阿元來了 (鴻圖道)

营业中

休息中

早幾個月同朋友去左一場台灣之旅，到依加就有啲掛住台灣同懷念係台灣食嘅嘢。好彩香港嘅美食好多元化，都有好多台灣菜嘅鋪頭。今次就黎左係觀塘嘅阿元來了，大家都知道佢出名在於佢好有台灣特色，特別係鋪頭入邊嘅佈置，好有夜市嘅感覺。我同朋友就帶咗兩個滷肉飯、鹽酥雞同埋芋泥蛋黃卷。碗滷肉飯有好多滷肉，啲肉都好多汁、好juicy。好好食，就好似返左台灣食滷肉飯咁，機票都慳返。個小食鹽酥雞都炸得啱啱好。佢上面唔算好多炸粉，入邊啲雞肉都好嫩滑，我第一次喺香港食到咁好食嘅炸鹽酥雞。最後就係依個芋泥蛋黃卷。呢個我唔推薦大家食，因為$30得兩舊，好貴。而且佢食落都普普通通，唔值咁嘅價錢。

餐廳鋪面設計富有特色，擁有很多懷舊舊式台灣擺設，店員服務態度友善，環境清潔。叫了阿元滷肉飯，味道濃郁肥瘦適中，與台灣味道相約，油香甘香；還叫了蚵仔煎，雖然蠔粒偏少，但菜與蛋漿分布平均，粉漿韌度與醬油有台灣夜市的味道👍；另外還叫了台灣香腸和芋圓，香腸感覺比台灣瘦，食落口不太油，可惜份量偏少；芋圓叫了凍的，糖水上加上冰塊，不會太凍，芋圓份量多，有口感，紅豆不會太甜，若珍珠更煙韌味道會更好，整體甜度適中，可會再來支持。

一直都有興趣試阿元來了，但是觀塘區不是經常到訪的區域；但今日12:00到達，幸運地不用排隊內裡也有乾淨的洗手間🚾～ 上菜速度也很快！侍應好像大都是台灣人～魯肉飯的份量適中，所以可再外加小食！但胃口不大的，也是剛剛好！我相信會再找機會試的！

去開牛頭角附近做野，進了阿元來了吃午餐，都有一段時間無來了，由於比較晏的關係，唔需要等位就可以直入。呢到嘅裝修好正，好似去左台南食野咁，裝潢一啲都唔馬虎，仲有條樓梯上二樓 不過好似係員工專用我地今次叫左兩個台南擔仔米粉，咪睇佢細細碗，米粉份量食極都食唔完！天時熱唔想食飯，米粉就易入口。再叫左碗魯肉飯俾仔仔食，佢第一次食，食到舔舔脷再叫左碟鹽酥雞，覺得水準下降左，無左之前果種地道嘅味道朋友叫左杯百香果綠茶加珍珠，珍珠有點硬，有待改善。整體都係唔錯嘅

大約晚上845到鋪，一進店店員安排在收銀前的台，我們向店員表示可否在餐廳中心位置，店員表示等一下要清潔，不可以坐，在收銀前的台，空氣十分不流通，食物送上時，我們向店員表示很熱，很焗，可否換一張台給我們？店員說了一句他們其他位置等一下要做清潔，之後就轉身走了，食物送到後，因為空氣十分不流通，我們一行三人每樣食物只食了一點就走了，因為焗到有點暈，完全沒有食慾，只能說店員沒有顧及客人的感受，而且我們用餐只需15-20分鐘，真的對他們清潔有那麼大影響？

在網上找到這間店舖後，透過openrice的定位，由觀塘地鐵站慢慢找到它，入口位置在一後行，但正門有指示，不太難搵到。裝修設計極具台灣風味，店員們有些都是說普通話的，坐下後第一時間點了一碗滷肉飯！果然不失望！

想試阿元來了嘅蛋餅好耐，可惜呢間餐廳星期日唔營業，蛋餅喺晚餐時間又冇得食，平時星期一至五又唔會喺觀塘食午餐，所以一定要喺星期六lunch黎食先可以叫到蛋餅今次一個人黎阿元來了獨食，叫左個芝士肉鬆蛋餅，但係應該唔夠飽，所以叫多個魯肉飯，芝士肉鬆蛋餅上面有醬油膏，同辣椒醬，伴住足料嘅蛋餅黎食十分惹味，另外魯肉飯嘅肉有肥有瘦，飯係一人份量，見唔少客人都有叫呢個魯肉飯，碗飯一定係肥架喇，但係入口嘅油脂同d飯混合埋一齊，係幸福嘅感覺，真係重幾磅都抵

阿元來了開係觀塘真係方便左好多九龍反工既人👍🏼阿元Lunch同晚餐既餐牌會有D唔同如果有D特別想試既食物就要揀岩時段喇😉去到必試麵線同魯肉飯啦‼️麵線幾正宗有大腸蚵仔味道都唔錯👍🏼魯肉飯D肉唔係全肥膏唔會好濟😋另外叫左個炸雞同蛋餅，炸雞就正常冇乜特別但台式蛋餅就推介‼️因為係香港比較少食到台式蛋餅通常都係手抓餅😃呢個起司蛋餅好香食落好有台灣味道😍不過因為店鋪較細，為左提供多D位置俾客人就比較迫坐得冇咁舒服

