阿來泰式地道風味

营业中

休息中

旺角都有好食既泰國餐廳架! 呢到都建議大家可以早D黎，去到7點幾食飯時間，真係越黎越多人! 果然係人氣食店!~香葉辣椒肉碎煎蛋飯肉碎好香，香葉味突出，仲有炒到好爽口既豆角粒，好岩送飯食! 海南雞(半隻)價錢相宜，雞既色水好靚仔，雞件食落滑身，平時唔太食皮既我都覺得呢個要連皮食! 再加埋佢特製的醬汁，更加提鮮。店員亦都好貼心，見我地未食完D雞，但個醬就黎用曬，主動比多碟醬我地!豬頸肉馬拉盞炒通菜平時食開炒通菜，但原來呢到仲有得加埋豬頸肉去炒! 好惹味，豬頸肉煎到焦脆，加埋少少辣，同埋吸曬汁既通菜，好想扒幾啖飯!椰青超大個，入面既椰子肉仲好厚，好足料，夏天飲好透心涼!

約咗外國返嚟嘅朋友食飯，因為掛住食東南亞菜，於是選擇了旺角這間泰國菜。估唔到佢價錢平平哋，但係份量足夠又好味， CP值高，難怪平日晚都好多人排隊。串燒沙嗲🌟豬肉同雞肉串各有三串，份量比想像中多，醃得夠哂入味，加埋沙嗲醬汁，食落有少少辣，仲有花生粒，真係不得了！柚子沙律🌟係我好鍾意食嘅一款泰國沙律。有別於一般生菜，成碟都係柚子肉，清甜多汁，啱晒夏天食。泰式香芒蟹肉炒飯🌟賣相不算突出，但係味道好好食，仲有芒果肉，甜甜地很開胃。馬拉盞炒通菜🌟馬拉盞十分惹味，通菜新鮮，而且夠哂大份。椰青🌟食得泰國菜，一定要叫椰青，呢度嘅椰青都夠大個，夠晒抵食。

🍖泰式滷豬脾啖啖肉冇骨，肉質淋滑，香濃鹵水，炆到好入味，食落去唔肥膩，配料有滷水蛋、鹹酸菜👍🏻🦀咖喱軟殼蟹法包黎到好震撼，好似迷你火山，咖喱湧出黎，黃咖喱唔辣，帶有椰香，軟殼蟹炸得鬆脆，法包相對淋身，唔係脆口，沾咖喱食好正，如果法包脆身，再出色啲🤪🥢泰式炒金邊粉金邊粉食落去酸甜味帶少少辣，配料有蝦、豆干、雞蛋、芽菜，食落去爽口，粉軟滑，再撈埋青檸汁同花生碎，好開胃🥤鹹檸七📍阿來泰式地道風味

這間泰國菜就在先達廣場一排小巴站隔離，地點好方便。唔好睇佢舖頭細細，都幾旺場，所以佢會有90分鐘限時，同埋二人枱比較細一啲。坐低睇佢個餐牌好有驚喜，唔係餐牌嘅內容，而係餐牌本身，好乾淨。如果去開九龍城食泰菜都會明白，啲餐牌通常你都唔想摸，但係呢度唔同，個餐牌出奇地好企理。雖然佢嘅裝修係街坊格局，但佢啲餐具都乾淨企理。推介海南雞飯，仲會連埋餐飲，雞嘅份量都唔少，而且有雞味，喜歡佢個醬汁。泰式滷豬髀：夠晒入味，最鍾意佢墊底嗰幾舊蘿蔔，精華所在，索晒啲肉汁，仲好食過啲豬肉。另外推介：鮮蝦柚子沙律，有兩隻蝦，都幾大隻同埋彈牙，佢個柚子沙律同其他泰國菜館唔同顏色，係紅紅地色。好有鹹香味，感覺仲有少少椰子味，我唔知道一絲絲嗰啲係唔係椰子，味道比較複雜，唔會太辣，但係好泰feel，我自己好喜歡。兩個人食咗好多樣嘢，埋單三百幾蚊。

