阿拉丁咖喱屋

营业中

休息中

講笑..我真係食大左....昨晚去左阿拉丁食印度野啦...記得上次來食都係叫過2人餐,印象中仲食到好飽..點知今次都係叫個2人餐份量都差不多啦..但今次我食完都無飽既感覺既????係咪嚇親大家呀...登..登...登.....登...........成個餐就係有薯仔角4件, 胡椒薄餅一片, 薄餅3件, 乳酪蝦, 串燒雞, 唔知咩飯同埋2杯野飲.我食左咁多野都話唔飽..大家可以想像得到我有幾大食未呀..不過成餐飯我最喜歡就係...我自己杯芒果乳酪, 其次就係個薯仔角。。仍然咁好味。。不過今次個串燒同咖哩蝦就無咁好味。。都係咖哩雞比較入味Ｄ。。佢地用既蝦此終都係唔多新鮮。。叫平既套餐仲好味過貴既餐。。真係怪怪。不過最值得一試真係杯芒果乳酪

呢間黎過幾次, 有信心, 最鐘意食佢d薄餅, 可能本人既口味不嬲愛好食麵包喇, 另外雜菜炒飯都好好味, 不過近一次去, 水準好似無以前咁好, 同埋辣左少少, 仲有薯仔椰菜花咖哩都好好味, 辣度o岩o岩好, 送薄餅食就最o岩呢度仲有d 2人餐, 都係百鬆少少, 起呢區黎講真係好經濟,仲要味道質數ok喎, 個view仲可以望到times, 唔錯餐廳內有男女獨立廁所, 非常方便, 食完可以洗手嘛

原本以為個個贊, 好大期望....好似係印度人主理, 價錢唔貴.不過,味道唔正宗, 又唔算好食.個咖哩角,正宗應該係用厚面粉皮包,但佢係用春卷皮包,好港式,都幾脆.但係唔叫好食.個咖哩牛腩,唔香,唔咖哩,唔辣....好一般.只係得牛油烤餅,味道叫唔錯.個人覺得"重慶大廈" 好食D.

尋日同個fd預祝生日, 於是就book左位黎呢度食 上到去就見到一個印藉少女, 中年女士加一個應該係老闆既男人~佢地都係講流利既廣東話架 佢地既服務態度真係唔錯 我要左杯芒果乳酸, 覺得幾好飲架, 不過個fd就話唔好飲, 口味唔同呱 kaka ~ 而佢就要左杯青檸梳打 ~我地無叫set, 都係散叫黎食 要左個 去骨燒烤雞, 乾咖喱炒蜆, 傳統秘製羊肉, 烤餅, 蒜蓉炒西蘭花~去骨燒烤雞 : 無汁睇落好乾咁, 食落又唔係喎, 推介之一喔 乾咖喱炒蜆 : 雖然少左d, 不過夠大隻, 好味 傳統秘製羊肉 : 辣辣地~ 感覺羊肉少左d同細粒, 不過唔騷又幾夠味烤餅 Nan : 點番個咖喱汁黎食一流, 但係比想像中淋左d 蒜蓉炒西蘭花 : 味道ok, 菜身夠硬唔會太淋埋單都係245, 價錢都算便宜呢~如果第次再去既話叫set既話會再抵d架 下次會再去過, 仲有好幾樣野未試呢~不過想去既朋友最好預先訂位, 因為走個陣門口已經企左好多人呢

我們7點幾去都唔使等位咁...15min啦~之我我地叫左set dinner~148~個薯角即炸好正~個雞同喱厘蝦同出面皇慶冇咩分別~飲品~加錢果d都ok~唔加錢就細杯d~總括黎講~唔太大奇望都ok架~

今日同d 朋友去到銅鑼灣~都唔知食咩好~見到阿拉丁咖喱屋~記得openrice 好多人都讚過~試下先~去到等左大約二十分鐘位~叫左:秘製羊肉---我幾鍾意食~辣辣地~d 羊肉又幾正~d 汁真係唔錯乾咖喱蜆---都幾好~不過少左d~呢樣菜差唔多枱枱都有叫~蒜蓉薄餅----同出面差唔多~點左咖喱汁點都會好味ke~雞丁豆----呢個一開始食都ok~但慢慢就覺得有d 怪~又講唔出點怪~可能我唔係咁鍾意d 配料~酸酸地咁乳酪雜菜----呢個係幾唔錯~d 汁甜甜地~撈飯真係一流去骨雞-----其實d 雞係幾好~啖啖肉~但我自己唔係咁鐘意食佢落d 香料~~太重味蓋過左d 雞味~~服務真係幾好~個個笑容滿面~價錢又合理~算係銅鑼灣一個一流選擇~~~

