阿來泰式地道風味

营业中

休息中

朋友自遠方來話想食泰國菜, 咪諗住搵下佢住個邊有咩好介紹啦. 見到呢間都多人讚就黎試下, 點左幾個招牌菜,  香芒蟹肉抄飯, 火山法包軟款蟹, 蝦餅, 黃金抄大蝦, 冬陰功湯.香芒蟹肉抄飯得幾粒芒果, 蟹肉我要好細心慢慢搵先搵到幾條,完全冇哂呢個飯應有既味,好似食緊普通抄飯咁 火山法包軟款蟹係用黃咖哩汁,食落無咩特別, 蟹肉中間黑哂,唔知係咪唔新鮮,咖哩汁亦調到唔似食緊咖哩. 蝦餅係唯一覺得好食既. 外脆內軟. 不過表皮有少少燶.黃金抄大蝦, 冬陰功湯都係一般,不過不失唔再評論.成晚我朋友都唔多食野,可能見到唔多吸引, 只係食左幾隻黃金蝦. 食完我地仲要去宵夜補返.總之呢間鋪比我地既体驗真係唔好. 唔會再黎.

同男朋友去街，佢話想去食左個lunch先，又話要食海南雞飯。見呢間好多人讚甘就一於試下啦。。我地行到過泥都2點啦。不過一心食海南雞，所以坐低就點左一份。再加份豬脾飯，因為都好吸引！海南雞飯油飯好香，食落一啲都吾油。又香椰汁🥥味。好好食！點雞飯一定要加10蚊轉雞脾。我地今次就係無加。錯哂。你睇下啲雞切到好大件，雞胸位，好鞋！完全吾無意欲去食。所以轉部位好重要！豬脾飯應該有成隻豬脾，汁好好食！下面仲有哂酸菜。份量好多，成大碗飯。女仔就應該太多。男仔岩岩好！豬脾吾算好鞋，好入味都淋。。好食既珍多冰次次食泰國野都想飲，但到底下面一粒粒同一條條係咩？不過呢杯椰奶味夠，吾太甜。好飲不過呢度坐得有啲迫，二人要搭枱，同好熱較焗。。

今晚又約咗老友出旺角開餐，約咗係先達廣場等，朋友話見到小巴站附近有間食泰國菜的餐廳，想試下，叫就去食啦！但今天我喉嚨有少許痕，唔多敢食辣野，打開餐牌就叫啲唔辣嘅食物啦！首先，叫咗個柚子蝦沙律，啲蝦好大隻呀！柚子不是碎上，啖啖柚子肉，好醒胃！我的至愛，泰式咸魚炒椰菜苗，椰菜苗勁新鮮，嫩口，咸魚大大粒，粒粒見到，好香口！又大碟，勁抵食！海南雞例牌，雞身好嫩滑，個醬汁好惹味，兩者加埋一齊食，絕配！泰式炒金邊粉，炒得好好呀！金邊粉之間不會黏在一起，不油！芽菜爽口，雞蛋絲香！葱絲，紅蘿蔔絲加埋一齊炒，色彩好靚，見到都好醒胃呀！餐廳食客不少，有上下兩層，張張爆滿，門口還有不少客人在等！服務員態度亦非常友善，笑容滿面！

呢排突然口痕想食泰菜，但又唔想特登走到去九龍城食，咁岩經過先達附近見到有間泰菜，入去食個泰菜Lunch過下口癮先😋Lunch既價錢好平，都幾抵食，而且供應時間仲好長，由12點去到5點30都有得食🤣下次晚飯時間早d黎食個lunch set都仲得😋唔食Lunch set都仲有好多選擇，就算散叫都唔算貴喎😆豬脾飯，豬脾好滑好入味，配埋個泰式辣汁一流😋馬拉盞炒通菜😋😋香口惹味，微辣，岩哂唔太食得辣既我🤣而且仲好大碟！仲叫左個我至愛既椰青焗飯，好足料好有份量😍每啖飯充滿住淡淡既椰青味，又有好多蝦， 魷魚，同埋椰子肉😋最後由於好有份量，兩個人食唔哂，所以要打包返去繼續食🤣實在太抵食喇🤣

