阿元來了 (鴻圖道)

营业中

休息中

一個幾好天的平日，因為早上有事所以和女朋友出左去觀塘，忙完之後想搵間餐廳坐低食個午飯🥣朋友介紹之下去左呢間台式飯堂就餐，位置後行有點難找到。一進到店內看到裝潢設計都好有復古同台灣特色幸好12點前就坐點餐，店內人流仍未算多，因為離開的時候發現門外大排長龍，中午時段來的要留意一下我地兩個人叫咗一碗魯肉飯，一碗台南擔仔麵同埋一份芝士蛋餅，諗住叫住先，黎到唔夠再叫。上菜速度好快，但份量比較少。魯肉飯有好香嘅豬油味，同用秘製的滷水汁醃製，又淋又入味，完全係超水準。另外配一片醃黃瓜，有中和的效果。台南擔仔麵就比較一般，亮點係湯頭都鮮唔會太咸同唔會好重味精。芝士蛋餅，芝士同蛋都好足料，外脆內軟。有驚喜係因為我幾喜歡吃辣，祕製辣汁邊上，但唔食辣的記得叫佢走辣！

自從黎左觀塘之後就瘋狂食!!!😂 (試過連續食3日🙊🙊)呢度裝修真係好有特色, 分左好多唔同主題既區域🏮:::喜愛這裡的環境: ) 但也要有等位的心理準備我公司係附近 每次都係等到3點打後先會落黎食的lunch time時間/前後 條人龍都係排到出晒大廈以外的!__!(今日係托落大雨的福 2點落黎竟然唔使排隊... 緊係即入黎啦!!!!)其實3點後已經有tea set, 不過唔夠飽架, 我多數會叫返普通menu上既野食~魯肉飯 HKD$29魯肉飯超熱辣辣! 魯肉份量又夠多肥瘦分佈平均~~飯索滿醬汁:: 唔過濕, 口感唔錯~九層塔起司蛋餅 HKD$30蛋餅無期待的拉絲😂但係蛋煎得剛剛好芝士配九層塔真係超夾😍九層塔味超突出!!!😋不過略嫌成份蛋餅調味有d太重手,, 少少過咸~飲品方面+$10配左熱既茉莉綠茶~ 佢有少少偏甜 但又唔算太過份!p.s.呢度水同紙巾都要另收費.. 記得自己帶紙巾黎呀p.p.s.員工有一半係台灣人p.p.p.s.都係多人黎食好d... 可以試多幾款野><

😍阿元來了 竟然出埋早餐 。每次番工經過都排哂長龍 好似好好食咁 咁岩開係公司附近 所以今次早D起身 來到買早餐 😏😍八點45分來到 已經好多人 😯一條龍排粢飯 一條龍排燒餅 而三文治就吾洗排。我亳不猶豫地就排粢飯隊 😄😄排左半個鐘 終於買到😁 好好食 入面有炸菜 雞蛋 肉燥 油炸鬼 好大件 好飽肚 。下次要試燒餅！人生第一次的台式粢飯早餐😍🤤

老遠係大西北都要入觀塘食阿元來了，因為實在係香港好難搵到既台灣味道今次叫左炸花枝丸，台灣腸同埋魯肉飯魯肉飯就次次都食架啦！無失水準，夠多肥肉！阿元來了既炸物一直都幾好，炸花枝丸亦都唔錯，香口入味！台灣腸就無乜特別啦！嫌佢整得唔夠熱

觀塘工業區一到六點便烏光黑影，人們急急腳散水，只有我這個尋食客經常留連此地。 工業區感覺殘舊昏暗，小店就看中商機，不租大場，自有天地。星期一晚八時許，穿左街右巷，終於找到年青人氣「阿元來了」。 我之前去過西灣店，店子少，觀塘新店大很多，老闆亦貫了兩店潢裝設計。先點了這台灣小吃，都是大路的魯肉飯、擔仔麵：珍珠奶茶，味道可以，算很濃味，共$223。要吃台灣小吃這兒選擇不多，也不是特別，反而台灣風這裡十分好feel。樓底極高，多人而不覺吵，中空有個大舞台設計，四周擺設都是老台灣，吃潢裝也一樂事！

