阿元來了 (鴻圖道)

营业中

休息中

我搵呢間餐廳都用左少少時間，好在有人在門口排隊先搵到，雖然有banner,但入口位好暗，難察覺在餐廳在內。一入去的確以為自己去左台灣，又有位口腔音似台妹的侍應serve我地，所以好有feel。控肉飯，好似東坡肉咁大大塊在鹵肉飯面，油而不膩，忍唔住要大大啖食哂。魯肉飯都用左肥肉多，不過切大粒，有口感，味道好正！芋頭雞蛋捲，即叫即炸，有點似炸沙律卷的皮，裡面包芋泥，又甜又脆。皮蛋豆腐，黎到先知俾凍食，幾凍下用個迷你啤酒杯裝，皮蛋和豆腐整成蓉，加左調味，都好有特色。食台灣野唔少得鹽酥雞扒，外脆內多汁，一定要叫！茉香珍珠，珍珠好QQ又夠甜，奶香又滑。咖啡磚奶茶，有粒粒咖啡啫喱，都QQ架，不過甜左少少。

呢間餐廳星期六日都唔開，收工行過黎朝下聖先！每一碟既份量都唔算好大，所以可以叫幾樣試下⋯⋯冷盤小菜青瓜拼茄子，茄子都幾入味，而且夠凍！滷味拼盤有豆腐、蛋、豬耳同埋雞翼味道普通，無咩特別出色！新竹頁丸湯同係台灣食有D唔同，個湯比較濃味，而且好大陣炸蒜既味道，都唔錯！鹽酥雞依家出面咁多炸雞店，相比起黎呢度既鹽酥雞無咩特別，味道OK！蚵仔煎成餐比較特別既係呢一味菜，佢既做法同傳統台灣有D唔同，餅中間夾左一層好似糯米糍口感既粉團係度，食落好有口感，味道唔錯呀！魯肉飯佢既肉唔係一般台灣傳統會用既肉碎，而係用肉絲，不過唔影響個味道，一樣咁出色！百香果紅茶&黑糖牛奶珍珠兩杯都好有台灣味道，就好似係台灣街邊飲品店既出品呀！九份芋圓（溫）芋圓既口感同係九份食到既一樣，不過敗筆係個糖水，太甜了！！香港有好多食台灣野既餐廳，不過無幾多間可以食到有台灣既味道，呢間餐廳雖然有D改良左傳統台灣美食既煮法，不過依家佢既食物依家好有台灣既味道，值得一試呀！

It’s 9pm on Sat night and surprisingly there’s no queue 😎😋OMGGG why there’s another person who share same preference 😋very generous portion of pork intestine from the Taiwanese soup noodle !!! What’s a pity that we both dun take oyster ... they serve fatty oyster that got wasted 😞 $40😋😋😋 the fried chicken is crispy and hot! $35😋😋😋😋😋 what surprise us the most is the signature braised pork belly rice #luroufan , the meat and rice portion are just right unlike other shop that with huge bowl of rice

去開Kwun Tong買野，就黎附近有間很有台灣味道的店試試。叫左椰果奶茶，蜂蜜綠茶，有10分正常甜，5分小甜，3分少少甜。我鍾意正常甜（姐係10分） 好好味。椒鹽花枝丸好香口👍🏻，皮蛋豆腐撈起一齊🎉出色，當然唔小得滷肉飯，還有貢丸湯。滿足的晚餐。

