阿來泰式地道風味

营业中

休息中

這天晚上約了家人到旺角吃晚餐，我們決定吃泰國菜。「阿來泰式地道風味」店面：裏面有兩層，人山人海：餐單印刷精美，上面有各種食物的圖片：泰式素春卷＄68形狀精緻，附有醬料。外脆內軟，吃後齒頰留香。辣椒膏蝦頭油海鮮炒飯＄68材料十分豐富，海鮮包括蝦、魷魚等。辣度算是適合，相信很多人都能接受。飯夠香軟，又有飯香。泰式滷豬髀例牌＄78豬髀肉質鮮嫩，容易咀嚼，有咬口。滷水十分入味，又有滷蛋。不錯。椰青＄35椰汁獨特的香味得以保留，很清新。很止渴，而且甜度適中。埋單$747，平均每人$125，沒有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

阿來呢要三個人以上先至可以訂枱，我同男朋友兩個去就訂唔到枱啦，但平日六點幾至七點去都唔需要等位，可以即刻入座，啲嘢食都送得好快全部都好入味，特別鍾意通菜同埋炭燒豬頸肉，又平又抵食

平時食泰菜一定諗起九龍城，今次試下旺角呢間阿來啦😬同朋友叫左叫左五樣野，燒豬頸肉、生菜包、馬拉盞炒椰菜苗、海南雞冬蔭功金邊粉，當然唔少得生蝦刺身👅生蝦刺身好新鮮，唔會有怪味，連埋蒜片同醬汁一齊食，真係Perfect match👍🏻冬蔭功湯底反而遜色左少少，個人比較重口味，味道唔夠辣，可能想配合返香港人口味啦。第一次食炒椰菜苗，原來都好好食，馬拉盞味好香，份量都好多。叫左5樣野 勁飽，好滿足呀，價錢都抵，原來旺角都有唔錯既泰菜，以後唔洗再走去九龍城咁遠😋

年多前同朋友來過吃晚飯，今日突然興起想再嚟食，未夠七時，店內已八成滿座。 🍲冬蔭公湯🌶️（$78/小） 大約可分成4碗飯碗，材料有菇菌、蕃茄、檸檬葉、蝦、其他香料等，我們一人試一點也夠分，鮮蝦彈牙爽口，惹味開胃，香料味道突出，不會太酸或過辣，味道剛剛好。 🥗柚子沙律（$68） 柚子沙律以大蝦、辣椒、檸檬、椰絲、青檸汁撈成的沙律，柚子酸酸甜甜，香辣又開胃。 🍱泰式小食拼盤（$138） 小食拼盤有炸蝦餅、炸魚餅、炸春卷和炸雞翼。 四款小食中，我最喜歡蝦餅，蝦膠夠厚，鮮嫩彈牙，推介！ 其次是炸雞翼，揸得金黃香脆，內裏肉汁鮮嫩配上泰式辣醬吃真的不錯！ 🍳泰式鐵板蠔仔蛋（$78） 蠔仔蛋份量非常足，蠔仔大雖不算很大粒，但勝在夠新鮮飽滿，食落無沙，底下仲有芽菜！ 🍍菠蘿炒飯（$58） 炒飯非常足料，有大蝦、魷魚、提子乾、新鮮菠蘿、雜豆等等材料炒成，飯粒炒得非常乾爽，帶有菠蘿的香味，開胃又好吃！ 🍝泰式炒金邊粉（$58） 賣相吸引，份量頗多，有三隻大蝦伴碟，粉質條條分明，煙韌可口，味道酸酸甜甜，很開胃的。旁邊還有青檸和碎花生隨意添加

