阿來泰式地道風味

营业中

休息中

心血來潮想食泰國菜，但又不想走到九龍城，最後選擇到旺角「阿來」開餐。這裏的精選午餐非常抵食， 全日免加一 ，選擇多，價錢也只是HK$48(包飲品)。 泰式無骨酸辣鳳爪沙律鳳爪的分量非常多，味道酸酸辣辣，口感爽脆彈牙，配上爽脆的沙律菜條，吃後胃口大開。蒜蓉牛油雞中翼 雞翼入口非常香脆，帶有濃郁的蒜蓉及牛油香味， 而內層雞肉肉汁豐富，口感香滑，讚。 香辣肉碎煎蛋伴白飯肉碎炒得非常夠鑊氣，味道辣辣的，不會炒得過份乾身，入口時口感濕潤，佐飯一流。阿來海南雞飯 我特意多加HK$10變成雞髀，雞件入口啖啖肉，雞皮滑溜不肥膩，雞肉鮮嫩，份量足。

好耐冇食過泰國菜啦！今日就約咗一大班朋友一齊嚟到呢間抵食嘅泰國菜啊！原來餐廳除咗地舖之外，仲有2樓！2樓環境比較靜，適合我哋嘅傾計食飯沙嗲串燒呢個串燒有雞、牛、豬肉，燒得唔會太乾，仲juicy，而且份量都幾多，沙嗲汁滿滿，好惹味，好食！泰式木瓜絲沙律呢個沙律酸酸辣辣，木瓜絲切得好幼細，爽口之餘亦都好開胃！做頭盤一流！泰式滷豬脾平時食泰國菜比較少食呢個菜式，估唔到都有驚喜！豬髀炆得好腍，有入口即溶嘅感覺，滷水汁亦好入味，又唔會太咸，唔錯唔錯！火山軟殼蟹法包呢個菜式一上枱已經覺得好震撼，法包配上熱辣辣嘅咖喱汁，仲有炸軟殼蟹喺上面，好豐富！而法包點咗咖喱汁食，亦都好夾，好好味！泰式炒金邊粉食泰菜又點可以唔嗌炒金邊粉呢！呢個金邊粉炒得都幾靚，而且好香！配埋花生碎同青檸汁撈埋一齊食，唔會太辣，反而有酸酸甜甜嘅感覺，好開胃！馬拉盞炒通菜通菜炒得乾爽，配埋馬拉盞鹹鹹地，送飯一流呀！呢餐食左咁多野，每人除返都唔貴！但味道質素都幾好，抵食！

同朋友行完旺角就尼呢間餐廳食下泰國菜。Menu 入面好多選擇，又唔貴！全部都好吸引呀！-辣椒膏蝦頭油海鮮炒飯炒飯好惹味，而且配料豐富！因為叫左少辣，食落唔算太辣。但原來食多幾啖，辣味先慢慢滲出，好彩有叫杯冰凍嘅龍眼冰解解辣啫😂食得辣嘅朋友，不妨試試正常嘅辣度-椒鹽軟殻蟹軟殻蟹肉質唔錯，都幾厚肉。椒鹽味道好惹味，可惜唔夠乾身。如果份量多啲同乾身啲就好喇。-黃咖哩牛腩煲牛腩味道唔錯，口感都好好。入面有好多燈籠椒，洋葱等等嘅配料。不過咖哩就一般喇，味道不過不失啦。-蒜茸包蒜茸包都係咁嘅味啦。值得一讚嘅係佢好厚身，攞尼點剛才嘅黃咖哩，吸滿哂啲咖哩，正呀！-龍眼冰龍眼冰嗌少冰真係少冰，不過得好少龍眼肉，覺得唔夠侯，得個甜字，爭D

