阿來泰式地道風味

营业中

休息中

一間喺旺角區泰菜 坐落兩層 下層比較多位置坐兩人 上層就比較多圓枱 同比較多人坐既位置海南雞 例牌 78 蚊海南雞雖則例牌 但份量都多 温度偏向凍食 有成10 舊雞肉 雞肉十分滑溜 而雞皮十分嫩滑 點以泰式辣醬十分美味 泰式內碎生菜包 78 蚊生菜飽既生菜大慨有6,7, 塊 , 而肉碎十分落足料 除左有勁多豬肉碎 同泰國香料 仲有泰式辣椒碎 十分惹味， 因為豬肉同辣椒碎切得十分碎 所以 食落十分有口感 而且生菜十分新鮮 好味 酸辣鳯爪沙律 62蚊大大碟既鳯爪沙律 沙律用好多洋葱 生菜 辣椒 調味 再加上鳳爪十分新鮮可口 連埋凍食既酸汁一齊食 勁正！ 椰青35 蚊大個既椰青新鮮可口 甜度十足 而且椰肉十分新鮮 軟林， 正 食店食物質素高 價錢唔貴 拍得住好食既九龍城區泰菜 值得一試

一講到食泰國嘢，大家梗係會諗起九龍城。不過估唔到喺旺角都有一間餐廳叫《阿來》食泰國嘢都唔錯。呢間餐廳位於旺角先達廣場隔離，地點唔使講梗係超級方便，晚市嘅時候都幾爆滿，不過有樓上座位，唔洗等位。食泰國嘢最鍾意就係飲冬陰功湯，呢度嘅冬陰功湯味道極之濃郁， 除咗有椰香味之外，辣味都唔少，啱曬啲鍾意辣嘅朋友，而且香茅味亦突出，酸酸辣辣，非常之開胃。由於同枱有唔食辣嘅朋友，所以亦叫咗個椰子雞湯。呢個椰汁雞湯估唔到咁出色，奶白色嘅椰奶非常之香濃，配合埋雞湯感覺非常滋滋潤。泰式豬頸肉沙律，呢度嘅豬頸肉燒得非常之香口，由於用咗香茅去醃製，食落非常之清新，亦唔會覺得油膩，再配合埋酸酸辣辣嘅泰式醬汁，簡直係開曬胃。泰式生蝦一定唔少得，生蝦大隻兼爽口。廚師事前用滾水沖一沖再雪凍，食落就更加衛生。呢度點生蝦個醬汁夠曬惹味， 加埋塊蒜片嚟食， 真係超正。泰式鐵板蠔仔蛋，鐵板熱辣辣，上枱後仍然都可以保持蠔仔蛋嘅暖笠笠。蠔仔肥美多汁，而蛋亦都炒得好嫩滑 ，加埋下面嘅牙菜爽脆，口感非常豐富。泰式咖哩炒蜆，呢度嘅咖哩汁微甜加埋蛋花，用來送飯非常正。蜆肉飽滿亦都冇沙， 真係食到停唔到口。飛天炒芥蘭，芥蘭炒得剛剛好，爽脆之

做冬。媽媽話食泰菜 罷煮。😂😂旺角阿來最方便 價錢又相宜。海南雞配油飯～油飯幾好 唔會太油。海南雞肉質都OK 幾入味。炸蝦餅～爽口彈牙 熱辣辣 配雞醬 係泰菜必食。飛天通菜～惹味 通菜爽脆。蒜味香 如果辣點更好。椰子雞湯～Wooo~~~ 呢個好香濃 椰汁fans必試。有雞 菇 蕃茄仔 配料幾豐富。咖哩炒蜆～蜆好大隻喎！洋蔥 青椒 炒咖哩 咖哩味偏淡 辣點更高興 但椰汁味幾濃架。食泰菜 梗係要飲大象啤 啤啤去 爽呀！P.S. 有餐可以揀 懶惰既朋友可以揀。

