阿來東南亞風味 (已結業)

今日同朋友去旺角shopping餓餓地咪諗住去揾間餐廳食午飯，竟然俾我發現新大陸。我地揾左間泰國餐廳食餐廳環境新凈又企理。一開始叫左個軟殼蟹火山包，即係農夫包。食落非常惹味，啲咖喱好好食，配上脆口嘅軟殻蟹簡直係perfect match之後叫左個馬拉盞炒油麥菜。好有泰國風味，炒得好香口。自從上次去完曼谷後都未食過咁好食嘅菜。最後叫左個蛋黃雞翼。炸得好脆好香口，喺水準之上。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$260。以咁高質素嘅食物黎講算係物超所值。所以整體黎講我對今餐嘅評分係9分！

放假約了朋友一起到旺角辦點事先約了一起去吃午餐朋友找到了這一間 — 阿來東南亞風味 便一起來試一試東南亞風味菜式多選擇有套餐亦可以單點 隨個人喜好決定泰式明爐烏頭明爐烏頭味道配上香茅、香草等調味味道酸酸甜甜 好開胃青班肉質尚算嫩滑 配上湯汁不錯還加入了肉碎和大量菌菇 索晒湯汁泰式生菜包洋蔥、冬菇、蒜粒配以豬肉碎以生菜包著一起吃 清新特別又好味最重要是肉碎份量很多 每一卷都能包滿滿的馬拉盞炒通菜通菜新鮮 份量十足以馬拉盞醬炒起來夠香 不錯不錯椰青原隻椰青上 十分清甜新鮮椰肉嫩滑 又得飲又有得食 正

喺附近行完街想簡簡單單食一餐，就嚟到廣華街呢度覓食。喺門外望入餐廳係好地道嘅茶餐廳感覺，但食落去當然好有泰國風味。我叫咗個海南雞冬陰功湯金邊粉 ($54)，味道不過不失，好足料，海南雞份量比想像中多，最後都食唔晒啲金邊粉添。另外同朋友一齊share泰式鐵板蠔仔蛋 ($78)，味道略嫌有啲淡，下面嘅芽菜吸晒油，好多蠔仔，兩個人食都幾大份。

聽過有人話依間嘅肉骨茶好味, 一直想試。今日街開旺角, 午市試下。首先, 冇人幫我地量體溫、更冇主動提供搓手液。檯與檯更沒有「1.5米」嘅距離。午餐 - 肉骨茶(跟飯), 跟熱奶茶。肉骨茶分唔出係馬來西亞風味還是星加坡style, 唔夠味, 啖口, 少少胡椒味。肉質仍可以。整體失望。熱奶茶 - 唔好飲。另外, 午餐 - 香茅豬扒飯, 加杯凍檸茶。香茅豬扒上加咗個「玻璃芡汁」....想點??? 超越咗食香茅豬扒嘅期望。其實個豬扒肉質、味道唔錯。凍檸茶 - ok。唔會幫襯。

旺角一向是各式餐廳林立的地方。某天和朋友在旺角街上想吃東南亞菜，就搜尋了阿來東南亞餐廳。🤩🤩看似平凡的茶餐廳格局，食物質素卻格外用心。我和朋友吃了一個二人套餐和招牌椒鹽豆腐，價錢不過三百多元，完全是價廉物美。👍🏻👍🏻二人套餐裏有海南雞、鹹蛋黃雞翼和炒通菜，不得不提是加二十元另配的特大椰青，鮮甜可口，而且不是小小個的size，令人非常驚喜。😳😳😳🤤海南雞更是物超所值，肉質嫩滑，沒有平日吃的海南雞的雪藏味；鹹蛋黃雞翼完全足料，鹹蛋黃加上雞翼簡直是絕配，🥰🥰🥰熱愛鹹蛋黃的我吃這道菜，真的稱得上十分滿足；炒通菜亦鑊氣十足，配上小許辣椒，十分惹味，更沒有普通餐廳炒通菜時，水太多所以淡而無味的情況。😈😈普通小店，卻有超班水準，完全值得一試再試，相信一定會帶來驚喜。😛😛😛

聽說呢間泰國餐廳好多人黎食，今日就黎試吓！地理位置都幾方便，喺旺角同油麻地中間，旺中帶靜。食物選擇多！阿來金磚豆腐係呢度嘅推介菜之一，熱辣辣，唔好以為炸豆腐會無味，其實面頭嘅炸漿鹹鹹地，食落好香口，好啱送酒架！泰式肉碎生菜包，肉碎炒得乾身，唔會濕笠笠，而且辣度都接受到！青咖喱配薄餅，薄餅熱辣辣，脆口，點上咖喱汁超正！青咖喱配雞肉，雞肉同泰國茄子夠晒入味！飲品叫咗青檸梳打同椰青，椰青夠鮮甜，重點係夠凍！