餐廳在先達附近，不算難找，店舖地方不大，但好像還有上層地方可以入座。我們2人選了這些：(1) 泰皇咖哩炒大硯咖哩好好味，值得一試，要配蒜蓉包一起食。硯肉大大粒，幾鮮味，但數量不算多。(2) 馬拉盞炒通菜幾大碟，切得比較細條，這樣容易夾。(3) 泰式豬脾飯豬脾肉好肥，感覺好油膩，可以不試。(4) 蒜茸包有4件，咖哩類的必要配搭，好濃蒜蓉味，不錯。

好耐冇嚟過食阿來泰國菜🤤🤤今次過開旺角嚟食lunch🍜叫咗冬蔭公金邊粉配豬頸肉上次食過喇沙，今次第一次試佢地嘅冬蔭公湯。酸度適中，而且唔係好辣湯底唔算好濃郁清清地反而我覺得幾好味👍🏻👍🏻但金邊粉就唔夠淋上枱時碗麵係一舊整唔開🤔海南雞飯 比上次好味以前試過一次覺得隻雞可以再滑d，今次咁岩好滑好好味喎！油飯一粒粒有咬口辣汁好好味，真係令人食得太多飯😂😂40幾蚊一個lunch，又有嘢飲唔收加一 質素幾好！

想食正宗泰國野都吾一定要下下走入九龍城既~我一向都鐘意食泰、越菜，但份人就好懶，終於比我搵到就腳又地道既泰菜餐廳。自從食左一次之後，我就family gathering ，中同、大同gathering都黎呢度食貪佢價錢相宜又好食！一班人圍埋吹下水坐得又舒服~我第一時間就叫左pad thai先！呢個係我最愛的泰菜之一，果然冇令我失望，係我以前在泰國食過的味道，好開心！重點係，不會太油膩，女仔不怕食多d哈哈呢個豬脾，我自己就冇食既，不過同行朋友就一致認為呢個係全晚最好食，既然係咁我都影張相擺上黎啦。馬拉盞炒通菜，我係無菜不歡的，以前食過有d泰菜館炒得超咸，好在呢度做得好好食，咸淡剛好木瓜絲沙律，酸酸地帶少少辣，好爽口豬雞各半的沙嗲串燒，好惹味，肉都烤得好香，熱辣辣咁上菜的，不似某些餐廳烤好後擺係度青咖喱雞，非常香，肉質也嫩滑中間時刻影個大合照先重頭戲1--咖喱軟殼蟹法包，不得了，超好食其實個包似農夫包個類，不會十分乾硬，沾滿了咖喱真係好好好好食！軟殼蟹非常香脆，咖喱不是超辣個種，係帶椰香個種，所以就算不太能食辣的朋友也可以試~重頭戲2--冬蔭公明爐魚真係係個火爐上面叮住咁食咖，仲另上左一碗

食泰國菜唔一定要去九龍城，旺角都有好選擇。阿來餐廳面積雖然不大，但味道質素不錯，所以我已來過不只一次了。泰式炒金邊粉，泰國菜必食，每間煮法都不盡相同。而阿來的炒得比較乾身，帶甜，加上花生碎十分好食。咖哩軟殼蟹法包，必食推介，咖哩味濃而不辣，軟殼蟹外脆內軟，用法包夾着來吃非常惹味泰式明爐蒸烏頭，魚鮮肉嫩，香料味不重木瓜絲沙律，頗辣，但亦清新沙嗲串燒，醬汁惹味醬汁滷豬髀，滷得入味，肉質嫩滑可口馬拉盞炒通菜，夠鑊氣青咖哩雞，無跟白飯，但一定要配飯食

