阿來東南亞風味 (已結業)

今日肥妹仔放工心血來潮想食東南亞菜，於是就去咗呢一間 東南亞餐廳度食晚飯。之前都試過食，覺得佢嘅性價比高，值得再試。海南雞半份肥妹仔我其實好鍾意食佢呢度嘅海南雞，因為佢嘅海南雞好滑。雖然有雞胸肉，但係一啲都唔柴，點埋佢酸酸甜甜嘅醬汁仲好食。泰式鹵豬手呢一個肥妹仔嘅朋友食到讚不絕口，因為佢嘅滷水汁好香濃，佢唔似我哋有花椒八角嘅味，食落去甜甜地，而且骨膠原超強。椰汁雞湯每一次必要嘅湯，佢嘅椰汁味超濃，飲落去酸酸哋，超級開胃。入面有好多雞肉，非常之豐富，攞嚟撈飯一流。香茅肉碎煮烏頭條烏頭好大條，肉質都算嫩滑，個汁係酸酸地，少少辣 ，超級好食。椰青清甜，解膩一流。

今晚約左家姐去油麻地食泰菜，唔好以為肺炎疫情嚴重就周圍靜過鬼，依我觀察呢區好多食店依然大排長龍等枱食飯，有麝自然香，阿來東南亞風味亦係其中一間多人捧場食店👍🏻。餐廳食物選擇多：鐵板蠔仔🦪餅 - 熱辣辣攞出黎，蠔肉🦪粒粒肥嘟嘟，好有蠔味之餘，夾埋滑蛋一齊食，好正，最鍾意底層鋪滿芽菜仔，又甜又爽口😋。生菜包🥬 - 生菜好大塊又新鮮，份量又多，肉碎小小辣，入邊有乾蔥同應該係九層塔嘅香味，而且唔會好油膩，可以一塊接一塊咁食👍🏻馬拉盞炒通菜，夠晒鑊氣，唔會死咸，非常翠綠爽口😋。重頭戲，咖喱炒軟殼蟹 - 軟殼蟹做得好乾身，啖啖肉😋，面頭只一層薄薄炸漿，一啲都唔會油膩，咖喱小小辣，但仍保持咖喱嘅香味，而且咖喱汁好滑溜，最好就係配薄餅一齊食，一於連汁都撈埋😋。最後不得不讚各位店員，個個都笑容滿面，呢間食店無論食材、味道、服務等都一定要比讚👍🏻👍🏻👍🏻，而且價錢非常合理，係一間你食過一定會再幫襯嘅食店👍🏻

今日約咗朋友去旺角食飯，因我哋兩人都鍾意食泰國菜，所以上openrice找尋一下，發現這間「阿來東南亞風味」，都有幾多讚同推介，所以決定試下呢度裝修簡單，坐位唔多，但真係好多食客朋友鍾意食咖哩蟹，所以點咗咖哩軟殼蟹加薄餅，生菜包，鐵板蠔仔蛋，馬拉盞通菜咖哩軟殼蟹，咖哩汁味香、唔辣，軟殼蟹炸得鬆脆，加上咖哩汁一齊食，真係非常惹味，另外加咗份薄餅，蘸上叻哩汁，真係絕配鐵板蠔仔蛋，蠔仔好大隻好飽滿、肥美，入口好有蠔的鮮味，加上蛋一齊煎，真係非常美味生菜包，肉碎有點微辣，好香九層塔味，加上生菜包嚟食，口感清爽馬拉盞通菜，通菜的脆口，加上馬拉盞嘅鹹香味，真係美味配搭椰青，多汁，味清甜總括來說，食物味道烹調得好好，每碟份量又大又多又够鑊氣，真係值得讚同推介