朋友剛從外國回來過聖誕，我們同行3人，本身book左其他餐廳，但平安夜大多餐廳坐地起價，加上趕住睇戲，就揾左地鐵站附近這間餐廳，見到價錢合理，環境空曠，所以我地3個女仔就入左依間餐廳試試，頗有驚喜入到見到都多人，但我哋排咗大約10分鐘左右就有位，因為餐廳有兩層，環境空曠，光線充足，不過要同人share枱，建議一大班人去食，更有feel。一打開餐牌，選擇都頗多，基本嘅泰國菜都有，價錢合理。我哋點了泰皇咖喱火山軟殼蟹法包、豬頸肉炒通菜、泰式香芒蟹肉炒飯同一個椰青。321 泰皇咖喱火山軟殼蟹法包 $138必食之一，喺鋪頭嘅招牌菜式咖喱唔算太辣，鹹度適中，有蛋，軟殼蟹尚算香脆，唔會太淋身。503 豬頸肉炒通菜 $72味道還可以但係略嫌有少少鹹，建議配白飯食。豬頸肉幾爽口，唔會太多雪味。407 泰式香芒蟹肉炒飯 $68蟹肉唔算多，芒果幾甜，但唔夠惹味。下次可以考慮試吓其他炒飯。614 椰青 $35夠清甜，夠大個，夠冰凍，解渴一流，建議叫一個黎試吓。成餐飯總共$313，每人大約＄100，餐廳免收加一，抵讚👅好味指數: 6.5/10💸抵食指數: 7/10🍽餐廳環境: 7.5/10👨🏻‍🍳服務質素:

食泰菜叫到一枱都係是常識吧！同朋友再次踏足水準泰國菜館，風味十足，誠意推介給大家！冬蔭公湯（$78/小）吃泰國菜怎能不點冬蔭公湯呢!?酸酸辣辣的冬蔭公湯配上3大隻新鮮大蝦，很難抗拒啊！味道不會很辣，連不吃辣的友人也可以吃到呢！柚子沙律（$68）前菜點了柚子沙律開開胃。配以以大蝦、辣椒碎、檸檬、椰絲，加入青檸汁撈成， 想不到味道如此好，酸辣味道恰到好處，作小食一流。泰式鐵板蠔仔蛋（$78）蠔仔蛋份量非常大，蠔仔新鮮無沙，配埋芽菜一齊炒可中和膩感，不錯！泰式炒金邊粉（$58）招牌的泰式炒金邊粉一定要點，賣相吸引之外，份量亦頗多。金邊粉炒得非常乾爽，煙韌可口，配有三隻大蝦，還加入了花生碎、青檸汁，配在一起，非常好吃。

旺角一向都係美食集中地，泰菜林立。咁揀間多人食既試下啦。雖然多人，但入到去位置都坐得舒舒。就咁睇餐牌，覺得性價比都幾高。珍多冰，椰果好多，夠濃味。椰青勁大個，好清甜，我女朋友連椰肉都食埋。抄菜夠惹味。炸蝦餅，夠曬爽口彈牙，仲要新鮮炸起，特別岩我呢d，鐘意食煎炸野既人。呢個生菜包，勁力推介比大家，份量超多，勁曬味道，酸酸辣辣，勁開胃。生菜仲會分開上，勁爽口新鮮。雞肉抄河，河粉係勁粗身個種，口感好好，又夠飽肚，抵死飽肚之選。

今日去到朗豪坊睇完戲 ，之後就諗住去先達買電話零件 ，之後就諗住喺附近找晚餐 ，朋友就見到喺先達隔離有一間泰國菜館，入面都幾多人，所以就話不如今日去試下。入到去有好多唔同嘅圖片都幾吸引，而且之後睇返餐牌都算多選擇，而且價錢都合理 。最後我哋嗌咗三樣食品同埋飲品，整體嚟講味道都幾好味而且份量都唔細。辣椒膏炒蜆 ，辣椒膏 帶點微辣 ，蜆十分大隻，有點驚喜， 而入面嘅配菜青椒和洋蔥都好入味，食到最後原來仲有唔少嘅蜆喺醬汁嘅入面十分之抵食。冬蔭公炒飯， 平時飲開冬陰功湯， 但今日 就唔想飲湯所以朋友就是在這個飯。黎到似揚州炒飯，都比較乾身， 而且配菜十分之多，都有驚喜。食落去係有少少冬陰功味，但係唔會好濕潤 ，所以廚房炒得都唔錯，而且我哋每人都分咗四碗又多都幾飽肚。馬拉盞炒通菜， 差不多枱枱人都有叫， 通菜都好新鮮，而且馬拉盞炒得好香，唔會太鹹份量十足。椰汁三色冰 ，平時飲開都會好甜冇椰汁味，但這間的三色冰味道都好濃郁唔會太甜，而且入面嘅粒粒好有口感。

