮑魚邊等的配料，滋補有清甜。刺身新鮮，而且都是厚切。再黎仲有鷄煲（可選擇辣/唔辣），雖然分量唔係好大，但味道都頗惹味的！雞件嫩滑而且雞味濃郁，我地好快就清曬，連配菜都唔放過。最期待的環節黎la！！！店員會先上一份海鮮拼盤，包括有：龍蝦、鮑魚、蟶子、大蜆、蝦和斑片等等。海鮮全部都非常生猛，、鮑魚還在不停的郁。望到我地流曬口水！龍蝦每人有半隻，龍蝦肉質豐厚潔白新鮮肥味，口感彈牙鮮味！而且仲有蝦膏。蟶子鮮甜味十足，鮑魚濃郁、鮮甜味十足，厚肉爽身值得推介。黎玩第一Round之後覺得唔夠仲可以繼續點，我都都點左差不多3 Round，絕對回本。餐廳的性價比很高！我母親大人都大讚好食，加上海鮮非常新鮮，我地都食到好滿足，鍾意食海鮮的朋友真

阿爺也要來的八鮮鍋一個阿爺八鮮鍋($338)，再加上($20)全埸飲品任飲！性價比無以倫比，超值到一個點，連阿爺也要舉起大姆指，表示入冬後要天天來……絶不浮誇，也絶不欺瞞，全部用料十足，款式多元化，吃極的仲有，套餐有配菜送上，有花膠燉烏鷄，也有大大海鮮盤，爆炒鬼馬牛仔粒，更有椒鹽賴尿蝦，再來一個鷄煲，末吃海鮮湯鍋，已半鮑了，問世間吃為何物？之後，再來海鮮湯鍋，叫了極品安格斯牛肉(滑到飛起)，台灣搞鬼黑椒腸、可靠的冬瓜片、令人心甜粟米、戰勝歸來的鮮冬菇、仍有心跳的新鮮油麥菜、大腸好朋友的唐生菜……最後，更奉上高貴又典雅的桂花椰汁糕！抵吃、用心、出乎意料、幸福感就是人類在八鮮鍋一生所追求的！

作為邊爐愛好者嘅我，不得不推介呢間物超所值嘅火鍋店！7點半至9點半時段$318位，但幾乎完全係海鮮放題，實在太正！Like 某社交平台即送芝士焗元貝職員係我地坐低後即刻送上醬油盤，服務十分之好和迅速！海鮮盤無得頂！好少海鮮火鍋有瀨尿蝦同龍蝦食！而且仲要係十分生猛的！好新鮮！絕大部分嘅海鮮都可以無限添加的，所以真係十分抵食！野飲嘅款類仲要都唔少！其他無限點叫嘅仲包括安格斯牛肉仲有呢個好特別嘅特長蟹柳無限點食嘅仲有蟶子、帶子、墨魚滑、蝦滑等....就連甜品都係任食架！仲有成四款咁多任君選擇！第一次打邊爐打到食海鮮食到捧住個肚走呀

由於身旁的他是位火鍋愛好者，因此我們亦光顧過唔少間大大小小的火鍋店，但這間阿爺八鮮鍋卻是極力值得推薦給大家的！首先，兩人入座被安排坐在window seat的卡位，環境位置十分舒適和寬敞而且餐廳嘅服務亦係十分貼心和周到，直頭係要畀100分佢地！認真講，我真係無乜去過邊一間食火鍋有咁好的服務，真係真心讚一坐低，職員已經十分細心講解佢地的套餐配搭，仲問我地飲乜野，然後仲同我地講只要like某社交平台仲有野送...職員好快為我地送上野飲外，一黎就送上一盎湯，好明顯係一盎燉湯，入味不特止，仲好足料！飲完湯，隨即而來嘅就係三、四款野食...分別就係一盆刺身仲有係雞煲(都幾大煲!)同兩款餐前小食，味道唔錯然後就到重頭戲，海鮮拼盤！呢個海鮮拼盤真係不得了，海鮮種類多不在話下，重點係所有海鮮都。非！常！新！鮮！基本上所有送上枱的海鮮都還在郁緊的，而且份量好足！不得不讚隻蟹同鮑魚，真的十分鮮甜！最後再不得不提，食完海鮮拼盤後的大部分海鮮是還可以加單繼續任點任食的，這和一般的火鍋店是很不同的，所以呢個套餐價錢是絕對物有所值的！(其實我直頭係覺得抵食)總結：呢餐成晚我倆幾乎沒有講過野咁濟，因為實在太多野食，