我有一個朋友好鐘意食鹹蛋黃嘅野，所以我今日帶埋呢個朋友黎廣華醫院附近呢間餐廳食野，比佢知道呢度嘅雞翼有幾好食﹗好食嘅野，梗係要比多啲人知啦﹗泰式奶茶顏色好好睇，帶少少橙色。口感幼滑，茶味香濃泰式香芒蟹肉炒飯芒果香甜而且比例頗多。蟹肉一定要講，因為係手拆㗎，唔同平時食日式料理嘅蟹肉咁碎濕濕，值得一讚﹗餐廳好足料，每一啖都食到芒果同蟹肉，成碟炒飯有海鮮都唔使過佰，真係好抵食👍🏻蒜茸炒椰菜苗除左生蒜茸仲有熟蒜伴碟，除左賣相好睇啲，食落都多左重香氣，椰菜苗係我食泰菜必點之選，佢嘅香味好特別，未試過嘅朋友可以試下😊星馬蛋黃雞翼呢個小食真係要大力、大力、大力推﹗自從鹹蛋魚皮出左名后，越黎越多野食都出蛋黃口味，但好多掛住”蛋黃”涵頭卻食唔出主角﹕鹹蛋黃味道。呢間餐廳好夠味，有齊鹹、香、脆集於一身，一個字﹕正﹗泰式鐡板蠔仔蛋蠔仔蛋比我預期中大碟好多，確實好好食，但我地2個人食唔晒，真係有啲浪費….如果係一班人食飯，可以叫黎試下。碟菜一上枱渣渣聲、勁有睇頭呢

呢間位於油麻地嘅泰式餐廳非常抵食，而且食物有水準，最緊要係價錢真係好大眾化！呢度嘅食物好過九龍城好多嘅泰菜餐廳。炒金邊粉麵上蛋花整成網狀，賣相唔錯；而且金邊粉夠彈牙，味道恰到好處，真係幾好食。炸豆腐呢個真係必叫，冇得頂！炸到好香脆，個皮夠薄，入邊舊豆腐又夠滑，點埋個泰式辣醬好食！黃咖喱配油酥餅，黃咖喱雞夠嫩滑，咖喱味好香唔會太辣 。油酥餅新鮮整起，好食！就算放咗一陣再食仍然好酥脆！另外，炒椰菜苗辣辣地幾香不錯。呢間泰式餐廳真係推介性價比超高！

黎廣華街食野，行到街尾見到呢間東南亞餐廳，主打泰菜。全日免加一。我地兩個女仔，叫左一菜、一湯、一主食。馬拉盞炒椰菜苗（$58）黎到即刻覺得炒得好香，菜苗都幾多，味道唔會好鹹。軟殼蟹火山包（$138）呢個火山包算係打卡之選。兩隻軟殼蟹切開四大件，用一大個農夫包裝著咖哩汁。個咖哩汁唔算好濃，味道差少少，但係份量搭救，多到滿瀉，配飽食真係幾正。軟殼蟹大大隻，炸完都幾脆身。椰汁雞湯（細）（$58）呢個椰汁雞湯我地幾鐘意。有冬陰功嘅酸味，又有椰汁嘅味道，入面仲有好多菇同雞粒。啲雞係滑嘅，非常入味添。埋單$264，總括黎講味道都幾正常，又抵食。裝修係茶記裝修，有三個卡位，地方算乾淨整潔。

同朋友兩個人去了旺角食泰國菜，這間阿來以前曾光顧過，味道不俗又抵食。泰式鮮蝦冬陰功湯冬陰功辣度已調較至合港人味道，只有輕微的辣，但有濃濃的香料香味，加上番茄的酸甜，整體開胃又惹味，還有大量的雜菌及爽彈鮮蝦。星馬蛋王雞翼雞翼香脆，表面充滿著蛋王香味十分邪惡，而且一開二，方便食用。海南雞例牌海南雞已去骨，雞皮皮下脂肪少而且爽口，雞肉嫩滑，配上特製的酸辣醬汁，非常惹味，送飯一流。辣椒膏蝦頭油海鮮炒飯有去殼海蝦、魷魚、蜆肉等海鮮，十分足料，炒飯爽口而且都幾辣幾惹味。套餐加$9還可配特飲，我就要了杯青檸梳打，酸甜開胃又清新。

去完百利的美容店，華生帶我去附近廣華街搵食，東南亞菜絕對係我杯茶，店內係一般茶餐廳格局，勝在乾淨企理。好多嘢想食，兩個人唔食得太多，選擇困難之下......叫咗一份蒜蓉包，香脆帶軟又惹味。跟住係半隻海南雞，雞皮爽口，肉質嫩滑，雞味濃郁，好味喎。加多個油飯俾華生，試咗一啖，又香又軟。椰菜苗係必然之選，翠綠爽口，以馬拉盞炒夠惹味。想食豬髀又想飲冬蔭公，於是就叫咗呢個粉，豬髀軟滑香腍，河粉幼滑，冬蔭公夠香有點辣。整體食物唔錯，價錢又唔貴，可以再食。