其實之前都嚟過這餐廳， 覺得味道唔錯而且價錢又唔貴，仲要好近先達可以返到屋企。。所以有時我哋都會專登過嚟食泰菜 。今次我哋就食咗幾款嘢食，當然味道都保持到水準啦而且價錢都唔係貴 。紅咖喱牛肉 都冇諗過咁大份量， 味道 辣到 唔算好重 ，但係好香椰汁味， 牛肉食落去唔會好鞋身，入面嘅蔬菜亦都好吸咖哩香味 。蒜茸包 ，因為嗌咗紅咖哩必叫， 蒜蓉包係第一次食冇諗過蒜蓉都幾多，而且蒜蓉包十分之脆口。柚子沙律係 差不多每次都會喺泰國舖 叫的沙律， 今次第一次喺呢度食 分量都算好多，柚子 份量多而且吸咗醬汁辣度帶點辣和酸， 而入面有幾隻蝦， 蝦都算好新鮮，唔會好梅身， 再加上入面有香料所以整個沙律十分之開胃。椰汁三色冰 係我哋兩個都鍾意飲嘅飲品， 椰汁味道重而且唔太甜 ，仲可以啱啱解咗咖哩的辣。。整體晚餐都 滿意，會下次再黎。

聖誕前夕兼做冬，同朋友約咗去旺角食泰國菜，希望溫暖一下，搵到嚟阿來泰式地道風味， 呢晚嚟到已經差唔多十點，食宵夜都得啦，但係呢間嘢依然咁多人，應該有佢特別之處。先來一個細冬陰功湯$78,細湯碗的份量，我哋叫咗要加辣的，因為經常食辣都覺得唔夠辣，不過，三級辣都係唔夠辣味，裡面嘅餡料有蕃茄仔，大蝦兩隻，同埋泰式香料，飲落湯係多酸小辣的。蝦肉很新鮮，不過得兩隻太少了。1泰式金不換香辣肉片炒河$58。要趁早食，因為一凍咗，啲金邊粉就痴埋一嚿，但味道不錯，就是大排檔好夠鑊氣的炒河那樣。然而，說它香辣炒河就不對了，因為一點都不辣，不過他的用料充足，有紅椒，豆角，小粟米 條，肉片，而金邊粉凍了就不太好吃，變成了一團粉，所以要食得快啲。泰式肉碎生菜包 $78,非常好吃，味道一流，加了泰式香料一起炒的肉碎還保留了肉汁，不算太乾身。生菜每一片都精心挑選過，非常新鮮，沒有污漬，沒有蟲蛀，和著肉碎吃，很清新的菜味，加上香辣惹味的肉碎，十分匹配，多重口感， 十分推介這個菜式。埋單不用加一，$214, 怪不得，這麼晚還這麼多人在等位，這就是 餐廳之所以客似雲來的原因，味道過得去，價錢相宜，又不用加一，會再光臨呢！

友人說想吃泰國菜，就再次來到旺角這間店（以前都吃過一次，覺得不錯！）而且環境都舒適，有上層座位 就算多人聚會也不用等太久我們點了咖哩軟殼蟹，咖哩的味道適中又不會太辣。而且底部是以麵包盛著軟殼蟹，整個菜可以當作主食~麵包沾上咖哩後十分惹味，而且有輕微烘過增加了口感。蟹夠脆口炸得剛好，不用怕吃到骨，加上炸粉薄身^^泰式雞肉炒粉絲，一上菜就傳來香味。份量比想像中多 加上蛋和蔬菜去炒，讓整體更加豐富。粉絲正常(不會一夾就斷)但稍嫌雞肉肉質比較粗糙，味道軟淡。我們最喜歡的是汁燒原隻魷魚筒，除了賣相一流外 味道亦很好。表面有少許醬汁再燒至微焦，看似金黃色加上魷魚的口感爽厚，感覺新鮮和彈牙。旁邊配以泰式醬汁 帶點酸酸甜甜，令人更加開胃作為前菜甚至小食都一流 (好想配上杯啤酒)飲品必點椰青，為這頓飯畫上完滿句號。喝完去掉所有油膩感 更加清新~而且椰肉夠甜 (一直挖來吃)

