阿拉丁咖喱屋

营业中

休息中

本來係諗住去北角食sham，點知間野無啦啦閂門，唯有搭車落銅鑼灣搵食。呢間野個老細係個fd既舊同學，個人都幾cool。咁人地係老細，又咁鬼忙就係咁，佢係銅鑼灣ｄ咁貴租的地方做得住，都有番咁上下。我地叫左兩個二人餐。有咖哩角（都辣架，要趁熱食，唔係會腍），有薄餅（ｏｋ啦，冇加味），有香飯（之前係佐敦食過，非常特別），有tandoori grill（雞同香腸，重慶食過），有咖哩齋（最辣呢味），有咖哩羊（中辣），有咖哩雞（最唔辣呢樣，重椰汁味），仲叫左賣飛佛mango lassi！食左咁多野都係７０零蚊，係銅鑼灣食咁多野，呢度真算平！

本身其實唔太中意食咖哩因為唔太食得辣又唔覺得咖哩有咩咁好食.........但係食過阿拉丁之後就唔係咁講啦因為佢既辣味我係可以接受到同埋佢真係好食唔怪得晚晚咁多人企係個咁唔舒服既走廊度等位等足大半個鐘都要食@@最低得推介既係:去骨燒烤雞, 同埋椰香咖哩雞~~真係整得好入味, 好香, 又抵食wor....晚飯先係每人87蚊@@最重要係佢可以改變我對咖哩既諗法以後食咖哩只會黎呢度........

一直想去依間試下但一直都無乜動力去試因怕遇上被本地化的印度餐廳。當日非常熱唔想周圍搵野食就上去試下。叫左羊肉同牛腩咖哩，賣相唔錯但欠辣同印度香料味道我個人不太欣賞。羊肉唔似羊可能佢除So味既功夫了得，但羊無羊So味不如其他肉好了，我覺得牛咖哩好食過羊因比較辣同香。配白飯總係有點奇怪，個餅係唯一我覺得唔錯的做得很鬆軟。以印度咖哩佢唔合格但如果以$40食餐飯我會揀佢唔揀茶記既咖哩牛飯加凍OT。

第一次o係openrice寫食評~~~^^呢間野自從食過一次之後,今次已經係唔知第幾次食了~因為真係好好味+好抵~~呢日叫左個$148二人餐~有楜椒薄脆+去骨燒雞+咖喱薯角+咖喱蝦+印度烤餅+印度香飯~(p.s.可唔要香飯,揀白飯,會大碟d,不過香飯特別d)仲有飲品2杯~楜椒薄脆: 我唔係好食得辣,覺得太辣~去骨燒烤雞: d肉好嫩~好正~連d洋蔥都好好味~咖喱薯角: 熱辣辣~好味道~咖喱蝦: 唔太辣之餘仲有甜甜地~點薄餅食一流~印度烤餅: 香軟~印度香飯: 唔撈咖喱食會覺得乾身左d~不過其實一定會撈咖喱,所以冇問題~因為我同男友都係正常食量~所以覺得呢餐既份量岩岩好~如果比較大食既話,建議叫白飯or散叫多客烤餅~

行街行到肚餓,好想試下食咖哩等印度野,特地帶朋友黎呢度試下佢d咖哩~叫左個138蚊(我都唔肯定,因為佢有好多個2人餐)餐食,貪佢有烤羊肉串餐包括:烤餅--熱辣辣時最好食,但位置有限,如果唔係實叫多個薯仔薄餅/牛油蒜容薄餅蕃茄紅咖哩雞肉(?)--味道挺辣,比較喜歡椰汁重/奶重的咖哩去骨烤羊肉串(4串)--又係好辣的一味,底下有生洋蔥絲倒令人很開胃,但最後都係食剩一串,太多了印度香飯--另有白飯可選,不過想試下新野薯仔咖哩角--配上香草乳酪汁食更加好味,不過食完好熱氣飲品+錢仲可以叫青檸梳打/芒果咩咩,普通就是咖啡/茶/檸檬水個d我+5蚊要左青檸忌廉,朋友要檸檬水服務又沒大家講得咁差喎~畢竟你比幾多錢係度食野呀,要人家當你是大爺咁服待你嗎???我覺得只要唔係10問9唔應,勤d添水同埋做野快手快腳,服務態度都叫好,話人地態度唔好,不如話係自己要求高,你估宜家自己係5星級酒店定米之連咩??

