阿拉丁咖喱屋

营业中

休息中

一直都沒有時間寫, 由於聖誕節後工作並不繁重, 便寫食評! 8月份時候了, 我一定為這一家印度餐廳寫食評, 因為食左一肚氣, 不寫不快!朋友生日一早訂了4位, 有一個朋友說這間印度店好便宜又好吃, 所以便去試下! 我們到了的時候, 已看見很多人在門口等位, 當然我們心知訂了位也必須等, 但是有個伙計說, 雖然訂了位也必須要等, 真是大牌, 訂了位還這樣說, 一句不好意思也沒有, 不知所為!入坐了, 我們叫了2個套餐, 一個咖哩魚, 一個咖哩牛! 我一吃那一個咖哩魚便知道極不新鮮, 好"聲" 呀, 我立刻吐了出來! 媽咪說食物不新鮮通常都用咖哩或其他濃味的汁料蓋過! 還有最令我們嬲的便是有一伙計(樣貌凶惡的女人)常常在我們身邊行來行去, 一看見我們吃完的碟便立刻收走, 最激氣的是她想把我朋友正在吃的碟也收走, 我們立刻叫她停, 她還暗暗笑走開, 好恐怖啊!!!!!!!!! 什麼服務態度呀, 食物也是一般，不知所為!不會再有下次！

通常要吃印度菜，也是到尖沙咀吃的，因為那處的重慶大廈簡直就是一個小印度，但今天想在就近的老銅吃印度菜，結果就決定和女友來了此店子，吃一個印度晚餐。此處門面是由本地人打理，但原來廚房內全都是印度鄉里，未吃前已相信應會正宗的吧，信心大增，加上本身也喜吃印度菜，所以決定又要大吃一翻，此店子除了供應A la carte之外，也有不同價位的二人餐，非常適合兩口子前來用餐，而且價位非常吸引，由九十八元至一百五十八元不等，以老銅的消費指數來說，真的是非常便宜，所以最後也正如我之前所言，大吃特吃的就點了個一百五十八元的二人餐，餐內包兩個熱盤小吃、一個素的主菜、一個肉的小菜、一個印度香米飯及一客烤餅，再包兩杯飲品，應該也很夠吃的了。先介紹其中一個小吃菜角，菜角看上來有點像咖哩角，又是做成三角形的，但看其外表已知道有很大的差別了，印度咖哩角是用烤爐烤出來的，其皮吃起來乾身而鬆化，今天的菜角很明顯的是油炸的，吃起來脆口惹味，完全是另一番感受，而在內的餡料就在些微的變化中，也有挺大的差別，前者的吃起來多是薯仔及豆蓉，吃起來較乾身，而混入了蔬菜蓉的菜角餡，吃起來更濕潤，所以在此方面又帶來另一番感受，吃起來有足夠

今日放工同女朋友就頭痛食咩好。結果佢就帶我黎呢間樓上鋪試下。去到都十點鐘，人流當然少D，但其實都幾乎坐滿。最後兩人要了個$128的二人餐包菜角﹑CURRY魚﹑芝士烤餅﹑烤雞﹑印度飯，最後要了兩杯SODA。很不錯呢，菜角是暖暖的﹑入面都係CURRY加薯仔。很暖。味道也很不錯，不會是油沐沐的。CURRY魚是甜的﹑魚雖然味道較淡﹑但是有汁的﹑也不錯。但我還是鐘情於不甜的CURRY。芝士烤餅是加錢選的，是比較厚身及有咬口的，但如芝士的份量再多些就好了。烤雞是女友介紹的，也不錯，但肉地麻麻。印度飯就麻麻了，而且份量較少。只是百多元，我們已吃得很滿足。下次也可以再來。因為烤餅及菜角也很不錯。

