阿來泰式地道風味

营业中

休息中

之前同朋友係旺角食完經過呢間鋪個陣朋友大讚 今次終於有機會食下鋪面唔大 但因為我地十二點一開門就去 所以都唔洗等門口仲有張牌寫住特價午餐 相比起menu入面既價錢 真係好抵仲要包杯飲品另外menu都有好多選擇 甚至有二人餐四人餐等一定食等飽 而且每個小菜都唔太貴生蝦刺身($98)必點 都有八隻蝦 唔錯唔錯 比想像中多而且啲蝦好新鮮 又冰涼 再加上好味有小小酸既醬汁 真係好夾 冬蔭公都係必點 我地點左細份($78) 入面配料豐富 有好多香料 蝦 菇 同蕃茄 味道酸酸的 又有小小辣 好開胃 啱曬香港人口味而且都好大碗 我地三個人分都唔會覺得少當然都有必點既泰菜 椰汁青咖哩雞飯(lunch set 價錢都只係$48一上枱就聞到好香椰汁味原本會擔心會太甜 但都冇 反而覺得好好味 椰汁同青咖哩好match🤤 又唔辣 撈飯好好味雖然有唔少調味料 但都有唔少雞 啲雞肉都幾嫩滑 值得試下火山軟殻蟹法包($138)好吸引 唔單止有好多炸得好香脆又唔會好多粉既軟殻蟹 而且啲醬真係好好味 唔辣有小小甜 加上醬既份量又好多 點完軟殻蟹仲可以切埋個包點醬食椰青($35) 好滿好多汁 而且又鮮甜 好滿意 跟餐加五

旺角人多車多，午餐時間唔想等位，又唔想同拉gip黨迫，又唔想食太hea，又得一個鐘，就試試阿來啦！地方尚算寬敞，待應招呼有禮。招牌海南雞(例)，還有半隻同一隻選擇。無骨既雞，食都食得爽啲！肉質鮮嫩，叫例都有雞亦雞脾，真幸運！泰式醬汁少辣惹味！打工必食lunch set香茅豬扒飯配飲品，經濟之選！豬扒啖啖肉，夠大份，有汁撈飯。平靚正炸魚餅即炸，走油，唔脆唔油，跟泰式酸辣醬，食到咀lam lam重點係咩？唔洗得，泰式快餐✌️PS你點其他野都需要製作時間，留意番

經過旺角 見到呢間平民嘅泰國野 好似唔錯 所以就入左黎食lunch😆 青咖喱雞飯 呢個係lunch set 之一 好抵食 $48仲送埋野飲tim！ 青咖喱唔辣 而且好重椰奶味🤤豆角同雞等配料煮得入味 好䭃身冬陰功 （小）酸酸甜甜 微辣 好開胃！入面有番茄仔 入哂味嘅菇 仲有3隻大大新鮮嘅蝦🦐 一定要試呢個湯！回味😍😍 黃咖喱軟殼蟹法包爆醬嘅咖喱加滑蛋 配埋脆卜卜嘅軟殻蟹 充滿住成個大法包 令原本硬硬的法包吸收左咖喱汁 變得軟綿綿🤤泰式香芒蟹肉炒飯內裏有甜甜的芒果同蟹肉🙈份量好大！泰式甜蝦 甜蝦新鮮 配合埋秘製泰式醬 酸酸甜甜帶微辣 好好食😍😍😍椰汁三色冰比較甜嘅椰汁 食到粒粒三色jelly 🤤當然要叫椰青啦！ 食左咁多咖喱 飲啖新鮮椰青水 清清甜甜 爽👍😎

要食泰國野，唔洗去九龍城既，旺角都有得食。阿來泰式就喺先達附近，地舖，好容易搵。餐廳有兩層，整齊清潔。食物選擇眾多😎午餐仲有set添不過我地大貪，想試多啲，所以散嗌！<鹽燒鯽魚>跨啦啦，頂呱呱不枉我等左半個鐘，熱辣辣，魚肉超鮮嫩，魚肚塞滿香茅，香味沖曬出嚟，配上特製泰式醬汁，少少甜少少辣，連骨都想食埋😋<馬拉盞炒椰菜苗>大廚爽邁勁落蒜頭粒蒜蓉，鑊氣十足，加埋馬拉盞，正呀<椰青>食泰國野唔少得飲椰青吧！夠凍，夠青甜，又解辣！一個唔夠，encore !!!

