阿元來了 (鴻圖道)

营业中

休息中

去開觀塘嗰邊做完野，見時間尚早，就揾埋喺附近返工既朋友食個tea!諗起附近有間食台灣野食既阿元來了，於是就相約到嗰度醫下肚！其實想嚟呢間餐廳食野，已不是第一次了，不過每次都遇上長長的人龍，我對於排隊食飯其實有點抗拒，所以每次見到長長的人龍都選擇走人！不過食完之後我就明白點解咁多人排隊了今次可能係下午茶時間5點多，餐廳人流不多，可以隨便揀位坐，其實裝修真係幾台灣風，對食物也有點期待！由於下午茶時間，有些套餐選擇，我同朋友各自點了一個下午茶餐香菇肉羹麵，肉羹味道非常台灣風味，是在台灣街上找到的小食味道，麵條也很彈牙！魯肉飯是我叫小食以外後加的，因為個人對魯肉飯有點情意結，每次見到都會想食，也想試一下是否如傳聞所講的好食。魯肉飯是台南的口味，肉粒比較大粒，肥瘦適中，肥膏入口即溶，米是台灣的珍珠米，好香甜！芒果綠茶，跟餐配的，沖得很好，沒有很甜下午茶小食拼盤，都是酥炸小食： 內有鹽酥雞，花枝，八爪魚，好有台灣小食的味道，喜歡吃台式小食既朋友一定會喜歡！不過份量略嫌少一點！最後因為唔多夠我哋兩個人食，試完佢個魯肉飯都幾好食，我就把心一横叫埋佢個焢肉飯嚟食，兩大片5花腩加d魯肉，5花腩肥瘦適中食落

「阿元來了」係我一直好想嘗試嘅食店，朋友成日講呢度可以搵到台灣嘅味道奈何我唔係成日去西環或觀塘，所以一路未有機會試。今日去開牛頭角，就梗係唔放過阿元啦。🤣牛頭角分店嘅位置唔易搵，前舖淨係賣手搖飲品，要兜個圈去後面先搵到餐廳。唔識搵嘅話可以留意貼喺前舖嘅地圖平日七點到唔使等位，舖內四人位多，多人就可能要分枱坐了。店舖嘅設計超用心，係古早味呀！！（你去得多台灣一定明我講咩）每份食物嘅份量較細，所以我同朋友兩人點咗4樣野食。魯肉飯 ($29)阿元嘅魯肉飯唔係用免治豬肉整，佢係用手切魯肉，略肥，但咁先係台灣魯肉飯嘅正宗味道。魯肉個味啱啱好，好好味。肉燥汁唔只係面嗰層飯先有，食到下面嘅飯都仲有醬汁，完全唔驚飯會乾。勁推擔仔麵 ($35)個湯好香，冇味精，我食麵前都飲咗幾啖配料有肉燥、一隻蝦、半隻蛋等等。蝦夠彈牙，麵質軟硬度適中，整體不錯塩酥雞 ($35)即係鹽酥雞，炸得好香酥，帶有少量青蔥的味道。九份芋圓（冷） ($35)點菜時記得同店員講後上，唔係就要一路食飯一路食甜品😂呢碗飯後甜品非常豐富，有地瓜圓、芋圓、珍珠、蓮子等配料，適合同朋友share！芋圓地瓜圓做得好煙韌，好有咬口，正！朋友略嫌湯

阿元來了，很久之前已經聽過，一家在西環非常之著名的台式小店。想不到，後來在觀塘開了分店，雖然店舖大了很多，但是由於顧客眾多，仍然需要大排長龍😨。當然，早一輪仍然是排隊高峰期，吾等當然沒有浪費時間排隊😌。現在，高峰期已過，就看看有沒有位子。門口小小，若然不是外邊放了一輛台式外賣單車，可能注意不到門口😯。果然，新屎坑三日香，現在再來，已經不用排隊😬，可以逕自內進。但是食客也不算太少，仍然需要搭枱。沒有什麼餐牌，就像台式餐廳，只有一張紙寫上有什麼供應，喜歡的話，便寫上數目📝。點了個滷肉飯、肉焿湯、鹽酥雞、以及台式香腸夾蒜片。不算等得太久，店員變端了一道來。不知道店員是不是真正的台灣人🤔，有些像是港人模仿台灣口音🗣，亦不排除有些是真正台灣人。滷肉飯的味道真的很好，肉粒非常多，肥瘦均勻，一點兒也不吝嗇。因為平日在外面吃的滷肉飯，很多時候，都可能只有十粒八粒肉粒，難以送完整碗飯，但是阿元來了的滷肉飯卻不同，非常多的肉，肥油均勻，瘦肉有嚼勁☺️，肥肉則提供油份，混合來吃非常可口。之後，那個鹽酥雞就誠言沒有什麼特別，小小的一個筲箕仔，乘着10件8件的鹽酥雞。鹽酥雞，沒有什麼調味料😒，雖然外皮不算太厚，但

