阿元來了 (鴻圖道)

营业中

休息中

因公作關係去到觀塘，梗係食阿元來了啦！外賣方面，我早上九點前已經預訂左十二點半嘅外賣，外賣最少叫六十蚊，加兩蚊外賣盒，一個人份量嘅價錢，十分合理。速遞亦十分準時，無早無遲。食物分面，叫左一個九份芋圓，一個起司蛋餅，一杯珍珠皇室奶茶。九份芋圓十分足料，地瓜芋圓約二十至三十粒，仲有珍珠、紅豆、綠豆、花生等配料。湯底偏甜，配合地瓜芋圓岩岩好！起司蛋餅中規中矩，餅皮略嫌厚左少少，蛋味不重，芝士份量就足夠，唔算多唔算少，因為外賣速遞關係芝士已經凍左少少，建議堂食。皇室奶茶半糖都夠甜，奶偏多，有少許茶味，珍珠另外加三蚊，但叫左九份芋圓就記得唔使加珍珠喇！整體而言滿意！

平日晚上，等了20分鐘，叫了以下食物，塩酥雞，少油，鬆脆，有肉汁蚵仔煎，煙銀，少蚵甜不辣，好好食滷肉飯，正常老玉菜，正常九份芋圓一般門口不正，內裏裝修有心下次試炸魷魚蛋餅貢丸檯太細，4個人坐，沒有地方放食，有點可笑希可改善

唔講我以為自己去咗台北因為香港冇幾多到可以食到芋泥蛋餅🥞勁多芋泥 多到爆出黎 又濃又香甜 芋頭控一定不能錯過啦！💜💜💜💜💜💜當然啦阿元來了仲有好多其他嘢食全部份量都好大 好闊佬呢😆😆😆😆😆😆😆😆酥炸雞粒🐥熱辣辣脆卜卜保持肉汁炸魷魚鬚🐙 一啲都唔韌阿元滷肉飯🍛好好食呀仲要有埋菜粿條🍜裏面見到大腸呢個嘅朋友應該都好鍾意呢度有台灣老店古老風味全部傢俬都係木造仲有好多舊招牌 除咗食飯其實都好啱打卡

係觀塘閒逛時見到有阿元來了，我就未食過，老公就話食過，而且仲話係全香港唯一一間最似台灣口味既餐廳😂😂佢講到咁，未食lunch即刻入去坐低。食果日係星期六，12點鐘，未開始多人，老公話比起西環店，觀塘呢到大間啲。我平時去親台灣一定要食雞肉飯同飲貢丸湯，但係係台灣都唔係間間餐廳都有雞肉飯，黎到呢到見到有雞肉飯超開心。老公嗌既阿元魯肉飯我既至愛雞肉飯😋😋同係台灣食既差唔多味貢丸湯鹽酥雞，呢個反而爭啲，雞皮好林蛋餅，芝士濃到痴牙👍總括當日除左鹽酥雞有啲失望，其他都好食，台灣店員不嬲都nice。兩人埋單$166 食到飽飽呀！

朋友帶我喺觀塘左兜右兜，跟住行左入巷仔排隊。我心諗有咩咁好食要等咁耐，仲要咁多人排隊。我地2個人排左20mins都有，原來係去食台灣野～阿元來了。入到去其實位置比較迫，今次仲要搭檯，不過唔想再等啦。Menu好簡單，價錢都幾抵食。刈包 $30 刈包嘅肉雖然好肥，但確實幾香口，夾埋包一齊食都唔太膩。魯肉飯$29 滿滿一層魯肉，一口一啖半肥瘦豬肉，入口即化，肉汁豐富配白飯，好有台灣嘅風味。蚵仔大腸麵線 $40 去台灣必食，麵線幾滑，豬大腸滷得好味，蚵仔鮮甜。九份芋圓 $30 - 最後點少得甜品，九份加芋圓一定連埋一齊，芋圓Q彈，可以揀凍食或熱食。食飽多款美食，好想走番轉台灣。

