阿元來了 (鴻圖道)

营业中

休息中

一直知道呢間餐廳好出名，不過住大西北既我甚少喺觀塘出沒，咁岩尋日喺附近工作，而同事又想食台灣野，終於都有機會試下喇餐廳內部裝修好靚好有台灣風味，連招呼我地入座既侍應哥哥都操一口台灣腔，客人很多幾乎滿座，但一點擠迫既感覺都冇，我地被安排到靠近廚房既位置，見到一碗碗魯肉飯排住隊咁出餐，非常吸引，即刻叫返碗先。點餐既同時睇下其他人喺網上既推介，見到芝士蛋餅都幾受歡迎，點知原來晚市係冇架，有dd失望，後來就改嗌柯仔煎同埋魚焿麵。魯肉份量剛好，啖啖飯都食到魯肉粒而唔會過多過鹹，菜心煮到超級淋，好好食，唔怪得枱枱都有叫啦。而柯仔煎既柯仔都不少，但就略嫌口感太黏，應該係落得太多粉，不過食完之後真係好想即刻飛去台灣食丫。至於魚焿麵比想像中有驚喜，足料，個湯好味到我飲左大半，值得一試。我地另外仲嗌左台式飲品，我杯百香果綠茶椰果不過不失，同事就好唔滿意佢杯鳳梨青茶仙草，佢話d仙草食落係好cheap cheap既罐頭貨色。餐廳既定價其實係台幣當港幣賣，不過喺香港地租貴人工貴又好難怪既，整體黎講我覺得性價比都偏高，絕對有下次

阿元來了開咗好耐！但因為唔就腳！一直都未有幫襯過！今次黎開觀塘附近唔知食咩！突然諗起呢間台灣小食店！就黎咗一試！但黎到揾左好耐都搵唔到入口！原來入口喺後巷度！門囗排咗D人！但排咗兩三個字就入倒去坐低！立即點咗D至愛ge台灣小食！阿元魯肉飯 ($39), 蚵仔大腸麵線 ($40),起士蛋餅 ($30), 魯肉飯夠出色！粒粒分明，D魯肉肥瘦分明！好好味！麵線夠濃味！好接近台灣味道！但蛋餅就普通D，冇咩特別！叫咗杯珍珠奶茶但冇影到！茶味淡，一般！價錢黎講都叫抵食！會再黎試其他小食！

我認為唔需要收費咁貴 蚵仔煎好似唔熟咁有層粉漿咁好似食緊漿糊咁 其他野食大部分都吾算太好食 只可以講去一次 下次不會再去唯一覺得好食既係無骨鳳爪 鹽酥雞同埋嗰個甜不辣 其他麻麻。。

聽講係一間幾出名嘅台式店 所以過嚟朝聖😆一嚟到就已經有長長嘅人龍 我哋差唔多排咗45分鐘先入到位🙈入到位當然要叫最出名嘅台式魯肉飯 額外仲叫咗一啲小食 包括花枝丸 鹽酥雞 同 柯仔煎😋魯肉飯真係幾有水準 魯肉都幾大粒入味同好足夠👍黎到一定要試吓！柯仔煎都幾多蠔仔 有啲念念地嘅物質 黐住啲蛋 感覺有啲嘔心 不過都好食嘅🙈鹽酥雞都好滑 鹹度適中 花枝丸 一共有六粒 都幾大粒 同朋友分享幾唔錯👍除咗排隊耐左啲！整體都算滿意❤️

兩老既第二個家就係台灣，一年最少去兩次。母親大人生日慶生梗係去食台灣野啦！完全唔記得星期日佢地唔開，為有星期一去啦。上月友人第一次帶我去食我就知要帶兩老來了。我地選擇過左lunch hour 至到避開人流，餐廳都仲係滿滿食客。待應特地同普通話溝通，搞到覺得自己去左轉台灣咁。裝修好有老台灣味，仲有架台灣運泥既鐵皮車，兩老食完好興奮咁周圍影相tim🥰下午茶餐抵食包野飲，我叫左個鮪魚芝士蛋餅。調味剛好，同台灣食冇咩分別。老豆叫既麵線，佢話好味，但份量略少。母親大人既呀宗麵線（好似係）😂

