阿來泰式地道風味

营业中

休息中

旺角附角做完占，約左朋友附近食飯，行過呢間阿來泰國野，好似幾多人食咁就排下隊。排左幾分鐘就入得去。 入面唔算好大，但都幾多位，聽到樓上仲有位可以坐。我地二個人，叫左一碟無骨海南雞飯，一個紅咖哩海鮮，一個泰皇咖哩炒大蜆加多個油飯($15)個海南雞飯好快就到左，雞肉比較結實，但係就無出到啫喱膏，如果可以嫩滑d更好，不過點埋個醬汁都唔錯。油飯好香但一啲都唔油膩。紅咖哩海鮮辣度適中，椰香味仲要好勁，用料夠晒足，有魷魚，蝦，蜆，菠蘿，蟹柳等等，配料同香料都好豐富，用黎撈飯食一流！至於泰皇咖喱炒大蜆亦都好出色，個醬汁唔覺得辣但又好有泰式咖喱風味，香料同配料都好豐富，蜆亦都幾大隻，最緊要既係食到一啲好滑既炒蛋好似蛋白咁！雖然啲蛋比較碎少，但係不可缺少的，啲汁會愈食愈想食，撈飯亦都一流。呢個好適合食唔到辣但又想食咖喱既人。食物種類繁多，有d食物更有圖比你睇。

今天與媽媽逛過明愛賣物會，便來到附近的旺角食街 Lunch，最後選了 OpenRice 得獎🎖️泰式食店，質素定有保證~泰式生蝦刺身，色澤明亮剔透，肉質鮮嫩爽口，蘸上特製的酸辣醬汁，提升🦐刺身的鮮香度，加添濃郁香茅及青檸酸味，酸勁辣香，胃口大開! 個人喜歡再配上爽脆蒜片同吃，口感味道更豐富!泰式香芒蟹肉炒飯，🍚粒爽口不膩，混合鮮甜的🦀肉、雞蛋、香芒及青蔥，口感豐富，鹹中帶濃厚的香芒鮮甜味，果香四溢，啖啖香口滋味!海南雞飯，🐔皮爽滑，皮下啫喱狀的肥膏甘香，肉嫩可口，加上特製泰式醬汁，鹹辣酸香，非常惹味，與淡淡油香的黃油🍚味道襯絕!凍朱古力，富甜香不膩的🍫味，甜度適中，冰涼止渴! 跟餐加配只需$2超抵飲!熱奶茶，溫熱暖和，口感滑順，奶香茶香俱備，媽媽最愛!上菜速度快，食物用料新鮮，媽媽👍泰式香芒蟹肉炒飯香甜味美，個人😍生蝦刺身及海南雞飯，加上特製的醬汁，酸勁甜香，令人回味~

已經好耐冇出嚟旺角， 真係唔知去邊度食飯好。 行過通菜街，見到外面有個泰國公仔配襯蘭花，擺設好吸引。所以就入去，試下呢間泰國菜啦！打開餐牌，其實真係好抵食喎！四十，五十幾蚊有一個午餐，有海南雞飯，又有泰式豬腿飯，任君選擇，而且d餸都唔少架，算係抵食。 不過，嚟到泰國餐廳，梗係要食海南雞同埋爐燒烏頭魚。爐燒烏頭相當唔錯，有好多元茜，肉碎同埋姑姑做配料，鋪滿整條魚，超豐富呀！而且魚汁調教得酸度適中，食落烏頭魚，都唔覺油膩。配埋果個3色冰呢…正呀！椰汁味濃。充滿泰式風。除左呢啲，店裡面仲有好多精美菜式，一副副相貼係牆上面，有圖有真相，簡單方面，指俾侍應知就可以落單，方便旅客。食飽行出去，先知道原來呢度最出名係麵包咖哩蟹，下次一定要試呢個先得，望見都吸引。