琴日我同學加人工,請我去食我介紹嘅印度咖喱。我個人自己就唔係好食得辣,但係都覺得好食而成日去食。我鐘意佢個燒烤雞, 同埋個咖哩味都幾濃; 只係個茄子蓉差少少啫

說差, 又不算太差, 但試一次, 以後不會再去了首先因為環境太局促了, 位子很少, 一坐滿就吵得聽不清楚對面的人在說甚麼除非是很美味的菜式, 才會覺得, 坐得不舒服也沒所謂吧可惜, 咖喱不算很好吃啊... 咖喱不夠香啊...羊肉角... 像普通的咖喱角, 裡面塞很多肉 ... 和在重慶吃到的差很多......洋蔥烤餅不錯 但叫了另外一個薄餅 ($13) 就不太好, 一點都不鬆化, 連照片都沒有拍了開始懷念重慶 + 莎巴馬來西亞餐廳的烤餅...服務方面... 跟那位年輕的女侍應說話, 她都沒有甚麼反應... 令人納悶 2個人吃得不多, 所以每人$50便可埋單

因為唔係我點菜,佢地打去booking唔到位,要新身去留位,等既時候仲問我地要唔要蟹,好大,我記得唔係好貴咋~我最記得個魚好辣,個牛好味,有個青醬唔錯,但我d朋友話唔好食,我飲左個芒果汁都ok,

前文在 SOHO 的 Marouche Grill 也提及過，因工幹關係，在中東逗留過一個月，是故試過不少印巴菜，只能說，這裏的菜式可能夠港式，所以討人歡喜如果在重慶大廈吃到的印度菜，絕不會是這個模樣要了個 $118 二人餐，滿心失望 ......胡椒薄脆，一塊，okay 我 meet 開一半兩個人 share ..果三個炸粉漿 .. 內裏薯蓉又無乜特別好味，內外都唔夠熱，放落口都唔知係乜傢伙咖喱牛腩，牛腩 ok 唔 un，俾得少也罷，好吃就行，最大問題係咖喱味稀薄香料不足，醬汁稀稠稠，又唔辣，又唔夠熱，感覺好似用微波爐翻叮一碗現成熟食「烤餅」更慘，淋 pat pat 沒有口感不鬆化，乾爭爭沒半點麵包的味道，完全沒有碳烤味，更似微波爐翻叮，在中東天天都在吃烤餅，所以這功夫最能分辨飯的份量更是少得可憐 ...最後，我們已經吃得不想再吃，不知為何要弄這麼久，原來還有一碗香菇青豆什麼的，天啊呢個唔知湯定醬的物體真係好大問題，又像是翻叮的，不知是何許味，很微很微的香料味，因為不太杰不太稀的口感又很怪，像加了茄汁和生粉芡的不知名汁液，對，就像慈善機構明X canteen 茄汁什繪飯的淡茂茂杰撻撻

因為要趕睇戲，食左一餐半個鐘頭既晚餐…果度有好多套餐揀，由於唔食牛又怕羊，所以我地叫左一個咖哩魚套餐，但咖哩始終都係配麵包先最好食前菜有類似咖哩角既小食，普普通通過得去啦咖哩魚ｄ咖哩好好食，佢有印度烤餅跟埋，ｄ烤餅好有麵粉味好香，配埋咖哩食簡直一流仲有個印度香飯，不過可能食慣泰國米，所以覺得印度米唔好食，仲好硬添　冇泰國米咁香同軟身其他都冇乜印象ｌｕ…