等位等左段時間，入到去好有台灣的感覺，員工普通話都好有台灣音，當然有部份員工係識講廣東話，所以唔使怕溝通唔到。環境佈置都好靚。蝦仁煎：粉漿同雞蛋分得好開，唔係好岩我口味，不過蝦都算多，而且大隻，非常足料。魯肉飯：細細碗幾好，可以試多啲唔同小食，魯肉肥瘦適中，而且多汁，送飯一流。炸甜不辣拼盤：炸粉唔多，唔會話好油膩，幾特別。刈包：佢地不切的，所以好難同朋友share食。

一間由台灣人開既小店，已有兩間分店，分別係西環同觀塘。阿元來了裝修以台灣老街為主題，好有懷舊風味既感覺，好有特色。食物方面，味道有點名過於實，來試試它的皇牌阿元魯肉飯就夠。✨阿元魯肉飯(8/10) hkd$39阿元既皇牌必叫之選🤤比魯肉飯貴少少，分別係多了半隻滷水蛋同菜。魯肉十分嫩滑，半肥瘦適中，入口即化既感覺又多汁送飯，味道比較濃，感覺食返台灣食既味道，暫時可以頂住癮先。✨爆蛋雞肉飯(6/10) hkd$39爆蛋雞肉飯就無咩特別，只係普通煎蛋再加啲雞肉絲，雞肉絲有啲鞋同乾，而且無咩汁感覺黎拌飯好乾。但餐單寫住是老闆推介，感覺有點失望。✨塩酥雞(6/10) hkd$35炸得香脆，但味道就差少少✨蚵仔煎(7/10) hkd$35味道不過不失，下次黎唔會再叫

各個食物點評：太陽蛋手撕雞肉飯 39雞蛋流心 有酸菜 雞肉好乾身 食落去似吉野家牛肉飯 唔太推介炸蕃薯球好食 食落去好似有餡咁 夠脆 紫薯會甜少少 上面有D酸梅粉 很搭 可以解膩茶類飲料 不錯 可是微甜也頗甜 建議比平時甜度選低一個 珍珠不太行 太硬了 可以pass皮蛋 味道普普通通不過不失吧 口感一般 切太碎了 賣相不太好 環境方面不是聊天的好地方 雖然裝潢好看 附有特色 可是音樂太大聲 不方便聊天 此外 我們7點15分入座 快吃完時 因為等候人數太多 店員提醒我們離座 雖然有寬鬆時間進食 但想慢慢聊天就建議去其他地方啦

阿元有兩間分店，但兩間既位置都比較偏僻。今日小編甘岩黎到觀塘，一定要去飯阿元。個位置真係幾難搵，係工廠區入面，而且店面都好入。小編都搵左幾耐。😅但食物真係好好食，好正宗！1. 魯肉飯細細的魯肉飯。魯肉除左醃得好入味，有濃濃的滷水味，肉質又淋又厚！😋😋秒速食完一碗！！👍👍2. 地瓜球有紫薯同黃薯波波。煙煙韌韌的，甜甜地。粉都吾會太多！💕3. 芋頭芝士蛋餅芋頭同芝士餡多到流曬岀黎！😲芋頭吾會太甜。餅底吾厚，煎得剛剛好的脆，口感真係好滿足。🥰🥰

去完台灣後，對台灣既地道美食念念不忘。所以今次黎左呢間台灣菜餐廳回味下，睇下食唔食得返台灣既味道。首先一定要講下阿元來了既裝修佈置，整個設計都似70,80年代既台灣，好有懷舊風既感覺，甚至連筷子筒都有特別心思，令我同女朋友有置身系一間台灣小館既感覺。食物方面，我地點左魯肉飯，蚵仔煎，刈包，鹽酥雞，台南擔仔粿條。魯肉飯雖然細細碗，但魯肉份量充足，而且魯肉味道都好濃。美中不足就係飯既汁比較少。蚵仔煎方面，蠔比較少，但每隻蠔都唔算細隻。至於刈包同鹽酥雞方面都相對普通，不太出眾。最後擔仔粿條方面，份量都係比較少，每樣餸得一舊，但粿條唔會太淋，有d咬口。總結，環境好，食物中上，如果平d，性價比會高d。