每日到左lunch時間都唔知食咩好，有人提議食阿元來了。 等左大概10分鐘左右就入得，店員好似係台灣人，有濃厚的台灣味，台灣野之中最中意就係食魯肉飯😋，果然呢度的魯肉飯都好正宗，不過就細碗小小，唔夠飽🙈 於是，我地加多個芋圓湯圓，好滋味，煙煙韌韌，好滿足的一餐。

魯肉飯份量很少，但其實女仔食是剛則好的，可惜始終覺得唔夠味，食完冇一種滿足既感覺，而且野飲都好普通，唔可以跟餐有啲貴。Price per head人均 ： $50阿元來了觀塘鴻圖道28號地下後座.........#hkfood #hkfoodblogger #hkfoodreview #hkig #hkfoodie #foodstagram #eatstagram #foodie #foodblog #foodig #instafoodie #foodporn #foodreview #foodhunt #travelhk #life #tastylife #test_kwuntong#먹방 #맛집 #맛 #홍콩 #comida #restaurante #sabor #gusto

喺附近做完嘢 見到呢間熱門台灣野 就入嚟試吓啦一開始見唔到個門口 原來個門口係好似走火通道咁 差啲Miss左 入到去已經見到餐廳裝修得好靚 好有台灣嗰啲街邊檔特色 個餐單好簡單 滷肉飯同埋阿元滷肉飯其實係差隻蛋 飲品Menu都好多選擇 不過要嗌佢少甜小冰嗰啲 個Menu睇到有啲複雜 我最後都係自己寫算叫咗嘢之後 啲嘢都好快嚟咗 滷肉飯我覺得正正常常 相比之下同喺台灣食都真係有啲分別嘅 不過頂住當先係OK嘅 鹽酥雞我反而幾鍾意 唔會太咸 最後叫咗個肉鬆芝士蛋餅 感覺個皮太厚 唔係好食到蛋味 嘢飲叫咗個紫薯芋泥 同出邊嗰啲差唔多 冇乜驚喜整體我都會比5分嘅 好多打卡嘅地方同埋裝修真係好靚 不過坐嘅地方就唔係話好舒服 但係以百幾蚊來講呢個價錢就都幾抵嘅

阿元來了上月去了牛頭角工商區食這間，台式野食，都有小小名氣，阿元來了。因只是下午茶，晚上還會食，同男朋友簡單叫了2個野食，爆蛋雞肉飯和台南擔仔麵。侍應全是台灣人，說普通話的，我問他們取熬水，但他們說店沒提供，要點飲料，不提供清水，可能這是台灣作風吧。爆蛋雞肉飯＄39不算大配，但以＄39來說，是合理的。配料有雞肉，雪菜和太陽蛋。雪菜不是港式那款咸咸的，連雞肉用來配飯都OK，下午茶份量飽的。台南擔仔麵＄35這個的麵不錯，台式蛋麵，不淋身，也彈牙。配料上有半隻蛋，一粒肉丸和一些魯肉碎，整體來說，湯偏向咸，其他都OK。非常好食就不至於，下次如來可試小食為主。

之前喺香港試過好多間不同台灣食店，終於搵到依一間！即使裝修和食物水準，最貼近台灣地道風味🇹🇼👍🏼今天，我們叫咗兩個下午茶餐：炸物拼盤、蚵仔大腸麵線、另外單點魯肉飯。炸物拼盤:有鹽酥雞、魷魚鬚、甜不辣。不過不失大腸麵線：味道適中！如果好似台灣一樣有得自行加配芫荽就冇得輸魯肉飯：魯肉汁及魯肉分量足夠撈晒成碗飯，味道啱啱好，不會過分油膩必食之選環境設計充滿台灣估早味

🤤台灣系列🇹🇼💕▫️餐廳：阿元來了▫️地點：觀塘鴻圖道28號地下後座（港鐵牛頭角站 B6 出口, 步行約5分鐘）▫️營業時間⏰：11:00 am - 10:00 pm 星期日放假▫️價錢：～30+—美味：🇹🇼🇹🇼🇹🇼+0.5🇹🇼環境：🇹🇼🇹🇼🇹🇼🇹🇼🇹🇼價錢：💰💰💰—台灣係大家首選既旅行目的地💺🛩台灣菜又平又好食🤭🤭令人聯想到台灣既食物不外乎係魯肉飯同芋圓🤤當然係香港食比較貴🤓依兩樣分別都要$30幾蚊😚但有台灣口味係值得既🤫個芋圓（冰）係幾大碗同好食🤤而且同台灣食到既味道差唔多😚😚💓最後，個環境真係要讚🥰設計到有台灣特色，而且比人溫暖同舒服既感覺😚

今日搵食tea,路過阿元來了就入去試吓，嘩，一入到去全部都係台灣擺設，台灣大排檔半，排左一陣隊，就可以坐低點嘢食。叫咗個台式肉燥飯，肉燥蛋果條，滷水拼盤，芝士蛋卷，同埋魷魚羹。仲叫咗杯珍珠奶茶同埋仙草奶茶。先講個肉燥飯，比較細碗但個味道好味，滷水拼盤有雞翼、豬腸、豆腐、蛋。好味道。我就最鍾意個芝士蛋卷，熱辣辣好好味。肉燥蛋粿條一般啦。至於個魷魚羹，我就麻麻哋，因為個湯好似獻汁，同埋有點腥。珍珠奶茶就好味。service都幾好幾Nice。三個人食咗$220 ，都可再去既！