老公之前講開想食泰式木瓜沙律，咁我就諗不如我哋今日去食泰國菜啦，去咗喺旺角呢間人氣高價錢又貼地嘅泰國菜餐廳，佢地餐牌呢都有唔少啱素食嘅菜式👍🏻我哋叫左呢啲：💛泰式木瓜絲沙律💛呢度嘅木瓜絲沙律加咗唔少蕃茄，我哋好鍾意酸酸辣辣非常之開胃👍🏻💛泰式乾炒河粉（雜菜）💛雜菜乾炒河粉嘅河粉係好大片果款，重點係一啲都唔油膩但又炒得非常之滑溜。💛黃咖喱雞肉+ 蒜蓉包 💛個黃咖喱真係超級好味，佢係少少辣度又好香咖喱味，個汁好傑身，點埋個脆脆蒜蓉包真係不得了（我地勁想打包個汁返去撈飯😂😂）💛龍眼冰& 椰汁三色冰💛呢間餐廳係有兩層，我哋今次坐上層，就算平日中午呢啲時間都非常之旺場就知道佢哋幾受歡迎，因為啲嘢食好食之餘價錢仲要好貼地👍🏻

講起泰國菜，九龍城大把好選擇，但旺角又食邊間好？今次介紹間通菜街一間幾旺場又抵食嘅「阿來」。普通茶記式裝修唔好expect可以打卡，入面有幾張大圓檯坐十幾人，好啱多人gathering。Order咗個視覺效果最震撼嘅黃咖喱軟殼蟹法包，喺鬆軟麵包上加兩隻大軟殼蟹同黃咖喱，分量超勁，夠三四個人share！麵包熱熱地，雖然外皮唔係脆果隻，但係好吸充滿椰香嘅咖喱汁。而傳統嘅生菜肉碎包亦炒得好夠鑊氣，齊備泰式酸辣元素，個人認為可以再辣啲，同埋如果多幾塊生菜就好啦。辣椒膏蝦頭油海鮮炒飯亦出色，炒飯粒粒分明，仲有好香辣椒膏同好多海鮮，係幾好食嘅炒飯。食國野必飲冰，叫咗三色椰汁冰，好夠消暑解渴。叫咗咁多野食，埋單都係三百幾蚊，感覺幾抵食，難怪閒日都咁旺場，餐廳兩層都坐滿晒，仲有幾檯都食蛋糕同朋友慶祝生日，氣氛相當熱鬧。

今晚同朋友係旺角行街食飯，經過通菜街阿來，大家都想食泰菜，見餐牌上有好多選擇，一於試下😁泰式SUKI炒粉絲（雞）| $68平時點開金邊粉，今次試下炒粉絲，好彈牙，唔係碎濕濕，加埋雞肉一齊炒，有肉香味，酸酸甜甜泰式肉碎生菜包 | $88每次食泰菜一定叫生菜包，肉碎份量多，基本上用晒所有生菜都未食得晒啲肉碎，入面有好多肥豬肉同埋香料，所以食落特別香泰式小食拼盤 | $158小食拼盤有炸春卷、泰式炸魚餅、雞翼和炸蝦餅，春卷薄脆，炸蝦餅酥軟，炸魚餅彈牙，不過雞翼有點乾青檸疏打 | $25青爽，有氣，叫了少甜，所以冇咁甜，夏天好啱飲