最後一日新年假期，同阿媽去了附近的東南亞餐廳食午餐，午市時間有午餐供應，都是幾十蚊起，還包飲品，十分抵食。泰式炸蝦餅蝦餅炸至金黃色，表面香脆，中間蝦肉彈牙。阿來金磚豆腐豆腐外脆內嫩，加上泰式酸甜醬，十分惹味。泰式鮮蝦炒金邊粉金邊粉賣相精緻，以蛋皮包裹，金邊粉爽口，裏面有蝦仁及花生碎，味道帶淡淡的酸甜味。椰汁西米糕表面的椰汁味道香濃，下面是芋頭粒及西米，味道不會太甜。泰式咖啡咖啡味道都算香，不過味道較甜。

如果要肥雞揀一間又平又好食嘅泰式餐廳，肥雞通常都會去位於油麻地廣華街嘅一間阿來東南亞東南亞泰式餐廳， 次次去到都要排一陣隊，但冇所謂啦，鬼叫佢啲嘢又平又好味咩， 肥雞今次就嗌咗個馬拉盞炒芥蘭，可能並唔係時節，所以有少少老，之後再嗌多個泰式烏頭，可能天氣凍呀，熱辣辣，用啲湯滾煮個烏頭食，真係非常之下飯，跟住在今次試下個泰式鹵豬手, 個鹵豬手鹵得非常之有味道. 再嗌多個海南雞飯， 啲海南雞醃得非常之有味有雞肉都幾滑下

訂了機票六月就去泰國，但今天已經忍不住要去吃泰菜，見這間阿來東南亞風味風評不錯，就來試一試。餐廳泰菜選擇頗多，小食、沙律、主菜、咖哩、粉麵飯類、甜品各種各樣都有，全是正正經經的傳統的泰式食品，沒有整色整水的假泰菜，更有多種泰國特色飲品。泰式滷水豬脾飯豬手炆至稔滑，再預先去骨處理，配以濃郁底蘊的滷水醬汁，一吃就知道是有落足料的泰式藥材滷水，而豬手皮滑、脂爽、肉軟，配上口味十分地道的泰式辣汁，肥瘦相間，每一口都是滋味。泰式鮮蝦炒金邊粉金邊粉份量非常慷慨，重本用上十分大隻的鮮蝦，金邊粉鑊氣十足，伴入花生碎及青檸汁，酸甜美味，令人一口接一口。香茅鹽燒鰂魚即叫即烤，用上少骨的鰂魚啖啖肉，輕輕將魚皮翻開，香料的香氣隨即撲鼻而來，魚肉烤得恰到好處，鮮嫩多汁，再沾上泰式辣汁，粗糙細膩並存，一流之作。芒果糯米飯最後以一客芒果糯米飯作結，精挑細選的芒果，搭上軟糯可口的糯米，以及味道天然的椰漿，入口香甜美味。

陪友人係附近買完氣槍配件，當然食埋飯先返屋企，佢介紹呢間泰國菜館，話係超抵食，仲要全日唔加一係門口望見餐牌，食物選擇相當多，價錢大眾化，裝修格局帶點茶餐廳風味，坐於卡位坐都舒服嘅有三款二人套餐，價錢低至二百幾已經有交易，有菜有肉又有飯，仲有飲品，菜式望落都岩口味，唔駛煩，就呢個啦!最先出場係呢客星馬蛋黃鷄翼 ，採用單骨上菜，食起黎更為方便，亦易於令鷄翼入味咸蛋黃掛於鷄翼外皮，入口皮脆及肉嫩，熱辣辣真係幾令人停唔到口喎棄點海南鷄，改食泰式滷豬脾 (例)，無選錯呀，份量絶對足夠二人共享，送上白飯及油飯一碗每件都有一定厚度，夠口感; 另有咸菜及滷蛋半隻豬脾滷得相當入味，豬皮位連肉一齊食，一D都唔肥膩，感覺豬皮下嘅骨膠原滋潤緊我嘅口腔呀呢客飛天通菜用辣椒(連帶辣椒籽)及豆醬一齊炒，辣度比起平時食開嘅馬拉盞更刺激，味道夠惹味，通菜入口無渣，歡喜辣嘅友人表示欣賞包埋飲品，選擇咸檸七呢D特飲類都唔駛再加錢，抵飲呀!另外單點呢客燒香芧鰂魚 ($138)，即叫即燒，所以係壓軸出場呀!  連皮唔打鱗搽上粗鹽去燒，看似簡單!放上枱已聞到香味，揭開魚皮就見到魚肉，魚肚內放滿香芧及薑等配料，魚肉份量都唔少，又無