Mango Lassi（芒果乳酪），味道夠濃。Crispy Vegetable Samosas（咖喱角），略遜一籌，似港式。Lamb Madras（椰汁咖喱羊），OK！Aloo Paratha（薯仔薄餅），普通了一點！Garlic Nan（蒜蓉烤餅），不錯！Aloo Palak（香料薯仔菠菜），正！Non-Vegetable Mixed Grill (Hariyali Kabab, Chicken Tikka, Fish Tikka & Lamb Seekh Kabab inside)（燒烤拼盤，有薄荷雞、去骨雞、咖喱魚、咖喱羊卷），四樣都好好味！結果都剩下一點點。好飽。不過最有遺憾的是餐廳環境比較細少，完餐後身上都自然帶著餐廳的味道好味道，是晚埋單一共 HKD 290。完美的一頓。

和两个多年不见的朋友仔去吃。因为开心的缘故吃了好多，导致回到家狂做家务来消化。最先吃了148元套餐：去骨烧鸡（nice! 有家乡的烤肉味实在难得）印度菜角 （蛮油的，里面是土豆陷）椰汁鲜虾咖喱 （不辣）印度薄脆 （其实好像dorita类似薯片物 一片而已）印度香饭 （蛮无聊的）原味烤饼 （佐餐）我们加多了一份蒜蓉烤饼，比原味香我觉得。阵间吃光了，三个女仔居然不够吃噢！于是叫多了其他：去骨烤鱼 （有点咸，会不会是不小心这样的呢？）洋葱烤饼 （狂赞！好香好好吃！陪咖喱perfect!)就这样啦，很不错的地方，虽然小小的，大家去吃吃看，早点去。

今晚約咗班舊朋友食飯大家也不知道食什麼之際突然大家都講係時代廣場上面果間綠色牌既阿拉丁咖喱屋我就突然記起OR有人讚過佢好食架~所以我就出聲話好,我吔去試下..就係咁樣我吔入呢間嘢度食我吔既晚餐了一行四人, 叫咗二個二人套餐因為套餐比較抵食# 無骨烤雞, 呢個係必食,因為真係好好味呀~ 用鐵板上,味道有點似蜜汁雞扒, 沒有太多雞皮 GOOD # 炸薯角, 內裏是用薯蓉做,味道也挺好, 但食第二件就覺得有"燶"味,可能炸得太過火了# 秘製傳統羊肉, 個汁好"SO",好奇怪地食羊肉時又不覺"SO" 喎~ 可惜太了羊肉了...# 乳酪汁蝦,個汁幾好味, 朋友話酸好奇怪,但我就覺得OK, 又食不出有酸味喎... # 茄子薯蓉, 呢個最愛歡迎,我見到我朋友狂塗係個烤餅上, 應該係好好味架 , (我無食呀...HEHE)# 烤餅做得唔錯,幾好味# 胡椒薄脆, 一般,無乜味#炒飯. 有陣味, 無食到,但我朋友接受到, 食晒呀叫咗OR平時多人飲的芒果乳酪,但我個人就覺得好普通,有點兒失望添...

周六突然很想吃些刺激性食物來醒醒神, 見很久沒有吃過印度咖喱, 醒起時代廣場對面的羅素街有間樓上舖評語不錯, 即管試試看吧! 推門入去, 一檯客人也沒有, 還以為是休息時間。侍應招呼我們坐下, 當中有數都是南亞裔人士。餐廳裝修簡潔, 乾淨企理。 本想叫lunch set, 怎料只是平日才供應, 唯有散叫。 咖喱選擇眾多, 主要材料有雞肉、羊肉、海鮮和牛腩, 由不同方法炮製而成好像巴辣、乳酪汁、咖喱汁、乾咖喱等。 我倆要花一些時間才能下決定。 去骨燒烤雞$55: 以鐵板盛著, 上檯時仍聽見吱吱聲, 約有五件雞, 雞件該是用了乳酪和多種香料醃製, 既嫩滑又入味。喜歡的話可加幾滴檸檬汁, 更加滋味。 傳統秘製羊肉$52: 汁味道很複雜, 帶少許辣, 羊羶味輕, 肉質似牛腩一絲絲, 略瘦。醬汁份量幾多, 要用兩款烤餅來沾光。 烤餅$9: 這個是原味, 餅身煙韌, 麥味很香, 用來索汁一流。 蒜蓉烤餅$13: 混入大量蒜蓉香葱, 較原味惹味香口, 剩食也不會寡。 芒果酸乳$20: 都是第一次試這種飲料,質地較杰身, 幾易入口, 酸酸的, 又夠滑。 後話: 當我想影低檯上的餐紙作紀錄時, 一位侍應

