阿元來了 (鴻圖道)

营业中

休息中

阿元魯肉飯 $40滷肉切成細條狀，滷得頗為入味。肥瘦比例適中，肥膏入口即溶；瘦肉部份質地硬實、略嫌鞋身滷肉飯淋上大量滷汁，食到最後會覺得油膩醃蘿蔔味道正常，可解膩滷肉飯睇落份量貌似唔大，但一個人食一碗已經好夠飽爆蛋雞肉飯 $40雞肉份量合理，雞肉絲較乾身、口感偏鞋，冇咩調味。爆蛋姐係普通荷包蛋，味道正常。酸菜味道唔會過鹹，口感偏淋。雞肉飯汁無滷肉飯咁多，一定要撈勻所有配料黎食，先唔會太乾或者味道太淡！玉米起司蛋餅 $30餅皮頗為厚身；味道帶少許鹹味，唔會太油；口感稱不上煙韌，但有少許彈牙。餅皮包住一層蛋皮，蛋味唔出。玉米得零星數粒，無太大存在感。芝士份量足夠，但芝士味唔重。面頭既燒汁同蛋餅幾夾。個人認為辣醬會蓋過蛋餅其他材料既味道，唔洗點太多。整體而言，食物味道正常，冇太大驚喜。午餐時間到達，見到條人龍嚇親，但其實等十五分鐘左右就會有位。餐廳裝修好特別，有種懷舊feel，但座位比較逼，坐得唔太舒服，通常人少都需要搭台；而且冷氣唔太充足，怕熱既話都幾辛苦

台灣最岀名就係夜市，多野食到可以由街頭掃到街尾🥳 又平又多😌 掛住地道台灣既味道唔一定要下下飛到台灣既🤣 阿元來了 絕對媲美台灣夜市水準。 今次終於有機會同朋友黎朝聖呢個背景絕對係打卡位，營造一個置身台灣既感覺😌滷肉飯唔會太油膩，配埋滷蛋一齊食，好惹味相信到台灣都一定食過蚵仔煎。阿元來了呢個蚵仔煎比台灣食到既更黏稠，但個人比較中意無咁黏既🤣🤣 蠔仔都算多同新鮮既我地總共叫左六樣野都唔洗二百蚊，而且係份量都幾多，抵食😌👏🏻

又到同事貓貓帶我去食台灣野我一聽到係阿元來了，即刻兩眼發光因為我聽呢個名好耐但係未試過而且貓貓同事話好好味適逢得我哋兩個撐枱腳，所以佢話兩個人好快，應該唔會等好耐，所以就即管去碰碰運氣果然我哋等左10分鐘就可以入座我呢個飯桶就梗係要叫滷肉飯啦果然冇令我失望真係好好味，個滷水蛋又滷得夠入味啲豬肉，半肥瘦，大細度都非常適中剛剛好不過貓貓同事今次試新野，試過米粉，佢就話麻麻哋，下次都係叫返滷肉飯好啲而我哋另外叫咗椒鹽魷魚都唔錯👍🏻

工廠餐廳從來都係最抵食，而且最容易有驚喜早前去了觀塘的這家餐廳，雖然位置上不近港鐵站，但週末午餐時間仍有十多個食客排隊一入到餐廳，整個環境，餐桌座椅，擺設，都充滿著台灣的感覺至於食物質素，相比其他商場內或連鎖台灣餐廳，也是不錯的，價錢也很合理，個人非常推介

見咁多人嚟食 一於試下但發現原來係伏嘢嘢飲吾好嘢之如 嘢食水準都麻麻魯肉 正常 但未至於好食嗌左個九份芋圓 水準一般 然後嗌左個塩酥雞得個咸味最重要服務態度好差吹你落單 態度差然後店員好快收走你食完既嘢我地吾係坐左好耐 最後仲趕客以後都吾會再去

