阿來東南亞風味 (已結業)

我同男朋友都好鍾意食泰國野，成日周圍搵泰國餐廳。是日就黎到位於油麻地既阿來東南亞餐廳。我地叫左金磚豆腐，單骨既蛋黃雞翼，仲有泰式炒金邊粉。上菜好快，落單唔夠10分鐘就上齊晒。豆腐好好食，外層酥脆，內層嫩滑。蛋黃雞翼好香咸蛋味，單骨既設計亦方便進食。泰式炒金邊粉既蛋就幾正整得幾特別(唔記得影相), 用蛋汁整左個網紋包住d金邊粉，蝦亦夠晒爽口彈牙，不過overall 甜左少少。另外，想講個餐廳好有心思，上碟好靚，正所謂色香味，起碼先聲奪人先。

話說飯前發生一段小插曲，原本準備由染布房街轉入廣華街，突然發現有位伯伯看似不適，有幾位男女圍著，伯伯坐在有轆推椅上，幾位男女說著叫老伯通知屋企人或推他到急症室，老伯連忙說不，幾位男女擔心伯伯安全，再次遊說，老公與我也有幫手，之後看見幾位男女很熱心不斷遊說，也就離開了。想不到入餐廳後坐了一會，見到其中一位男女，原來是餐廳職員，說見到伯伯不適，連忙幫手扶他，走了一小段路，最後伯伯讓人扶他返家。看見職員的熱心，不禁暗中對小店加分。東南亞小店格局像茶餐廳，感覺貼地親民，讓人覺得自在舒適。推介小菜的相片都貼在牆上，一目了然。星馬蛋黃雞翼單骨雞翼炸熟新鮮熱辣燙口，再撈上沙沙鹹蛋黃，鹹香惹味。阿來金磚豆腐炸豆腐做得外脆內軟，外層不太厚，豆腐豆味清香，十分嫩滑。馬拉盞炒通菜馬拉盞醬帶有發酵蝦仔味，加上辣椒蒜頭麵豉，濃香惹味。通菜用上青通，比較幼身嫩滑。泰式濕炒河粉泰式濕炒河是用粗河粉去炒，可配豬牛雞雜菜或海鮮，再加上濃濃的獻汁。是次配菜非常多，獻汁稍多，可以減少一點。鹹檸七鹹檸七以一整罐七喜奉上，可以倒出一杯半左右，很清酸解渴。

星期一夜晚響油麻地想搵泰國菜食 上openrice見呢間comment幾好就過來試下我哋兩個人叫左一個鮮蝦炒金邊粉 咖喱軟殼蟹 炸蝦餅 同埋炒通菜 食物上枱嘅速度係勁快 10分鐘內😂又熱辣辣 整得好靚嘅炒金邊粉！ 個粉本身係微辣 撈埋旁邊嘅花生碎好夾 配料又好多口應豐富 好大碟 記得只係$58 比平時出面食嘅抵食軟殼蟹都有4-5件 咖哩係偏椰奶嘅甜味 軟殼蟹炸得幾脆口 唔錯 仲有好多蔬菜響入面添呢個炸蝦餅超好食 個炸漿好薄 入面蝦肉好大舊 彈牙 推介呢個馬拉盞炒通菜正常發揮 唔會太油 又係超大碟今晚食得好飽 每人百零蚊真係好抵食 見到隔離枱叫嘅嘢食 下次想埋海南雞/豬手呀

鐵板蠔仔蛋未食過的菜式，但估唔到超級大碟，蛋和蠔仔好似唔洗錢咁，而蠔仔一啲都唔仔，每粒都有手指頭咁大粒，真係啖啖肉脆炸馬來豆卜釀蝦膠另一味，未食過的小菜，簡單的豆卜釀上滿滿的蝦膠，好脆的豆卜外表，就好似薯片咁脆，豆味又濃軟殼蟹火山包見到推薦菜就決定試下，好像是餐廳風格一樣，份量是暴力地多，軟殼蟹不錯但個咖哩超級足料，切開麵包時就好像火山一樣醬料爆炸性湧出來椰青人頭咁大個椰青，而且清涼鮮甜，係悶熱的天氣下，飲一啖真係好爽