呀！其實係趴B來到位於官塘的阿元來了！ 🍼 阿元來了早在西環開了店舖，現在終於來到官塘啦！ 🍼 但位置相當隱秘，在街道的小巷內，當你在轉角的小巷看到一群人在排隊，你便會知道已經來到阿元來了。 🍼 趴B評分時間來了！🍼 餐廳環境：🍼🍼🍼🍼（滿分為🍼🍼🍼🍼🍼） 出面排隊位置有少少黑暗後巷的感覺，但行過一條走廊後，感覺就好似去左第二個空間甘。彷如置身台灣！！！ 🍼 除左有暖暖車站，重有春風火戲院等等有特色的建築設計，打卡一流！！！ 🍼 員工態度：🍼🍼（滿分為🍼🍼🍼🍼🍼） 地方雖然唔係好多大，但員工比較少，所以都好忙。好難叫到佢地過來…. 而員工們都會以普通話同客人對話，令你有在台灣的感覺！ 🍼 食物品質：🍼🍼🍼（滿分為🍼🍼🍼🍼🍼） 趴B最欣賞就係雞肉飯（$29）同黑糖牛奶珍珠（冷）（$28） 雞肉飯好多雞肉，多到瀉出黎!!!雞肉味道唔錯，撈飯正!!!! 黑糖牛奶珍珠（冷），無諗過會甘好飲，珍珠係甜甜的，令牛奶有陣陣甜味，味道好夾!!! 黑糖牛奶珍珠（冷）（$28） 奶蓋綠茶（冷）（$23）  雞肉飯（$29） 🍼 炸甜不辣拼盤（$30）都唔錯，好多款，椒鹽好惹味!!!不過趴

曾經去過西環的分店，但因為太多人了，不想排隊最終無食，觀塘的分店喺後巷，不容易搵，鴻圖道的店面只賣飲料。食物推介它的魯肉飯，因為用咗半肥瘦的豬肉，豬油和飯撈在一起，真係好夾，好好味合晒食肉獸。口味清淡的太太點咗米粉，它不是大家食開的新竹米粉，有點似粉紅，超Q(好吧咱們也台風一下)。小孩點的鷄肉飯建議大家不要點，用的是鷄肉絲方式，比較乾身不好送飯。鹽酥雞的味道一般，皮蛋豆腐比預期中少，水準不過不失。服務一個操流利國語(好似排球重鎚手大梅)的服務員，很勤快地執拾咗我們枱上的碗筷，其中有碗米線仲有兩啖湯。就是因為呢兩啖湯，亞仔又x(亞仔話唔好講俾大家知佢喊，所以打咗個x)，大梅服務員叫我地等等，唔好走住，原來送返一個一粒裝的豬肉丸湯，窩心的服務，對台灣的好感度進一步提升，大家千謝萬謝之後，最後發現佢係百分百香港人。我除咗覺得好瘀，開心我地香港的服務質素一啲都唔差。價錢3個人埋單$26x，唔算平，但店內的裝修，陳設，服務員的質素，一個字，值！

今日同朋友去咗牛頭角朝聖，因為大家一直都比較喜歡食台灣菜式，所以決定來阿元來了！佢係位於工廠大廈嘅地下，其實入口都幾隱蔽。一入到去就會見到一個閣樓，右邊係個有年代咁嘅戲院設計。個裝修都幾特別，好有心思！好！等我講下我哋食咗啲咩菜式！皮蛋豆腐佢嘅皮蛋同一般嘅做法唔同，佢將皮蛋同埋豆腐都絞碎，成為一個好似果凍嘅前菜，入口好滑同埋皮蛋味好香濃！細細既一杯其實份量都好多架！玉米芝士蛋餅我本身超級鍾意食蛋餅，去到台灣旅行嘅早餐一定會有唔同口味嘅蛋餅！呢個玉米芝士蛋餅芝士味超級香濃，很熱同芝士很軟同濃郁，一粒粒玉米十分有咬口！真係好正！淡水阿給咪道菜我都係第一次食，咬落去好似有啲腐皮包住一啲粿條，感覺好有層次，配上呢個小小甜酸的醬汁，十分可口！魯肉飯呢個魯肉飯唔係普通嘅肉碎，每一粒肉都帶有少少肥豬肉，但係食落去竟然一啲都唔油膩，反而令到成個魯肉飯好香，而且佢啲飯撈左魯肉汁，撈埋一齊食真係停唔到口！台南擔仔麵另外我哋都叫咗一個麵試下，呢個麵就冇乜特別，食落都OK啦！我估如果配米粉應該會更加入味😂台式芋圓我哋帶咗暖嘅芋圓，應該因為人手製造所以每粒嘅形狀都不一樣，咬落非常之綿！配合佢甜甜嘅紅糖湯底同埋啲

