阿元來了 (鴻圖道)

营业中

休息中

「阿元來了」去年中在觀塘開業後，距離我的居住地區近了好多，一直想來試試！這次終於有機會了～～平日的early dinner，未夠7pm便到達，所以不用排隊等位啊！店舖裝潢別具特色，充滿台灣風味將座位劃分成戲院﹑車站﹑夜市攤檔幾個區域收銀位置就裝成舊式雜貨商店，旁邊還有理髮店令食客置身於台灣的感覺！！點餐紙上的食物完全就是地道台灣菜！和朋友分別點了魯肉飯﹑台南擔仔麵和台南擔仔米粉點了蚵仔煎來share飲品是鳳梨青茶﹑草莓紅茶和阿薩姆紅茶台南擔仔麵，湯底清香而不鹹配料有肉燥、蝦、蛋和肉丸蝦爽口彈牙，肉燥令麵的味道更香更惹味擔仔麵的麵質類似油麵，但沒那麼粗硬個人認為配麵比起配米粉好吃一點啊～～魯肉飯，細細的一碗飯面層被滿滿的魯肉覆蓋著不過朋友說魯肉的味道不夠甘香啊！蚵仔煎，帶點蛋香，蚵仔大隻但量不多外邊部分的質感香脆，中間的部分較軟稔和煙韌沾醬汁吃好滋味！鳳梨青茶，$10加配有菠蘿的微甜配上綠茶，味道恰到好處不會被任何一種味道所掠奪朋友們的紅茶則不及綠茶好喝啊草莓紅茶是不太嚐到草莓的味道呢！想去台灣吃個夠而未有時間出發來這裡尚能養一養胃口！

已經有好幾年無去台灣了，一直都好掛住台式嘅地道小食，阿元嘅嘢食樣樣都好高水準，每份份量唔算多，但價錢便宜，可以留返個胃試多啲唔同嘅嘢！😋-🐷🍚魯肉飯聞到陣陣魯肉香味，未食已經流晒口水。🤤魯肉肥美軟腍，肥膏佔二肉佔一，每一啖都充滿脂香。香濃惹味嘅醬汁配上煙韌圓潤嘅珍珠米，越食越開胃啊！😍-🦑酥炸魷魚炸得好酥脆，魷魚亦都好彈牙，食到停唔到口！-🍜台南擔仔粿條類似河粉，味道無咩特別。-🍡🥣九份芋圓芋圓、地瓜圓都好煙韌，但喺湯底落咗太多冰，啲冰融咗之後湯底就變淡，略嫌唔夠甜味。

之前去過西環既店，見到超長龍而且店面好細所以冇試。無意中發現原來有分店係觀塘，就即刻過黎睇下。按照google map黎到，發現係一間外賣飲品店，正失望之際，見到隔離有張紙教點行去堂食既鋪頭，就係後一條街既巷仔入面，兩分鐘好快到去到街口已經見到長長人龍，最終等左15分鐘就入得，比想像快店入面位置幾多，裝潢好有九十年代風格兩個人叫左五樣野+兩杯野飲，等左唔洗五分鐘就有野食茉莉綠茶 冬瓜茶兩杯飲品都係偏甜，味道唔錯沙茶豬血湯豬紅新鮮冇腥味 裏面仲有韭菜，加左沙茶醬既湯好惹味，可惜豬紅唔夠入味 台南擔仔麵男朋友唔食魯肉飯所以揀左呢個，佢話冇乜特別，ok la 甘喎炸花枝丸上面加左啲胡椒粉調味，裏面有一粒粒既花枝，不過個人食過其他餐廳既炸花枝丸更好味所以覺得呢個味道只係可以左 魯肉飯 - 魯肉都幾多，肥而不膩，撈飯食好味 而且睇落細碗，食唒成碗都幾飽右 蚵仔煎 蚵仔唔多，醬汁做得幾惹味，同係台北食既味差不多叫左甘多野，埋單都係二百蚊有找(冇加一)就味道黎講，個人覺得7.5分啦，味道ok但冇乜驚喜但如果計埋價錢，真係比好多係香港既台式餐廳抵食所以如果係附近又唔趕時間，不妨一試

星期六行完山，兩口子由西灣河搭船到觀塘海濱長廊，行咗一陣覺得肚餓要搵地方醫肚，突然醒起呢一間餐廳。行到餐廳時，唔需要等位，可能因為時間尚早啦！响一個唔屬於下午茶時段又唔屬於晚餐嘅時段，決定叫小食，唔食飯。點了 大腸蚵仔麵線，肉鬆蛋餅，鹽酥雞球，百香果紅茶，當然仲有我最喜愛嘅九份芋圓。個麵線，冇失水準，足料又夠味鹽酥雞球，雖然份量細，但個皮不算太厚，恰到好處！肉鬆蛋餅，今次係第一次叫，我覺得口感良好，值得一題，係個蛋餅上面嘅醬！正！正！正！百香果茶，可能冰多，唔夠甜！九份芋圓就當然 係多料又正啦我一定會再黎！