嗰日大概八點幾就九點去到個位置都要搵一陣 因為隔咗過行～去到想食嘅蛋餅已經賣晒下次一定要黎試試咗個滷肉飯 份量唔算大 對我黎講肥瘦啱啱好 正炸雞都好食 當你想食香口野嘅時候 份量啱啱好 最值得讚嘅係佢哋個裝修好有feel支持Happy new year💖💖

自從幾年前試過阿元來了的上環店後，便一直沒有機會再試最近發現阿元來了在觀塘開設分店，十分方便，所以便再次一試我在星期五約一時三十分到達，前面只有5-6組人在排隊大約等了十五分鐘便有位了排隊時先看看Menu（下圖只供參考，Menu或會跟現在有出入） 這就是阿元來了的正門（？）了！若不是有人提醒我們怎樣走，我們定必錯過這個毫不起眼的入口 店內設計跟上環店差不多也是很有台式風格 兩個人共點了兩杯飲品、兩個飯及兩道小吃 很久沒吃魯肉飯了肥肉及瘦肉各佔一半，雖然我不太愛肥肉，但魯肉飯的肥肉有畫龍點睛的功效肥肉的油脂令平平無奇的白飯生色不少 來到台式美食專賣店，怎能不試台式飲料奶蓋綠茶加珍珠，喝了一半覺得有微酸的味道不是微鹹的嗎？ 我們還點了兩道小吃原來皮蛋豆腐是把冰凍的皮蛋及豆腐混合打碎雖然跟我們想像的有分別，但味道還不錯呢有時更會嚐到一小片皮蛋，十分適合用來拌飯 說實話，我平時很少吃鹽酥雞，因此我不知道正宗鹽酥雞有什麼味道我略嫌炸粉稍厚，而且味道偏鹹，所以我不太推薦 雖然阿元來了的食物跟台灣吃到的有點不同，但整體水準還不錯如果我很想念台式美食，相信我會再次到訪阿元來了，以解我對台式美食的思念

太多人排隊啦啦啦！無論係中午定晚上都搵唔到位惟有試下叫外賣啦食個下午茶都好我叫左熱芋圓其實天氣凍呢 叫凍定熱都差唔多拎到番公司食都一樣溫度甜度適中 芋圓質感偏軟冇係其他芋圓專門店食既咁好口感都30蚊一碗呀⋯出去專門店食應該比較抵

今日與友人一齊塊到位於工業區既餐廳，地方較偏僻吾容易搵到，一黎到見到裝修吾錯用左好耐以前台灣既用具黎做背景，之後叫左個貢丸湯，湯好像味精湯而且分量超級貢丸與日常食到既差吾多。之後點左柯仔煎及蝦仁煎，柯仔一塊都有8粒左右，底係以木薯粉及雞蛋黎做，味道吾錯。而蝦仁煎就冇咩特色，不過蝦都算大隻同爽口。之後叫左個炸魷魚，魷魚炸到好乾又好多油完全失去左原有既爽彈感覺，而且好咸。最後叫左檸檬多多，飲品酸酸甜甜不過不失。

今日被同事YO食阿元，事關佢放左成2個幾月大假，話好掛住喎~哈哈黎過既都應該知呢度裝修係有HEART，成個感覺都好台灣的，而且每次黎都有親切的姐姐用國語歡迎我地。(台灣人的確比較熱情)是日ORDER：1) 魯肉飯 (個魯肉無之前食咁漏，可能因為魯肉無咁肥啦)2) 熱珍珠奶茶 (徵甜，啱晒唔太好甜野既我)3) 炸魷魚鬚 (熱住上，食得出係新鮮炸出黎)4) 鹽鬚雞 (都新鮮，不過今次偏咸左少少)呢度翩CHAP指數有90%。BTW，次次黎都無晒統一布丁既點解？

Happy friday搵咗間遠小小嘅食店食，就係阿元來了，佢開左一段時間，想過左個下人潮先去，今次終於有機會。初初以為無人，原來都排左係入邊（同事話算少左人㗎啦）。排住隊緊係點下餐先啦，選擇唔算多，以為有啲炸豬扒啲friend，原來無嘅。同事點得最多嘅係魯肉飯，好夠肥美，汁係夠，一碗都幾heavy下，係size少咗啲。同事有叫雞肉飯，普通啲，唔係特別嘢，不過感覺上份量多啲。我自己就食咗擔仔粿條，其實有啲似河粉，唔特別嘅，味道一般。我地7個人都有叫下小食些牙酥炸魷魚，同事話好味，好過係酒樓嘅鹽酥雞都係我最愛之一，上枱個陣夠熱，每人都可以食到1至2件嘅，佢個粉唔算厚，味道ok。菜就無乜特別，份量都合理。台灣香腸，普通啲，我個人覺得油咗啲。同事好愛蒜片，所以ok。爆濃芝士蛋餅，好邪惡唔係講笑，真係成啖都係芝士，女同事食咗一啖之後就收咗口啦，怕咗。安排位置都算快，環境不錯，用心裝修嘅我不嬲都會欣賞，不過整體價錢唔平。