男朋友係印度公幹回來，話印度菜極好食，搞到我心思思想去食下印度菜，又見Aladin Mess咁多好評，今日就去試下！因為有野做，都無乜點仔細睇個Menu，見到其中一個Set餐有蕃茄牛油咖喱雞就要其實仲有好多，下次一定要慢慢選擇呀！以下係二人Set的內容：印度菜角：其實係薯仔春卷，即炸，又熱又脆，咬落去薯仔會冒煙，千祈唔好急住食，會勒親，伴埋青咖喱，酸酸地，好好味！蕃茄牛油咖喱雞：呢種咖喱有少少辣，不過我咁怕辣都可以接受，蕃茄味都幾濃，雞肉好味，配埋香飯，超正！我地食到一滴都無剩！香飯：炒飯，好香，好啱伴咖喱！鐵板羊肉卷：唯一一樣非curry，羊肉唔韌，又無羶味，稔稔地，好好味！烤餅：我覺得太厚，而且唔夠脆，即係唔香口，我最期待的居然係最令人失望的又加左個青瓜乳酪（＄２２）：酸酸地，幾清，中和下Ｄ咖喱味加＄９轉芒果乳酸：好似奶昔咁，唔似乳酪，芒果味好香，幾杰，好好飲！Set樣樣都有少少，份量唔多，啱晒我呢Ｄ想試多Ｄ款的人呢姐姐服務好好，知我地想用埋剩返的青咖喱點飯，收菜角碟個陣就就特登留返碟青咖喱俾我地，好considerate！toilet雖然細，但係好乾淨，抵讚！唔收service

九月三十日先不說是否合胃口,一間餐廳是否地道,是否有水準,看看有否當地人來幫襯就知...如果有,最多係唔啱你口味,但絕對地道,絕對有水準,我地就揾到其中一間...今晚做完gym,過來位於羅素街挺方便...吃過新開的鯛魚燒,急不及待來此"久聞大名"的名店一試印度菜餐廳在二樓,不太講裝潢,老闆相信是位印裔香港人,操流利的廣東話...要等位...排在我們的前面正是兩對印裔人仕...心想...今餐應該有著落因為座位不多,這裡的待應又不會"趕"人走,我們等了約三十分鐘才有位,不用搭枱...看了看菜牌,選了其中的一個二人餐...開飯印度菜角炸得十分香脆,不油膩,餡料全是薯蓉,而且脆皮不易碎,很美味...去骨燒烤雞無汁的,但雞肉仍能保持質感和濕感,很有雞味...配上檸檬汁一流!咖喱魚咖喱不太辣,魚亦不夠新鮮,而且無魚味...略為失望之作烤餅與出面吃到的無大分別...ok la印度香飯印度米質地比較硬身,香飯基本上沒有甚麼香味,只是加了黃薑粉一同煮,與咖喱汁同吃,感覺很特別...未試過的值得一試芒果乳酸兩者加埋的味道有點像水蜜桃...很香甜,很醒胃,邊吃咖哩邊飲,心曠神怡...很爽!成個餐...五光十

Last Wednesday (17/9), had a farewell lunch with my friend as he was going back to USA that evening. Since he likes Indian food a lot, we decided to try Aladin Mess. For lunch time, no booking service is provided. But we arrived at 12:30pm, there was not much ppl there. So it was good, no need to wait for table. We didn't order the set lunch. Instead, we had tried lamp samosa and vegetable pakora as appetizers. Chicken tikka and palak paneer as main courses, with paneer naan and galic naan. And

this is the most bad service resturant that I have seenLAST WEEK, I have booked a table for 2 wz my boyfriend, ( i have not been there before and only see the comment from openrice and want to try).I booked a table for 2 for 7:30pm, (I booked it few hours ago)The location of this resturant is difficult to find, we are get lost in CWB, and we call for the resturant for twice to ask for the location......... the staff teach me in phone not very clear.......and we use many time to find the location