係觀塘返工咁耐，一直都想試阿元來了，但每日lunch條隊長到🤦🏻‍♀️🤦🏻‍♀️🤦🏻‍♀️所以搵左日放工黎試😋-黎到阿元來了點可以唔試佢地既招牌魯肉飯（$29）細細一碗，全鋪上魯肉，色澤一望就知一定係好食。魯肉係半肥瘦，煮得好入味，加埋魯肉汁伴飯食，好惹味🤤-鹽酥雞（$35）落單冇耐就到左，應該唔係即炸，但都好鬆軟，d雞都好滑，但如果再熱d就更好。-野飲冇影到，因為唔太值得推薦，我叫左熱抺香珍珠奶茶半糖，超級甜同埋抺香味唔太出，可能因為太甜。同埋佢地係冇水供應，要就$13一枝-我地大約6點9到，唔洗排隊，但7半走個時已經排長龍，所以如果想食建議早小小黎到。-

這間"阿元來了"，著實是城中有名的人龍食店。一直以來都未曾光顧，原因亦是被那條長長的人龍嚇怕....聽聞觀塘分店雖然人潮依然，但相比起西環那邊的人流，這裡還是可以忍受的....於是乎今天，就的起心肝，來碰碰運氣....店的位置確是頗隱蔽，人不斷圍著那幢工廈轉啊轉，最後在後巷中發現了這枝旗幟及木手推車....跟著通道走過去，就來到鐵閘半蔽，毫不起眼的門口....一走進，豁然大亮，滿室盡是寶島風味的牌匾及擺設....人沒料想中的多，這可能是和還未到晚飯時候有關吧。事不宜遲，馬上就開動點菜。望餐紙，內裡盡是各款來自台灣各地不同的小吃。我每一樣都想來一碟，但就只我一個人，要這樣做，未免是太妙想天開了....胃納，只可以容許我點一碗魯肉飯，一個刈包，以及一碟燙青菜而已....一睇魯肉飯之賣相，就知水準不會差 ---- 鹵色深鬱，肉是半肥瘦連皮，入口滿嘴豐腴。夠晒入味的鹵汁用來撈飯食，嫌太"漏"的話，咬一口黃色爽脆的醃蘿蔔，就甚麼膩滯都消去....刈包是小弟最喜歡的寶島小吃之一。記得上次去到台中一帶，一到夜市或普通街頭，見有刈色賣就衝了過去。這裡賣的，肉是典型的帶皮五花腩肉，跟和吃前述的魯肉一樣，

之前其實食過西環分店覺得一般，貪觀塘分店就腳又平所以再訪，但選址真係唔係常人入到去....魯肉飯($29)就係大眾心目中既夢幻味道，五花肉粒炆得軟燸香醇，甘甜既滷水剛好漿住每粒珍珠米，連半塊醃蘿蔔既調味都恰如其份，唯一可挑剔就係仲食到少少瘦肉質感。個人認為有埋魯肉既焢肉飯($39)比較抵食，兩大塊五花腩以較咸滷水炆煮至骨膠原狀態，連舊肥膏都食埋。塩酥雞($35)似炸定，但都入味夠熱；台灣香腸($30)係蜜糖香腸味，配生蒜都幾夾；高雄米糕($35)大伏，以為係白色既糕點知係生炒糯米飯，足料但食到好濟又唔算好好食。店內佈置成台灣夜市攤檔、大戲院同車站等主題，由於環境昏暗，以此為背景合照就影唔到架喇，但都增添左用餐趣味。 座位以圓台為主，1-2人要有搭台既準備。值得一提既係我係附近兜兜轉轉行左幾圈都搵唔到入口，原來要行去德信工業大廈後巷冇燈、堆滿棚架竹枝、類似垃圾房既位置有個極唔起眼既細入口。 我8點黎到既時候完全冇人更加難搵，食完出黎就見到大排長龍，估計係大家都用左唔少時間先搵到黎。用餐後臨時想飲杯野，黎到德信工業大廈正面既飲品部門市落單。 (阿姐會由窗口出飲品俾後座堂食既客人，其實我覺得