地點方便,環境整潔,服務快,食物選擇多,價錢相宜,味道不錯,餐廳有兩層,坐位舒服,茶餐廳風格,lunch$40~$60,包飲品,餐湯,餐飲香茅冰不用加錢,紅豆冰要加$5,也有其他泰式飲品,餐湯是冬瓜湯,胡椒味突出,泰式風味,吃不到辣的朋友覺得胡椒味辣,炒金邊粉是茄汁味,份量多,金邊粉口感QQ,味道甜甜地, 唔伏, 有少少肉絲,泰式豬手飯不常見, 很多骨膠原, 酸菜配飯很開胃,豬手汁惹味,不用點甜酸汁,份量剛好,

泰國菜 小胖男友真係百吃不厭 上星期我地仲捉埋媽咪一齊去食 3個人可以食多d野嘛有小胖男友在場 必定唔會少得冬蔭公湯叫左個細既冬蔭功湯 估唔到收埋左咁多料 足足有三隻蝦咁多 岩晒我呢個蝦殺手湯夠酸夠辣都唔錯媽咪揀左呢個無骨海南雞飯 小妹食左雞翼同油飯 覺得都ok最愛食貝殼類既小妹我就揀左咖喱炒大蜆(🌶) 蜆肉飽滿好大隻下次有機會要試下辣椒膏炒大蜆(🌶🌶)辣d應該更惹味媽咪本身唔食牛 呢度既串燒就岩晒佢 分豬同雞兩種 可以叫半打或一打 本身燒好後已落左沙嗲醬係面 啖啖肉食得馬拉盞多 今次想攪攪新意思 炒左碟靚菜 飛天椰菜苗(🌶🌶)爽脆既椰菜苗用辣椒同炸蒜爆香 味道都幾辣下 不過真係炒得好惹味好食

星期日一家去行完上海街睇燈式。到了食飯時間四圍的餐館都要等位,大家就決定今晚食泰國野啦上次叫了咖喱炒蟹一般般,今次試下咖喱軟壳蟹🦀。好味比上次好食好多,一啖一啖食,重點吾洗整污糟隻手泰式生蝦,蝦肉超彈牙,冇雪味。個汁酸辣適中。海南雞都好好食重有叫左一打豬雞串燒,沙嗲汁吾夠惹味,豬肉好鬼鞋,真係一般般,所以吾影佢。

吃泰國菜，除了去九龍城外，旺角也有不錯的選擇。今天去了阿來泰式地道風味吃晚飯。餐廳位置臨近先達和旺角站D出口，交通也是十分方便。打開餐牌後，除了各式各樣的菜式外，餐廳還提供了套餐優惠，讓食客選擇。是次晚餐則點了四道菜式。首先是泰式飛天通菜，通菜炒得爽脆，醬汁調味不錯，入口帶點微辣，加上乾蔥頭作伴碟，令通菜變得更惹味可口。其次，我更點了餐廳的推介菜—泰式鐵板蠔仔蛋。炒蛋入口帶點咸香味，加上蠔仔的鮮味，令人忍不住一口接一口地吃掉。另外，阿來的青咖哩表現也十分出色，咖哩味道香濃，除了帶有惹味的辣味外，更有豐富的椰香味，加上豐富的配料，如雞肉、四季豆和茄子。是用來配白飯的佳品。此外，我更點了香葉辣椒肉碎伴白飯，肉碎配以香葉和辣椒炒成，吃下除了香口之外，香葉更令到肉碎的味道變得更為豐富。煎蛋也是控制得很好，蛋邊煎得香煎，蛋黃更是半生熟的，表現不錯。總括而言，餐廳的泰菜選擇很多，在不收加一的情況下，也能保持到價廉物美，實屬不錯。