早兩日已預定了7點，當日我和友人都早了15分鐘，但都可以提早入座。座位比較迫，枱都細張，唔算坐得太舒服，如果一大班人來共膳，可能就會比較嘈，不太合適傾計。食泰國菜，當然要吃辣先係。起初，我們2人叫了一個有推薦的「紅咖哩牛肉」($68)，我至愛的「馬拉盞通菜」($68)，和白飯。因為食咖哩點都應該搵薄餅或白飯配，如果唔係就浪費了個汁。由於沒有薄餅，我地只好share一個白飯。咖哩牛肉上菜，覺得係有少少出入，因為預期好似menu的圖，係用法包裝住。泰式咖哩加入好多椰汁，食落一D都唔辣，仲有D甜添，我個人對甜咖哩非常麻麻。入面除了有一片片牛肉外，還有青豆角、茄子、車厘茄、菠蘿。如果是牛腩的話會更有口感，價錢當然會貴D。馬拉盞通菜好正，雖然係咸，但蝦米炒得好香，加分!之後好似個肚仲有空間，我地叫了「椒鹽軟殼蟹」，有好多炸蒜，送飯一流。不過一個白飯係不足夠用來撈汁撈餸，但如果食得太多飯，又試不同其他了。軟殼蟹炸得一般，淋淋地不太脆，份量應該是隻，分開了4件，中間有膏，食得太多都會膩。

泰國菜永遠食唔厭，因為菜式選擇多，而且有最鍾意既咖哩食。之前食過另一間分店，食過好食之後，就去另一間分店食。叫左海南雞(例牌$78)，青咖哩配牛肉($68)，泰式SUKI炒粉絲配雞肉($58)，芒果糯米飯($58)。海南雞賣相好吸引，皮光肉滑，睇見都流口水。金黃色既雞皮唔會太厚，白嫩既雞肉好多汁，點埋泰式海南雞醬，酸中帶辣。牛肉切成薄片，蔬菜都係細細件，吸哂咖哩既精華。青咖哩雖然辣辣地，但係唔會嗆，非常適合配搭澱粉類既食物，下次應該叫埋蒜茸包黎點咖哩。點之前心諗，SUKI炒粉絲究竟係咩野？原來係指個醬汁，係一種用辣椒，蒜頭等香料調成既酸辣汁，用黎炒粉絲一流。雞肉好大件，配料仲有通菜，芹菜，炒蛋，唔會太寡。因為有SUKI汁，所以炒出黎濕濕地，好開胃。必食既泰式地道甜品！一睇芒果件咁多，就知道起肉起得好乾淨，糯米飯暖笠笠，仲有少少冒煙。淋上椰漿既糯米飯，配埋微酸既芒果，非常香甜，好黏稠。整體，再去多次依然咁好食，咖哩最開胃，而且海南雞雞爽肉嫩，坐得舒服，食得開心。

上星期同幾個友人去食晚飯 我地book定枱有得坐樓上無咁逼 啲嘢食份量都幾多 特別係個串燒拼盤幾好味 海南雞啲肉都幾嫩 不過個泰式咖啡就一般 有啲苦又甜咁 我自己覺得無太好飲 不過overall都幾抵食!

香港人出名鐘意食泰國嘢，入到嚟梗係要食返啲必叫嘅嘢食店員入座前先同我哋講話：用餐時間係90分鐘入到嚟果然係座無虛席，所以我哋都即刻落單，驚啲嘢食會好遲先到我地叫咗半隻海南雞，一碟飛天通菜，原個椰青水同白飯海南雞最先到，黃色嘅雞皮亮麗到反光，忍唔住吞大大啖口水半隻雞有雞翼位，雞胸同雞髀，就算係雞胸，肉質都幾滑嫩點落個醬汁度，帶有點薑味，醬汁鹹香但又唔會蓋過雞肉本身嘅鮮皮下脂肪都唔會太厚，食落唔會有罪惡感飛天通菜好辣好猛料，啲辣椒係堅嘅炒到啲菜好入味，不過一個唔留神就會俾啲辣椒嗆到原個椰青好清新，椰青水味道天然帶甜，椰肉爽滑懷念嘅泰菜都食勻哂，最後再慢慢食埋個椰青當甜品真係perfect

嚟到呢間餐廳，一入到嚟已經聞到好香嘅味道，小菜全部炒得好香我哋叫咗個招牌菜，泰皇椰香咖哩炒蟹，一上枱真係香氣四溢大大隻麵包蟹上面有厚厚嘅咖哩醬汁，一試，勁香椰汁味，唔會太辣或太甜，用嚟撈飯真係一流揭開蟹蓋之後見到入面嘅蟹身，斬開四份，可見本身隻蟹幾大隻先試咗佢蟹鉗嘅部分，肉質好結實，蟹肉配上咖哩味道好夾仲要蟹段都用過粉炸過，之後再加咖哩一齊炒香，所以吸收咗好多醬汁蟹身方面，肉厚，肉質雪白一梳梳，食落實在lam lam脷