海南雞份量唔少，肉質好滑嫩而且又冇咩骨，就算冇骨，雞肉同骨輕輕一拉就會分開！食海南雞一定會試埋個醬汁，食個醬汁酸酸甜甜，同個雞肉好夾，又突顯到雞既味道！想食番個菜健康下，食泰國野又點炒得飛天炒通菜呢！依個飛天通菜辣得好惹味但又唔會辣到食唔到，反而係想繼續食落去好有泰國街頭個d小炒既感覺！通菜都好新鮮，唔會老芒果糯米飯有好多芒果芒果好甜又好嫩滑糯米飯上台時仲係熱辣辣既！好香又軟糯！龍眼冰勁多龍眼，香香甜甜好解渴

今日去左行街，行完食個泰國菜。一睇餐牌，哇，好平呀！而且冇加一。叫左個串燒黎食。見到個泰式沙爹醬已經流口水。食一啖，串燒真係攞黎燒既，因為之前食過其他間，用微波爐叮返熱，唔好食。但呢個串燒燒得好味，水份夠，葉得好足料，夠味！惹味！叫埋個肉碎生菜包，大大個生菜，同埋好多肉碎。肉碎吵得好香，加埋生菜一齊食，特別甜，綜合左陣味，完美！肉碎熱辣辣，整個生菜包好香。叫埋個蟹肉芒果炒飯。估唔到芒果都可以炒飯！仲要味道唔錯，甜甜地，泰國菜真係無敵。芒果炒飯擺左一陣都係咁熱，味道香，蟹肉都唔錯。食泰國餐一定要椰青，叫左個正宗泰國椰青，好甜，椰肉一整出黎就可以成塊一齊食。好香滑，好似去左泰國咁，今餐真係滿足！

今次我是第一次來阿來泰式地道風味堂食呢~ 之前是有吃過阿來，不過是外賣的，因為替朋友看店，不能堂食，這次有充裕時間可以慢慢地享受這風味泰國菜。我們先來一盤熱呼呼的馬拉盞炒通菜，味道濃郁帶鹹香，十分惹味，令細嫩爽脆的通菜富有多層次的口感。馬拉盞均勻地沾滿每根通菜上，濃厚鮮蝦味充滿口中，雖然只是簡單的一盤炒菜，但很快就見底了。泰式炒金邊粉色香味俱備，朋友無法克制她的進食速度🙄金邊粉伴以芽菜，香蔥炒，看起不油油亮亮的，吃起來不油膩，她很愛碎蛋 部份，很有家的味道。金邊粉相當有彈性入味，蝦肉彈牙蠻大的，微微辣的金邊粉拌入花生碎與青檸汁一起吃，有一番獨特的泰式風味。我被泰式suki炒粉絲 (牛肉)這名字吸引點了這，哈哈~ 因為很想知道甚麼是suki🙊最後我都是不知道甚麼是suki🤔只看這粉絲蠻多湯汁，應該是濕炒吧! 而且蔬菜份量比一般多😍滿滿鮮甜的娃娃菜與通心菜及滑溜的粉絲吸索濃厚湯汁，濕濕潤潤，香氣引人入勝。牛肉厚度不太薄，很紮實，頗順口，不過肉味卻一般，但整體來說這粉絲很不錯。

旺角勝在夜一夜都有得食, 不知不覺ot 完都成11點，同同事食宵夜，唔想日日都茶記，今日食開胃泰菜，慰勞自己。咖喱炒虎蝦，咖喱有椰香 温和辣度 好好送飯，虎蝦足料。鹽燒鰂魚 好滑，原來魚肚有好多香料一齊燒，配個海鮮酸辣汁一流，但有心理準備要等廿幾分鐘，趕時間就唔好叫。會encore.