今日大膽撇底老婆, 同個兄弟去左旺角食泰國菜.老友食飯, 梗係第一時間啤啤佢啦, 至於啤幾多… 在心中喇 食肉獸兄弟點名要食火山軟殼蟹法包, 隔離左右吾覺有人食, 不過都即管試下, 哈, 又吾錯喎!賣相係有啲吾夠靘, 不過勝左個餡夠正. 啲軟殼蟹夠晒大隻, 炸得好香脆, 吾會油林林new 開裡面, 咖哩汁多到滿瀉, 又有芹菜又有洋蔥, 好豐富, 味道非常夾.必食海南雞, 掂呀, 夠晒嫩滑, 但例牌原來真係吾夠2隻食肉獸食, 下次起碼要半隻先得泰國菜例牌必叫冬蔭功, 呢間都煮得吾錯, 有蝦有菇有蕃茄仔, 睇落足料味道亦可以.有啤酒自然有蝦餅 (吾好問, 總之一定要有)呢個蝦餅size係我食過咁多間泰國菜最大件.3件大大件對開, 我真係未試過覺得一碟蝦餅係夠食, 呢度好得, 有誠意炸得OK香口, 又OK彈牙, 幾好呢間鋪啲食物得呀, 又吾貴, 下次可以帶老婆嚟

好耐無食泰國菜, 早幾日行街時經過見到呢間鋪好旺, 望過下佢個餐牌又都好似吾錯, 今日收工就捉左好同事陪我去食啦, 哈哈.我地 focus 係2人餐, 心大心細左一陣, 最後揀左$378果個餐, 因為同事想飲冬蔭公湯上菜勁快喎, 5分鐘吾洗碟海南雞就上枱了.吾係講笑, 真係睇到都feel 到佢滑, 個醬要讚, 超好味, 微辣, 好開胃跟住到冬蔭公湯, 個湯都幾足料噃, 3隻蝦, 大大隻, 仲好幾彈牙, 酸酸辣辣都OK好味. 個飛天通菜炒得好香呀, 又夠辣, 一D都吾油添, 非常之咁得炸蝦餅好大件, 但厚得嚟質感吾算實的的, 好香口,食左咁多濃味嘅嘢, 青咖哩牛肉最後先上就顯得淡左 D 添… 入面配菜料都好多, 牛肉亦夠嫩滑, 不過可以再辣DD.個青咖哩勁多汁, 可以當湯咁撈晒2碗白飯, 哈哈.跟餐仲包2杯餐飲, $378 真係抵食, 今餐又食多左…

成日都黎呢間到食，貪佢平靚正。平時都係每人叫個飯就算，但呢排做多左運動，係冇輕既情況都決定叫得肥膩d開心下~❤️麵包軟殼蟹 $148呢個之前叫個有時會水準麻麻，今次水準幾好。個蟹勁熱，又多蟹肉又多膏，好好食亦唔會太咸😋咖哩唔辣好杰身，但個包就有d朝如果熱d同軟d就perfect ❤️蟹肉香芒炒飯 $68芒果鮮甜，飯亦炒得乾身，但蟹肉冇之前食過甘多，有小小失望🙁但整體都不錯，同亦唔多油。加上呢個飯相對淡味d，將麵包軟殼蟹d咖哩撈埋一齊食就一流！🤤❤️青木瓜絲沙拉 $68好新鮮，當呢一餐既纖維，因為泰式既炒菜都偏向重口味同油食呢個相對好d。再加上佢酸酸地又係冷盤，都幾開胃。但佢偏辣，一定要少辣！雖然份量算多，不過感覺比之前少左🤔2個人食哂勁飽，價錢亦接受到😂可以平有平食，貴有貴食甘

