影片
更多
2019-06-06
436 浏览
一直知道呢間餐廳好出名，不過住大西北既我甚少喺觀塘出沒，咁岩尋日喺附近工作，而同事又想食台灣野，終於都有機會試下喇餐廳內部裝修好靚好有台灣風味，連招呼我地入座既侍應哥哥都操一口台灣腔，客人很多幾乎滿座，但一點擠迫既感覺都冇，我地被安排到靠近廚房既位置，見到一碗碗魯肉飯排住隊咁出餐，非常吸引，即刻叫返碗先。點餐既同時睇下其他人喺網上既推介，見到芝士蛋餅都幾受歡迎，點知原來晚市係冇架，有dd失望，後來就改嗌柯仔煎同埋魚焿麵。魯肉份量剛好，啖啖飯都食到魯肉粒而唔會過多過鹹，菜心煮到超級淋，好好食，唔怪得枱枱都有叫啦。而柯仔煎既柯仔都不少，但就略嫌口感太黏，應該係落得太多粉，不過食完之後真係好想即刻飛去台灣食丫。至於魚焿麵比想像中有驚喜，足料，個湯好味到我飲左大半，值得一試。我地另外仲嗌左台式飲品，我杯百香果綠茶椰果不過不失，同事就好唔滿意佢杯鳳梨青茶仙草，佢話d仙草食落係好cheap cheap既罐頭貨色。餐廳既定價其實係台幣當港幣賣，不過喺香港地租貴人工貴又好難怪既，整體黎講我覺得性價比都偏高，絕對有下次
餐廳內部裝修好靚好有台灣風味，連招呼我地入座既侍應哥哥都操一口台灣腔，客人很多幾乎滿座，但一點擠迫既感覺都冇，我地被安排到靠近廚房既位置，見到一碗碗魯肉飯排住隊咁出餐，非常吸引，即刻叫返碗先。點餐既同時睇下其他人喺網上既推介，見到芝士蛋餅都幾受歡迎，點知原來晚市係冇架，有dd失望，後來就改嗌柯仔煎同埋魚焿麵。
魯肉份量剛好，啖啖飯都食到魯肉粒而唔會過多過鹹，菜心煮到超級淋，好好食，唔怪得枱枱都有叫啦。而柯仔煎既柯仔都不少，但就略嫌口感太黏，應該係落得太多粉，不過食完之後真係好想即刻飛去台灣食丫。至於魚焿麵比想像中有驚喜，足料，個湯好味到我飲左大半，值得一試。我地另外仲嗌左台式飲品，我杯百香果綠茶椰果不過不失，同事就好唔滿意佢杯鳳梨青茶仙草，佢話d仙草食落係好cheap cheap既罐頭貨色。
餐廳既定價其實係台幣當港幣賣，不過喺香港地租貴人工貴又好難怪既，整體黎講我覺得性價比都偏高，絕對有下次
张贴