好中意食阿元來了 樣樣野都平又細細碟咁 兩個人都可以叫到滿滿一枱 見到都好滿足! 今次黎左觀塘分店潮聖 有d難揾 不過坐得舒適好多 而且裝修得好有心思魯肉飯 ($29)呢個係每次必叫 雖然有d肥膩 因為佢真係半肥瘦 但係個真係好好味 d汁又夠哂惹味 夠撈哂成碗飯!雞肉飯 ($29)唔想食魯肉飯咁重口味 雞肉飯會係個不錯既選擇! 配上雪菜更加惹味同多層次蚵仔煎 ($35)佢比較似蚵仔煎蛋 因為太少黏口既粉漿 程班長做得比較出色~ 不過蚵仔都多同新鮮台南府城蝦捲 ($20)意料之外既美味! 外皮炸得好鬆脆 而入面內餡就係彈牙既蝦膠配上馬蹄粒同香草~不過$20得兩舊有少少貴炸甜不辣拼盤 ($30)小編好中意食甜不辣! 呢到既甜不辣係炸完再加上椒盬 次次都係熱辣辣上枱 好鬼正百香果綠茶 (加配價 $10)

放假去觀塘偉業街洗車，唔想食茶餐廳，於是周圍行下搵嘢食。行過見到餐廳d旗仔，本身唔吸引，但心諗工業區租平，話唔定食物有驚喜呢～一入到餐廳就已經好驚喜嘩！裝修很有heart台灣風、天燈、檳榔poster⋯ 好得意！桌椅亦比台灣街邊檔乾淨企理叫咗杯咖啡磚奶茶，茶味幾出，配QQ的咖啡磚，不錯！叫半糖會更好滷肉飯眼看以為細細碗，點知我地食到好飽，食唔到芋圓 飯面全部都係滷肉碎，撈到成碗飯都係一隻色無好油膩！$29咋好味！肉鬆起司蛋餅，係台灣的味道，少了份油膩感，口感豐富餐廳細心咁切成四小塊試吃台灣嘢，點會漏咗鹽酥雞！新鮮炸，脆卜卜，無厚粉，份量適中呢個午餐只係$117！好抵呀！台灣價好彩無一次過叫埋芋圓，因為兩個人食以上嘅嘢已經好飽！唯有留返下次～

餐廳裝修令人感覺身處台灣般的，一個簡單輕鬆小食時光。新店往往多人前來，排隊小免的，午飯時間，人數約20人，排一陣分鐘便有位。期間，侍應早已給你餐單挑選。台灣小吃，真的是台北、台中、台南等各地特色集於一身。鹽酥雞、炸花枝丸、刈包、淡水阿給、台灣香腸、甜不辣及蚵仔煎等，每樣分量不算大，算一算，差不多似掃街的樣樣也叫了！飯類也很多元化，今次有魯肉飯及焢肉飯，味道很好，肥肉與瘦肉嘅比例控制得剛好！飲品方面少不了珍珠奶茶，糖及冰也可隨意安排。 結帳的一刻，恍似呢1小時穿梭台灣之間，令人回味。

阿元來了頗有名氣，觀塘呢間好欣賞佢嘅裝修，充滿台灣元素，好有心思，不過位置就比較偏僻，係工廠區嘅一條巷仔物入到去，如果唔熟路都幾難搵。首先梗係要試下滷肉飯，飯粒分明，滷肉都夠鬆化香口，另外嗌左個蛋卷試下，同我本身想像之中都幾大出入，以煎餅多過蛋餅，無左軟糯嘅口感，餅皮同蛋皮分開，唔太欣賞，仲有嗌左杯胚芽奶茶，茶味夠濃，但嗌左微甜都有啲太甜。總括而言，都中規中矩，可能試嘅嘢未夠多但偶爾想回味下台灣味道可以一試。

遠在西環的阿元開了一段時間，亦在觀塘開了分店。觀塘店位置較隱密，在工廠大廈後方，少些觀察力都不能找到其位置。早段午餐時間，大量座位任坐，巧合地當日早食飯，就到阿元食碗滷肉飯，感受於台北的氣息。此分店裝修擺設，令食客猶如置身台灣街頭夜市，份外滿足。先來一客招牌滷肉飯，半肥瘦的滷肉與一粒粒的白米互相輝映再來一客足料炮製的焢肉飯，大大嚿腩肉膏肉分明。連少食肥膏的小弟，都為此破戒。食台灣野怎能不叫招牌蛋餅？ 這是玉米起司蛋餅金黃塞米粒配以軟淋淋芝士，在口內溶化，小食而言是無得輸的！最後一味乃炸甜不辣拼盤。即叫即整，份外熱氣但跟台灣的味道一樣內裡煙煙韌韌，外皮鬆脆，可以再戰好！決定下次再來阿元，再試其他不同菜式

