阿來泰式地道風味

营业中

休息中

佳節臨近，開始不停食熱氣野，今晚想清清地食多啲蔬菜但又想食特色野，係旺角行行下無意中見到這間新開泰菜，望上去幾地道，價錢又幾平，就試下。係門口等左陣，我見4人以上都真係要排下...好彩今晚2個人，好快就有位入得。其實好耐無係呢條街食野了，食店前身係咩我都忘記了，位置正正係先達紅van站對面，好易揾同易記。其實見到個名係湯粉絲就點了，無諗過咁多菜，好開心! 滿足晒我菜癮發既心情，用了菜加上清湯，再配上蛋花和雞肉，好像細個屋企人煮的小菜。當我滿足地飲啖湯之際，店員好nice咁走過嚟，教我們將汁倒入湯中一齊食，嘩! 成件事唔同晒，立即由純情小白兔變左性感小野貓咁! 香得嚟有點點辣，但仲keep到果份清清地感覺!! 可以揀肉或海鮮，我今次揀了雞，下次要試海鮮!柚子沙律以為無咩特別啦，食落口柚子好爽點而已大大舊，不是細柚碎! 好有口感，食到好濃椰子香，原來廚師在沙律上放上了椰子脆脆，那是去泰國必買的! 好好食，好懷念呀!!!洛神花茶酸酸甜甜，好開胃呀! 唔錯!豬脾好林好入味，豬皮好有咬口，補充骨膠原呢! 豬脾啖啖肉，下面用左酸菜墊底，這個豬脾撈飯都會好正! 同場勁多人點豬脾飯!

前陣子媽子不在港我只好去到邊食到邊經過旺角時碰巧發現一間新食店價錢不高,於是就儘管一試阿來海南雞飯(HKD48)太好味,價錢唔貴,加9蚊可配飲品店主告知真正海南雞飯是不需加黃薑粉呢度的雞雞肉好嫩,配同自制泰式醬同吃味同更好,飯夠煙韌食完又想多來一碗龍眼冰甜度適中最愛泰式飲品喝一口有好清香的龍眼味唔會淡鹽燒鰂魚(HKD118)整條魚上好吃到不得了連平常不太愛吃魚的為食妹都可以一個人吃同樣配上其另一自家制泰式辣醬同吃味道更獨特另外要一提,原來店主將一些香茅,大葱等泰式香料放入魚內同燒令整條魚的魚腥味僻取,只有淡淡鹽燒及香料的氣味雖然用鹽燒,但唔會過鹹味道好好整體來說,感覺此家食店好有地道泰菜味道個人最愛反而係其各款自家制的泰式辣醬想起都想食呢!

十二月中旬·晴作為「觀塘人」，旺角對於我來說就像是個驛站，都只是乘小巴回家的地方。說實話，真的看到那人山人海的旺角街頭就有「此地不宜久留」之感。但又正正是因為乘小巴，留意到小巴站對面開立了間新泰菜館。取名「阿來」，就是好吃的意思。一天又來乘小巴回觀塘，見店子掛滿澄亮光滑的黃油雞。見有點時間，試試這裡的泰式雞飯如何？時值下午，人客也不少。店子不大，但也潔淨舒服。坐下來，從廚房的玻璃窗看到掌廚的都是泰籍人士，不少跟店員也是用泰文交談，感覺是正宗的吧？吃海南雞飯，焦點就在雞油飯。但吃泰式雞飯，醬汁也是亮點之一。這裡的做得很不錯，酸中帶辣而且蒜頭及香葉味俱濃郁。細看之下，原來除了雞飯以外，店子用來配搭豬頸肉、海鮮及魚等都是特別調製的，明顯是泰籍大廚的堅持。雞飯以外，在另一天也試了豬手飯，皮滑而肉鬆化，加上醬汁更是下飯良品。對這間店的印象好了，知道有賣沙爹串燒及小菜，又在另一天來個早吃的晚餐。這裡的沙爹好吃，看上去雖然不是燒得不太焦香，但沙爹的味道是對辦的。在每串豬肉下都跟一塊肥肉，更添油脂甘香。建議多蘸沙爹醬再加上多士同吃，更滋味。可惜暫時只有豬肉，遲些才有更多種類選擇。看鄰桌的燒鰂魚幾吸引，