夜晚放工時段出左去旺角中心搵完朋友，就不如簡簡單單係附近搵餐廳食晚飯，有人偏好泰國菜，於是openrice搵到呢間係未食過既，呢條街都有啲野食，有食過呢條街既米線，不過唔知原來呢度開左泰國餐廳。舖店細細，不過平日都有位，原來樓上都有大檯，我仲諗左一陣如果剩係得樓下幾張細檯咪好快無位😅牆身貼滿曬餐牌上既食物相片，有得睇相片梗係食慾大增，搞到好多野都想食！燒豬頸肉、沙爹串燒睇落好似燒到少少焦邊，menu有二人套餐都幾抵食，之但係lunch食得好飽所以我地決定散叫可以自由選擇～首先去到邊間泰國餐廳都要叫既冬陰功，我地叫左一份細既，2個人share都有4小碗，即係每人有2小碗，都好抵飲！味道夠開胃！飲左1碗開始覺得幾辣不過佢既酸中和左，裡面有好多香料，又有好多秀珍菇同埋2隻新鮮大蝦，即刻令冬陰功增添唔少鮮味！蝦真係好鮮甜，唔係一般無味既急凍蝦，讚！而生菜包夾雜住紅蔥頭、蔥、香葉，豬肉炒得唔鞋夠juicy，肥瘦適中，自己鐘意再酸D，加D檯上既調味料就最正！豬肉碎有好多，相比下生菜得5-6塊唔夠包呢～如果多2塊生菜，大概有8塊就perfect!仲有叫左個炒飯，唔好睇少佢，其實呢度叫份量好多！食落口

天氣一凍就好想食辣野，呢間之前食完依家又好想食今次叫咗二人餐泰式肉碎生菜包一上碟見到肉碎隻色淡淡地，覺得唔辣。但我錯了，呢碟菜越食越辣，但有生菜包住沖淡辣味，好啱冬天食，好開胃，食落有香草味，有泰式風味。生蝦刺身每次食泰國餸都好想叫生蝦刺身，好有泰國嘅感覺。生蝦夾著半粒生蒜加辣椒，仲點埋蒜蓉醬，係口中辣起既感覺，雖然朋友成日都溜走個辣椒，但我覺得食辣椒先過癮。🤤燒豬頸肉見到呢一碟，我真心覺得果然係2人餐，好多舊豬頸肉，仲有醬汁可以點。豬頸肉上面有啲香茅味，鐘意食啲上面燒到半脆仲有多香草既豬頸肉。

行開旺角想食泰菜，朋友命紹到阿來食過幾次，質素不錯價錢不貴想食生蝦刺身😍😍😍 $98蝦肉好厚實，上面仲配左蒜頭一齊食蒜頭味道大過蝦既味道不過醬汁好好味，唔太辣可以接受！泰皇咖哩炒海鮮$148有蝦，青口，魷魚，蜆，蟹柳等等最重要的咖哩汁🤤🤤🤤 可以撈三碗飯呀至於海鮮就不過不失，蝦同青口幾好，蜆就有點沙最後是串燒，雞同豬各一半(半打$78)點解無牛架呢🤔 串燒屬於乾身，適合送酒點串燒既醬有點辣，我都係點返咖喱汁😆

因為今晚約左出去旺角睇戲 但睇七點幾 所以就要食個快嘅 食完即刻飛去睇戲黎到旺角 揀咗間近地鐵站口嘅餐廳食嘢 喝間阿來係食泰國嘢 我以為自己未黎過 原來之前都同朋友食過呢間嘅晚飯但今次食之前其實我已經揀定咗目標 要食佢個海南雞飯餐 因為平平地 而我地仲點咗個蠔仔蛋飯添個海南雞飯啲飯就一般般啫我都覺得 個雞有輕微地鞋鞋地 所以個海南飯雞我只可以話比合格分數 但佢有跟杯嘢飲嘅仲 我地就點咗杯熱檸茶黎飲 杯茶就冇乜特別 一般熱檸茶個蠔仔蛋飯呢 啲蠔仔其實比較少 個整個飯嘅份量唔少嘅 但個蛋煎得比較油 食到成咀都係油 但晚飯黎講 五十幾蚊算ok 唔難食 海南雞飯嘅話仲有杯野飲添 算唔錯