陪個friend喺廣華街睇完野跟住就開OpenRice睇吓有咩食啦見到呢間幾高分所以就嚟咗試啦餐牌都好吸引 好多款式基本上泰式嘢都有齊首先嗌咗個例牌泰式豬髀大大份有肥有瘦 好香好入味仲要整得好淋好易咬啲皮仲好鬼彈牙 而且一啲都唔濟跟住叫多個馬來豆卜釀蝦膠好足料有成十幾舊蝦膠彈牙 個皮都係新鮮炸起卜卜脆阿來金磚豆腐同佢個圖一模一樣外脆內軟 配埋佢個泰式辣醬就真係Perfect啦呢個就係泰式鮮蝦炒金邊粉好有誠意外貌都靚過人 最後加$21就有原隻椰青啲椰汁🥥好甜 仲好滿依啲椰子肉都有俾個匙你筆來食一筆就甩到買單兩個人$291捧住個肚走

咁啱今日想食泰國嘢，終於有機會去食下啦，由於我地早食快，等左幾分鐘就有位。泰菜餐館格局有點像一般茶餐廳，但勝在食物選擇相當多，價錢親民，乾淨企理，而且食物質素不錯添～ 先點一份海南雞飯，海南雞望落去好新鮮，雞味濃郁，肉質嫩滑，雞皮夠爽口，唔會有過多肥膏。再配埋正宗既秘製嘅海南雞醬汁， 味道提升更惹味！油飯夠香軟，不感油膩。這個冬蔭公湯（小）夠香偏辣，有三隻大蝦，大大隻，以78蚊呢個價錢飲到真係覺得好抵。蝦肉入味，又易脫殼，岩晒我口味。椰香味都幾重，好好飲，有咁嘅味道、份量，真心滿足！炒通菜辣度適中，小辣左右啦，菜炒得好有鑊氣，食落真係炒到熱辣辣，夠哂香口，2個人食食到停唔到口，真係好正大家一定要試呀。 椰汁西米糕做得好滑溜，唔會好甜，而係帶清甜既椰香味唔會過濃，西米中和左少少，芋頭粒粒令口感同味道都更有層次，食落夠冰凍，好啱夏天食！三色冰唔甜，椰香味濃，就算杯嘢飲入面勁多冰都唔會沖淡，底下好多三色啫喱條，顏色好靚，食完辣野飲岩岩好。朋友仲叫個去食泰國菜必點的椰青。整體來講，今日開心又愉快，雖然舖頭裝修唔係好豪華，但價錢親民，乾淨企理，而且又可以食到好味泰國菜，當去左轉泰國～唔怪知得咁快

限聚令下真係少左同朋友出街，近日疫情好轉，終於可以約下朋友啦。疫情下無得去旅行，喜愛食泰國菜嘅我，唯有係香港搵好野食。位於廣華街嘅「阿來東南亞風味」，交通方便，係約朋友食飯嘅好地方。由於我地只有兩個人，所以只係叫左一d小食同埋一個主菜share。泰式炸蝦餅：炸蝦餅係我最欣賞既小食，一碟總共有六件，以＄68黎講算係好超值。蝦餅炸得剛剛好，外層金黃夠脆，入口爽口彈牙，口感十足，鮮蝦味道夠重，再配埋D泰式辣醬食，真係風味十足。金柚子鮮蝦沙律：泰菜味道普遍偏濃，叫返個沙律食就最好不過。加入左柚子同蝦既沙律，配埋泰式沙律汁，味道清新，令人越食越開胃。馬拉盞炒椰菜苗：椰菜苗炒煮時火候剛剛好，軟硬適中，加入馬拉盞炒，鹹味恰到好處，食落好有口感。青咖喱雞配薄餅：加左椰汁整成既青咖喱雞真係份外香，入口一d都唔辣，鍾意食辣既我認為可以再辣少少，配料方面，除左有雞肉之外仲有豆角，份量亦都好多。有別於平時配飯，呢度係配薄餅，一份有8小件，可以用黎點剩餘嘅咖喱汁，簡直係一流呀。埋單都係每人＄140 左右，咁嘅價錢食到呢個水準嘅食物，都算係「性價比高」啦。