因為食評而來的，地方有點難搵!在銅鑼灣黎講，這裏唔算貴，價錢合理。地方較細，人多一定要訂枱芒果乳酪好怪！服務幾好！

之前已經食過3次，今次又忍唔住再黎幫襯。幾次以來我地都已經試過$128 set、$138 set、$148 set，今次我地就試個$108 set再加個fry fish同燒餅。幾次食都覺得好d野係好食既，每樣咖喱既食物都有佢吸引之處，真係好。今次第一次叫fry fish黎食，係炸魚柳條黎既，都好好食。我地而家一想食咖喱，就會諗起黎呢間食架喇。p.s. 遺一呢間比我覺得唔係咁好既就係d飲品喇，真係唔係咁啱我地口味。

只有４個字形容：不知所謂！　　就算好多人都話個度ｄ野好食都好！我都不會再去！事源我有一位朋友，聽聞此間野食物都有番咁上下．．．．．一心打算去試試，已致電去問過，當天大致上已全ｆｕｌｌ，我們都是明白事理的人，亦都只打算ｗａｌｋ　ｉｎ　入去等人地有「吉位」。我朋友一早去到拿ｗａｌｋ－ｉｎ的籌，等了二十分鐘也沒有抱怨過，當我們一行６人都到齊時，其中一人眼見有吉位，所以都是打算問問是否有位，他們就用流氓般態度說：「ｏ～你們不是一早預位的，所以係ｗａｉｔｉｎｇ　ｌｉｓｔ，如果要坐都得，我地只有５個位，無論被你坐曬全部人。」特別係那個巨人身高的女人眼神極不友善，我的朋友聽到當然也有少許發火啦，就問她：「你不能給我們足夠位子，那有一人去哪呀？」，門口的黑人串串地說：「你們都要等有人結帳才有位給你。你看那些人快走啦！」他們極不耐煩．．．．．．說話更是成間餐廳食客都聽見，那次後我就和那位好想食的朋友說去第二間食，因為不知等到什麼時候．．．．．誰不知那兩何奇差「女巨人」、「黑人」還大大聲回敬我們：「隨你喜歡！我地都唔係討架吵」，我也受不了他們兩個看不起人的說話方式！和他們吵了兩、三句才走。我從未試過係香港

今日因為要去睇黃子華"所以男友就睇下銅鑼灣邊度有好野食見呢度好多笑笑臉所以今次都要來試下！大約6點上到去，因為未到食飯時間所以係無人，重好像包起了間餐廳~就去選了一個近窗的位坐因為我個人唔係好食得辣野所以都特登問過侍應會唔會好辣咁佢都話唔辣，可以放心我地下晝去嘉樂食了野所以都係散叫叫了炸魚，咖哩雞同烤餅炸魚其實好好味食得出師父有心機去整不過可能是印度菜食到後尾有少少苦的味道所以其他都給曬我男友食.....如果係一對情侶去叫炸魚就免最好3~4個，每人一兩件就好了雞同埋個烤餅都好好食就算我呢D好怕辣的都食到雞都好滑好入味配搭都一流原本想叫多個烤餅，但始終飽飽地價錢十分滿意，因為約$100就可以咁滿足^^下次有機會會再去

呢間餐廳都食過幾次, 不過尋晚10.30pm先到, last order 10.45pm, 知佢地收11pm, 所以只係叫左一個stream rice, 一客naan同馬沙拉雜菜, 個飯都係用番正宗印度米, 出黎都係一粒粒, 唔會黏住哂, 比較細長既, 有白黃紅mix埋一齊, 我見到仲有少少香料添, 普通一個飯, 唔會差得去邊既, 但個馬沙拉雜菜, 雖然d離菜都足料, 但好似唔係咁夠味, 唔知係咪臨收工呢, 另外個naan, 一客3塊, 雖然話佢地就收工, 但佢地都無馬夫, 真係新鮮整比客人既, 好熱辣辣