我朋友上個月已經講想試阿元來了，佢話好多人話好食，我本人雖然鐘意台灣，但對著陸左嘅台灣食品就唔太好，既然朋友想去，兩日前終於同佢去咗，嘩，原來都幾隱蔽，位置向鴻圖道，但入口要搵後巷入，小小憂黑，亦可以反轉思維，都幾神祕，天外有天嘅感覺。入到去樓底高，例牌做返舊台灣feel，食物真係一般咋喎，先食左三個下午茶餐，蚵仔大腸麵線，蚵仔夠大隻，湯底味唔係好味精嗰隻，唔喊，幾好。炸物拼盤，有炸魷魚、炸雞件、甜不辣，炸粉厚，魷魚幾好食，雞件無味。大腸拼小腸，我以為係鹵大腸，原來係台灣腸拼糯米腸，不過不失，但亮點向多片鮮蒜片上，加分。餐飲揀左鳳梨綠茶，有鳯梨味，可惜杯茶底澀。阿薩母紅茶，即係甜紅茶，都係茶澀。六點後都叫左幾樣食物及飲品，都係普通都等其他朋友有空間去嘗試啦，但整體選擇唔多，分量同台灣一樣唔大。

位於西環的阿元來了，是一間超有人氣的台灣菜餐廳。已經想吃阿元好久好久了，所以超期待今天的晩餐阿。餐廳不大，人氣高企，需等侯入坐，限時吃三十分鐘，所以要盡快相機食先盡快吃哦。由於太多東西想吃啦，二個人點得滿桌都是食物，二飯一麵一包好多小吃，超級滿足啊。魯肉飯$29滿滿的魯肉啊，看到亮晶晶的魯肉令我囗水直流啦。魯肉滷得色澤深濃，傳來陣陣肉香味道，叫人如何忍得住呢。魯肉脂肪豐腴，肥膏佔二肉佔一，每囗的脂香散發，囗感軟腍同時富嚼勁，醬汁濃香美味，拌上煙靭圓潤的米飯，越食越開胃，我最後更加魯肉$12，超級滿足啊。豬油拌飯$20豬油拌飯，同樣是肥仔食物，但天寒地冷，不吃對不住自已啊。豬油淋上圓潤的米飯當中，令到米飯亮澤吸引，豬油的味道跟在香港方間吃的味道不太一樣，豬味較重，個人偏愛香港的豬油多一點點啦。全晩最期待的食物，除了有魯肉飯，更有蛋餅啊。作為一名蛋控，但除未吃過蛋餅，真的很失禮呢。蛋餅的選擇不少，二人選擇超司和肉鬆囗味。爆濃起司蛋餅$30稱為爆濃超司蛋餅，超司的份量真的頗多呢，起司在蛋餅皮中溶化溢出拉絲，太吸引了吧。起司量多但不重鹹不重味，是偏淡的囗味，若換上濃一點的超司就更好啦。肉鬆蛋餅

台灣是我一個非常非常喜歡的地方，每次去台灣旅行都會吃過不停，所以我把我的第一篇食評都獻給台灣美食😋😋阿元來了正正開在我公司的附近，於是中午便和同事過來吃吃台式美食，一解缺假去旅行之苦！ （食左當去左趟旅行）👅👅餐廳的位置非常偏僻，不是熟路的同事帶路我想我看地圖也未必能找到（餐廳轉一個大彎還附有專買台式飲品外賣的）😖😣而我和同事們在中午12:30來到餐廳門口仍見人龍，可想而知，熱潮仍未減退。阿元來了內裡的店鋪裝修和佈置的確放了不少心思，非常地道，能令你仿如置身台北。即使是短短一個午飯時間，足夠令人放下工作既煩憂，來個快閃台北充充電。 阿元來了的魯肉飯沒有亦沒有令我失望，魯肉切得大小適中，肥瘦的比例恰好，平日不吃肥豬肉的同事都覺得魯肉入吃即融，非常美味!!醬汁亦非常濃郁，加上珍珠飯一起吃剛剛好，不會過咸。鹽酥雞亦是我在台灣夜市必叫的小吃，店員一上枱，我和同事們己經急不及待把它放進口裡去，之後才記起未拍照📷😝 炸粉不會過多，香脆可口，我最愛連同九層塔一起吃，好想再多叫一客，如果它的份量再多一點就好了！另外我們還叫了另外我們還叫了肉燥青菜（同事堅持✊要吃菜），青菜是小棠菜，配上肉燥一起吃，不過

觀塘工廠區充滿台灣風味裝潢小店，店員清一色講國語，感覺置身台灣小店。近期本人點擊率最高餐廳，揸車去的朋友方便可隨處放，入口係橫巷。首推魯肉飯，魯肉飯係一坑坑果隻，唔係肉碎果隻，雖然份量唔算多，但細細碗已經好滿足，特別一讚係餐牌價錢設計好好，雖然每個餸份量不大，但2人食價錢平可試5，6款，低食，台式飲品都做得不俗，5星星推介