阿來實在係疫情期間經常會嗌嘅網上外賣平台餐廳對比番深水埗個人認為旺角呢間更加好食之前冇疫症我都成日去食飯 侍應嘅態度都好好 不論係收銀或者係服務員都係 呢樣係好抵讚佢嘅生菜包好好食好夠辣 肉碎好多 好多時食晒啲菜都仲有肉食另外泰式炒金邊粉 海南雞飯都係必叫嘅佢午餐仲有個香辣肉碎炒飯都係好正 沙嗲串燒都係好食 佢係會提供好充足嘅醬料 啲肉唔會燒得過老好食😋反而有一次試過芒果糯米飯係有啲失望嘅 我覺得佢係冇用椰糖 或者唔係落椰漿去煮啲糯米 令到糯米同椰汁味分開咗

平時有幫襯開叫雞脾飯，昨午十二點叫外賣自取，回家一開，d雞散哂，擺明時昨天賣剩今日翻熱賣俾客人，專登加$想吃個靚脾，俾d甘野客人吃，今後不會再幫襯👎🏻👎🏻👎🏻

同朋友食過幾次覺得唔錯,今次同屋企人去食，佢地都覺得幾好，價錢又唔貴。 叫左馬拉盞炒椰菜苗，好惹味又大碟，炒完出黎仲好翠綠，推薦!其實仲可以選擇蒜容/飛天(辣)，不過屋企人唔食辣椒。 另外又叫左個咖哩軟殼蟹多士盒，個咖哩係唔辣果種黃咖哩，而且好重椰香味，有少少甜味，沾麵包食好夾，跟原隻軟殼蟹，啖啖肉，炸粉唔算太厚，連咖哩食唔乾，我地另外叫左白飯，咖哩汁好好餸飯，好快KO一碗。 跟住又叫多左個小食炸蝦餅，有6大塊，炸粉薄而脆，同泰式辣椒真係絕配，推薦!最後埋單$250三個人，好合理價，一定會再回頭，佢仲有D抵食午餐。

朋友好喜歡吃喇沙， 這天來到油麻地《 阿來東南亞風味》 二話不說坐低就點咗《海南雞喇沙》。顏色好靚， 望落足料豐富 而且香氣撲鼻～湯底唔會好辣， 超濃郁足料， 有椰香， 芽菜，豆卜，蝦米乾，肉碎～ 米線滑嘟嘟唔會太淋好弹牙。 海南雞反而成為配角 ，主要嘅味道都係個湯底！正呀 越吃越上癮！我就喜歡吃海南雞簡單加個白飯或油飯。 這裏的海南雞雞味十足， 唔怕肥的话雞皮爽口唔好錯過～～ 雞肉嫩滑。 例牌嘅份量也不少。 一定要試佢嘅海南秘製醬汁， 辣辣地味道濃郁 真係好醒胃，蘸些也帶出海南雞嘅鮮味！！食物唔錯，價格實惠而且冇加一， 附近嘅街坊真係有口福！