我諗嚟到旺角食泰國嘢都冇人唔識阿來喺電腦商場對面好方便 正正就喺旺角中心隔離嗰條街 平時七點左右就會開始有少少嘅人龍 但係都唔算長可能等三至四個字都已經有得入豬頸肉豬頸肉好淋身 分量亦都適中 肥瘦都好均勻 唔會話有一舊肥肉集中左係一邊 只係如果有少少碳燒味嘅話會比較perfect 辣肉碎生菜包碟肉碎好似唔駛錢咁 大到可以送兩碗飯生菜份量係只係會夠食四分之一碟 另外加生菜要比錢所以冇特別去加 能夠說佢比嘅碎肉真係好多好多好多😂終於黎到重頭戲軟殼蟹咖喱麵包入面總共有四大大嚿軟殼蟹麵包都好淋身出邊有少少脆咖喱以椰香為主 講到最解渴嘅飲一定係飲鹹檸七 我覺得所有野都係average 冇咩特別要求又想平民價 就會推介俾大家多謝睇晒咁長既食評

太耐無食，又掛住湯金邊粉的湯底就黎左呢度。食左個清湯海南雞金邊粉同炒金邊粉，加左杯泰國咖啡。湯金邊粉的湯底清甜，炒金邊粉失色左，炒完係糊埋一舊舊，濕濕的。泰國咖啡好好好好甜，甜到放棄了

次次路過都見到阿來泰式地道風味門口好多人排隊等，今日早左D收工，同朋友決定食番個靚靚泰菜~食左$68既柚子沙律，$108既咖哩炒軟殼蟹，$68既飛天炒通菜，$54既阿來海南雞飯，仲有椰汁三色冰。個椰汁三色冰都幾大杯，用長匙輕輕一勺都見到好夠料。唔會過甜，幾好喝。阿來海南雞飯值得推介，雞肉嫩滑，黃油飯夠香。女仔一個人食係夠飽既。飛天炒通菜，通菜好新鮮脆口，亦都夠辣得夠惹味，份量十足。柚子沙律，兩隻大大既大蝦，金柚份量非常足，一D都唔吝嗇!個人認為係非常開胃惹味既沙律，酸酸辣辣的~咖哩炒軟殼蟹，軟殼蟹炸得夠香脆，唔油膩，亦都好大隻。咖哩夠杰身，一睇就知用料足，唔會好似水咁稀淡，最衰我地都飽飽地，唔係實加個包去配汁黎食~~埋單時將近食飯時間，門口已經開始多人排隊等候，想食既朋友最好早D黎啊~ 侍應有禮，反應快，餐廳環境光猛舒適，上菜速度都夠快~是愉快既一餐~!

同朋友係旺角行街 行到餓 就去左附近間阿來泰式食lunch餐廳有啲泰式嘅餐牌做裝飾 都幾得意🤟🏾 叫左例牌午餐 $48嘅午餐都幾抵食👍🏼叫咗一個泰式燒豬頸肉 另一個係泰式炒金邊粉燒完嘅豬頸肉特別香口野味 肉質都唔會太韌 配埋個特色泰色醬一齊食幾送飯另外炒金邊粉都好有鍋氣 炒得不錯 份量好大 配料算多 有魷魚 蛋 牙菜 花生碎 食之前加少少青檸汁 酸酸地幾開胃 連埋花生碎一齊食口感幾豐富見好耐冇食過泰國小食 就同朋友叫左兩個小食 一個係生菜包 一個係蝦餅生菜包啲肉碎幾入味幾正 帶點兒香草味😋而且仲好大碟 肉碎整體嚟講係幾辣 不過又食很幾口香 刺激味蕾 食咗好多蝦餅係新鮮炸出黎 咬開出晒煙 熱辣辣特別好食 而且蝦肉仲好厚 不過擺得耐凍左就覺得個皮韌左少少 但整體上配埋個泰式蝦餅醬一齊食都唔錯