喺公司 ot o 到天昏地暗，都唔記得約咗朋友食飯，朋友仲話想去九龍城食泰國嘢添，我心諗我一來一回九龍城都已經唔見咗成粒鐘啦，我食完仲要返去做嘢㗎，諗起公司附近有間叫阿來嘅泰國菜，就叫朋友喺嗰度食吧啦。食泰國嘢又點少得飲椰青啊，呢間餐廳嘅椰青十分清甜，臨尾我都忍唔住再嗌多一個嚟飲。生蝦刺身，呢間餐廳嘅生蝦刺身比起九龍城食開嗰啲仲更加大隻，肉身更加爽甜鮮味，點埋綠色嘅酸辣汁，連埋塊蒜片同埋辣椒一齊食，就係食生蝦嘅最高境界啦。豬頸肉沙律，舊舊豬頸肉都大大塊，重要係厚切，真係厚過其他泰國菜餐廳好多喎，加埋個醬汁酸酸甜甜，好快就俾我哋班蝗蟲食哂。椰子雞湯，平時食泰國嘢次次都係嗌冬陰功湯，今次難得有個朋友想試下新野，就嗌個椰子雞湯啦，估唔到咁喜出望外，一入口，口腔先比濃烈嘅椰子味包圍，跟住係香濃嘅雞味同埋淡淡嘅奶味，我選呢個湯為全餐飯最好味嘅一道。泰式炒通菜，通菜唔會話炒得太辣，味道啱啱好，在坐唔食得辣嘅朋友都食得津津有味，而好辣嘅我連埋佢啲辣椒粒一齊食，立即就搵番自己嘅空間，再撈埋佢面頭嗰啲炸蒜蓉一齊食就更加香口美味啦。海南雞，識食嘅一定係揀油飯啦，油飯混合咗雞油，油香味濃，而啲雞就夠哂滑溜，

光顧過這間阿來泰國餐館數次，每次都保持到水準，值得分享給大家！餐館分上下兩層，個人認為下層較熱鬧及光猛，上層則較寧靜空間感較大，店内設有洗手間而衛生程度良好，橫裝方面整間店牆上都貼滿了食物相片，可謂未開餐先令人唾涎三尺！這裏除了有晚飯小菜,炒粉麵飯,亦有泰式湯粉,飲品有泰式特飲,酒類等等選擇眾多！明爐烏頭魚：最愛的泰菜之一，著迷到自行購買了專用的爐跟魚盤在家自學烹調！此烏頭魚蠻大條，配料都不吝嗇，滿滿的豬肉碎,椰菜,莞茜蔥舖面，一淡魚肉一淡熱騰騰的湯，當刻已不想說話只想享受其中！咖喱炒大蜆：香味撲鼻，鮮甜，很野味！泰式生蝦：排放精緻，蝦的腸泥清除得夠徹底，肉質鮮甜彈牙！生蝦專配的醬汁，其角色極為重要，酸酸辣辣十分過瘾！泰式炒金邊粉：上面灑上花生粒,少量砂糖及青檸汁,更正宗的吃法！蝦仁,芽菜,蛋絲等伴炒，口感豐富！

同兩個朋友叫左個二人餐加個蠔蛋蝦刺身，冇味嘅蝦，口感算爽生菜包，豬肉夠辣夠咸，唯獨覺得生菜唔夠炒通菜，一個set入面有一個菜的確係好細心嘅安排，其他都係肉類，有菜可以令個餐冇咁肥味道有啲辣滷水豬脾，加上個醬就又甜又辣又咸咁，但加埋一齊味道幾特別蠔炒蛋，冇蠔味

今日嚟到旺角行街買東莊行到攰攰地冬天又好鬼凍見到有間泰國嘢裝修幾時正門口己講先就入嚟試下。我哋都係細食之人就嗌咗兩個 送 足夠喇第一個係咖哩蟹麵包， 我個人唔係好鍾意食蟹因為 食蟹好麻煩， 但呢個蟹係軟殼蟹可以成舊食好脆好鬆化。咖哩唔係太辣 天寒地凍正好 暖暖胃泰式豬頸肉沙律， 由於我哋都怕食辣所以叫咗少 辣。成日好多豬頸肉好抵食 配上醬汁甜甜酸酸咁非常醒胃