一張60x60嘅檯，得出面普通餐廳4人檯嘅2/3咁大，竟然要4個成人一齊擠，仲要收咁貴。食物麻麻，份量好細，唔怪之得要咁安排人坐啦。唔會再幫襯啦，幾鍾意台灣嘢食都唔會幫襯尼間啦。

·「 阿元來了」——🌟🇹🇼係我目前在香港食過最有台灣風味的一間餐廳。·🤗💕今次試了1️⃣貢丸湯😋😋😋(清淡卻確實有湯的滿足感,不像有些餐廳 感覺在喝鹹開水,但愛喝湯的我覺得份量有點少)2️⃣蚵仔煎😋😋😋😋😋(外脆內軟,很適合香港人的口味,而且醬汁正宗!)3️⃣刈包😋😋😋😋😋(台式漢堡,口感與味道豐富,內含五花肉、*芫茜、酸菜、花生粉、糖，所以鹹中帶酸甜~百感交集啊👅💥)4️⃣魯肉飯😋😋😋😋😋(肉肉足料!肥瘦剛剛好!必食!)5️⃣滷青菜😋😋😋(不愛吃菜的人也會因為這滷水汁而多吃幾口~)−−−−−−6️⃣珍奶😋😋😋(珍珠算波霸,奶茶質感滑溜)7️⃣冬瓜茶😋😋😋(清甜解膩還下火,熱飲也很好喝~)·❣️另外 我很欣賞它環境舒適,一塵不染(我有潔癖)，裝修富懷舊風情,仲播埋台灣流行曲,店員態度親切有禮，令你彷佛就置身於台灣寶島，如你想利用食餐飯的時間來趟🇹🇼小旅行,這裏是你的不二之選～⚠️ 美味指數(😋😋😋😋😋為最高分)

相信不少人都去過台灣旅行, 那種台灣風情同當地食品既味道真的令人懷念. 雖然香港咩都有得食, 台灣野食都周街係, 不過LEE間你就食到正宗魯肉飯既味道喇~!鋪頭喺工廠大廈, 仲要門口位置喺後巷, 所以可能不太起眼 (你可以認住LEE架人力車招牌), 不過你經過一定不難發現人龍, 平時見到佢無論午市, 晚市都咁多人. 好好既係黎食既人都食得好快, 所以都好快就有位. 而且當你排梗隊等位時, 服務員會派定點餐紙, 咁大家一坐低就可以即刻落單, 好有效率.等左一陣, 就入得去喇. 一入去, 就好有台灣既感覺, 燈飾有D似台灣夜市, 地方都幾大, 雖然人多, 不過都唔算坐得好迫. 我同男友都點了人氣魯肉飯, 對女生黎講份量應該剛好, 魯肉飯較正宗, 唔係出面食得肉碎個D, 魯肉肥美多汁, 令我食得有點罪惡感, 不過真係好好味.我地仲叫左酥炸魷魚同埋蚵仔煎, 都幾好味, 不過不失. 下次可TRY TRY其他小食.反而, 我同男友分別選左加$10既百香果綠茶同芒果綠茶, 好香, 不太甜, 好好味.最近都未有計畫去台灣旅行, 想望梅止渴, 就黎食番餐濃濃既台灣風味啦~!

無聊碌下openrice，才發現阿元來了在觀塘開了分店。在西環没吃到，二話不說來到觀塘一試。 餐廳位於巧明街、鴻圖道交界的後巷，很容易走漏眼。 但lunch time時間人好多，見到人龍之處便是。 12點多已經全餐廳滿座，幸好大家都吃得快，很快就有位。 排隊時店員已派點餐紙，可以邊等點揀，一坐低時就落單。 餐廳蠻大，仍然人頭湧湧，可想有多受歡迎。 以老台灣主題裝飾，有點昭和風，蠻有特色。 淡水阿給 $28 去台灣多次也沒吃過淡水阿給，第一次就給了阿元來了 XD 豆卜包著冬粉、魚膠，立眼睇有點似魚蛋。 口感軟軟的，帶點彈牙，加上自家醬汁，甜中帶微辣，蠻好吃。 大腸拼小腸 $35 没有大腸包小腸，惟有叫個大腸拼小腸 頂頂癮。 糯米不夠軟糯，台灣腸也不夠香。而且$35只有一小份，不太抵食。 魯肉飯 $29 吃阿元來了，當然少不了招牌魯肉飯。 魯肉很多，肥瘦蠻均勻，鋪滿整碗飯，超夠分量。而且夠多汁，甜甜的、很惹味，用來撈飯一流。 香菇肉羹麵線 $45 肉羹的湯夠杰身，麵線軟滑彈牙，沾滿湯汁，很惹味。 可能香菇煮得太長時間吧？令麵線有點酸，扣分。 吃一碗魯肉飯再加杯珍珠奶茶，午