今次係第二次食阿元來了，不過第一次食係堅尼地城嗰間，突然好想食魯肉飯就去咗觀塘呢間😆環境都幾好，唔會話好逼。魯肉飯🍚分量都算還好，汁黎講都算幾多，所以搞到啲飯浸到啲飯太重味，魯肉唔會過肥過瘦都適中，整體黎講唔錯👍🏻焢肉飯🍚肉方面就係一塊塊，同樣係有肥有瘦，之不過實在係過鹹😞 食左一兩啖已經鹹到我係咁飲嘢😂🍳蚵仔煎個皮煎得好脆好香口👍🏻 不過食食下就覺得好黏，我諗應該係落得太多粉，不過味道不過不失。🥤鳳梨青茶 跟飯+$10呢杯飲品我叫左半糖，但係飲落都仲係太甜，不過都飲落都酸甜清爽，唔好太甜就更好🤨整體黎講，我覺得第一次喺堅尼地城分店好食啲，不過都好食

不是朋友帶路根本找不到入去的位置，剛好午飯時間，挺多人在外面等候入座，幸好有個大風機在，令空間不會感覺太焗促。【炸甜不辣拼盤】有點油，雖然甜不辣的口感軟軟QQ,但吃完真的有點膩。【阿元魯肉飯】肉燥拌着顆顆軟糯的飯粒，又不會太鹹，又吃到肉燥的口感。【台南擔仔粿條】粿條的口感像河粉，但比一般的河粉厚和Q彈，湯味道適中，不會太濃。【甘梅地瓜條】最好吃的是這個!微酸甜的口感，硬着脆脆的地瓜條，地瓜的香氣跟甘梅十分搭!【玉米肉鬆蛋餅】口感豐富，蛋餅薄但又能盛載滿滿的材料，但吃完有點膩。【九份芋圓（冷）】這個要待到最後才點，因為是在芋圓上放上小冰粒，天氣太熱冰融得太快了，芋圓有點溫溫的。芋圓和地瓜圓口感Q彈，配料豐富，但芋頭和地瓜味不太突出。

阿元來了果兩間分店既位置其實都比較偏僻，今日甘岩黎開觀塘，終於可以黎朝聖。黎到必叫滷肉飯，跳咗碗比較大碗啲嘅滷肉飯，因為見到細細碗嘅擔心自己會食吾飽。滷肉真係醃得好香，又入味，而且又唔會話好肥。仲有幾條菜同埋滷水蛋呀。之後仲叫咗個蝦仁蚵仔煎，我本人真係接受到佢嗰個餅底，好煙韌，但係成個感覺就好奇怪，又冇味，個口感就好似食緊啲鼻涕甘。。。。。。最咪我都淨係挑咗佢啲蝦嚟食啫。帶咗一杯嘢飲就加$10 ，酸酸的柑桔綠茶。

下午茶tea都幾抵食，$40唔洗仲包埋野飲蚵仔大腸麵線，蠔仔肉份量都算多，大腸入味，麵線煮得唔會好稔，唔會一pat野。下午茶set都唔細碗，餐飲有9款揀，例如紅茶/綠茶，但唔俾加錢轉特飲就有d可惜環境懷舊，去唔到台灣都可以食野頂下癮先🤣

今晚約左朋友食飯，但因稍後要在觀塘做事所以選擇了直接在阿元晚餐。等候時間不算長，大概10多分鐘便入座了。周圍裝修到好fancy，仲有個特製台灣小吃攤檔。食物味道十分一般，最基本的魯肉飯睇落好正令你急不及待想食，點知底下肉汁太多，將飯都浸到爛溶溶，我地仲叫左碟炸魷魚，一點也不鬆脆仲要有點凍食到咁上下店員已好「主動」不停收野，想提醒你快點走要讓出枱，問題是我們還有飲品未飲完，同埋我地只係坐左15分鐘，感覺很差！最離譜旁邊來了十二個人，但位置唔夠結果我們被旁人冷眼而一個肥肥地既女店員更走來很差態度地說：請問你地係咪想傾計，係既轉去另一邊比你地「慢慢傾」。以後都不會去了，唔該唔好係fb打溫情牌話人偷你秘方，咁既食物同服務態度真係幫你趕走更多客！