收工係旺角搵野食，係先達對面搵到呢間泰國野，見到價錢合理就入去試試。晚市時間餐廳內都接近滿座，生意唔錯。首先叫左個酸辣鳳爪沙律，味道好濃，係酸辣中偏酸，非常之開胃，去左骨啱哂我呢d 懶人，d 菜同蕃茄索哂汁，送飯一流呀！泰式鐵板蠔仔蛋，份量十足夠哂大碟，仲有非常爽口既芽菜底，蠔仔大大粒又唔腥，點埋泰式辣醬真係幾碗飯都可以食到！泰式suki 炒粉絲（海鮮），除左海鮮仲可揀豬牛雞，夠哂多選擇，落左泰國既香菜黎炒，味道酸酸辣辣，超開胃呀！幾道菜都係酸酸辣辣，辣到我流口水，叫左杯咸檸七黎解解渴，得半個咸檸唔算特別足料，同埋d 冰有d 多，可以唔洗叫，留番d quota 叫其他特式飲品。埋單2個人唔洗300蚊落樓，抵食！

近排想轉下口味，所以就搵左間泰國野黎試，就搵到依間係旺角一出行幾步就到既阿來泰式試下先！我地叫左小既鮮蝦冬蔭公湯、咖喱軟殻蟹法包同埋芒果糯米飯試下！首先黎既係個冬蔭公湯，賣相好足料，有菇有蔥同埋D香料，一聞就有好香既酸辣味，D湯真係好好味，辣得黎少少麻，但係飲多幾啖絕對唔會辣到飲唔到，岩晒我地D食唔到好辣既人。依個$78小既湯我覺得最正既係竟然有成3隻好大隻既蝦，而且隻隻都好爽口，同埋個湯夠我地2個人每人飲2碗，份量好夠！跟住就係個軟殼蟹法包啦。數數下都有5-6舊大大舊既軟殼蟹，個軟殻蟹一D都唔多炸粉，蟹腳好脆好香口，蟹身既部份唔會好乾，都會軟熟。個法包一黎到熱熱地好香脆，建議拿拿聲撈埋D咖喱一齊食。D咖喱味都唔錯，唔會好鹹同埋濃味，而且份量十足，食埋依個已經好鬼飽！最後就係個芒果糯米飯做甜品，勁多芒果，D椰汁冧滿係D糯米到，一啖芒果一啖飯就岩岩好食晒！埋單每人少過$150，平過小曼谷，D野食都大份又好食！

話說近期很想吃泰國菜於是今天午餐便和同事去了吃我們去了旺角的 “阿來泰式”這裡的午餐由12點開始至5點半選擇唔算話特別多但基本上一般食開嘅都會有而且仲包埋飲品，特飲都係加$5比平時一般嘅抵😊。。。。。。。。。。。。。。阿來海南雞飯 (雞脾加$10)▸估唔到都幾大碟，雞脾份量不少，雞皮唔會話好肥，雞肉亦都好嫩滑，可能因為係雞脾嘅關係，個醬帶少少辣，辣啲會更惹味，個油飯都不錯，軟硬適中，帶少少油香，如果再濃啲會更好😊。。。。。。。。。。。。。。椰汁青咖哩雞飯▸同事吃的這個也不錯，青咖哩辣辣地，惹味得黎又不搶喉，用黎撈飯食很不錯，雞肉亦都算幾滑😊。。。。。。。。。。。。。。另外還吃了小食拼盤包括有春卷，魚餅，蝦餅，雞翼份量都幾多，每樣都大大件不過炸蝦餅炸得有點過火

一排唔食泰國嘢就會泰癮發作😆😆這間位於旺角通菜街的＂阿來泰式地道風味＂不但價格吸引，味道地道，唔使一定入九龍城又多一個選擇，正！海南雞+油飯（例牌）海南雞雞皮柔潤，肉質鮮嫩，油飯感覺顏色較淡以為冇乜味，但味道足👍🏻配上他們的醬汁非常惹味😋燒豬頸肉豬頸肉份量大，微微烤外層香口，肉質爽口煙煙韌韌鹽燒鯽魚泰國鯽魚冇乜魚骨，有都係大大條的不會吃魚的人也可以選擇👍🏻每次泰國鋪有鹽燒鯽魚必定要叫😛這裡鹽燒鯽魚大大條很抵食，肉質細緻鮮味，在魚腩部份慘出陣陣魚油香味，無得頂椰青椰青最感動是非常夠凍👏🏻，好多時叫都是不夠凍的，椰青非常清甜椰肉很嫩滑整個都吃光光😋

