阿來泰式地道風味

营业中

休息中

出動搵食之前通常我都上下openrice睇下各位食家有咩好介紹，睇到介紹阿來，照辦煮碗叫左個2人B餐，只需$298就有4個餸，2個飯，2杯飲品！ 仲唔加一，單睇價錢已覺超值！ 我平時好少食到海南雞會唔失望，但今次讚不絕口，肉質又夠juicy，好夠味 連平時唔鍾意食雞胸既我都食晒！連埋個油飯，簡直一流！ 落單姐姐見到我地2個女仔，已經主動話可以裝少啲飯比我地(不過裝少左都有咁多) 如果男仔黎食一定夠飽！呢個餐竟然都包6隻生蝦刺身，簡直係一大亮點！ 每隻都咁大隻，新鮮無雪氣又唔腥，又彈牙，非常讚 通菜比我想像中辣，但都新鮮好味 生菜包都幾辣，所以食唔得多，下次去要叫少辣先得！個餐仲一人包一個飲品，我地叫左柚子蜜之類，但顧住食，唔記得影相添！整個用餐體驗好不錯！星期二閒日餐廳都唔算太爆，唔洗點等位，好快我實會再黎啫！

朋友生日，約佢食泰菜，今次食平民泰菜，好開心，因為好想食冬陰公呀！呢度朋友推介的，裝修欠逢，但是勝在街坊平民，食到的都是地道泰國菜。生蝦刺身來了，虎蝦大大隻，爽口彈牙，蘸上泰式醬汁又酸又夠辣，將鮮味更提昇。另外叫左個冬蔭功，D湯好濃，好辣下，香料好重，有濃郁芫茜、香茅和黃薑味道，酸味重，辣味也勁，我鐘意咁刺激，好！泰式咖喱花甲，講真咖喱夠香，十份辣，配厚肉又鮮味的花甲，我地覺得好食過配蟹。叫左碗泰國絲苗白飯，撈埋D咖喱汁食，好正。泰國椰青好新鮮，清甜滋潤，配咖喱同辣野好爽。今餐泰菜價錢合理，至少招呼唔錯，泰菜夠水準，原來食野好食的話，裝修也是次要。 

夜晚十點幾睇完戲，出旺角食個靚靚宵夜先！揸車去到附近，就搵到呢間泰國野。好肚餓嘅我哋當然即刻唔客氣，叫到成枱都係餸啦  當中比較出色嘅係《飛天通菜》、《辣椒膏青口》同埋《冬陰公湯》 先係《冬陰公湯》，好足料好大隻蝦！夠辣而且唔太酸，有好香嘅泰式香料味。份量都好足夠，一煲夠我地四個人食。不得不提入面既蝦，好鮮甜  《飛天通菜》，通菜係甜架，好驚喜   而且個醬汁都好特別，唔太辣 《辣椒膏青口》比我地想像中嘅甜，辣味唔係好夠，但係青口都夠新鮮夠大隻， 一提失物份仲有成廿隻以上，好抵 我哋一行人都非常滿意！

As I really can't eat spicy food, boyfriend has been sadly left alone to eat Thai. So, I decided to eat Thai with him. We came upon this place in MK. Reviews seemed favorable so we gave it a try.The restaurant was rather cramped with upstairs seating as well. We were seated upstairs. Menu is in English and Chinese. As I can't really do spicy, we ordered a items that weren't spicy.Hoi Nan Chicken ($54). The chicken was moist and tender. There were no bones. However, the rice was just regular ride

今日又係同女友係旺角行行下經過，又好耐無食過泰國野，見唔洗等位，就入左去試下....坐低後，侍應哥哥奉上餐牌同食具...嘩！個餐牌好似用左十年，就爛甘款...D餐具油淋淋算啦，都係果句，"平民價既野，唔好要求甘多！"，叫野食！我地叫左一個"無骨海南雞飯"，一個"細冬陰公湯"，半打"沙嗲串燒"，一杯"龍眼冰"。跟住侍應哥哥話:"我地D串燒全豬肉，無其他...ok?"........趣！無骨海南雞飯 - D雞完全無味，飯完全無油香細冬陰公湯 - 雖說係細，但其實都幾大碗，不過一試就，除左咸味，咩味都無！沙嗲串燒 - 味係正常既，加送半塊淋左既多士加左$5 既 龍眼冰 - 說實話，叫杯可樂好過！總結：埋單一百到尾，普通環境，野唔好食，價錢唔係特別抵，唔會再來！