傳統二人餐$154, 相片睇樓下幾層印式菜角好好味, 熱騰騰, 即叫即炸去骨燒烤雞雞肉冇雪味,好彈牙,咁厚既雞肉都入哂bbq味道,好香傳統秘制羊肉 <<唔食羊改左乾汁魚柳個乾汁其實係印度咖喱咁上下既汁,好好味,魚柳一咬鬆化香料茄子蓉呢個菜就一般印度香飯第一口感覺,好似沖緊椂柚葉涼,實在太香,香到有點唔慣,好有印度特色既飯烤餅熱騰騰, 用乾汁點住黎食,十分好味,烤餅好有水準總結,$154二人餐十分抵食,食物好有水準, 以前食過印度菜,但太地道唔啱胃口,呢間印度菜好明顯將味道調得比較適合香港人既口味

本來一眾好友有好几個月沒見, 相約食飯。誰知一開始的心情就給一位侍應打斷了。本來要 100% 齊人才可以進入, 也有一點點理解（雖說也已經覺得有點苛刻）。但態度可以好一點吧! 要不是同行一位友人堅持的話, 已經大眾一齊轉投其他的懷抱。先說說飲品，點了拉茶、芒果乳酪、特色乳酪。拉茶，弱，香料不足。乳酪都算比較好。食物方面，點了薄荷雞、燒烤魚、椰汁咖哩羊、雞肉炒飯、好几盤不同口味的餅、菜角。炒飯、椰汁咖哩羊、燒烤魚、薄荷雞都還保持到水準，不過其他就......。相對數年前常來之時，弱了不少。會否再來，不知道。以這附近的話，印度中東菜又的確是這裡獨佔鰲頭。但都要看侍應態度，始終完美的一頓飯，心情才是最重要。

放工約左朋友仔收生日禮物見好耐無食印度野就去左就最腳既阿拉丁食個lunch喇~烤餅 我黎呢度既目的都係為左佢~原味烤餅 煙煙韌韌 食落有小小麥香 認真餅有餅味 撈咖喱汁一流乾咖喱牛腩 比平時食既咖喱杰d 個汁好濃好香 好重香料味 小小辣既牛腩整得好淋好淋印度雞沙律 沙律入面d青瓜好爽 雞肉好滑 酸酸地好開胃 食完個濃味咖喱可以平衡返無咁濟~服務幾好,不停為我地加水,都arm既...食完呢餐雖然好味但真係十個口渴呀!

好耐都食過印度菜喇, 今次就同朋友走o黎開飯今次來得點了兩個set再散叫了雞salad, 印度菜角 & 乾咖喱炒蜆!雞salad: 之前食印度菜都未食過雞salad , 完來印度salad係如此有特色, fresh & 開胃, 有少許辣點綴了就道菜, 雞特別用印度式處理過, 正, 好正!!!印度菜角: Very Good, 入口不膩, 內裏是用薯蓉, 菜蓉&豆做, 脆卜卜, 過sause正!!! 酸酸地唔會太濃!!!傳統秘製羊肉: 味道很濃烈, 很難表達, 出到羊肉味 good!!!乾咖喱炒蜆: 一般, 蜆是大大的, 不過食唔出鮮味!!! sause係ok嘅咖哩羊&雞: 兩款咖哩sause係唔同嘅, 各有特色!!! (羊再so少少會好d"我人喜好")烤餅: 外脆內鬆軟的, 正點汁一流!!!總結: 食印度菜唔一定過尖咀, 上樓中環, 銅鑼灣都有一間, 不過今次食得嗰少部分, 下次一定要再o黎開餐!!!

同學garthering揀左黎呢度，佢地仲好醒目....預定埋隻蟹同羊脾﹗我地揀左用椰汁咖喱整隻蟹......個個都話好味而唔辣﹗仲有order左大蜆....本人就覺得比較"un"，唔知係咪大隻得滯....其他就有牛腩同鐵板雞，配多款烤餅....真係好好食﹗當然主角"羊脾"一出場就相當搶鏡﹗估唔到咁大隻都咁入味，而且無想像中咁"so"喎~肉質都好"冧"....可能係我地太為食，個個都唔停手食咁....都無乜傾計﹗竟然返到屋企upload facebook相時先大講，仲發現埋佢既group.....真係好搞笑﹗原來連馬來西亞電視台都訪問過添......