阿來泰式地道風味

营业中

休息中

今次喺旺角收工同女朋友過嚟食泰國嘢，見到app呢間鋪頭非常多好評就過食，呢間餐廳需要等位等咗十分鐘就入得座！餐廳唔算闊有少少逼今次叫咗三樣嘢，海南雞一只，泰式炒金邊粉和沙爹串燒6串海南雞，8/10分我女朋友都最鍾意食海南雞所以叫咗一隻，海南雞非常嫩滑連雞胸都好好食！唯一小小嘅缺點係最好唔好食啲皮非常油，會再次光顧點呢樣泰式炒金邊粉9/10分。泰式嘢其中比較鍾意食嘅都係炒金邊粉,而呢個菜質素都正常，餸嘅分量都比較多可以share食沙爹串燒:8/10分。佢會有雞牛豬嘅配搭各兩串，即叫即燒比較新鮮啲大家都可以試試

今日過嚟旺角呢邊食晚餐，經過阿來就想食泰國菜，因為已經好耐冇食。未到七點樓下已經坐滿人，於是安排咗我哋上2樓，空間都幾闊落。《泰式炸蝦餅》$88同以往嘅味道一樣，炸得好香脆，彈牙，有蝦味！《泰式肉碎生菜包》$88生菜好新鮮，肉碎又多，半肥瘦，同埋炒得夠香，包埋菜好好味！《椰汁雞湯》$68夠酸夠辣，椰汁味好重，重點係入邊超多配料，雞肉同埋蘑菇，又飲又食好飽。《椰汁三色冰》$25嗌咗少冰少甜，略甜，不過味道幾好，飲唔到太甜嘅朋友可能就唔適合。 總括嚟講，阿來仍然係值得一食再食。

Weekend行完街突然想食泰菜😋夜晚有套餐我哋揀咗個二人套餐泰式滷水豬髀肉質好嫩又入味 呢個推介👍🏻炒通菜有啲辣咖喱炒蜆 都有幾多蜆重點個汁好好食加錢轉咗一份蒜蓉包好香脆 用黎配咖喱食一流👍🏻記得叫咖喱 一定要叫埋蒜蓉包另一個就叫咗油飯跟餐仲配咗兩杯嘢飲套餐連特飲類都可以叫所以我哋叫咗一杯鹹檸七同埋龍眼冰我個人鍾意鹹檸七多啲叫完個套餐之後見到隔籬枱食柚子沙律好吸引所以後來加單柚子沙律，酸酸甜甜 我中意

來到旺角想食平價泰國嘢，一定要來呢間<阿來泰式地道風味>，呢間小店我常常都會來幫襯一下，因為佢哋唔只價錢平，而且供應嘅泰國菜食物質素仲非常之高，雖然小店餐廳嘅環境係一般嘅食堂格局，但係佢絕對係抵食又好食！！<泰式滷豬髀>呢個泰式滷豬髀滷得非常之入味，醬油味極為濃郁，而且佢嘅豬髀肉炆得非常之軟淋，仲配有醬油鹵水蛋同埋蘿蔔做底，濃香惹味好食。<泰式沙嗲串燒>有雞肉同埋豬肉各三串，肉質非常厚實，烤過嘅串燒特別香口，最鍾意就係呢度自家調製嘅沙嗲汁，充滿花生香味，非常濃厚。<泰式炒金邊粉>呢個泰式炒金邊粉用料十足，有豆乾、大大隻嘅蝦仁、仲配有芽菜、韭菜、雞蛋一齊來炒，味道帶酸酸甜甜嘅泰式風味，非常好食。<泰式海南雞飯>呢度嘅海南雞飯我次次來都一定會叫，因為佢真心抵食，最重要係佢嘅雞肉已經去曬骨入口啖啖肉，但係亦都唔會好肥，雞肉入口極之嫩滑，完全唔會鞋口，配埋雞油飯，真心值得推薦！！～最後叫咗一個椰青，清甜解渴，仲食埋入面嘅椰肉，非常滿足。成餐飯食咗咁多嘢，兩個人都係三百幾蚊，非常抵食呀！！~