F先生是一個喜愛到處尋食的男生，如果講同學當中我覺得佢算係唔話得，亦不是女王和兵的關係。共通點就係我同佢都好鍾意食泰國菜！泰式炸蝦餅＄68同圖片顯示的方式有啲唔同，不過同樣炸得香脆，裏面吃到啖啖爽口的蝦肉。味道來說比較有咸香。泰式蝦膏頭油海鮮炒飯＄68朋友的這個飯味道偏辣，如果完全不吃得辣的真的不建議。裏面有蝦粒，炒得非常入味又爽口，如果喜愛辣的不妨選擇。椰青＄38飲咗好多間椰青，呢間都算係最大件，而且好清甜，裏面好多汁，飲好耐都未飲完，夠晒抵！泰式冬陰公湯金邊粉＄36冬陰公湯底材料尚算豐富，不過如果以我食多年冬陰公的經驗，依個湯底係比較淡味，適合一些不能吃太濃味的食客。金邊粉粉味突出，原本在碗裡麵不太分散。反而餸菜有驚喜，另外每個餸另外俾錢，海南雞和豬髀每樣＄10 ,扎肉和生菜分別＄6海南雞幾有特色，同喺新加坡食嘅差唔多。食雞有雞味！豬髀就唔算整得好稔，正常豬肉口感再加埋有彈性嘅外皮，都醃得幾入味。扎肉裏面比較多黑胡椒，好刺激啊。生菜就冇咩特別，係湯嘅底部。龍眼冰＋$11裏面嘅龍眼主要都係乾身龍眼，比較襟擺，味道偏甜。

旺角這個地方可謂美食天堂之一，食店林立，正正如此就會有所比較，比較食物,比較價性,比較環境,比較服務態度，當一切都比下去時，最後還會記在心中的食店又有幾間！分享一間給我印象不錯的食店，屬泰國菜，名阿來，阿來是泰文好好味道的意思，位置於通菜街十分當眼！•咖喱炒蟹，色.香.味.俱全！黃咖喱味道柔和些，相對比較適合大眾口味！味道微辣且帶有椰香，讓人直呼過癮，連手指都啃進口去！•蟹屬肥大，但價錢親民（$298）！•甘香的蟹膏依附在蟹蓋内！•我稱這個為調味三寶，鹹,酸,辣味！食泰國菜不可缺少！•如果自問嘗辣度高人一等，不妨下單時挑戰大辣！•生菜包，生菜清洗得夠乾淨，沒有沙泥，豬肉碎半肥廋，既有口感又不感肥膩，很野味，包生菜伴吃可謂絕配！•泰菜配泰啤是常識吧，不飲酒的朋友椰青都是不錯之選！一餐飯除了環境,食物外，其實我還會留意店內員工態度，試想像如果當你用膳時被無禮對待即使食物再美味最後都會一肚氣離開，然而我留意到這裏的員工除了對待客人有禮，更難得的是員工之間亦會以禮相待，關係滆洽！

見到餐牌推介泰式咸肉炒飯，唸住好味，點知外賣番屋食，一打開見到哋咸肉就知吳方好野，好似食頭咁硬，哋咸肉無左個脆皮，靜番d肉尾，好似食垃圾。炒飯又無泰式，同揚州炒飯無分別，吳值56元，吳會有下次

Dinner for 2 persons, order 咗一碟生蝦，d酸辣汁唔係自家制，好似買現成咁的；一份冬蔭公湯，不過不失，但配料好少，得一隻蝦，好多菇；一碟咖哩炒軟殼蟹，嘩 d軟殼蟹油溢味好重，感覺不太新鮮；最後一碟海南雞飯，配油飯嘅，但d油飯唔香 而且仲好乾。勝在冇加10%，但下次不會再來。