阿來東南亞風味 (已結業)

出開旺角做啲野，夜晚就同個friend揀左食泰國菜～冬蔭公湯，兩個人要左個細嘅湯，$78。初頭冇expect過會好大碗，點知份量有多過4碗（碗仔啦緊係😹）～4個人飲都夠，又有好多菇同蝦，香料味十足！軟殼蟹火山包，睇menu似乎係呢度嘅皇牌，$138。齋睇賣相都知唔簡單！軟殼蟹炸到好脆，麵包就唔係炸脆嘅，反而係鬆軟，有少少牛油香。咖哩加左蛋，所以特別香滑，好味！馬拉盞炒通菜，$58。每次食泰國菜必叫嘅野！好難失手嘅菜！