夜晚六點半左右到，上左餐廳二樓坐。落單後啲餸起得好快，唔錯～阿來海南雞飯係全日餐：油飯淡淡油香，啲雞好滑😆，同個汁好夾。雞切得有啲幼，但份量滿意。.之後有生蝦～我地都好鐘意食生蝦😍總共八隻，好咬口👍🏻但個汁唔夠惹味😢夠酸唔夠辣。搞到食落口有啲淡味。.火山軟殼蟹法包賣相幾靚😍蟹切左做4件，應該總共係兩隻黎～好味☺️炸粉唔太厚。個包偏甜，還可以啦～咖哩都幾好味，偏甜唔辣，加左蛋，餸得少少菜。餐廳全日唔加一👍🏻七點過少少離開餐廳，門口已經有好多人排隊。

實在太口乾啦，所以先叫左個椰青飲先，椰青都唔錯，夠大個，好清甜，椰肉都唔老，輕輕一刮就食到。飛天通菜份量好多，係3-4人份量，個辣度剛剛好係惹味個種，唔會辣到食唔到，怕辣既朋友要小心唔好食到辣椒。成個飛天通菜都好香，味道豐富，蒜味同辣味平衝，通菜新鮮又好脆。豬頸肉都係好大碟，豬頸肉厚度剛好，口感一流，好爽脆，一食落口就有陣陣燒烤香味，味道唔錯，食到唔同香料既味道。另外有醬汁可以配豬頸肉食，醬汁係咸味為主，不過咸中帶辣，幾好食。泰式臭草炒蛋粉絲聽到臭草依個字大家都可能會驚左，不過依個臭草唔臭，食完個口都唔會有異味。臭草散發濃烈既香味，非常之誘人，香口既炒蛋同豬肉再加上臭草真係好好食，個底仲有好多粉絲食，粉絲炒到乾身之餘又彈牙，好食。

令人糾結的泰國菜 ......一直好鍾意食泰國野，但最近睇中醫，要戒辣戒濃味野!!! 😫😫😫泰國野10樣有9樣都濃味... 食埋今次啦!生蝦刺身是頭盤 😍😍😍蝦肉好厚實，但無乜蝦味不過醬汁非常正，少少酸又唔太辣點左醬汁還可以！海鮮雜錦喇沙米線食開椰香重既喇湯濃湯底，哩碗較清無椰香，湯底酸酸的，係另一種感覺。不過我都覺得幾好味，清d仲好。椰汁冰係每次必叫！哩度既飲品偏甜等冷溶少少就非常好飲喇👍🏻

中醫診治，講求恆心、耐心；所以星期六繼續到油麻地一見中醫師。問過診，又到午飯時間，今次想吃泰國菜，於是走到先達廣場旁邊的>>>阿來泰式地道風味<<<。餐廳在地舖，加上大大隻字的招牌，好容易可找到餐廳所在。 如想經濟實惠，可以選擇午市套餐；不對胃口的話，整本餐牌任意點選。 餐廳共分上下兩層，按個人喜好入座。當日地舖幸好有吉位，冰也懶得往上走了。 這天有點餓，所以點了一客河粉及一碟海鮮。泰式濕炒河粉可自選配菜，從豬、牛、雞、雜菜到海鮮，一應俱全。冰愛海鮮，價錢稍貴(HKD64)，還好味道不錯，輕輕的咸味不帶辣，與港式乾炒牛河有點相似，只是這碟濕炒牛河加入更多蔬菜，纖維更加豐富。河粉份量十足，相信食量較多的朋友，只叫一碟也可以吃得夠飽。 海鮮是餐廳推介的汁燒原隻魷魚筒(HKD78)，等候時間稍長，但美食是值得被期待的。初初以為燒魷魚筒會是香脆乾身的一類，但上碟時見到雪白的魷魚，還真的有夠意外。品嚐一下其軟滑彈牙口感，煞是驚喜，質感比清蒸的還要細嫩，完全不像曾被燒過。 香辣醬汁薄薄的、微微的被塗抹在魷魚之上，雖是薄身，然而辣香非常突出，加上沾點的