本身很喜歡台式的味道，不論是麵線、肉燥飯、珍珠奶茶還是芋圓，我通通都不會放過 幸好香港有很多台式食品店，其中一間很常光顧的是藏身於觀塘工廈的「阿元來了」!!! 雖說因利成便而常常光顧，但其實阿元的美味才是令我喜愛的主因❤️魯肉飯 $29這個魯肉飯可說是阿元的皇牌主打👑也是我每次的必選項目之一。對台灣人的說，魯肉飯可說是國民美食👍🏻每家店都有自己的獨特配方和味道，阿元的味道相比下是偏鹹的口味，濃濃的醬汁但不死鹹，令人一吃便停不下來🥺而且肉滷得很入味，每一口都是帶點肥的豬肉，令人很是喜歡❤️最重要的是阿元魯肉飯的汁很足夠，讓每粒飯有被香濃的汁包圍著，現在回想也在「流口水」呢🤤台南擔仔麵 $35當你認為只吃魯肉飯太單調，擔仔麵是魯肉飯以外的選擇;) 豬肉丸、鮮蝦、雞蛋和肉燥，配以蛋麵條，很適合想要多種味道的朋友~ 麵條不會過軟，是台灣吃到的味道😋新竹貢丸湯 $20男友每次阿元必點食物👍🏻 雖然只有2顆貢丸，但貢丸彈牙~~ 湯加入了芹菜，香味濃郁，定能整碗喝完萬巒豬腳 $45這絕對是阿元的漏網之魚啊!!! 當日我和男友第一次點這碟豬腳，想不到是切片豬腳~ 每片豬腳上都有一圈厚厚的骨膠原，配上蒜蓉醬

睇電影前約左男朋友係尼間食飯伏到呢⋯⋯點左鹽酥雞，炸魷魚酥，同萬里豬手冇睇到蛋餅（超想食蛋餅）同蚵仔麵線⋯⋯上菜都算快。第一個上嘅係鹽酥雞，食落口居然好鬼甜⋯⋯！！！！而且冇乜胡椒粉果類，入口就勁甜⋯⋯第二個係魷魚酥，都係冇乜粉，魷魚味都唔突出，比較淡第三個豬手，額⋯⋯醬汁係幾甜吓，可能我食唔慣，但係冇鹽酥雞甜啊如果冇點嘢飲真係食唔落，嘢飲仲冇嘢食甜⋯⋯單飲嘢飲這麼係覺得甜得濟，反正單食小食除左魷魚酥之外真系食唔落⋯⋯

早幾日見介紹呢間餐廳,所以今日同個朋友特登去試下。我地去到大概晚上七時，已經好多人排隊，但等左15mins已經可入去。一入去,成間餐廳都好有特色，設計似台灣夜市大排檔，帶d 懷舊感覺,點餐紙亦跟足台灣,連d 侍應都係講普通話.可以響室內舒適既環境下享受台灣街邊小吃。食物方面，味道一流,真係好似行左台灣咁我地點左阿元魯肉飯、香菇肉羹米粉、炸花枝丸、台灣香腸、萬巒豬腳、𩵚魠魚焿、鳳梨綠茶同茉莉綠茶。叫左咁多野食都係200零蚊落樓！真係好抵食！

有個朋友話好想食呢間野，所以就特登出左黎觀塘，見到好多人贊個蛋餅但佢淨係下晝有所以可惜食唔到☹️兩個人食，去到都唔洗等好快入得，但佢d位就真係迫左少少同唔太好坐，今次坐左張四方枱同另外兩個搭枱，本身搭枱個到都叫得多野點知我地兩個叫得仲多野😂都幾難搞🙈入正題啦，首要介紹係兩個主菜，阿元魯肉飯，同埋台南擔仔粿條。兩個份量都唔算好多，魯肉飯飯底夠哂多汁，魯肉入面有些少脆口既唔知乜野但令成個口感提升左冇咁單調，同埋本身個肉唔會話好肥（可能有d人鐘意肥d但我唔鐘意），汁又唔會話好咸適中，成件事唔會話好重口味所以幾岩我👍🏻👍🏻到左個粿條，其實唔知粿條係咩所以叫呢樣，上到先知原來係河粉😂呢個比我感覺就一因爲個湯底真係太多油，我諗睇圖都已經可以見到成層油係面🤮同埋覺得有些少咸，個人覺得佢加左魯肉有d味既話個湯係可以淡d🙊到左小食部分啦，總共叫左三個既，一個彰化肉圓，一個蝦仁餅同埋鹽酥雞🤪肉圓都係貪得意唔知咩黎所以嗌😂結果佢係一舊大大個既粉果🧐冇乜特別不過個皮好厚，係真係好厚我諗差唔多成1cm，不過個波佢配左d汁咁食都幾好食既，不過食完好飽咁姐🙊冇乜特別所以建議大家留肚食其他比較好🤪鹽酥雞方面我自己幾鐘意

話說去完台灣幾日已經好掛住台灣美食，所以去呀阿元來了解解癮。嗌咗一碗阿元魯肉飯($39)，果然正宗呀！台灣嘅美食回憶返哂黎~魯肉肥瘦相間，好有油香味，另外叫咗個鹽酥雞（$35），D粉唔厚，啱啱好，好香口脆身，唔太油👍🏻不過我嫌面頭無乜胡椒鹽味(是我太重口味嘛？🤣)不過兩樣都幾好味，我會再黎襯止止癮～至於裝潢都好有台灣味道，帶點懷舊風呢！