今天路經這間泰國菜，就試一試他們的阿來海南雞飯！價錢和其他餐廳差不多，＄54一碟～有埋熱飲～油飯雖然色水唔黃，但原來都好夠香味～呢間的油飯好好味呀！飯質亦煮得唔錯，飯粒唔硬又唔會太稔身，正～至於海南雞，賣相都不錯～份量都唔少～雞是去骨的，啖啖肉，食落口肉質幾嫩滑彈牙，雞味都很香，而且唔會件雞唔會好多肥膏！配菜青瓜都幾爽口呢～haha海南雞飯附上一碟泰式醬汁，我覺得好好味，味道好香濃，夠酸辣又開胃～用來點雞食會更加好味！是一亮點呢！下次會再來幫襯！

我有一個習慣，就是在Openrice新餐廳名單中揀選自己想試的，然後收藏。阿來泰式地道風味是其中一間。它在去年11月才開張，換言之，我收藏了將近半年時間。我和朋友二人在旺角街頭為晚飯惆悵之際，我腦海突然浮現了它。於是我們由街頭行到街尾，到了。它分了兩層，我們一入去即被安排坐樓上雅座。樓上可謂無裝修可言，簡單的木檯木椅，牆壁貼上過膠的菜式照片，旁邊還是員工的儲物櫃。與一般的茶餐廳閣樓無異，沒甚麼值得期待的地方。但是我留意到雪櫃放著一箱箱的泰國椰青，非常吸引，所以暗暗想好了：一定要喝椰青！選了二人餐(B)，侍應突然幫我們由二人檯轉去四人檯說了一句：你地叫的野食太多，張檯擺不下，坐呢邊丫。……你地叫的野食太多？真傷心啊？這不是二人餐嗎？兩個人吃二人餐有問題嗎？但都不失為一個服務體貼的表現上菜速度很快，高速地擺滿一桌，果然要四人檯才放得下(絕對無關食量問題，絕對！)泰式海南雞(例牌)，非常滑溜，雞皮略厚但脂肪處於半融狀態，配合青檸汁，口感彈牙，香滑味鮮。海南雞火喉最緊要，少一分則血淋淋，多一分則太老太韌。這間則掌握得相當好，最內側的肉依然是熟的、嫩的。唯一是有幾塊夾起時會散開，是為美中不足。生

星期日都有set lunch仲有全日套餐價錢便宜炒金邊粉唔算油條蔥唔知想點XD味道甜甜地但咩料都冇加d花生都好呀泰式酸辣湯金邊粉 叫左小辣已經好辣(有字寫係牆到提)加左豬髀 員工推介架 淋得有d爽口 半肥瘦一杯熱朱古力員工見一個冇飲品就主動俾左杯水態度良好

今天本想去同一條街的“小雲川”吃米線的，點知行到門前發覺原來關門大吉了。。。又少一間選擇了。正在想吃什麼之際，行前幾間舖見到有間泰國菜，午餐價錢48蚊包熱飲 幾個款式都ok 就入去坐下了。地方整潔，雖然店面細細，但坐得都幾舒服。從午餐七八個選擇之中選了泰式炒金邊粉，賣相挺好的，有驚喜！食落口味道很好，之前食過一些金邊粉一食落口就一味蕃茄酸味，這店的炒金邊粉就不會太酸，但也令人很開胃，味道也很有層次，當吃到炒蛋時，會嘗到有點鹹香味！配料亦都很足，除了旁邊放了花生碎之外，內裡都有不少海鮮 例如蝦仁仔，魷魚仔，還有不少豆腐乾絲，炒蛋，芽菜等等，令到整體味道很豐富。不過蝦仁仔就有點失真，因為食落口有點霉，如果是爽口一點相信會好得多。同埋有點奇怪的是坐在我身旁的食客有七成都是講國語的，難道這店是旅遊書推薦的嗎？不過總括來說這店的質素應該是不錯，我會再來吃的～

點咗四人套餐，份量感覺夠五個人食。係旺角或者旺角東落車都OK。旺角站B2或者D2出來，行五分鐘就到咗。建議大家可以試下椰青，將椰汁飲完，仲可以食椰肉。椰青好新鮮，店裡服務超級nice。

有朋友生日話想食泰菜，原本想去九龍城，但地點個個都話唔就腳，甘最後就出旺角食，因為大家都方便。講真，食完真係覺得d野好一般。。。海南雞d肉質有d鞋豬髀味道都ok，算係唔錯飛天通菜食落都幾爽口炸蝦餅味道食落係幾香， 口感彈牙，但炸gei時間應該過左少少。蠔仔蛋d味都幾香，但個底d牙菜無咩味，如果可以落d調味料會好d豬頸肉韌左dd個冬蔭公湯唔夠酸味，食落覺得唔太夠味。。。炒粉絲。。。d味好怪。。。。有d臭豆腐味。。。可能係d臭草掛。。。。唔係個個接受到。。。