朋友怕辣，但係又想食泰國菜，記起旺角呢間泰國餐廳，食物款式選擇多，可以點到啱心水嘅食物。六點左右去到，餐廳已經差唔多滿座，仲有唔少人排緊隊，好彩我地有訂位，可以即刻入座。先點咗個泰式小食拼盤 $138，賣相非常吸引。裏面有春卷、雞翼、蝦餅、魚餅，各有4件，可蘸甜酸醬。春卷餡料幾特別，除咗有蔬菜之外，仲有d粉絲，增加口感。雞翼煎到金黃色，唔會太油膩，層皮脆卜卜。蝦餅、魚餅都好大件，炸到外脆內軟，壓得好結實，咬落唔會鬆散。魚餅比較重香料嘅味道，建議留到最後先食。食泰國菜必點串燒沙嗲(半打) $78，豬肉同雞肉各有3串。燒出黎肉質仲係好嫩滑，特別鍾意個沙嗲醬，唔會太辣，甜甜地，非常適合我朋友。食到最後熱熱地，叫咗一個椰青 $35，好清涼，用匙羹刮埋d椰肉出黎食好正。鋪頭店面大，出咗地鐵站轉入街就見到。牆壁寫滿推介美食，遲d有機會必會再黎食餐好味嘅。

嚟呢度樓上食嘢，感覺好多人好旺場，不過好彩空間都好夠一開始叫咗個小食：沙嗲串燒人少少叫咗細份嘅，半打串燒入面有3串雞肉三串豬肉沙嗲味好香濃，仲食到好重花生味，醬汁又唔會太稠豬肉串厚身多肉，夾埋沙嗲醬好襯雞肉串入面雪白嫩滑，燒完後都唔會太乾身另外主食就叫咗個濕炒河粉，河粉係切得大小不一嘅個種，好滑入味上面有好多配料，芥蘭，秀珍菇，豬肉片，玉米筍，滿滿嘅醬汁上面仲灑上一啲胡椒粉吊味撈勻咗之後好惹味，調味啱啱好唔會太鹹，搞到食完一碗又一碗叫咗杯椰汁三色冰，椰汁味道新鮮天然，唔似罐頭椰漿，飲落QQ哋，有泰國風味

放假同朋友去旺角行街，差唔多到晚飯嘅時間，經過呢間專食泰國菜嘅阿來泰式地道風味餐廳，見好似幾抵食，就決定喺呢度食晚餐 晚飯時間成間餐廳都係客人，感覺好熱鬧餐牌上面嘅食物款式好多，有套餐，亦有散叫，價錢都非常親民，見到啲相碟碟都想食，同朋友都商量左一陣，最後決定散叫餐廳非常貼心，可以比客人調教辣度，令到唔食得辣嘅客人都可以食到美味嘅泰國菜食泰國菜又點少得飲椰青，我同朋友一人叫咗一個椰青，咁大個椰青都係$35，平過好多泰國餐廳，一般泰國餐廳都買成四五十蚊。椰青好夠凍，而且非常清甜。我哋叫咗個辣椒膏炒大蝦，咁大碟都只係一百蚊鬆啲，一碟都有成七至八隻大蝦。隻隻蝦都好大隻，而且好新鮮，爽口彈牙。用辣椒膏炒完特別香，小小辣得黎，好惹味，個汁同大蝦非常之夾既然個汁咁好味，梗係要叫蒜蓉包黎點汁食，蒜蓉包一籃有4塊，塊塊都好大塊，而且好香蒜蓉牛油味，點埋個辣椒膏醬，簡直一流整體來講，食物質素唔錯，價錢非常親民，食得好開心嘅一餐

