阿來泰式地道風味

营业中

休息中

今晚同朋友係旺角行街食飯，經過通菜街阿來，大家都想食泰菜，見餐牌上有好多選擇，一於試下😁泰式SUKI炒粉絲（雞）| $68平時點開金邊粉，今次試下炒粉絲，好彈牙，唔係碎濕濕，加埋雞肉一齊炒，有肉香味，酸酸甜甜泰式肉碎生菜包 | $88每次食泰菜一定叫生菜包，肉碎份量多，基本上用晒所有生菜都未食得晒啲肉碎，入面有好多肥豬肉同埋香料，所以食落特別香泰式小食拼盤 | $158小食拼盤有炸春卷、泰式炸魚餅、雞翼和炸蝦餅，春卷薄脆，炸蝦餅酥軟，炸魚餅彈牙，不過雞翼有點乾青檸疏打 | $25青爽，有氣，叫了少甜，所以冇咁甜，夏天好啱飲

係旺角收工好肚餓同另一半搵野食，搵到呢間泰國野，都見Openrice有過千個好評，就試下😛坐底我地見到二人餐$378，都幾多野食就揀左二人餐（唔洗諗😆）• 燒豬頸肉肉質okay的，不過佢燒到個外皮有少少鞋/韌（好少）但都有啲影響口感。不過醬汁加分 !! 辣辣地好惹味🤍• 海南雞海南雞份量都足夠兩個人食！而且比左髀既位置我地🥹（開心仔）肉質好滑，我自己就怕肥無食到啲皮，不過連平時唔食肥膩野既男朋友都話啲皮都唔係好肥，佢食晒😂醬汁方面唔係好食到咩味🤣就咁食少咸，但點埋個雞食岩岩好😋• 蒜蓉包（4件）佢個餐本身係包兩個白飯/油飯，我地將其中一個飯+$10轉左做蒜蓉包。不過我地做左個唔係咁明智既選擇🥲因為蒜蓉包都好脆口下，但我地個餐就唔包咖哩，所以食落都比較dry同𠝹口😂蒜蓉包都幾香脆，不過個人覺得牛油/蒜油可以再加多啲，蒜蓉/蒜味目前唔算好多。• 泰式肉碎生菜包肉碎份量非常多！菜量反而唔算好多😆同埋佢既生菜都偏薄，食第一塊時加滿肉碎食，搞到太咸🥲第二塊就咁鋪薄薄一層肉碎就岩岩好。肉碎都肥豬肉偏多，重油香，而且夠辣，好食🤤由於菜唔夠肉多，而且蒜蓉包比較dry同𠝹口既關係，我就嘗試將生菜包既肉碎

依間位於旺角通菜街的📍阿來泰式地道風味 (旺角)，地點非常方便，我今次係第二次黎食🤣上次食既泰式炒金邊粉同海南雞飯好好味，所以今次係旺角行開街就再過黎食😛🔶 泰式明爐冬陰公烏頭魚🌶️🐟| $168魚肉好滑，撞埋冬陰公既香辣，好惹味🤣🤣🤣🔶泰皇咖哩火山軟殼蟹法包🦀🥖| $158好有視覺效果，成個盒咁大份😳軟殼蟹好香脆，而個法包配咖喱好好味，咖哩唔算辣，適合唔食得太辣既朋友🤭🤭🔶椰汁珍多冰🥥🍹消暑之選😋😋📍阿來泰式地道風味 (旺角)旺角通菜街97號地舖

呢間喺旺角鬧市嘅泰國嘢，平日夜晚都好多人等位，我哋今日早少少六點幾就到，不過樓下已經坐滿 要坐樓上嗰層。食泰國嘢，炸蝦餅係必點 $88/6舊，份量都好足 蝦餅彈牙。$88半打串燒 餐廳只提供豬肉同埋雞肉，勁大量沙嗲，沙嗲汁充滿花生碎 好香 食落惹味。豬頸肉炒通菜 $78 份量好大碟，又有肉又有菜 一次過滿足晒兩個願望。不過2個人食唔哂🤣 泰式濕炒河份 $68，可以選擇豬肉牛肉雞肉海鮮同埋雜菜，我哋就要左豬肉。估唔到炒河粉係最好食🤣 河粉係用上一大片嗰隻 偏厚 都幾滑身，除咗豬肉重配咗好多蔬菜 2個人食份量都係幾多下。如果食得辣嘅問職員攞啲辣椒粉配埋一齊食仲更加好食。最後黎一杯椰汁三色冰🙌🏻 透心涼。