#泰國菜 #旺角 #一定會再黎幫襯 😋.位於旺角美食一條街既廣華街, 有間Openrice 好評200幾既隱世泰國菜, 外面平平無奇好似茶餐廳既格局. 食物卻令人驚喜 又喜出望外😌.性價比高的幾樣食物：(豬頸肉炒椰菜苗$68 - 其他餐廳單炒菜已經唔止呢個價 佢仲有超過10塊豬頸肉炒埋一齊, 蒜蓉爆得夠香口, 絕對值得推介👍🏻) (金不換香辣肉片炒河-河粉係正宗泰國粗身河粉,配上辣椒肉片爆炒好不得了😋) .炒粉麵飯+$21有原個椰青😍 平時其他鋪頭起碼要$30up, 蒜蓉包$25 有4件😆😆.性價比夠晒高,唯獨係餐廳無咩裝修,但食物就平靚正+大碟 😉。📌地址：油麻地廣華街38號地舖💰價錢：$100-$120👅推薦指數：👍🏻👍🏻👍🏻👍🏻👍🏻（5星為最高）———————————————————#EatgoEat #Hkfood #foodiehk #hkiger #hkig #hkgirl #hkfoodies #hkfoodpic #hkfoodblog #foodpic #foodphoto #foodbloggers #foodphotography #lifestyle #foo

同事生咗BB，今日同事們去廣華醫院探望她，之後我們去食飯，有同事喜歡食泰國菜，並説附近的阿來東南亞風味食物唔錯。又冇加一好抵食。餐廳光猛整潔，招呼都不錯。海南雞半隻，雞肉而去骨，皮薄少脂肪，肉質非常嫩滑。泰式乾炒豬肉河粉，大大碟夠鑊氣，肉片軟嫩，用寬身的泰國河粉炒特別有口感。泰式滷水豬髀飯，豬脾滷得入味林滑，份量又夠多，特別是豬脾皮，口感QQ的，骨膠原相當豐富。滷蛋也很香。椰汁三色冰，粉條軟滑，椰汁香甜, 冰涼好飲。泰象啤夠凍，有啤酒香濃的味道。

兩個人近糧尾出街食飯, 更係要搵平野食啦! 醒起之前食過廣華街一間泰國菜, 抵食又大碟!餐廳走平民路線, 沒有華麗裝修, 不過全日無加一, 價錢抵食, 都吸引到唔少街坊幫襯! 二人餐 HK$258 超抵食, 每項自選款式都好岩我倆口味, 而且仲包兩碗飯同埋兩杯飲品, 夠飽肚泰式海南雞(例牌)無骨海南雞嫩滑, 啖啖肉, 雞皮沒有肥油層連帶, 點上黑豉油+薑蓉, 味道更加提升。套餐跟自選白飯/油飯2碗,油飯富有雞油香, 但不會有過多油份, 飯粒粒粒分明又軟熟泰式生蝦刺身生蝦經冰鎮後, 蝦肉更加爽口, 配上生蒜、辣椒, 沾埋泰式醬汁食, 酸酸辣辣幾開胃!泰式肉碎生菜包豬肉碎keep到肉汁, 但質地不太嫩口, 而且味道偏淡。夾集洋蔥、冬菇、蒜粒, 帶出少少肉香, 層次更豐富, 肉碎份量多, 配上新鮮爽脆生菜都唔夠包。套餐包兩杯飲品, 可以加$20升級椰青, 即開凍冰椰青清甜, 非常解渴

疫情爆前去左一轉布吉🇹🇭，懷念泰式生菜豬肉包及金邊粉呢！放工想食地道泰菜，經過呢間平時好多街坊幫襯既阿來，見今日無咁多人就去試試。呢排天氣熱熱地，我們點了食泰國菜一定要飲既泰式奶茶及椰汁三色冰。海南雞飯見到個海南雞好吸引呢，份量都算大！黃油雞黎啖啖肉唔錯，肉質幾嫩加埋秘制薑蓉，好食😋老公最喜歡食生菜包，大大塊新鮮生菜，豬肉粒有濃濃既蒜味帶小小辣，用菜包住黎食很野味口感豐富。炸蝦餅熱騰騰端出來，面層金黃色幾酥脆，入面是啖啖肉爽口既蝦肉，好邪惡。鮮蝦炒金邊粉鮮蝦夠大隻幾爽口，將香料及檸檬汁混合金邊粉，好香既香草及花生味道帶小辣，麵較腍身，味道跟泰國食到的一樣，好似返左泰國咁呢😋😋平民價錢，有水準既泰菜，下次會再幫襯。