wake 完 board, 成身散晒, 和女友餓到飛起, 回家沖完涼, 馬上落街醫肚.又點可以放過咁高 rating 的咖哩館呢.六點幾, 冇乜人.看了openrice才上去，　叫了好多人都讚既　蕃茄牛油咖哩雞；　另我愛辣，　爆緊暗瘡的寶貝女友都肯就我，　俾我叫個辣辣的　乾汁咖哩羊肉.未食已心甜呢．．．garlic　naan, pilau rice 也是指定動作.女友都豁出去了, 話要食羊 samosa, 也點了.蕃茄牛油咖哩雞先上, 係好紅色既, 微辣, 點 naan 一流, 但撈飯好點, 因汁不太杰.乾汁咖哩羊肉真的幾乾身, 汁好濃, 幾辣, 雖只是中辣都流晒汗.點包包也好味. 但跟飯就冇咁配合.有幾舊好韌, 牛腩咁.食到一半媽打黎, 話冇帶鎖匙, 又未食飯, 下來 join 我地~她叫了咖哩魚, 唔記得叫咩名, menu 上正正中間的, 係有相的, 侍應話係唔辣.來到上檯, 個色好黃, 椰汁味重, 唔辣, 甜甜地.她話跟飯也不錯呢.服務很好, 不停為我們加水.食辣冇水飲都幾大鑊, 好采這裡服務好.本想叫 lassi 解辣, 因係奶才可解, 但後尾都係飲水算了. 埋單看到張公司咭片

自從海光街既 INDIAN MAMA 搬左去九龍尖咀果度之後, 我已經好耐好耐好耐冇食CURRY呀 ...><昨晚心血來潮 @@ 要食 CURRY 呀!!!!之後即刻上黎OPEN RICE 搵,,, 見到呢間REATAURANT 好似唔錯,同埋佢隻碟似INDIAN MAMA 既碟 ,我就簡佢啦 .. 系2/F , 一開門... 好多人等緊呀 @@好彩只係同MAMMY 食 , 即刻有位 叫左 個乳酪濃汁羊肉 , Potato nan , 一個白飯(本人唔太喜愛印度飯 ,太乾) , 一杯mango lassi 個羊肉唔錯,好鬆 @@ Potato nan ,普通啦,,有少少油 - -" 個白飯好好味 (只因我可能是個飯桶 @v@) mango lassi 酸酸地 ,mango味較重 ^_^ps: 不過真係好旺場 , 而且好嘈 - -" (情況好d似小白屋咁 , d野唔錯 ,但係變左茶餐廳咁)

午餐兩個人去左幫襯, 叫左CURRY CHICKEN & CURRY LAMB.個羊未上枱已經心知不妙, 唔知係咖哩汁太多唔知D羊定係D羊小的滯?如果個waitress 係醒o既都會令番入去再serve 過啦, 佢真係夠膽擺低博我唔出聲.講番d羊, 尺寸: 2x2cmx4粒, 2x2cm 係幾大? 咪大過粒方糖lor, 薯仔碎都無粒.當然唔底得o既我叫個waitress 攪攪佢結果多多2粒方糖, 不知是幸是不幸, d羊好鬼UN.咖哩雞就好d, 味道不過不失. 件餅不過不失lunch time 梗係丁番熱ga la.整體只可以話好味過港式咖哩, 嘗試考慮下晚餐去多次啦.......

Aug 16, 2008 Dinner After working out at gym on Sat, was wondering whether to have Indian or Russian in Central. Finally decided to go to our Indian Canteen. Arriving there at about 21.15, it was still packed. Waited for around 10mins, we were arranged to have a corner table. We ordered the $158 set and spinach & cheese as extra. Samosa was a bit oily as expected / thick pastry would be peferred Sweet lassi was unexpectedly great which is better suit for the spicy food than mango lassi Chick

除了重慶大廈外，想試試一些較地道的印度菜，於是乎便於上星期四晚book了這裡二人檯一試。我們八時到達，餐廳大概有十張二人檯，九成滿座。由於知道要吃薄餅，便先到洗手間洗手，這間樓上舖的洗手暑比我們想像中清潔企理，印象不錯。我們二人可試的菜式不多，只點了乳酪蝦、咖哩炒蜆和羊肉角，當然還有garlic naan bread，飲品點了青檸忌廉和芒果沙冰。乳酪蝦 - 味道較淡咖哩炒蜆 - 是乾炒，大大隻蜆，味道也不錯羊肉角 - 最好吃，羊肉很夠味garlic naan bread - 比較滯胃，下次應order原味。由於沒有咖哩汁送，naan bread的價值也大大降低...青檸忌廉 - 冇乜特別，另有青檸梳打選擇芒果沙冰 - 本來餐牌是沒有芒果沙冰的，因我們問，那疑似老闆娘的女人便特別叫人用冰打碎做給我們，服務超出我們的預期，可惜人造沙冰效果欠奉，味道怪怪的。結論是，下次吃印度菜還是要點一咪正常咖哩配naan bread。我們離開時在lift 門口見到推介圖片，才醒起忘記叫出名的鐵板雞肉，下次再試!!