今日天氣熱辣辣☀️☀️☀️， 完全冇出街食午飯嘅衝動。 諗起公司附近有間台灣過江龍「阿元來了」， 經過咁多次都冇試過， 就落去買個外賣返公司食。 下午一點落到去已經大排長龍， 唔通真係咁好食？！？！ 買咗個滷肉飯， 另加一份鹽酥雞🐔🐔。 滷肉飯盒可以自選三個配菜， 味道不過不失啦， 菜就油咗小小， 滷水蛋就好好味。 鹽酥雞🐔🐔就正正常常啦（可能係晨早炸定嘅關係） 。 整體味道都可以接受。同事話堂食有更多選擇， 下次可以試下！

今晚收工一個人又唔知食咩好，行下行下又行左黎鴻圖道，就醒起都好耐無去台灣食好西，咁就決定去阿元來了食個飯止下癮先啦見到門口條長龍....本來諗住一個人應該有位可以搭到枱，點知職員話FULL哂，一個位都無望望眼前既長龍，大約都有20個人....大熱天時等位都幾辛苦等左差唔多都有30分鐘....終於有位可以俾我搭枱啦之前都食過幾次所以都唔洗點睇MENU，一定會叫佢地個招牌魯肉飯，加個蚵仔煎止下夜市癮，再整多杯凍鳳梨綠茶降下溫先！今晚個場真係幾爆.....同埋其實佢地既座位都幾唔舒服，張枱又好細，搞到我要揹住個背囊食野都幾辛苦再加上個場既冷氣其實都幾唔夠力.....除左因為夏天呢個因素之外，我冬天黎食都會坐到出汗.....希望呢方面可以改善下啦....等左幾分鐘野食就到齊哂啦魯肉飯一如以往入口即溶，肥肉部份香軟鬆化，完全無反胃感覺！絕對係必食之選！蚵仔煎都唔錯，有好多蚵仔係入面，同埋好新鮮！鳳梨綠茶就普普通通啦，無咩特別，係叫黎解下渴除左環境之外，其實都幾值得黎食，因為收費其實都好大眾化。

今晚約了家人去這間台灣小店一聚。餐單有很多台灣各地的食品，我們叫了2個滷肉飯，2杯綠茶，雙蛋煎及蝦卷。雙蛋煎似係冇了蚵仔嘅煎😝如果下次會叫返蚵仔煎☺️但蝦卷，飯都好好食😍值得一去🎉最後仲叫左佢新出嘅芋圓甜品😋

好耐無黎食阿元，估唔到星期六晚一樣座無虛席 ，要排陣隊先入得。兩個人食叫了四個菜。魯肉飯，肥豬肉鋪滿成碗飯，油香豐富 但好易食膩，餐廳都知道呢個情況，加左塊黃瓜解膩。香菇肉羮麵，個湯以香菇做底味道濃郁，但調味剛好，唔會太鹹。甜不辣拼盤，有辣同原味，新鮮炸起不油膩，煙韌可口，但如果有d酸酸地既醬汁就更好。蚵仔煎，都幾大份，多蚵仔。總結而言，味道都維持水準，但係無左蛋餅確係可惜。

下午時間食lunch，我和同事來到呀元來了食Lunch. 我地兩點先到達，剛好過了食飯時間，所以店沒有很多人，真的大好了。我們點了一個九份芋圓share，然後我自己也叫了一個爆醬芝士蛋餅，和一杯凍茉莉綠茶。呀元來了不是平，不過難得有這家台灣食店，真的是十分吸引，可以過足口癮。芋圓雖然不是太多，但以同等價錢來說，這家店的芋圓是很有水準的，一個人吃一碗也可以。至於蛋餅我就很喜歡，一咬下去，入面的芝士就湧出來，而且這個蛋餅會切件上，合了手殘的我。下一次希望可以再過來食那個芋圓呢，真的很消暑。