今日去開旺角中心睇醫生 睇完醫生又係醫肚仔既時候朋友話想食泰菜 諗起附近有間阿來食泰菜 就過去試下呢到雖然唔係好大 但坐爆晒 應該都唔差 見二人餐都幾抵食 有前菜 咖哩炒蜆 飯/ 油飯 兩碗 又有飲品 有選揀困難既我直接叫左呢個泰式豬髀 份量都幾多除左豬髀 仲有酸菜 滷水蛋 同菜 豬髀肉 食落好軟淋 一哎就化開咖哩炒蜆 份量好多 蜆肉勁多 食落唔會有沙 食咖哩點可以唔配蒜茸包/ 薄餅 所以我地+$10 將飯轉左做蒜茸包 蒜茸包黎到脆卜卜 沾埋咖哩無得輸呀最後黎個飛天通菜辣辣地好惹味 餐飲好多泰式特飲都可以揀 朋友揀左泰式奶茶 我揀左凍檸水食飽飽可以解下膩

今晚又來到旺角吃晚飯，朋友帶筆者來到這間「阿來泰式地道風味」食泰菜！7點未到，餐廳門外已經有不少人等候入座。等候期間，細閱了餐廳門外貼上的報紙雜誌宣傳報導，原來「阿來」的大廚都是泰國人，希望今餐可以食到地道風味泰菜吧！好澎湃的咖喱軟殼蟹法包！掏空了法包的中間，放入軟殼蟹和咖哩醬，另外還有三色椒等配料，一上枱就帶來視覺衝擊。軟殼蟹是半插在咖哩醬中，所以入口依然會保持香脆口感。黃咖哩醬好香，三色椒等雜蔬都頗為入味，而且還有一股微辣後勁。美中不足的是法包在咖哩醬浸泡下，口感未夠脆身。乾炒河粉夠鑊氣，炒得惹味。還用上了寬河粉，帶一點煙韌的口感。可以選擇豬、牛、雞或海鮮等去炒，今日就試了海鮮。配粒份量都蠻多的，包括有鮮蝦、魷魚、蟹柳、雞蛋等。其中雞蛋同炒河的醬汁好搭，鮮蝦入口也甚為彈牙。份量都幾大碟，可以2個人一起share同吃。甜甜的熱龍眼水，可以消一消油膩感。

呢間係旺角好受歡迎嘅泰菜餐廳，之前經過都見到大排長龍，今日終於試到！原來間舖有2層，坐上層座位寬敞，幾舒服！同朋友嗌咗個最平嘅二人餐，食物都好豐富，嘢飲揀飲嘅話唔使加錢，加$10可以唔要飯，轉蒜蓉包，兩個人食三百幾蚊就搞掂！海南雞冇骨，個汁酸酸辣辣好惹味，雞肉大舊而好滑！咖喱炒蜆有好多汁，可以攞蒜蓉包嚟點，我最鍾意係馬拉盞炒通菜，個汁好好味，好香，啲菜好入味，食到停唔到！野飲選擇有好多，嗌咗珍多冰同龍眼冰，解渴一流！

在旺角找了一下 發現了這間泰國菜 海南雞 肉質偏老 一般般 泰式小食拼盤 [$158] 有4個款式 全部都炸得很好吃😋 馬拉盞炒通菜 [$68] 好吃👍🏻被這個 香芒蟹肉炒飯 [$73] 驚艷了超好吃 有點誇張 但這個炒飯真的是我最近吃過的炒飯中最好吃的 芒果肉很甜 炒飯炒得乾身超香 推薦！ 鮮蝦冬蔭功湯 少少一碗 但材料巨多 贊👍🏻 蒜蓉包 [$38]平常吃到的蒜蓉包都是整片脆的 但這個蠻有趣上脆下軟 口感蠻有趣 椰青 [$38] 清涼之選 椰汁西米糕 [$58] 這個…配散 不太香 偏甜

天氣熱到個人好想放假，係咁諗起之前泰國嘅日子，搞到超級想食泰國菜😗之前行過好多次想停低食，次次都係一係食飽左一係唔記得左😑今日專登過黎食🤤🤤Cp值勁高👍午餐好抵食，$55份量好大碟，仲包飲品🤤我哋一人點左一個飯，另外點左咖喱軟殼蟹及小食😋泰式燒豬頸肉飯燒豬頸肉燒到岩岩好，食落帶有焦香，點埋醬料惹味十足😋菠蘿炒飯呢個係我好鍾意食嘅泰式料理之一，$55呢個價錢真係好大碟，而且炒到粒粒分明，好多菠蘿粒同提子乾，仲有肉鬆，入口酸酸甜甜好好食😋咖喱炒軟殼蟹軟殼蟹夠大隻，食落香脆滋味😋 咖喱非常出色🤤🤤食落好重椰香味，撈飯食一流👍酸辣鳳瓜沙律開胃前菜小食，鳳爪爽脆彈牙椰汁三色冰非常泰式風情，椰子味又香顏色又sharp醒龍眼冰清熱消暑，甜甜地幾解渴🥳📍 阿來泰式地道風味 (旺角)旺角通菜街97號地舖#泰國 #泰式料理 #泰式美食 #美食推介 #人氣餐廳 #旺角美食 #泰式餐廳推介 #thaifood #thailand #mk #foodie #yummy #香港探店