今晚爸爸生日，選了他喜歡的泰國菜。整體黎講係可以話冇揀錯。其實一行入去見到廚房入面全部都係泰國人就知道應該會正宗。今晚叫咗冬陰公湯、咖哩炒蜆、馬拉X通菜、柚子沙律、燒鰂魚、海南雞。海南雞絕對係一絕，無骨，滑，有雞味，老板話個汁係自己教嘅。燒鰂魚亦係好正，必食，力推，超級滑唯一美中不足係通菜唔會時，有啲榨。地點勁方便，喺正先達隔離，價錢又合理，可以成日返去食。

一直喜歡泰式料理酸酸甜甜的味道，這次來阿來泰菜，打開菜單就看見了一道泰式鳳爪，圖片就很不錯，於是叫了一疊，這鳳爪已去骨，食用方便，又酸酸甜甜，配上新鮮的生菜木瓜及蘸料，非常清新爽口 只是吃菜不能果腹，主食叫了一疊海鮮炒飯，新鮮的小海鮮，這裡的飯可以自選辣度，非常好，小辣海鮮炒飯基本在我的接受範圍內，不能吃辣的朋友一定要叫小小小辣或甚至不辣，本人自認為已經很能吃辣，然而還是有不停喝水 說到飲品，青檸梳打也是不錯的，一樣酸甜清新，推薦。

睇open rice 見到呢間泰國餐廳一致好評，所以就黎試下。叫左一個海南雞飯（$52）加青檸梳打（$5）同泰式冬蔭功金邊粉（$32）加墨魚丸（$6）無骨海南雞—份量都唔少，如果雞肉可以滑d就仲好。個醬汁微辣，幾醒胃。冬蔭公金邊粉加墨魚丸—待應一放o係枱面，一陣咸香味撲面而來。（見圖）配料係有幾條芫茜同一條生菜，見個金邊粉仲係一餅野咁未散開，先嚐一口湯，個味道係：魚露加辣味。香茅味、南薑味完全嚐不到。墨魚丸彈牙就夠彈牙，不過只有一陣腥味，撇除腥味就係無味。生怕呢碗金邊粉錯左單，可能俾左泰式酸辣湯底我地（雖然佢都冇酸味），店員表示：「d冬蔭功係咁o既味架，唔同果d架」（我估佢指主餐牌單叫冬蔭功湯果隻），既然店方咁o既回覆，我只好接受，同埋俾左少少意見店員：「d墨丸係冇味架⋯」店員回應：「我同返供應商反映」。同供應商反映呢個行動絕對正確，可能等供應商俾過第二批貨你或者轉供應商，咁d墨魚丸就唔會冇味喇，好正確丫！如果顧客會再返轉頭的話。當然，每個人對味道o既追求係唔同，所以我只係站o係自己立場俾意見，有d人要求冇咁高可能仲覺得好好味添！如果食o野只係為左維持生命，咁，唔洗睇呢篇食評。完

朋友帶左我黎呢間泰色餐廳試菜，一入到去已經有好多人！好啦，侍應安排好我地既位置後，就向我地推介有咩好食！服務態度好好😊 好多野食！唔知食咩好😻 呢個豬脾飯好林好滑！配合酸甜醬味道好夾 呢個通茶菜都炒得好入味！ 首選推介！！！！呢個蝦餅一定要食！有別於其他泰式餐廳，通常蝦餅都係一塊塊，但呢個佢係炸到好似冬甩咁，再切開一半先做到呢個效果！而且炸得好鬆脆，個蝦肉口感好豐富好彈牙！👍🏻👍🏻👍🏻👍🏻👍🏻👍🏻👍🏻