首先嗌咗冬蔭功湯 味道幾濃郁 份量算大 雖然系嗌咗小既泰式鮮蝦冬蔭功湯($78) 入面有齊 草菇 蝦 辣椒 香茅 蕃茄 青檸 認真夠哂惹味👍🏻 我覺得偏辣帶微酸 椰奶唔算太多 算系開胃 下飯之選 幾好既

Lunch想食泰國菜，咁啱响先達附近，有朋友推介過阿來泰式值得試吓，所以不作他想，直接入座，反正咁啱唔使等位。今次先嚟一碟泰式生蝦刺身（$98），共有八隻，份量都足，配埋辣椒、蒜頭等配料一齊食，非常惹味又醒神。好想食蝦，主菜要個泰式蒜蓉燒虎蝦（$108）。兩隻虎蝦開半處理，容易食用，最爽快當然係拎住食；加入適量蒜蓉調味，令虎蝦鮮味以外，多咗層次同鮮香。一定要點辣醬，咁先至係正宗泰式風味！仲欠啲碳水化合物，所以點咗蒜蓉包（$25），一客總共有四片，烤得香脆可口，熱氣咗少少，不過又好好味，健康同美味真係魚與熊掌，難以兼得。樓上仲有座位，唔怕行的話可以坐樓上無咁人來人往。

日日出旺角都係食放題打邊爐，於是今日就特別Ｄ～去食泰國菜環境方面； 店面都幾大，同朋友食飯坐落都好鬆動，平日黎講呢到都幾多人食嫁。一黎就ＯＲＤＥＲ左個飛天通菜～食落好爽口，而且好入味ＴＩＭ 唔算好鹹，不過唔食得濃味既朋友加個飯食會好Ｄ＞＜炸蝦餅；呢到既炸蝦餅真係一流！蝦餅炸到外脆內軟食落蝦肉好新鮮，唔會好重油益味，同埋睇落就知唔係用放左好耐既油炸：）軟殼蟹；咁既價錢黎講份量都算幾多，食落好酥脆，咬落仲要淡淡蟹肉，相當唔錯！　飲品方面就叫左個冬蔭公湯同普通凍檸水～冬蔭公湯入面夠晒足料，蝦都係一樣咁鮮甜，另外Ｄ菇夠晒入味！成個湯都唔算話好辣，岩晒我呢種唔係食得好辣既人，抵食：Ｄ

記得之前有朋友提過呢間泰國菜啲嘢好好食，咁啱今日起身又想食泰國嘢，所以就近近地出咗旺角黎呢間食個lunch😆一嚟到門口就見到大大個午餐餐牌，送埋嘢飲都係＄50有找，仲有好多唔同嘅餐架，真係超抵，但係最後睇埋個menu之後,覺得其他嘢都好吸引，所以就冇叫到呢個午餐，唯有留返下次啦😎😎食得泰國嘢就梗係唔少得青檸梳打啦，酸酸甜甜咁幾開胃，而朋友就叫咗一杯咸檸七🍹我哋仲share左份濕炒牛河，啲餸都幾多，有好多唔同嘅菜同埋有啲菇咁，當然就唔少得好多牛啦😎店員仲提醒我哋食濕炒河可以加埋啲辣椒粉調味，咁就唔會咁單調啦😆😆之後我哋再叫咗份馬拉盞炒通菜，炒得好香好好食，馬拉盞亦十分惹味，份量亦都足夠兩個人😋😋最後仲有半打沙嗲串燒，味道都唔錯🍢🍡