係旺角收工好肚餓同另一半搵野食，搵到呢間泰國野，都見Openrice有過千個好評，就試下😛坐底我地見到二人餐$378，都幾多野食就揀左二人餐（唔洗諗😆）• 燒豬頸肉肉質okay的，不過佢燒到個外皮有少少鞋/韌（好少）但都有啲影響口感。不過醬汁加分 !! 辣辣地好惹味🤍• 海南雞海南雞份量都足夠兩個人食！而且比左髀既位置我地🥹（開心仔）肉質好滑，我自己就怕肥無食到啲皮，不過連平時唔食肥膩野既男朋友都話啲皮都唔係好肥，佢食晒😂醬汁方面唔係好食到咩味🤣就咁食少咸，但點埋個雞食岩岩好😋• 蒜蓉包（4件）佢個餐本身係包兩個白飯/油飯，我地將其中一個飯+$10轉左做蒜蓉包。不過我地做左個唔係咁明智既選擇🥲因為蒜蓉包都好脆口下，但我地個餐就唔包咖哩，所以食落都比較dry同𠝹口😂蒜蓉包都幾香脆，不過個人覺得牛油/蒜油可以再加多啲，蒜蓉/蒜味目前唔算好多。• 泰式肉碎生菜包肉碎份量非常多！菜量反而唔算好多😆同埋佢既生菜都偏薄，食第一塊時加滿肉碎食，搞到太咸🥲第二塊就咁鋪薄薄一層肉碎就岩岩好。肉碎都肥豬肉偏多，重油香，而且夠辣，好食🤤由於菜唔夠肉多，而且蒜蓉包比較dry同𠝹口既關係，我就嘗試將生菜包既肉碎

依間位於旺角通菜街的📍阿來泰式地道風味 (旺角)，地點非常方便，我今次係第二次黎食🤣上次食既泰式炒金邊粉同海南雞飯好好味，所以今次係旺角行開街就再過黎食😛🔶 泰式明爐冬陰公烏頭魚🌶️🐟| $168魚肉好滑，撞埋冬陰公既香辣，好惹味🤣🤣🤣🔶泰皇咖哩火山軟殼蟹法包🦀🥖| $158好有視覺效果，成個盒咁大份😳軟殼蟹好香脆，而個法包配咖喱好好味，咖哩唔算辣，適合唔食得太辣既朋友🤭🤭🔶椰汁珍多冰🥥🍹消暑之選😋😋📍阿來泰式地道風味 (旺角)旺角通菜街97號地舖

呢間喺旺角鬧市嘅泰國嘢，平日夜晚都好多人等位，我哋今日早少少六點幾就到，不過樓下已經坐滿 要坐樓上嗰層。食泰國嘢，炸蝦餅係必點 $88/6舊，份量都好足 蝦餅彈牙。$88半打串燒 餐廳只提供豬肉同埋雞肉，勁大量沙嗲，沙嗲汁充滿花生碎 好香 食落惹味。豬頸肉炒通菜 $78 份量好大碟，又有肉又有菜 一次過滿足晒兩個願望。不過2個人食唔哂🤣 泰式濕炒河份 $68，可以選擇豬肉牛肉雞肉海鮮同埋雜菜，我哋就要左豬肉。估唔到炒河粉係最好食🤣 河粉係用上一大片嗰隻 偏厚 都幾滑身，除咗豬肉重配咗好多蔬菜 2個人食份量都係幾多下。如果食得辣嘅問職員攞啲辣椒粉配埋一齊食仲更加好食。最後黎一杯椰汁三色冰🙌🏻 透心涼。

今日去開旺角中心睇醫生 睇完醫生又係醫肚仔既時候朋友話想食泰菜 諗起附近有間阿來食泰菜 就過去試下呢到雖然唔係好大 但坐爆晒 應該都唔差 見二人餐都幾抵食 有前菜 咖哩炒蜆 飯/ 油飯 兩碗 又有飲品 有選揀困難既我直接叫左呢個泰式豬髀 份量都幾多除左豬髀 仲有酸菜 滷水蛋 同菜 豬髀肉 食落好軟淋 一哎就化開咖哩炒蜆 份量好多 蜆肉勁多 食落唔會有沙 食咖哩點可以唔配蒜茸包/ 薄餅 所以我地+$10 將飯轉左做蒜茸包 蒜茸包黎到脆卜卜 沾埋咖哩無得輸呀最後黎個飛天通菜辣辣地好惹味 餐飲好多泰式特飲都可以揀 朋友揀左泰式奶茶 我揀左凍檸水食飽飽可以解下膩