第一次食呢間野 點左兩味送 無骨鳳爪沙律 and 冬陰功湯 個鳳爪唔係好夠味 冬陰功又辣左小小 冇期待中咁好食 78蚊一碗細細碗嘅冬陰功 都係覺得貴左些小 不過整體來都算講係唔錯嘅

路過呢間泰國菜，見到lunch set幾抵，便入去一試~ 本來一入去見到店面坐滿人，仲以為無機要換地方，點知原來店內別有洞天，仲有第二層，仲坐得幾舒服~首先我跟朋友各點了一個午餐，就是豬頸肉泰式冬蔭功湯金邊粉 & 海南雞星馬喇沙米線。豬頸肉泰式冬蔭功湯金邊粉 - 豬頸肉燒得幾香幾好味~ 個湯底都唔錯，雖然無咩配料，但飲落幾鮮甜，加埋金邊粉掛湯掛得好好，味道比米線略勝一籌，推介~海南雞星馬喇沙米線 – 海南雞好滑，份量仲唔少，估唔到呢個餐唔駛$50都有咁既質素。米線無咩特別, 亦都唔係好掛到湯，下次可以改為金邊粉或其他粉類食落覺得呢間幾好食，仲追加左個蝦餅，好好食呀~~~!! 本來仲覺得$78有點貴，點知一上菜時先知份量咁大份，仲差D食唔哂  不過咁好食, 我點都會食哂佢~~飲品我們一個加了$5飲龍眼冰 (食餐用呢個價飲特飲真係好抵) ，一個則點了椰青~ 好解渴好完滿~ps. 主餐牌選擇好快，套餐價錢不貴，下次有機會試試

朋友自遠方來話想食泰國菜, 咪諗住搵下佢住個邊有咩好介紹啦. 見到呢間都多人讚就黎試下, 點左幾個招牌菜,  香芒蟹肉抄飯, 火山法包軟款蟹, 蝦餅, 黃金抄大蝦, 冬陰功湯.香芒蟹肉抄飯得幾粒芒果, 蟹肉我要好細心慢慢搵先搵到幾條,完全冇哂呢個飯應有既味,好似食緊普通抄飯咁 火山法包軟款蟹係用黃咖哩汁,食落無咩特別, 蟹肉中間黑哂,唔知係咪唔新鮮,咖哩汁亦調到唔似食緊咖哩. 蝦餅係唯一覺得好食既. 外脆內軟. 不過表皮有少少燶.黃金抄大蝦, 冬陰功湯都係一般,不過不失唔再評論.成晚我朋友都唔多食野,可能見到唔多吸引, 只係食左幾隻黃金蝦. 食完我地仲要去宵夜補返.總之呢間鋪比我地既体驗真係唔好. 唔會再黎.

同男朋友去街，佢話想去食左個lunch先，又話要食海南雞飯。見呢間好多人讚甘就一於試下啦。。我地行到過泥都2點啦。不過一心食海南雞，所以坐低就點左一份。再加份豬脾飯，因為都好吸引！海南雞飯油飯好香，食落一啲都吾油。又香椰汁🥥味。好好食！點雞飯一定要加10蚊轉雞脾。我地今次就係無加。錯哂。你睇下啲雞切到好大件，雞胸位，好鞋！完全吾無意欲去食。所以轉部位好重要！豬脾飯應該有成隻豬脾，汁好好食！下面仲有哂酸菜。份量好多，成大碗飯。女仔就應該太多。男仔岩岩好！豬脾吾算好鞋，好入味都淋。。好食既珍多冰次次食泰國野都想飲，但到底下面一粒粒同一條條係咩？不過呢杯椰奶味夠，吾太甜。好飲不過呢度坐得有啲迫，二人要搭枱，同好熱較焗。。