驚喜大發現，廣華街的阿來東南亞風味餐廳抵食又好味，價格親民！我哋拣左二人套餐A，揀左泰式滷豬髀，星馬蛋黃雞翼，飛天通菜，油飯，咸檸七，另外加左招牌菜阿來金磚豆腐，超級豐富。飛天通菜，馬拉展爆炒夠晒鑊氣香口，依然保持翠綠的外表，賣相靚仔，口感爽脆，不油膩，送飯一流。雞油飯實在香，雖然明知油飯肥過白飯，但敵不過美食，我地兩個吃貨都系揀油飯。真係勁好味！泰式滷水豬髀，肉質好冧，筷子一夾就可以將豬皮分開，勁入味。最邪惡系星馬蛋黃雞翼，單骨雞翼食起上嚟都幾方便，岩晒懶人。咸黃蛋香口，裏在雞翼上，連我呢d平時晤食雞皮既人，都抗拒唔到佢既美味！好正！招牌菜果然了得，阿來金磚豆腐，外層椒鹽香酥，內里嫩滑，點上特色辣醬，難以形容的美味，超級推薦！

話說搬左去旺角後，食飯唔係外賣就食黎食去都係個幾間🤔，今日突然心血來潮想睇下有咩新選擇😏。見到廣華個邊有間泰國菜個個啲食評都係話好抵食🧐，好奇寶寶既我當然想試下啦，話唔定可以做埋我既新飯堂添🤣我同男朋友7點鬆啲就到，雖然成條街都係食店，但絕對唔難搵，因為有勁大勁光既招牌😂鋪頭都幾大😱勁光猛，坐得勁舒服，仲有得坐卡位，爽🤩泰菜必點-飛天通菜😍一上枱我同男朋友真係互相對望😂因為真係好大碟，好誇張，味道仲好好，好有鑊氣，仲好夠辣👍星馬蛋黃雞翼-男朋友至愛黃金雞翼🙈估唔到係呢度既招牌菜👍仲要係單骨，夠哂入味又方便食，香脆又惹味，邪惡但停不了口😂😂阿來金磚豆腐-另一個招牌菜，初初諗咪又係炸豆腐，可以有幾好食丫🤔點知我錯了🙈，啲豆腐上枱芝麻味香到一個點😍真係外脆內嫩，QQ的🤤青咖哩雞配薄餅 -又一泰菜必點🤤薄餅熱辣辣又香口勁好食👍，又唔會好似其他地方咁淋到乜咁👍青咖哩亦都好正宗，雞肉仲好滑☺️個配搭完全一流，攪到我地爭食😂總結:網上傳言係可以相信😂😂 2個人嗌左4樣野2杯野飲，埋單都只係3百幾😂😂去其他地方邊會食到丫😂重點係價錢平得黎野食大大碟，而且仲係好好味🤤🤤🤤所以呢間我一定會成日再去😂😂😂😂

HAPPY FRIDAY~~下班後想食泰菜不想去九龍城，還有什麼好選擇??看到這間在油麻地的泰菜館~~評語不錯~~便去嘗試一下由於菜品的價錢便宜，所以環境一般也可接受~~我們一行2人叫了兩款小食，一個菜，一個主食及每人一杯飲品~星馬蛋黃雞翼$68這是餐廳的招牌菜~~脆脆的雞翼加上咸蛋黃果然十分香口及惹味~~燒豬頸肉~ $68每次吃泰菜必叫的!!味道不錯份量很足~~飛天通菜~$58香氣十足!!!帶有少許辣味泰式鮮蝦炒金邊粉$54份量足夠2人食用~~ 味道剛好! 飲品方面，我們叫了三色冰及咸檸7~~味道也不錯!總結而言，餐廳的性價比很高!!我們叫了兩杯飲品及4款菜式，共$280~而且餐廳有很多招牌菜，下次會再去試!!!!