其實我之前都嚟食過好多次 因為真係好抵食同好好味 今次諗住買個外賣返屋企食 仲要有折扣 點知等左成半個鐘 見住其他客人食完走 再有人入嚟都已經上菜了 我個外賣就仲未有 不過店員哥哥都好好 見我坐左好耐都幫我催左幾次 可惜廚房都keep住唔出外賣 希望下次可以改善一下 外賣同堂食都係比左錢的🥲無啦啦係個到等成半個鐘 心情真係會有啲差——————————————————————————————-

非常推薦、性價比超高嘅一間泰菜！海南雞飯海南雞非常嫩滑，皮同肉嘅比例50／50，而個油飯有少少黃薑味，亦都唔會黐住一舊舊，算幾唔錯。泰式鮮蝦炒金邊粉金邊粉炒得比較濕潤，混合埋花生碎、青檸之後個口感同味覺更加昇華，而鮮蝦嘅份量亦算多！飛天通菜呢個飛天通菜炒得好有鑊氣同風味、調味方面亦都好地道，有少少微辣，但非常滋味

山長水遠走出黎，想食好食嘅泰國菜，入到黎坐住近門口，度門長期開開關關，d熱氣流一直吹住，感覺去左泰國一樣，夠晒熱！叫左個肉碎煎蛋飯，肉碎一早煮定，香葉發黃，洋蔥淋過吉野家，肉碎冇任何鍋氣，煎蛋welldone另外叫一碗海南雞河粉，河粉又係一早煮定，一片疊一疊，湯浸住都唔識分開，雞肉柴到浩克都咬唔郁，原封不動，冇食過豬脾飯，豬夠晒淋，但一入口有陣豬騷臭味，難以接受，另外再散叫一碟馬拉棧炒通菜，d菜黃到發黑，又係極品，但味道還算可以，食晒😳奶茶夠茶香味，檸茶甜到糖水般，成杯冇飲😘可一不可再，完！

今晚同朋友係旺角行街，岩岩商場隔離有間泰國野就去試下😆餐廳有分上下2間都幾闊落，同埋冷氣都夠🤩睇下餐牌入面有唔少傳統泰國野食😆價位仲唔貴☺️可以叫多幾樣🤤🌸泰式炒金邊粉，金邊粉唔會太油夠入味😋配料有大蝦同芽菜👍🏻🌸泰式炸蝦餅，蝦餅外脆入面係彈牙嘅蝦肉🥳🌸豬頸肉炒芥蘭，芥蘭口感爽口，用蒜蓉炒香，豬頸肉唔太肥😋🌸椰青好清甜多水😍飲完夠消暑🤭🌸芒果糯米飯，芒果香甜配埋糯米飯，味道更上一層🤩

呢間泰菜位置非常方便，而且價錢親民，小炒又有鑊氣，小編已經唔知回頭食過幾多次了😋因為食過好多次嘅緣故，餐牌上好多嘅菜式基本上都試過，真係好難得有餐廳每款菜式都咁好食，又多選擇😘超啱一班friend嚟敘舊🫡.🥬馬拉盞炒通菜 $68小編每次食泰菜一定會叫通菜🥹呢間係數一數二好食嘅，超級有穫氣，而且份量比一般餐廳都多😆.🍚辣蝦膏海鮮炒飯 $88淨係炒飯嘅選擇都已經好多，不過大家真係放心叫，因為每款都好食😋份量又係好足夠，女仔嘅話三個人分都得😍.💰人均消費～$150.🍽味道：4/5🏙環境：3/5👨🏼‍🍳服務：4/5💧衛生：3/5💰價錢：4/5

旺角超人氣泰國菜，份量大又抵食，晚市好爆場，建議要訂位！沙嗲串燒 $88一份有半打份量，雞肉、豬肉各半，啖啖肉，沙嗲醬加上花生碎粒，口感十足。冬蔭湯（小）$78細嘅冬蔭湯都好足料，有三隻蝦，仲有大量菇，正宗泰國味道，開胃！泰式濕炒河粉 $68揀咗海鮮，有蝦、魷魚、蟹柳等配料，加埋啲菜，好豐富。唯獨河粉斷開一截截，同埋濕炒嘅芡汁好快變水。馬拉盞炒通菜 $68一碟份量超多！雖然有辣椒同蒜茸，但味道略為淡，濃味一啲會更好😋飲品方面 $25龍眼冰：普通，唔似泰國飲到嘅一樣椰汁三色冰：幾好，椰奶香！