🔎 油麻地廣華街38號地舖*📍 阿來東南亞風味.海南雞飯($54)價錢抵,而且大大碟.對於食dinner嚟講,真係要推介呢間店.唔好以為平D食嘅價錢就一定質素一般,食落肉質都幾爽滑,我改咗白飯,如果鍾意油飯可以照揀油飯.蒜茸包($25)大概4件,但係又幾脆口.初頭見前面多D蒜茸後面好似無咩,以為唔好味.但事實原來絕對無影響個口感.炒椰菜苗($58)炒椰菜苗看似簡單,但越簡單就越難煮.加入馬拉盞後的確惹味十足.而且好夠火喉.雞絲札肉清湯粉($48)札肉幾夠份量,雞絲都算多,價錢都係抵食.而且免加一,經過油麻地,旺角都可以考慮下.

同朋友係新年前就好耐無見，一直拖到今時今日都決定出黎見，一定係真愛😂😂我地係懶諗食啲咩，只知想食東南亞菜，所以贏擇左間係行街附近的😍😍點知超有驚喜！我地叫左個二人餐，已經好豐富，飽捧住個肚食🤭🤭首先有碟海南雞飯😳😳我最愛的，配埋油飯不得了😍碟飯好嫩滑，一啲都唔油膩，又唔會鞋到爆，送哂成配油飯👍🏻加埋通菜係無得輸😈通菜最正就係加啲辣椒仔，咁先夠惹味，又係好送飯！再有小食，星馬蛋黃雞翼！最近去過新加坡，已經勁鍾意所以蛋黃系列😂😂今次雞翼好上蛋黃，煎到好脆，一碟勁多隻，兩個人都食左勁多😬😬小食一個唔夠喉，所以我地又叫多左個金磚豆腐，我超鍾意食炸豆腐。因為雖看似簡單，但好考功夫！🤤🤤要炸到外脆內軟唔簡單，果然無令我失望👏🏻👏🏻最後，兩個飲埋個椰汁🥥爽到爆，好甜啊！仲刮埋椰肉食，食到lim lim利😋😋如果行去旺角，不妨去試，因為地點好就腳，好近又抵食，同朋友食就剛剛好😏😏

今日嚟到油麻地呢頭食嘢，久違想試吓泰式食物。睇云成條街，冇乜幾間吸引。之後竟然比我見到喱間，都幾多人食緊。留咗喺屋企好耐，今日終於可以同男朋友一齊食。我地坐低就叫左份炒金邊粉同埋一份炸蝦餅。好快就上碟啦。金邊粉望落幾靚喎，幾大份喎，又熱辣辣。咬落有啲煙un，足料，配埋青檸檬汁同花生碎都幾搭吓。正。蝦餅好快都到啦，望落去好厚喎，咬落好大牙，充滿蝦肉，外皮好脆。大力推薦大家試呢一款。記住沾吓d醬！整體來講值得再返嚟食，而且價錢非常合理。

呢排喺屋企自己煮野食煮得多，食到口淡淡，要間唔中出下街食下野調劑下！🥰🥰🥰-兩個人唔係話太肚餓，於是叫左唔算多野-🥢鐵板蠔仔蛋兩個share先$78，見佢呢個價錢，估應該都唔算好大份。點知係好多蛋同蠔仔！係幾足料嘅！唯一一個地方就係蛋煮得更滑更好！👍🏻本身上個陣就已經有碟豉油同辣醬，略嫌辣醬唔夠辣！其實每張枱都有其他3個醬，分別係魚露、酸辣汁同 辣粉，可以加辣！🙂芒果糯米飯 $58太耐冇食！忍唔住叫返個。一上枱啲飯係熱辣辣出煙嘅！食落軟糯糯，配埋夠甜嘅椰汁同芒果，正！好得意呢度啲🙂凍柚子蜜會加檸檬！

出開旺角做啲野，夜晚就同個friend揀左食泰國菜～冬蔭公湯，兩個人要左個細嘅湯，$78。初頭冇expect過會好大碗，點知份量有多過4碗（碗仔啦緊係😹）～4個人飲都夠，又有好多菇同蝦，香料味十足！軟殼蟹火山包，睇menu似乎係呢度嘅皇牌，$138。齋睇賣相都知唔簡單！軟殼蟹炸到好脆，麵包就唔係炸脆嘅，反而係鬆軟，有少少牛油香。咖哩加左蛋，所以特別香滑，好味！馬拉盞炒通菜，$58。每次食泰國菜必叫嘅野！好難失手嘅菜！