難得同表姐行完街就當然搵嘢食醫下肚，表姐中意食泰國嘢就帶佢試下呢間新菜館，又近地鐵站都幾就腳。 汁燒魷魚-爽口彈牙又吾un ,燒得岩岩好,又鮮甜,我一個人食左半隻有多,同日式個d有得揮!!!配埋個酸辣汁真係好醒胃! 辣椒膏海鮮炒飯-招牌推薦菜式，香口，飯粒分明，全部都好入味，海鮮亦好新鮮，可以自選辣度，我覺得小辣都吾錯！ 青檸梳打-正宗泰式風味，酸甜適中，味度清新

旺角超多食店，朋友話想食泰國菜。但通常都比較貴，先達附近見到有一間全日套餐。特飲只需加$5，決定要試下先~星期日晚上1800，已經坐無虛席。我們點了一個全日套餐+$5有特飲，抵食。泰式豬脾肉超淋，不過酸菜不是太熱稍為遜色。不過豬脾肉超級入味，飯又夠多，2個女仔食剛剛好。+$5有杯熱菊花蜜，不太甜，適合冬天飲用超滋潤。泰式炸蝦餅，大大炸蝦餅有3塊。每塊切開一半，剛剛炸起配上醬汁惹味。而且炸粉不太多，泰菜必食的蝦餅。再來一碟飛天通菜，通菜勁有獲氣。而且有紅椒、蒜蓉等炒起非常惹味。還有我的最愛椰青$28，滿足。芒果糯米飯出色無比，香甜芒果加上熱辣辣的糯米飯。糯米飯還有椰漿上面，超級美味。估不到小店都能夠那麼好味，下一次可以再到來。

今晚食泰菜選址就近的地方，這間泰國菜店的裝潢沒有很多泰國的感覺，餐廳有點像茶記，但勝在乾淨整潔店員有禮，整體食物不過不失。打開menu食物種類不少，由於沒有加一收費定價不高算係幾抵食。每次泰菜都會點炸蝦餅 $68，即叫即炸的蝦餅食落不覺油膩蝦餅幾大件，外層薄脆蝦餅口感幾彈牙，鮮味不錯。冬蔭功湯分兩個size, 這客細的$68，湯色很美~ 味道蠻濃郁，加入蝦肉、菇菌、再加埋整個湯的精髓南薑、 檸檬葉、香茅... 蝦肉紮實彈牙，冬天飲很暖胃 （味道方面，飲多幾啖會覺得有D咸）點了一個平時比較少食的 金不換香辣肉碎炒河 $52，一上抬香氣撲鼻，配闊的河粉口感更富咀嚼感，值得一讚加入了不少蔬菜令顏色更豐富。呢到椰青算抵飲 $28一個，椰水飽滿夠晒冰凍清甜，解辣之選。******************************Yan_PIG 推介度:  (5 為最高)

今日去左先達買野，見到對面有間新開泰國菜所以就入左去試下先...其實等又吾洗好耐就可以坐下食野。待應話炒蜆係新推出所以試下再叫左其他野食同飲品都係$484／2位。價錢比心目中抵食 。咖喱炒蜆$88：超大隻蜆同厚肉但竟然吾難咬同好入味，辣度吾太勁但好香。咖喱香加蛋香加飯或薄餅超配合。份量都吾少。泰式木瓜絲沙律$48：木瓜絲切得幼身同好入味，酸酸地好開胃，加上花生脆脆的不錯。冬蔭公湯細$68：份量比心目中偏多，可以倒左四碗湯，配料都多有4隻蝦同少許菇。辣度夠同夠酸，如果椰汁多少少就更香。明爐烏頭$138：魚都夠大條同夠滑，湯偏淡幸好有點肉味和魚的鮮味。待應會自動加湯同火，之後煮左陣味道開始出都不錯，清淡之選。海南雞$58：雞肉份量都多，夠滑同嫩，肥膏都吾叫好油但好香。但醬汁如果再濃點就更好。椰青$28和泰象啤$28：沒想過飲品堅抵飲，椰青好甜同食到椰肉，啤酒都大枝裝抵飲。