我知道呢間本身係hong kong 係開係上環既, 不過太遠喇對我黎講, 所以就冇去到, 之後我見佢係觀唐開, 就一於去食啦, 叫左個花枝墨丸同埋魯肉飯, 食台式野都會試呢兩樣野先, 味道都唔錯, 有台式既風味

聽過好多介紹，第一次食，好食是好食的，但感覺有點過譽。在香港這樣一間台式味道當然有吸引之處，但如果在台灣，這個質素恐怕不算突出。魯肉飯是美味的，作為飯桶的我快速就消滅了一碗，再吃多了半碗?!🙊很喜歡它多肥肉，又很多汁送飯，心目中的魯肉飯就是要配很多肥肉才香，這點很讚。地瓜波波也不錯，很香口又很煙靭，煙靭控會很喜歡，但吃了碗半飯的我就吃不了太多了。但鹽酥雞只能算不過不失，就普通炸雞塊吧，而且唔係好夠味。蛋餅是最令我失望，外皮很粉，咬下去就好像一團粉，也不太感受裡面的肉鬆和芝士🙈在我印象中台灣的蛋餅才不是如此。還是那句，去不到旅行當止止癮囉🙈

住左觀塘咁耐 成日聽人講呢間野好食 今日收工去試 個位置都幾難搵下 但滿座 有點驚訝坐底 要搭枱 明白既 香港地貴租 迫少少都無所謂 但張台真係好細張 叫多2個餸都會阻到人咁 不過無所謂喇 大家遷就下大家賣相其實可以 但味道真係講唔想好食， 逐樣點評下炸地瓜- 我係台灣都食過 外脆內軟。呢度只係一pat 粉 ，地瓜上既蒜香粉 同地瓜格格不入鹽酥雞- 炸粉好厚 上枱果陣唔夠熱 好難食青菜肉燥- 呢個正常發揮 因為唔使調味皮蛋豆腐- 我食過好多間皮蛋豆腐 呢度既算創新。 但創新得黎唔好食 食落感覺好油 皮蛋砌得唔整齊 有幾粒好大 有幾粒好細。魯肉飯- 隻蛋鹵得唔夠 色夠深但冇乜味 魯肉無驚喜 太甜奶茶 都係太甜 可能台灣人口味偏甜唔會再黎 埋單180 可以有更好選擇

又是台灣野 哈哈哈係kt返咗工咁耐食過兩次阿元，堂食同外賣都食過，堂食要好早落去排定隊，如果唔係lunch一個鐘好難食到，買外賣便當就快靚正！🔸阿元滷肉飯 $39比滷肉隻貴少少，分別就係多幾條菜同蛋，感覺上豐富啲又完滿啲。多人讚嘅滷肉飯都唔使我再多講啦，滷肉粒肥瘦均勻，熬出黎個汁係精華，撈飯可以食勁多碗。🔹蚵仔大腸麵線 $40麵線第一次食，我覺得湯多咗啲，似食羹多過食麵線。不過大腸同蚵仔係足料嘅，打和。🔸炸甜不辣拼盤 $30甜不辣最好食！一款係炸嘅一款係酥炸，炸嘅脆卜卜好香口，酥炸類似魚餅同年糕咁嘅口感好煙韌！🔹滷肉飯便當 $45初試便當拎走食，有滷肉飯+自選三個小菜好抵！完勝kt大部份飯盒。/阿元來了觀塘鴻圖道28號地下後座

阿元來了這個名字已經聽過很多次，但今天還是第一次去試。幸好趕在lunch time前到達，因為12點後就開始多人了。要留意正門是在一條巷子裡喔，比較隱蔽。阿元來了最出名當然是魯肉飯，一試，果然是台灣的味道。魯肉十分嫩滑入味，肥瘦比例剛好，每啖飯亦有肉汁的香。朋友叫了阿元魯肉飯，多了半隻滷水蛋及菜，分量亦較多，絕對滿足到喜歡魯肉飯的朋友。我們分別也叫了起司肉鬆蛋餅及甜不辣拼盤。起司肉鬆蛋餅十分好味！很重起司的味道，跟肉鬆一起吃也十分有口感。但是這裡蛋餅的選擇不多，有點失望。甜不辣拼盤是新鮮熱辣炸起，像架了一小點胡椒的香味，絕對會吃上癮。但是要留意，午市的選擇較少，店員說下午五點後的餐牌會不同，有更多選擇。下次晚市會再來的！