星期六的晚上，觀塘街上靜得很，但7:00店外已排滿了人，人龍雖長，但也不算等太久。一入內，很有台灣的感覺，無論是陳設佈置或是店員的服務，也和台灣相似，感覺親切。食物的價格也似台灣，只是台幣的價香港錢找數。魯肉飯、面都很好味。小吃方面，喜歡炸墨魚和魷魚，很美味。但呵仔煎個人覺得不甚好吃。楊桃汁也很有西門町的感覺，真的很喜歡！總體而言，很滿意，會再來的。

晚市堂食如下 買單119  1)滷肉飯29  滷肉飯份量是台灣的小碗，份量偏小 。2)貢丸湯20  兩顆貢丸 加上一小碗的湯(比滷肉飯的碗小) ，份量極小。 3)柯仔煎35  完全不推薦，基本上40%左右是麵粉，味道差。4)擔仔麵35  份量大概正餐麵食的一半，份量偏小。 總括而言：性價比低(份量小 價錢貴 味道一般)

哇哇哇哇 終於有機會食呢間台灣菜啦🥺呢間呀元來了係香港開左幾間分店 我今次去既係其中一間分店 位於觀塘工業中心首先睇下有咩食先🤩都幾多野食呀🥳🥳再睇下內在環境先暖暖車站 幾靚wor🥳呢度係收銀站 台灣人好似老闆娘餐具既擺放方式都幾文雅🤪等左咁耐終於到齊D野啦😄呀元滷肉飯首推介 好好味 個肉汁真係好鍾意 俾兩碗飯我都食🥺再來係蚵仔煎 覺得太多粉 用料都足既可惜口感麻麻 但都可以過下口癮😂呢個肉丸 其實就係粉粿來 大大個 冇乜特色 食呢個我不如叫粉果食😂😂無骨鳳爪 台灣直接送 但冇乜味 我都唔知食緊乜 個特色唯一係冇骨😅😅鹽酥雞要叫 即叫即炸 入口香脆可口 擔擔肉汁🥳🥳呢度幾多人排隊 好多人慕名前來 雖然呢度係工廠區 幾偏僻 但都幾多人來排隊 食物驚喜不大 但價錢還可接受範圍內🤪🤪 希望下次去台灣食 味道更正宗☺️

自從我第一次在西營盤光顧過台灣菜餐廳「阿元來了」之後，我曾經很想在下次再幫襯「阿元來了」的時候，食一次一直以為「阿元來了」的「紅燒牛肉麵」。可惜後來我再光顧「阿元來了」，才知道「阿元來了」根本沒有「牛肉麵」提供。我還是在「阿元來了」觀塘分店，位於「鴻圖道」地下舖位裡面，看過一次觀塘「阿元來了」的自助點餐紙之後，才忽然真正發現「阿元來了」事實上，根本就沒有推出過，任何與牛肉麵有關的菜式。沒有「牛肉麵」的「阿元來了」，反而更顯得有台灣夜市美食的感覺，或許正正因為台灣夜市裡面的檔攤，也很少有提供牛肉麵，所以「阿元來了」也刻意不在店內提供「牛肉麵」。另一方面，觀塘分店的「阿元來了」門面，竟然比西營盤分店低調得很多，觀塘「阿元來了」門口沒有任何光管招牌，入口旁邊還落了半道大閘。我好不容易成功發現觀塘「阿元來了」內部舖位之後，才發現觀塘「阿元來了」雖然感覺很有工廈食店感覺，但是食店內部的裝修與規模，其實一點也不簡單，我看見觀塘「阿元來了」，模擬台灣懷舊戲院景觀裝修，才知道觀塘「阿元來了」一點也不簡單。雖然我直到今日才知道「阿元來了」，原來根本沒有與「牛肉麵」有關的食品提供，不過回想香港很多台灣菜食

上次見朋友ig的食物相吸引，有機會的去開觀塘試下，黎到觀塘食個brunch 今次終於黎試下，好彩帶左個大食朋友，兩人order 到一枱都係食物，總共係2幾蚊阿元魯肉飯，原來係多了半隻蛋，同白菜仔碗飯大碗d ,味道一樣好味，一半肥肉一半瘦肉魯肉飯一碗細，一半肥肉一半瘦肉，味道岩岩好係台灣帶甜味醬汁個派，醬汁濃綢，之前係台灣食過另一派係湯汁 d 撈飯，汁似湯水 肉多咸味蛋餅皮薄蛋香，包肉鬆正😍甜不辣，似一半年糕，一半魚肉台灣腸，切好一片片，一碟上，賣相靚，油香鹽酥雞香脆內雞肉滑芋圓軟糯合好 珍珠奶茶，正常，沒有咩驚喜香芋奶茶，傳統正常，沒有咩驚喜