要講及平衡生活不僅要有豐富開胃的食物，泰式越菜常用醬香融合於內，呈出甜酸辣的味蕾增添食物多樣化一站式格局光猛開揚無論點多一點點的餐點食材不用加一相對划算「咖喱軟殼蟹火山包」淋上惹味甜辣黄咖哩汁調較味的確一流，內與外陣陣香味散出滲入厚脆包皮內，香滑稠身汁料拌結軟殼蟹上一食一滋味讓人意猶未盡「芒果糯米飯」時令季節黄燦燦有咬口芒果配上煙韌糯米更是自己的大愛，微温的糯米飯細密幼滑搭出層層傳統風味，細味的咀嚼兩相呼應，那件Q彈鹹甜椰香般的滋味令人一絕

旺角嘅泰國菜選擇都幾多，疫情下呢間餐廳都有唔少生意，而且幾多人入嚟叫外賣，價錢亦係抵食之選完成一輪嘅消毒搓手程序，嘢飲都已經開始嚟咗。跟餐飲品叫咗熱鴛鴦同熱檸蜜，味道唔錯椰子雞湯味道酸甜，面頭有芫茜奶白色嘅雞湯入面有好多雞肉，菇，香茅同香料，椰子嘅味道清香，加上車厘茄粒酸酸地，味道好開胃香芒蟹肉炒飯有好多蛋絲，成個炒飯望落就係金黃，加上生菜，番茄同青瓜拌碟，感覺完全係泰式嘅清新上面嘅香芒果粒香甜，蟹肉雪白一梳梳，而且有蟹嘅鮮味，入面粒粒分明嘅飯，仲有少少香蔥調味好快就扒完一碗食到最後生菜上面冇咩油，證明飯粒夠乾身唔油膩pad Thai賣相好靚，出面有蛋黃煎成嘅網包住，中間仲插住翠綠嘅香茅旁邊嘅花生粒同青檸為呢道泰國街頭名菜增添咗香脆嘅口感同香味入面嘅金邊粉係橙紅色嘅，食落酸酸地，蝦仁好大隻加上豆干絲同芽菜絲，口感好豐富用清新開始，亦以清新作結，睇嚟呢個亦都係港人愛泰國菜嘅原因

同朋友睇完模型，諗唔到食咩，行行下就見到一間燈火通明的 - 阿來東南亞風味，諗都唔諗就入左去食啦。可能時間尚早，店內都未有太多人既出現，一於搵過卡位坐下，與位有一定距離，所以食都食得好安心，坐又坐得好舒適。吸引我們入內的，正正就是門外放著的餐牌介紹，真係睇到都流哂口水了。椰汁三色冰 - $9(跟餐)椰汁味道濃郁，而且椰香味十足，確是消暑佳品。馬拉盞炒通菜 - $58通菜炒得剛剛好，鮮嫩且入味，加入了辣椒，更覺惹味。沙嗲串燒 - $78串燒以豬肉、雞肉各半，吃起來嫩滑彈牙，肉汁豐富。豬頸肉喇沙米線 - $54喇沙米線湯底椰香濃郁，味道相當惹味。豬頸肉肉質嫩滑，豆卜吸收了湯的味道，更見美味，性價比相當高。

近期在旺角出沒的時間多了，連帶在這區吃飯的機會也多了，旺角勝在食肆多，絕對可以天天新款 😂😂隨選了《阿來》，東南亞菜式一向合心意，推門內進，餐廳環境寛落，乾淨企理，是屬於街坊的餐廳，應要多多支持 😁😁今晚點了二人套餐A，盛惠 $228，另加沙嗲豬肉串燒，經濟實惠，超級豐富 😍😍主菜泰式海南雞(例牌)，去骨海南雞，喜歡它啖啖肉，跟有不同味道的醬汁，款款皆美味，屬慣性點選菜式。雞隻肥美，帶少許金黃色肥膏，雞肉嫩滑有肉汁，加點薑蔥，十分滋味。星馬蛋黃雞翼，咸蛋不論什麼配搭，都極盡惹味 😍😍，熱辣上枱香氣迫人。雞翼開邊，蛋黃更黏得更多更厚，不愧為推介菜式。馬拉盞炒通菜，料頭咸香，縱然不是通菜季節，但質量尚算鮮嫩無渣，討好的家常菜。追加的沙嗲豬串燒 $78，還有雙拼選擇，即是豬肉拼雞肉。這款同樣是餐廳推介菜式，豬肉口感鬆軟易咬開，沙嗲味道濃中帶甜走辣，價錢大眾化，是精明之選。飲品點了兩杯熱飲，在深冬的日子裏，一杯熱暖的檸蜜及柚子蜜，的確多出一份窩心暖意💖💖