阿元來了 (鴻圖道)

营业中

休息中

去完台灣後，對台灣既地道美食念念不忘。所以今次黎左呢間台灣菜餐廳回味下，睇下食唔食得返台灣既味道。首先一定要講下阿元來了既裝修佈置，整個設計都似70,80年代既台灣，好有懷舊風既感覺，甚至連筷子筒都有特別心思，令我同女朋友有置身系一間台灣小館既感覺。食物方面，我地點左魯肉飯，蚵仔煎，刈包，鹽酥雞，台南擔仔粿條。魯肉飯雖然細細碗，但魯肉份量充足，而且魯肉味道都好濃。美中不足就係飯既汁比較少。蚵仔煎方面，蠔比較少，但每隻蠔都唔算細隻。至於刈包同鹽酥雞方面都相對普通，不太出眾。最後擔仔粿條方面，份量都係比較少，每樣餸得一舊，但粿條唔會太淋，有d咬口。總結，環境好，食物中上，如果平d，性價比會高d。