依家好興呢啲海鮮任食打邊爐 其實我就好少食 因為本身無甘大個胃 成日覺得任食唔扺但朋友推介呢間話材料好新鮮 食一round已經值回票價 講到甘勁 真係要試下😍其實無野需要揀 幾點入場會晤同價 我地七點半就$338加$20任飲 就可以全部野任食了 環境舒服企理 只係略嫌冷氣有點凍🤪已包基本調味套餐包左魚生拼盤 海鮮蒸蛋 同埋燉湯湯控表示好滿意個湯 超級甜 ♥️魚生都好新鮮 總共有四款 全部都厚切like Facebook每晚有晤同野送 今日係阿拉斯加長腳蟹 肉質鮮嫩 送既無將貨就價 值得俾個like👍再黎有花膠雞煲 例牌份量晤算多今日晤想食辣 要左原味 都好惹味花膠都有成五，六隻👍扺食海鮮拼盤會上一份先 晤夠既全部可以再叫既另外會再上一個新既湯底用黎打邊爐👍👍呢到有原隻龍蝦😍😍 非常鮮味全部海鮮上枱仲識郁 非常新鮮 晤驚肚痛食完上面都飽左八成 晤執輸叫少少其他野試下安格斯牛肉 牛肉味濃 好耐無試過係任食邊爐有甘既質素👍 雖然切得比較薄但都好好食最後甜品時間 選擇好多 我最鐘意朱古力糯米糍裹面包住原粒朱古力 我encore左兩次😍埋單人頭差不多$400 晤平不過有質素會推薦朋友再黎食😍😍😍😍

老實說, 我原本係X哥火鍋私房菜同鍋X既FANS, 不過食得太多次唔經唔覺無左新意, 今次終於試到間有水準嘅私房菜海鮮火鍋! ［佛跳牆] 一坐低佢哋就好殷勤安排位置, 首先呢就先嚟個鮑魚花膠佛跳牆, 選用左烏雞, 真材實料咁餚出嚟, 好飲! [刺身] 飲完個靚湯就試佢地推介嘅象拔蚌海鮮刺身, 象拔蚌的確係夠鮮甜, 魷魚，三文魚同另一款要點酸汁既魚都好好食！ 然後再試埋佢哋嘅雞肉串、牛肉串小食。-雞煲] 清哂頭round之後終於到花膠雞煲, 佢哋會問你花膠雞煲要辣定係唔辣, 我地揀左小辣，會惹味啲！用原塊足料花膠親自喺你面前炒呀炒, 勁鍾意佢地嘅雞煲係非常之多配菜, 我哋竟然食曬所有嘅配菜! 突然有位女職員走埋黎話喺佢哋facebook like就會即場加送黑松露龍蝦烏冬, 比完like又食多樣, 都幾特別既, 幾香黑松露味。火鍋] 食完雞煲已經有八成飽喇掛？原來成晚火鍋仲未開始... 首先佢一嚟就送咗個海鮮大拼盤: 有龍蝦、貴妃蚌、仲識郁嘅鮑魚、花甲、蟶子王、白蜆、帆立貝等等(唔夠仲可以encore😅😅) 其實食到呢度, 我已經想埋單走人, 因為已經夠哂滿足... 撐住個肚試埋佢哋嘅

朋友想食日本刺身，又想食打邊爐雞煲，又想食新鮮海鮮，揀唔到食咩餐廳， OpenRice搵到呢一間餐廳。位於旺角好景同埋家樂之間嘅登打士街廣場不嬲出名多嘢食。一入門口就俾佢門口嘅海鮮吸引左，真係拍得住西貢嗰啲！有好多阿拉斯加長腳蟹、超大象拔蚌，鮑魚等等⋯⋯ 朋友同我講話原來呢啲海鮮陣間係任食嘅😱😱😱首先嚟咗花膠雞煲先，四個人食半隻size夠了，要留肚食海鮮🤣雞煲夠味不鞋口，花膠亦都好足料，一人有兩大舊。之後食魚生刺身拼盤，超彈牙新鮮象拔蚌薄片😍爽口好味！另外魷魚刺身、三文魚刺身都係食得出質素。躉船刺身拼盤後，到重頭戲火鍋了。因為我哋當中有人嘅對南瓜敏感，湯底係蕃茄湯底（溶咗一啲南瓜蓉喺入面），我哋就轉咗做清湯，諗住試真啲海鮮嘅味道。佢首先嚟咗海鮮拼盤俾我哋先，有扇貝、鮑魚、大龍蝦，象拔蚌、大蜆等等，服務員哥哥超好！同我地講呢個係第一點，之後唔夠可以再點😍聽到呢個真係非常之興奮！其實呢度嘅火鍋除咗海鮮之外仲有平時火鍋食嘅配料，但是我哋都沒有點了，戰鬥力有點不足🤣睇住背後嘅如果海鮮越來越少，就知道佢呢啲到嘅海鮮係新鮮嘅！因為流量極大🤪一個價錢，飲品任飲，海鮮任點，仲要服務好，食材新鮮！下次一