話説上星期去左同區一間新開嘅台灣食堂「xx號」後，唔係果回事又貴之後，又掛住阿元，見又泊到車仲唔衝去食呀！耿耿於懷個魯肉飯！今晚终於可以得到安慰人地俾舊蘿白係可以過下口，老公唔好俾埋我滷水拼盆其實真係好台灣味淡水阿給呢個有d失望！因為我地係台灣食過，size大過呢個起碼三倍，餡料又唔夠多汁，有待改善炸花枝丸份量多，香口小食，必點食品！加埋兩杯熱飲，大滿足！總結新開台灣食堂同阿元！個人無論食物定環境，服務定價＄，我都係阿元首選

久聞阿元來了大名為怕多人故特以6點入， 可惜經已排隊。不知是否店較細 我們2人被按排 搭枱仲要係一張2人抬坐4個人（2pairs 人） 非常擠迫基本上一定要拎起碗飯/麵食 因為枱唔夠位⋯講返食物味道其實幾好食 價錢亦幾親民擔仔麵 算多 比度小月的有味魯肉飯 中規中矩 柯仔煎， 相較膠性較高。如不加汁會較淡， 加汁後令人回味鹽酥雞排 呢個超好食炸得一d都唔老 香脆鬆軟如無視擠迫的話 是幾好的下次我一定會選下午茶時間才來 希望會坐得舒服點

我很喜歡台灣既風土人情~聽說阿元很好味道,寶寶就帶我黎朝聖~黎到店外已經好多人排緊隊,係一條暗黑既後巷... 排左成半個鐘先入到去一條通道既入口真係要有一份堅持先可以入到去食晚餐~入到去,一個六十年代既夜市大排檔出現左嚮我眼前,我地坐左嚮最角落既位置,可以望哂前面既檔口仔,同左右2邊既舊式擺設,嚮排隊既時候已經做好點單動作,1) 魯肉飯 跟台灣一樣,魯肉係一粒粒半肥瘦滷水腩肉,但好細碗,只有下午茶既份量2) 柯仔大腸麵線 有幾粒蠔仔,滷水豬大腸,加調味料: 麻油,黑醋,蒜粒拌一拌~ Good!3) 蚵仔煎尼個唔錯呀,雞蛋鬆軟鬆化,但蠔仔略少(店員很好,為我把醬汁分開上)4) 塩酥雞尼個麻麻地... 唔香口,雞肉又唔嫩,好在細細碟,相信份量再多都唔想食飲品: (可以選少甜少冰加珍珠加椰果加咖啡磚或加布丁)我地就選了 鳳梨綠茶 (少甜) 冬瓜茶 加椰果 (少冰少甜)食完後再追加九份芋圓 1客,店員有善地問我地要冷的還是溫的,溫-->就係啱啱好入口既溫度,好貼心!

今天有機會來嘗試，真是欣喜萬分。首先是內部裝修實在是很有台灣感覺，而且一開始等位時候的姐姐說台灣國語，頓時有種在台灣的感覺食物方面我點了招牌滷肉飯，看起來小小一碗，不過很飽，滷肉也不會很鹹，但肉滷的很好，友人點了香菇羹湯飯，說是非常好吃，下次可以試試一起點了個鹽酥雞share，不過份量有點小對於它的價格來說有機會還是會再來嘗試因為還有很多其它款可以試試

其實之前都有寫過呢到既食評, 上次係食飯, 今次就試麵啦, 而家條人龍係由舖內既走廊開始排起, 所以只望門口係唔覺有人等位既, 今日都要等咗差唔多10至15分鐘, 上菜係上得幾快既, 不過室內既抽油就差咗啲, 食完又係成身都係味台南擔仔米粉 - 有蛋有肉丸同冬菇肉碎, 米粉好入味係似新竹粉咁既, 不過食晒成碗粉都唔太飽肚 香菇肉羮麵 - 賣相似湯羮, 質感其實都差唔多, 好杰身, 但感覺怪怪咁, 味道還可以台南擔仔麵 - 麵條似油麵咁, 唔爽口, 相比下米粉好似好食啲檸檬多多 - 其實係一杯檸檬味既益力多, 都幾好飲酸酸地總結 : 食物唔算好吸引, 只係食環境, 知道中海日升又開咗間台式料理, 應該有得較量下

久仰大名一間幾出名嘅台灣菜餐廳假日夜晚嚟到可見人龍排隊派左大約二十分鐘左右就有位一入到餐廳俾佢嘅裝修所吸引成個格調都好似入左一個戲棚咁有好多唔同嘅場景有車站有戲院幾有特色同氣氛不過食物同飲品方面呢就冇好想像中咁出色可能我係香港都算食咗好多間台灣菜餐廳有比較之下所以依間唔算話係好好味會encore類別魯肉飯味道其實都OK 如果多D肉汁撈飯就咁好柯仔麵線蠔漲卜卜 幾大隻湯底同台北阿宗比嘅話 台北阿宗真的好味好多鹽酥雞冇乜味如果有啲調味粉可以比客人落會好D蝦捲冇乜特別甜品叫咗芋圓佢個糖水底都係好淡味不過芋圓肉食到蕃薯粒架都算真材實料飲品珍珠奶茶茶味就唔夠濃環境氣氛： ★★★☆☆食物質素： ★★★☆☆服務態度： ★★★☆☆