黎左四次，四次都係食魯肉飯$29肉同飯既份量幾乎1:1，加兩執黃瓜。D肉醃得幾惹味，撈飯冇問題。份量係一個飯碗大少少，女仔食岩岩好。加野飲要$10，得8款（無珍珠）想飲杯珍珠奶茶要原價買。P.S. 個環境好昏暗，似舊台灣

終於去左觀塘分店既阿元來了😍好中意呢到既裝修 真係好似去左敞台灣甘🇹🇼✈️無論係牆身佈置, 夜市既攤檔同枱枱櫈櫈 都模仿得好細緻👍🏼坐位都擺放得好鬆動🤗我地八點半黎到都要排一陣隊 但就好快等齊人就入得😁可以係出面排隊既時候點餐 入去叫就可以啦😚上菜係超快 遞左單五分鐘都無 就有野食嚕😆可能比較夜無甘多單😂侍應服務態度都好好😍😍魯肉飯🍚 $29望落好似份量唔多 但食完其實好飽😆五花腩魯肉舖滿成碗飯 好入味兼邪惡😂食完成碗都覺得有啲流🙈另外覺到魯肉汁可以再濃郁啲 味道就更加正啦🤤鹽酥雞🐔 $35粉漿唔會過厚 炸得外面好鬆脆😍而雞肉都好滑😝整體唔油膩味道又夠😚

好開心同事帶我來呢度食lunch，因為好想食台灣野呀！位於不起眼的工廠中，卻很多人排隊， 大約15分鐘後才有位。裝修也很有特色，有種誤入台灣的感覺。部份店員都說普通話呢！食物方面非常滿意！我叫了個類似河粉的東西，配料滿滿的。同事說魯肉飯好好吃！感覺很足料。蛋餅也是！他們有幾種不同的蛋餅提供選擇呢！可惜的是，之前看到說很好喝的珍珠奶茶就感覺一般，可能期望過高吧。這次吃飯感覺很好希望下次會再去吃menu上其他菜色！

聽聞有間好正嘅台灣菜，咁就試下啦！去到果時，嘩!門口好多人等呀！大約二十人，心諗點解工廠區夜晚都會咁多人呢！橫店都黎左啦，就照排啦，出奇地佢條隊清得好快，大約等左二十分鐘左右就入得啦！入到去我同我朋友二人就被安排左坐四人枱，同一對情侶搭枱，繁忙時間，明白嫁啦！為免影響人，無開到閃光燈影環境相，環境非常有heart，好有台灣感覺，另外出餐處都裝飾到同台灣夜市非常相似，唔錯唔錯。咁跟住就點菜啦！首先黎就係鹵水併盤，坦白講唔係好入味，款式少，有豬耳，豆腐同一隻雞翼。而鹽酥雞就係好標準嘅鹽酥雞味，好有台灣感覺。之後就係酥炸魷魚啦，份量比想像中大，d魷魚上嘅粉份量都剛剛好，唔會有太粉嘅感覺，味道都唔錯。台灣香腸，e個無無咩特別。到魯肉飯啦，碗飯份量唔係好多，而佢都設有加大份量，魯肉好入味，都好足料，好香豬味，而d飯都入晒d汁，我地好快就食晒啦。台南擔仔麵，份量唔係好大，d麵質都ok,唔會太林材料就一眼睇晒啦，都係一般擔仔麵嘅料，有蝦，半隻蛋，半粒丸，都係一口食晒。芋圓，e個好台灣味，好足料。總結黎講，環境好靚，起菜好快，價錢便宜，服務都夠人，唔錯。

前不久朋友帶路先識得黎食~一入到去見到個裝修即刻冇得頂！鹵肉飯望落好似好細碗但都夠飽，而且好好味！強推！d鹵肉夠多，唔硬唔過肥，剛剛好！蛋餅味道好台灣風，但我個人一般e種野食，但其實都好味~炸雞，炸魷魚都好好味，炸得剛剛好，份量適中，粉唔會太多，又入味~~整體強推，會再食~~!!