今晚又來到旺角吃晚飯，朋友帶筆者來到這間「阿來泰式地道風味」食泰菜！7點未到，餐廳門外已經有不少人等候入座。等候期間，細閱了餐廳門外貼上的報紙雜誌宣傳報導，原來「阿來」的大廚都是泰國人，希望今餐可以食到地道風味泰菜吧！好澎湃的咖喱軟殼蟹法包！掏空了法包的中間，放入軟殼蟹和咖哩醬，另外還有三色椒等配料，一上枱就帶來視覺衝擊。軟殼蟹是半插在咖哩醬中，所以入口依然會保持香脆口感。黃咖哩醬好香，三色椒等雜蔬都頗為入味，而且還有一股微辣後勁。美中不足的是法包在咖哩醬浸泡下，口感未夠脆身。乾炒河粉夠鑊氣，炒得惹味。還用上了寬河粉，帶一點煙韌的口感。可以選擇豬、牛、雞或海鮮等去炒，今日就試了海鮮。配粒份量都蠻多的，包括有鮮蝦、魷魚、蟹柳、雞蛋等。其中雞蛋同炒河的醬汁好搭，鮮蝦入口也甚為彈牙。份量都幾大碟，可以2個人一起share同吃。甜甜的熱龍眼水，可以消一消油膩感。

呢間係旺角好受歡迎嘅泰菜餐廳，之前經過都見到大排長龍，今日終於試到！原來間舖有2層，坐上層座位寬敞，幾舒服！同朋友嗌咗個最平嘅二人餐，食物都好豐富，嘢飲揀飲嘅話唔使加錢，加$10可以唔要飯，轉蒜蓉包，兩個人食三百幾蚊就搞掂！海南雞冇骨，個汁酸酸辣辣好惹味，雞肉大舊而好滑！咖喱炒蜆有好多汁，可以攞蒜蓉包嚟點，我最鍾意係馬拉盞炒通菜，個汁好好味，好香，啲菜好入味，食到停唔到！野飲選擇有好多，嗌咗珍多冰同龍眼冰，解渴一流！

在旺角找了一下 發現了這間泰國菜 海南雞 肉質偏老 一般般 泰式小食拼盤 [$158] 有4個款式 全部都炸得很好吃😋 馬拉盞炒通菜 [$68] 好吃👍🏻被這個 香芒蟹肉炒飯 [$73] 驚艷了超好吃 有點誇張 但這個炒飯真的是我最近吃過的炒飯中最好吃的 芒果肉很甜 炒飯炒得乾身超香 推薦！ 鮮蝦冬蔭功湯 少少一碗 但材料巨多 贊👍🏻 蒜蓉包 [$38]平常吃到的蒜蓉包都是整片脆的 但這個蠻有趣上脆下軟 口感蠻有趣 椰青 [$38] 清涼之選 椰汁西米糕 [$58] 這個…配散 不太香 偏甜

天氣熱到個人好想放假，係咁諗起之前泰國嘅日子，搞到超級想食泰國菜😗之前行過好多次想停低食，次次都係一係食飽左一係唔記得左😑今日專登過黎食🤤🤤Cp值勁高👍午餐好抵食，$55份量好大碟，仲包飲品🤤我哋一人點左一個飯，另外點左咖喱軟殼蟹及小食😋泰式燒豬頸肉飯燒豬頸肉燒到岩岩好，食落帶有焦香，點埋醬料惹味十足😋菠蘿炒飯呢個係我好鍾意食嘅泰式料理之一，$55呢個價錢真係好大碟，而且炒到粒粒分明，好多菠蘿粒同提子乾，仲有肉鬆，入口酸酸甜甜好好食😋咖喱炒軟殼蟹軟殼蟹夠大隻，食落香脆滋味😋 咖喱非常出色🤤🤤食落好重椰香味，撈飯食一流👍酸辣鳳瓜沙律開胃前菜小食，鳳爪爽脆彈牙椰汁三色冰非常泰式風情，椰子味又香顏色又sharp醒龍眼冰清熱消暑，甜甜地幾解渴🥳📍 阿來泰式地道風味 (旺角)旺角通菜街97號地舖#泰國 #泰式料理 #泰式美食 #美食推介 #人氣餐廳 #旺角美食 #泰式餐廳推介 #thaifood #thailand #mk #foodie #yummy #香港探店