我諗好多人都食過呢間 😋泰菜癮想搵間平平哋味道唔錯嘅話都的確會諗起阿來 🇹🇭 以前大學都食過幾次 食完出門口直接上紅van返hall 🤪佢有2層 上面會有多啲大枱 今日再嚟食都仲係排晒隊🤯 👨🏻‍🍳🤳🏻 椰汁雞湯(小) $68個coconut milk 幾香 ✨🤍入面有我好鍾意嘅番茄仔 🍅 同埋有菇同雞肉 飲落微酸舒服 ( ´▽｀)👨🏻‍🍳🤳🏻 泰式炒金邊粉 &68麵好彈牙 同埋好多料喺入面 會有花生碎同青檸 可以按喜好去加～覺得佢嘅調味比較溫和無好咸!👨🏻‍🍳🤳🏻 串燒（豬雞各3）$88個醬有沙嗲同微微花生香 🥜💛豬肉稍為厚實啲 雞肉就幾嫩滑 🐖🍗👨🏻‍🍳🤳🏻飛天炒通菜 $68我哋好少嗌飛天通常都係嗌馬拉盞🔥今次決定一試 發覺都幾辣好惹味😍個菜都幾爽口😛👨🏻‍🍳🤳🏻 椰青 $38椰青會幫你開蓋同比定匙羹你刮啲椰子肉 我就用飲管刮嘅!😂椰青水清甜舒服 夏天必嗌💗

朋友話帶我嚟食旺角呢間抵食泰菜，味道正宗又好食，位置都好方便：🟩泰式火山排骨 呢個火山排骨係必食推介！總共有六條，肉質非常細嫩，而且一咬肉汁就出曬嚟，最正嘅係特別調配嘅泰式醬料，又酸又辣超好食！🟦咖喱軟殼蟹法包呢個法包軟硬程度啱啱好，唔會太淋，最岩配黃咖喱一齊食！黃咖喱椰香味重，唔係好辣，軟殼蟹就炸得好香，食完好滿足🥰🥰🥰🟪柚子沙律柚子份量多，幾開胃，連埋鮮蝦一齊食，可以中和下主菜嘅油膩感！

餐廳有兩層，樓上好寬敞，唔會咁逼。當日午飯時間去不用排隊，樓面都好快手，落單執枱倒水都好主動。沙嗲串燒好抵食，大大份又夠味，如果串燒及沙嗲汁分開上菜仲好炒通菜及炒金邊粉不過不失，一般茶記味道。火山排骨有d失望，排骨冇想像咁大舊，基本上就係平時食開嘅排骨大小，推成一座小山，再淋上酸辣汁。餐廳也有即用即棄手套提供。如果一班人喺旺角附近行街搵嘢食，呢間餐廳都推薦的，起碼多款餸菜揀，服務態度非常好，價錢又公道。

再去泰國之前，太掛住泰國既野食唯有係香港搵下泰國餐廳止下癮😝今次搵左係旺角通菜街既「阿來泰式地道風味」，雖然已經係平日既8點鐘，但係都座無虛席，2個人要等大約15分鐘先有位。「泰式火山排骨」($118): 依幾年去過泰國既朋友都知道火山排骨算係大家好中意打卡既一道菜，因為係泰國食既時候啲排骨係擺到勁高，食排骨都飽。雖然香港既無咁多排骨，但勝在味道唔錯，同係泰國食既分別唔大，肉質都唔會好硬👍🏻「泰式鐵板蠔仔蛋」($98): 依個蠔仔蛋大家要快啲食，因為鐵板既熱力會好快令到啲蛋太過熟，但配埋蠔仔既鮮味，自己好中意食泰式蠔仔蛋😝「泰式濕炒牛肉河粉」($68): 以$68食到咁大兜河粉，我自己就覺得物超所值。最中意既係河粉夠煙靭彈牙，加埋豐富既配料非常值得一試👍🏻