就同2位約好左既好友去左MK 專程食泰國野。 之前食過覺得都唔錯，我地3 個女仔食唔多 ,叫左一個飯，3個小食。燒雞翼。雞翼不會燒得太乾身，吃下的質感有點像炸子雞. 配合沙嗲酱一起吃, 很好味蝦餅炸得很脆外皮脆卜卜 , 蝦肉彈牙 有蝦肉鮮甜味很香蝦的味道， 份量都夠熱辣辣很好食, 再配上泰式醬很不錯。

最近我的手提電腦、手提電話、甚至家中電視都開始有點毛病，是叫我要把您們全部通通換掉了嗎? 來到旺角看手提電話看得忘形，原來連午飯都還未吃. 於先達廣場旁正好有間泰菜小店，就來吃個泰式午餐la!小店裝潢簡約，以2人/ 4人餐桌為主，由於已過午市繁忙時段，我們2人可坐舒適的4人餐桌，感覺舒適. 午市套餐供應時間由中午12:00至17:30，款式也多，定價為$48，如想轉特飲也只需另加$5，相當划算!椰青 ($28)椰青大大隻而且很新鮮，內裡的水份多到差不多滿瀉，青甜的椰青解喝又滋潤!龍眼冰 (跟餐加$5)大大杯的龍眼冰清甜又解喝，內裡還有數粒龍眼肉，實在真材實料，是我每次到泰式餐廳必點之選. 泰式Yuki肉片炒粉絲 ($48)帶有少許辣度的炒粉絲，酸酸辣辣很惹味呢! 內裡配料很多，肉片、蛋絲、蔬菜等，而且炒得夠乾身，實在不妨一試!泰式炸蝦餅 ($68)香口炸物是我的最愛，來到泰國餐廳又怎少得炸蝦餅呢! 即叫即炸的蝦餅外表金黃，內裡是爽口彈牙的蝦肉，每人吃三件相當滿足. 咖喱炒蜆 (例) ($88)一客6隻的炒蜆，每隻都相當巨大，而且肉質嫩滑，熟度剛好，配上濃稠的咖喱汁相當美味. 喜歡沾咖喱

聽朋友推介這間新開的泰國菜館，見地點就腳就在先達隔離不妨一試。侍應推介左鹽燒鰂魚，燒魷魚，咖哩炒蜆等。鹽燒鰂魚，真心推介。燒得剛剛好，外皮燒到脆卜卜好似燒焦左咁，但面魚肉好滑，真係燒少一分鐘都可能未熟，燒多一分鐘又冇而家咁滑。燒烤工夫到家。同埋好香，冇腥味，食到中間，就知點解。原來中間放左泰國香葉香茅一齊燒，所以冇哂魚腥味。 再加埋佢地個酸酸辣辣燒魚醬一齊食，真係唔錯，真心推介，但要預多少少時間，即叫即燒所以都要等２０分鐘，邊飲個椰青邊等。

旺角先達對面開左間泰國餐廳入面好多客人，咁好生意我最中意就係食泰國菜入去試下係咪真係咁好食先 入面都好多座位分左兩層裝修比較簡樸 Menu好多野揀，而且有套餐湯粉都係廿幾蚊一碗，好平喎咖哩炒蜆 $88 第一次食炒蜆d蜆係咁大隻嫁蜆肉大大粒又彈牙 咖哩唔係好辣，甜甜地好易入口而且份量都好多，叫個飯黎撈都仲得 蒜蓉包 $25焗得好香好脆，咬落去外脆內軟好香蒜蓉味點埋咖哩炒蜆d叻哩真係超級正兩樣野好夾 蝦餅拼魚餅 $78蝦餅有d蝦肉，炸得好香口又夠脆食落咸咸地，好入味魚餅有陣香茅味，幾特別點埋泰式辣醬就更滋味 椰青 $28超大個椰青，飲落好清甜，再挖埋椰子肉出黎食，好新鮮 青檸梳打 $18好好飲，唔似一般餐廳溝出黎味道淡淡飲得出係用新鮮青檸整出黎甜度適中，青檸味好濃，又夠凍忍唔住飲左2杯呢間泰菜價格親民而且好有泰國地道風味，好好味服務員亦都好有禮貌下次會再黎幫襯