這間「阿元來了」已經聞名已久，約好久未見面的朋友同時也在觀塘，就進去一試觀塘分店。店面外是很典型的工業大廈，一進店內突然像穿越時光一樣到了民國年代台灣的電影場面，裝潢除了有霓虹燈的大字招牌，還有鐵造的攤檔車仔，只差了車仔檔的店主變成了在餐廳走來走去的店員。.控肉飯：★★★★★聽說控肉飯和魯肉館之差，只在加不加一大片豬肉，那我當然先來一個控肉飯試試那片由「魯」到「控」的神奇豬肉，台灣魯肉飯好吃之處在於，澆上肉汁的米飯肉香和飯香混雜，拌在一起讓人想起就唾涎三尺，「阿元來了」的控肉飯還真特別有台灣風味，那片豬肉四分肥六分瘦，肥脂滑嫩，瘦肉軟柔，口感伴飯絕好。.蚵仔煎：★★★★★台灣的蚵仔煎讓人想起廣東人的蠔餅，但無論外表或口感都截然不同，台灣的一般較濕身和軟稔，但「阿元來了」的蚵仔煎來到了香港起了些變化，質感比台灣一般的蚵仔煎結實，沒有很黏糊的口感，配上粒粒大蚵，吃起來有蠔餅和蚵仔煎雙全的好處。.炸甜不辣：★★★★☆平常的我不是甜不辣的粉絲，只有間中才會嚐味，這個甜不辣我覺得口味很特別，軟身外皮炸脆之餘，還灑上了有點像「豪大大雞排」那種調味粉，吃起來我竟然覺得那種調味粉配上甜不辣比雞排還更合

終於試到「阿元來了」😍 裝潢好靚好似去左台灣咁🤤✈️🇹🇼叫左好多樣野食 但都係得「滷肉飯」$29 最深得我心😭 滷肉份量多到滿瀉 而且個飯勁多汁唔會乾😍滷肉係偏肥似五花腩👍🏻油膩感令人食指大動💕蚵仔大腸麵線 $40呢碗份量比想像中大 而且大腸同蚵仔都唔算少🤣麵線同台灣食到既差唔多😝蚵仔煎 $35蚵仔新鮮而且好大粒😍蛋香有既 不過煎得老左少少 食落係黏口 我個人覺得普通😉酥炸魷魚 $35救命呀係咪失左手 呢個魷魚口感勁濕😭完全唔脆 而且偏咸 放棄左佢...九份芋圓(冷) $30芋圓好煙韌好q彈 芋圓味不足而且個糖水底非常甜 我個人唔中意仲有珍珠紅豆杏仁等 止下芋圓癮都還好啦總括而言係滷肉飯取勝 好想好想試芝士蛋餅但晚市沒有供應😭 其他食物質素不過不失 勝在環境好有特色 而且侍應服務態度超好😆😍🙏🏻

呢間台式食品之前係西環時已經非常熱鬧，好多人排隊。見觀塘開左新鋪，離屋企唔遠緊係過黎試下。當日去到都好多人，排左45分鐘先入到去坐低。排到肚餓，緊係即刻叫啲野食下，我地就叫左蚵仔煎、滷肉飯同鹽酥雞。蚵仔煎有油香，食落去啖啖都仔到蚵仔，但上面既甜醬份量唔多，唔似好似台灣果啲咁啖啖都食到好多醬。 滷肉飯好多料，上面既係五花腩粒，滷肉好香，食到去咬到肉，唔似平時食果啲肉碎咁，成碗飯食哂都仲有豬肉剩，但肥豬肉太多，食完有啲濟。鹽酥雞即叫即炸，食落去好香脆，加埋椒鹽食好食，但好熱氣！由於排隊前岩岩飲完珍珠奶茶所以就無叫到野飲，希望下次再試下