今晚約咗朋友係旺角聚餐佢帶咗我嚟食呢間泰國菜大大嘅木系招牌，而位置相當方便，就係先達附近入到去已經爆場，店員帶我哋上二樓裝潢簡約而乾淨企理牆身貼滿招牌菜相片相當吸引如果人多嚟食就可以試多幾款睇吓餐牌先～真係好多款式都想試冬蔭功湯(細) $78估唔到咁足料，細碗都有4隻蝦湯頭飲落清爽香辣而層次豐富海南雞例牌 $88海南雞鮮美光潤，食落軟嫩滑爽配埋醬汁好滋味火山軟殼蟹法包 $158賣相好吸睛，上菜時已經好香濃郁的蒜香咖喱配上鬆軟的法包真係色味俱佳 軟殼蟹食落酥脆軟嫩，沾上咖喱味道更豐富～椰汁三色冰 $25香濃椰奶配上爽滑軟韌的三色冰，甜味適中又夠冰凍可口整體好有泰國風味，食物質素挺不錯而價錢中等位置方便，下次要再約多幾個朋友嚟試多幾款先～

旺角都有好食既泰國餐廳架! 呢到都建議大家可以早D黎，去到7點幾食飯時間，真係越黎越多人! 果然係人氣食店!~香葉辣椒肉碎煎蛋飯肉碎好香，香葉味突出，仲有炒到好爽口既豆角粒，好岩送飯食! 海南雞(半隻)價錢相宜，雞既色水好靚仔，雞件食落滑身，平時唔太食皮既我都覺得呢個要連皮食! 再加埋佢特製的醬汁，更加提鮮。店員亦都好貼心，見我地未食完D雞，但個醬就黎用曬，主動比多碟醬我地!豬頸肉馬拉盞炒通菜平時食開炒通菜，但原來呢到仲有得加埋豬頸肉去炒! 好惹味，豬頸肉煎到焦脆，加埋少少辣，同埋吸曬汁既通菜，好想扒幾啖飯!椰青超大個，入面既椰子肉仲好厚，好足料，夏天飲好透心涼!

約咗外國返嚟嘅朋友食飯，因為掛住食東南亞菜，於是選擇了旺角這間泰國菜。估唔到佢價錢平平哋，但係份量足夠又好味， CP值高，難怪平日晚都好多人排隊。串燒沙嗲🌟豬肉同雞肉串各有三串，份量比想像中多，醃得夠哂入味，加埋沙嗲醬汁，食落有少少辣，仲有花生粒，真係不得了！柚子沙律🌟係我好鍾意食嘅一款泰國沙律。有別於一般生菜，成碟都係柚子肉，清甜多汁，啱晒夏天食。泰式香芒蟹肉炒飯🌟賣相不算突出，但係味道好好食，仲有芒果肉，甜甜地很開胃。馬拉盞炒通菜🌟馬拉盞十分惹味，通菜新鮮，而且夠哂大份。椰青🌟食得泰國菜，一定要叫椰青，呢度嘅椰青都夠大個，夠晒抵食。

🍖泰式滷豬脾啖啖肉冇骨，肉質淋滑，香濃鹵水，炆到好入味，食落去唔肥膩，配料有滷水蛋、鹹酸菜👍🏻🦀咖喱軟殼蟹法包黎到好震撼，好似迷你火山，咖喱湧出黎，黃咖喱唔辣，帶有椰香，軟殼蟹炸得鬆脆，法包相對淋身，唔係脆口，沾咖喱食好正，如果法包脆身，再出色啲🤪🥢泰式炒金邊粉金邊粉食落去酸甜味帶少少辣，配料有蝦、豆干、雞蛋、芽菜，食落去爽口，粉軟滑，再撈埋青檸汁同花生碎，好開胃🥤鹹檸七📍阿來泰式地道風味