由於最近不停睇Blog準備黎緊既台灣之旅 已經非常期待~加上某卡通store係觀塘新開張 所以決定今日黎呀元到食返餐台灣野頂下癮先!跟openrice地圖黎到門口就會見到架台灣風味既早餐車不過唔好開心住, 因為入口原來唔係呢到要兜去後巷先係入口位置雖然人龍長長, 但其實只係等15分鐘左右就入得~排隊嘅時候職員姐姐會比Order紙同筆你點餐完全係岩哂我呢D有選擇困難症既人! 成間餐廳既裝修真係好有心思~睇得出有好多佈置都由台灣直送黎香港!同埋呢間分店嘅面積比西環個間大好多~坐都坐得鬆動D!今次同Chu-bb 就叫左魯肉飯, 台南擔仔米粉, 塩酥雞同玉米蛋餅~全部都好好食~同一般香港食到嘅台灣菜好唔同! 最似既地方我覺得係食物嘅份量~份量少少但都好滿足同埋份量少可以試多D唔同嘅野食嘛~

未食已經飽，唔明點解咁多人排隊。我地傍晚六點半去到，諗住可以拎位先，點知職員唔耐煩地話呢度係要等齊人先拎得枱架。我心諗：知你地多人排隊，但都唔使咁串😓呢間餐廳仲有另一規定，就係入坐後唔可以加位，一位都唔得。試想像：大家返工，有時要OT，所以會唔同時間到達餐廳，就算再忙都想聚一聚。但呢間餐廳絕對唔會係你地既選擇。朋友到齊之後都等左好一陣先入到去，7點半入到餐廳，坐位不算好坐，而且好多人好嘈。好既方面諗，係有台灣夜市既氣氛，但你講野係要好大聲先聽到。食物方面，好失望，一個形容詞講完：油膩。魯肉飯我明白係會油d，唔明點解個菜都可以咁油。淡水阿給，同埋台灣腸，一樣油。另個擔仔粿條同皮蛋豆腐（用杯裝著既）都好一般。唯一可取就係個鹽酥雞，幾香口。但唔見得佢比其他餐廳優勝。總結：名過其實，食物油膩，唔值得再去多次。

呢間食店勁出名，開業到而家去食仲要排隊，之前夏天去排會每人派把紙扇，服務貼心，不過仲係超級熱。入到去見佢個裝修好似夜市咁樣，有唔多攤檔，好得意，價錢都好平，每樣野食平均唔過$50。因為人多我地又得兩個人所以要同人搭枱，張枱本身已經好細，兩枱人叫個d野食完全無位放。肉燥飯雖然細細碗，上面d肉粒多到就跌出黎，好入味，而且食哂飯都未食哂肉，不過偏咸少少同油膩左d。另外仲叫左蚵仔煎，蚵仔大隻又多，好好食。最衰一黎就食左無影到相，呢個係必食推介。

第一次去既時間，可能係平日下午，都冇發生呢個情況，覺得食物都Ok, 都幾經濟，都有介紹朋友去食，但今晚去到差不多七點，見門口排長龍，以為好食既野多人等位都好正常啫，點知入到裡面，要我同老公加另外一對男女搭枱，晚飯時間搭抬都好正常，但見其他幾張枱都係兩個人坐四人枱，啱啱有張吉枱，問女侍應可唔可以坐，佢竟然話呢張四人枱，門口好多人排隊呀，一陣一樣有人搭枱㗎，唯有繼續坐番原位，我地四個人起碼十幾碟野，迫到差d用手拎住碟野食，但其他幾張枱一路到我地食完，都係二人坐四人枱，門口繼續排長龍，即係做勢啫，不公平對待，😡😡😡😡😡

今日想食好食嘅台灣菜，咁啱知道觀塘工廈區新開咗之前喺西環試過嘅阿元來了，即刻要去試吓。我開頭以為冇開到，因為對住大街嘅大閘直情冇開到，但好彩行到埋去就發現個排長龍嘅隊頭係喺後行架呢。我哋七點都未到就已經要排20個位，好彩排咗半個鐘有多就入得啦。環境來講，一入到去即刻話一聲，因為佢都用咗好多心機來佈置餐廳，真係好似返咗台灣咁。食物來講，偏貴，如果價錢牌上面嗰啲係台幣就合理啦，哈哈。我哋兩人叫咗兩碗滷肉飯、花枝丸、炸雞扒、公園湯、台灣腸仔、九份護院同埋舐過綠茶珍珠，非常之飽。最好味就係滷肉飯同埋花枝丸，其他都唔錯，公園湯就真係有啲唔抵啦。環保小貼士：真係要大讚台式飲料竟然用咗可從用膠杯，並唔係一貫既即棄膠杯，但如果第時可以用埋可重用飲筒就最好啦。