今日約了老死食飯，佢鐘意食泰國，我就紹介佢去一間 「平！ 靚！ 餐廳」 試吓囉！ 餐廳名叫「 阿來泰式地道風味」 ， 位於旺角通菜街97號地舖， 位置都算方便， 旺角站D2 出口， 步行數分鐘就到啦！ 餐廳提供多種菜色任君選擇！ 叫咗個海南雞例牌， 份量十足， 雞肉嫰滑， 加上秘製醬汁一齊食， 特別惹味， 好食呀！ 傳統嘅《泰式炒金邊粉》 ， 味道偏甜， 好啱我口味， 加上多種材料一起抄， 味道豐富，當然炒得有鑊氣最重要啦！ 仲叫咗《馬拉盞炒椰菜苗》， 椰菜炒得嫩口， 咸淡適中， 菜苗新鮮， 十分鮮甜爽囗， 加上馬拉盞炒， 特別香呀， 味道一流！ 餐品係青檸梳打， 味道清甜， 飲完特別涼快 ！

成日都叫老公同我去bangkok嘆世界，點知佢無一次聽我講...今日突然mood列，即刻拉佢去食泰國野，我search到有間哈哈笑好多，就去試下啦！餐廳係先達對面，係小店一間，六點幾已經好多人啦！行到身水身汗，整杯龍眼冰先，龍眼冰唔係好甜，龍眼肉漲卜卜。香芒蟹肉炒飯：起初睇左好耐以為比錯左我，以為係咸魚雞粒炒飯，說好的芒果呢？原來已經切到細細粒，蟹肉已經切成一絲絲，味道有d咸咸地，但加上芒果，會變左甜甜地咁，中和左個味道。豬頸肉炒通菜：用左少少馬拉盞黎炒，所以有dd辣，豬頸肉無乜肥肉，油份都唔多，用左炒菜增添左肉味！泰式炒金邊粉有乜理由唔食呢？呢個金邊粉好好食，除左有大大隻蝦之外，味道仲一流，甜酸辣夾集，令人異常開胃！金邊粉仲薄身，又幼，加上煙煙韌韌，正！泰式小食拼盤：有春卷、炸雞翼、魚餅等。每件大大件，$138都唔算貴，幾豐富架！特別推介下個魚餅先，魚餅咸咸地，香茅味幾重，有魚露、少少咖哩辣味加埋檸檬葉，令魚餅好惹味！我地諗左好耐食唔食得落，最後都係叫左半打串燒，六串，一半豬一半雞，無牛的。沙嗲醬唔使另外點，已經淋晒落串燒度，夠晒醬，平時的要另外點，得頭頭有，尾部好少點到，沙嗲醬甜甜

見呢間餐廳成日都鬼咁多人等，今次晚飯時間，咁啱見到有個二人位，可以直入唔駛等所以就即刻衝入去啦！餐廳唔算好大，但就乾淨企理！見到有我最愛嘅柚子沙律$68即刻二話不說，落左單先！唔好講笑，份量都幾多蝦大大隻，食落鮮甜又爽口，配埋啲酸酸甜甜嘅醬汁一齊食，開胃又惹味!之後再叫咗個燒豬頸肉，同樣係大大份！食落爽口，加埋啲辣汁一齊食，正！最後再叫咗份沙嗲串燒$78，一半雞一半牛，沙嗲醬惹味得嚟，又唔會辣！大人細路都啱食食泰國菜又點少得椰青$35哩清甜又多汁，超解渴價錢唔算貴之餘，份量仲要多！抵食！

早幾天跟友人聚會，路過發現這兒原來有家新的泰國菜館，今天上課後就忍不住過來光顧😄金柚鮮蝦沙律68有沙律蒜片椰絲洋蔥等材料，🥗柚很多汁，蝦肉新鮮大又彈牙，有辣椒調色但不辣。泰式咖哩火山🌋軟殻蟹法包148這種面包包著咖哩菜式的食法，已興一段時間，唯其歷久不衰，還是十分受歡迎，深受大家愛戴。咖哩汁很豐盛，不嗆喉，沾著外面的包包吃，索盡香濃咖哩汁，超惹味呀🤤唯包包像個大餐包質地，可以更香脆呢！軟殼蟹份量不少，雖是油炸，但吃起上來不算油膩，反而很可口美味唷！熱朱古力17沖得均勻，不過甜。熱華田17不過不失，還令我想起兒時。食後感：裝修簡單，價廉物美，不設加一。