在旺角午餐時段，吃飯的確令人頭痛，今次在急速的步伐走到阿來泰式海南雞飯，看到有位！立即入座了！ 說明來到了海南雞飯店，如何能不點海南雞飯呢，二話不說，點了一客海南雞飯！先吃了一口雞，我有一個習慣是第一口雞的雞皮和肉先分開吃一塊。雞皮在水準內！能夠輕易撕開，不會過份黏著雞肉！爽口不乾身，能夠保持適量油份。至於雞肉頗算嫩滑，是期望水準中的效果。最後到油飯，香味是有，略微不夠出！飯粒軟硬適中，不會太軟或硬！

食泰國野 我相信十個香港人九個半都會即時諗起 小泰國之稱既九龍城 不過話需如此 論地點 論價格 仲有好多其他選擇今次同友人就黎左旺角 見到佢 阿來其實呢間泰菜店都開左好多年 好多人都識佢最重要係方便 旺角喎！！以一間泰菜店黎講 午餐唔貴 款式眾多 樓面企理乾淨 又唔會太迫 價錢真係幾吸引 起碼一睇就知唔係亂標價先青咖喱雞（$68）加蒜蓉包（$25）青咖哩望落顏色幾好 材料都好足 質地都夠杰身食落去幾重青檸同埋泰式茄子味 椰子味都算重 不過略為少左d青咖哩香味 蒜蓉包 即叫即烘 好脆口 蒜蓉牛油相當足夠要左半打豬肉沙嗲串燒 （$58）即時爐燒串燒 好香 豬肉亦唔會因為熟透而好"鞋"身 仍然好嫩同有肉汁 沙嗲醬好有麻醬味 好惹味 同塊烘面包好夾因為塊包裁脆內軟 吸晒沙嗲汁之後 啖啖都好香口冬陰公 細 （$68）店員推介要試 調較過後配合返香港人口味唔會太過辣又不失冬陰公既香味佢用既磨菇最令我驚喜 好大條 以為佢用左上海年糕做配料添！！！其餘既有香茅 指天椒 蝦 芫茜等配料如果可以加個白飯已經係好配搭 細碗 2-3個人食都可以 份量都幾足炸蝦餅（$68）一個字 「彈牙爽口重蝦味」蝦膠打得

最近留意到通菜街開了泰國菜，光猛的裝潢，感覺乾淨企理。改名地道風味，店內亦寫著"地道的泰菜辛辣味較濃烈"，店方可按食客的喜好，調校辣度，頗特別。＄48的午餐，簡單8款，囊括了泰國菜最著名的香茅、金邊粉、冬蔭公、咖喱、炒河等等，各種煮法、醬汁、食材，拼在一起，設計出保證選到所好的午餐餐單。另有3款全日套餐，是阿來招牌的海南雞、滷豬脾和咸肉。散叫的種類和菜式齊全，應有盡有。洛神花自家煲的洛神花，味夠濃，但太甜，完全蓋過了洛神花的酸味，沒有了開胃之效。龍眼冰龍眼乾的味道很出，跟洛神花一樣，也是偏甜，幸而來自龍眼乾的眼，尚算清新。柚子沙律可能是吃過最濃味的柚子沙律。跟常見的柚子沙律不同，色澤較深，醬汁較濃，味重而不過份，又甜又咸又辣，吃得過癮。柚子夠軟又多汁，柚子汁為醬汁添上清新，互相平衡。沒料到柚子沙律會有蝦，而且數量不少。換著其他餐廳，一定會改名"海鮮柚子沙律"，再把價錢訂高。芫茜、生洋蔥、炸蒜絲等，添上風味，更加香口。泰式臭草炒蛋粉絲店員推介臭草菜式，有煎蛋和炒蛋粉絲，皆因臭草的菜式並不常見。跟幻想的韓式炒粉絲完全兩回事。肉碎、臭草和碎蛋，跟粉絲炒成一堆。有了黃色的蛋，色彩鮮豔，更是討好

想不到在旺角的小店, 竟然要預早訂位才不用天寒地凍街邊排隊等位, 下次要醒目吧!牆上告示明確表明地道泰菜是辛辣鮮明, 如果需要調校辣度便要在點菜時說明。餐牌, 辛苦了!  越多客人前來, 你的外觀也必如何!在翻閱這殘陋餐牌時, 找到一些頗特別的菜式...香脆雞皮  $15店家自己把雞皮酥炸, 油份去盡只餘雞香味, 吃著有薯片的鬆化。椰汁雞湯  (小)  $58小窩裝足夠二人共享, 湯味酸辣亦有椰子濃香味, 煮湯的雞髀肉仍然保持有嫩肉在。泰式臭草炒蛋粉絲  $68泰國臭草在煮熟後是不臭的, 用來炒蛋炒粉絲, 卻非常香口, 粉絲亦帶有嚼勁。串燒泰東酸腸  $18/串此為兩串的份量, 酸腸粒粒裹有薄薄的腸衣, 包著的肉餡質感是特別的, 有香料醃製過的味道；燒至外皮脆脆, 吃到的酸香味道是棒極了。無需加一服務費