好懷念呢間平靚正既泰國菜，今晚終於又食多一次。今次叫左唔同既菜色，睇下有冇驚喜。叫左個例牌既海南雞。例牌都有雞腿同雞翼一齊。正！雞腿肉係滑到一個點。雞肉好香滑，原汁原味咁食，食到雞既甜味。加埋泰式海南雞辣醬，好惹味，越食越開胃。之後叫左個suki炒粉絲。記得上年去泰國，食過間路邊既攤口既炒粉絲。粉絲雖然賣相一般，但個味道係我係泰國食既一模一樣。少少酸味，仲有啲海鮮整到粉絲好鮮。海鮮都落得幾多，呢度既菜色都落足料，呢個係我鍾意呢度既原因。粉絲唔會辣，酸酸地好開胃。海鮮有蝦，蟹柳，墨魚，蜆肉等，樣樣都新鮮。最後再叫杯龍眼冰。陣冰鎮又清甜既味道好過癮。即刻好夏天既感覺。今日好似去左轉曼谷咁，下次會再黎幫襯！

今日早收工，所以同朋友去咗旺角聚會。突然之間好想食泰國菜，所以黎到呢間都幾有名既泰國餐廳食飯。因為我同朋友都唔算好肚餓，所以我哋只叫了三道菜，但都已經超飽，可能係份量好夠！泰式雜錦拼盤其實呢個拼盤嘅份量都幾大，佢有四款炸物！炸蝦餅，炸魚餅，炸雞翼和春卷。蝦餅同魚餅咬落去真係啖啖肉，好juice同一啲都唔乾，另外魚餅食落有少少辣味，好香口！而炸雞翼就好野味，但完全唔覺得油膩！豬頸肉炒椰菜苗椰菜苗真係我最中意食既蔬菜之一！咬落去超有口感又爽口！椰菜味又好濃，我覺得我可以一個人食晒一碟！加上佢既蒜香吊味同有啲豬頸肉香味，真係要比十個like😍👍🏻泰式海鮮金邊粉呢個金邊粉酸酸甜甜，食落去唔會好油膩，而且面嘅質地非常之適中，配合埋泰式嘅香料真係好嘢味又好香！加埋佢個青檸撈落去好清新。龍眼冰和青檸梳打呢一間泰國菜都係我食過裡面比較正宗嘅一間！有機會嘅可以來試吓啦！！😍

去旺角行完街，又攰又肚餓，經過先達隔離，見到阿來泰式地道風味，都幾多人，不過唔洗等位，所以即刻入去醫下肚先～ 我地兩個人叫咗五樣食物，泰式豬髀飯，海鮮雜錦喇沙，青咖喱牛肉，蒜蓉包，同泰式肉碎生菜包～ 上菜速度好快～ 泰式豬髀飯$48份量都幾足，豬髀有六件，有酸菜同滷蛋做配菜，配白飯～ 豬髀有少少脂肪，有軟組織，感覺唔算太肥，煮得好淋，好入味，點埋酸辣汁一齊食，好味👍🏻 海鮮雜錦喇沙$45分量亦都係算多，海鮮有魷魚、蟹柳、青口、同蝦、仲有豬紅同豆腐卜～ 我覺得蝦最好味，都幾爽口，青口都唔錯～ 喇沙湯底唔算太辣，椰汁味比較重，都幾香，米線好滑～ 青咖喱牛肉$68亦係分量足夠，牛嘅份量都好多，青咖喱汁都好多，我地兩個人又餸飯又點蒜蓉包先食曬～ 味道好好，唔算太辣，而且好香～ 推介😋蒜蓉包$25蒜蓉包一籃有四塊，兩塊烤得冇咁脆，兩塊烤得比較香脆，應該係迎合唔同人嘅口味，我哋比較喜歡香脆嘅嗰兩塊，充滿蒜蓉香，又香口，正👍🏻泰式肉碎生菜包$78亦係一樣，份量好足👍🏻 肉碎有口感，味道好，唔會太鹹，亦唔會太辣，包埋新鮮生菜一齊食，好好味，簡直食唔停口😋，亦係推介嘅菜式👍🏻餐廳平民化，分量多，價錢平，