禽日一入openrice就見到呢間嘅食評, 好評如潮喎, 一定要試下。好彩男友6:30pm已經到達攞定位, 我6:50pm到, 見到得一、兩枱客仲以為都唔係好多人啫; 誰知一過咗7點好多好多人陸續湧到, 門口仲開始排隊添!講番食物, 第一道乾咖喱炒蜆, 正呀! 蜆大大隻, 好肉地, 我仲洗碟照晒鏡呀! 仲有巴辣羊肉, 落單時個姐姐已經問明我地食唔食得辣, 哈哈...真係辣出一身汗喎~ 另外又要咗煲仔咖喱牛腩, 雖然咖喱都好香, 牛腩又夠lum, but個人都係鍾意乾咖喱&巴辣多d。 烤餅試咗牛油味同蒜蓉味...唔....各人有唔同喜好啦, 只係略嫌牛油烤餅太多油咧~ 飲品就有芒果乳酸 & 青檸忌廉, 解辣一流! 埋單$233, 咁好食, 抵呀!! 走時仲好多人塞住個門口添, 明明有得book位嘛(我見到有張2人枱畀人reserve咗), 做乜唔打電話book咗先呢?

前兩日去同朋友出cwb 食個lunch, 就提議去食咖哩其實哩間野3年之前黎過. 係人地帶我黎, 味道已經唔太記得但見openrice 咁多好評, 今次真係要慢慢品嚐下.等左5-10min 有位我地每人叫左一個set lunch $32, 另外加$10 叫左個冇骨雞我叫左個芒果酸乳特飲, 要加$9, 朋友叫左拉茶, 要加$7朋友就話拉茶都還可以. 就等我下次試下至於哩個酸乳, 好杰下. 飲落好重芒果味, 但就冇乜乳酸味, 唔夠酸.成杯都似係芒果肉咁. 而且d 芒果幾甜. 但我個人口味就比較鍾意酸d但係都幾解喝既咖哩上場, 兩份跟薄餅一份跟飯乳酪濃汁羊肉. 都係辣既, 但味道唔係咖哩咁. 比起另外兩樣甜d.羊肉冇羊羶味. 都分唔出佢係咪羊肉囉. 似牛腩多d咖哩牛腩, 我覺得哩個個咖哩汁好食d, 可能正宗少少. 多d 油同香d但係d 牛腩就煮得比較散, 唔係一舊舊既.不過哩個撈飯真係正. 我認為好過食咖哩雞咖哩雞, d 汁其實應該同牛腩既一樣, 但係唔知點解食落我覺得係有分別, 牛腩好似好食dd 雞唔係特別滑. 冇咩值得一提.薄餅夠香脆同比較有特色, 食印度野唔係唔食薄餅呀嘛... 但始終

昨晚和honey 兩個人晚飯....由於本人極度喜愛咖喱, 所以一早book 咗位亦好在一早訂咗枱, 因為我地去到都好full 呀, 否則真係要等位喇!!我地order 了四樣野:1. 蒜蓉烤包 <--- 唔錯, 加埋d 咖喱汁食好開胃2. 去骨燒烤雞 <--- 啖啖肉, 不過honey 嫌有點辣, 而我就覺得唔夠辣3. 咖喱牛腩 <--- 好香, 牛腩好"淋", 好味道, d 汁用黎撈飯or 點包食一流4. 特式雞肉炒飯 <-- 飯好特別, 同平時食開d 米唔同, 一粒粒好有口感, 不過honey 話頂唔順個香草味另外叫咗一杯涷奶菜, 果然有印度特式, 同港式唔同, 可以試下!!總括: 好有印度特式, 份量適中唔會好大亦唔會太細, 但如果人多就未必夠, 加上地方淺窄, 未必適合大班朋友去埋單$178, 地方細細, 環境算ok, 抵食, 會推介朋友去~