這間泰國菜就在先達廣場一排小巴站隔離，地點好方便。唔好睇佢舖頭細細，都幾旺場，所以佢會有90分鐘限時，同埋二人枱比較細一啲。坐低睇佢個餐牌好有驚喜，唔係餐牌嘅內容，而係餐牌本身，好乾淨。如果去開九龍城食泰菜都會明白，啲餐牌通常你都唔想摸，但係呢度唔同，個餐牌出奇地好企理。雖然佢嘅裝修係街坊格局，但佢啲餐具都乾淨企理。推介海南雞飯，仲會連埋餐飲，雞嘅份量都唔少，而且有雞味，喜歡佢個醬汁。泰式滷豬髀：夠晒入味，最鍾意佢墊底嗰幾舊蘿蔔，精華所在，索晒啲肉汁，仲好食過啲豬肉。另外推介：鮮蝦柚子沙律，有兩隻蝦，都幾大隻同埋彈牙，佢個柚子沙律同其他泰國菜館唔同顏色，係紅紅地色。好有鹹香味，感覺仲有少少椰子味，我唔知道一絲絲嗰啲係唔係椰子，味道比較複雜，唔會太辣，但係好泰feel，我自己好喜歡。兩個人食咗好多樣嘢，埋單三百幾蚊。

老公之前講開想食泰式木瓜沙律，咁我就諗不如我哋今日去食泰國菜啦，去咗喺旺角呢間人氣高價錢又貼地嘅泰國菜餐廳，佢地餐牌呢都有唔少啱素食嘅菜式👍🏻我哋叫左呢啲：💛泰式木瓜絲沙律💛呢度嘅木瓜絲沙律加咗唔少蕃茄，我哋好鍾意酸酸辣辣非常之開胃👍🏻💛泰式乾炒河粉（雜菜）💛雜菜乾炒河粉嘅河粉係好大片果款，重點係一啲都唔油膩但又炒得非常之滑溜。💛黃咖喱雞肉+ 蒜蓉包 💛個黃咖喱真係超級好味，佢係少少辣度又好香咖喱味，個汁好傑身，點埋個脆脆蒜蓉包真係不得了（我地勁想打包個汁返去撈飯😂😂）💛龍眼冰& 椰汁三色冰💛呢間餐廳係有兩層，我哋今次坐上層，就算平日中午呢啲時間都非常之旺場就知道佢哋幾受歡迎，因為啲嘢食好食之餘價錢仲要好貼地👍🏻

講起泰國菜，九龍城大把好選擇，但旺角又食邊間好？今次介紹間通菜街一間幾旺場又抵食嘅「阿來」。普通茶記式裝修唔好expect可以打卡，入面有幾張大圓檯坐十幾人，好啱多人gathering。Order咗個視覺效果最震撼嘅黃咖喱軟殼蟹法包，喺鬆軟麵包上加兩隻大軟殼蟹同黃咖喱，分量超勁，夠三四個人share！麵包熱熱地，雖然外皮唔係脆果隻，但係好吸充滿椰香嘅咖喱汁。而傳統嘅生菜肉碎包亦炒得好夠鑊氣，齊備泰式酸辣元素，個人認為可以再辣啲，同埋如果多幾塊生菜就好啦。辣椒膏蝦頭油海鮮炒飯亦出色，炒飯粒粒分明，仲有好香辣椒膏同好多海鮮，係幾好食嘅炒飯。食國野必飲冰，叫咗三色椰汁冰，好夠消暑解渴。叫咗咁多野食，埋單都係三百幾蚊，感覺幾抵食，難怪閒日都咁旺場，餐廳兩層都坐滿晒，仲有幾檯都食蛋糕同朋友慶祝生日，氣氛相當熱鬧。