阿來東南亞風味 (已結業)

難得同老公過個左土瓜灣，之後要去旺角轉車返屋企，就搵吓附近有咩好食啦，你有得放大假去旅行，就食下外國菜只下癮先，行咗去靜少少嘅廣華街，見到有泰國菜喎就試吓啦，平時大家諗起食泰國菜都係會諗起九龍城，但係我覺得特登要過到去嗰度食飯又真係好麻煩，就一於睇下呢間好唔好食啦老公二話不說就話不如要個冬陰公湯啦，難得佢咁快下到決定我就梗係支持啦。個湯酸酸辣辣，好有椰汁味，好開胃，仲有三隻蝦，再加好多好好味嘅菇之後佢仲話嗌個炒飯啦，咁就叫咗個芒果蟹肉炒飯。芒果鮮甜，都有好多蟹肉，啖啖飯都可以食到蟹肉。老公臨行去廁所前見我太花多眼亂就話不如要個蝦餅囉。蟹餅好脆口啖啖肉，晤點將醬都好食，我就用佢黎送咗碗油飯，直頭可以唔使食其他餸都得啊。另外仲叫咗杯三色冰好友椰汁味碟碟份量都唔細食咗大半到就已經好飽但係唔想晒野係食咋慢慢食埋佢平時可能閑閑哋食餐飯一個人都要$200位啦依家$250有找兩個都食飽，都扺架待應好好呀，一開頭得圓枱，但未落單，卡位有位就比我地調左過去，可以坐得舒服d今日我哋都算早去七點半就去到食到八點鬆啲就開始好多人如果可以早啲去食就可以唔使排隊都幾好

距離去泰國玩之前仲有段時間，就去食泰菜pre trip一下。海南雞(例牌$78)見到師傅熟練技巧專切雞，這裡半隻雞都有，超大份！雞很肥美嫩滑，而且是去骨的，附泰式辣醬，好惹味。蒜茸炒雜菜($58)有芥蘭、西蘭花、椰菜、菇、粟米芯、蘿蔔，色彩豐富，蒜香嘖噴。椰汁三色冰($22)星馬蛋黃雞翼($68)用上單骨雞翼，掛滿鹹蛋醬，口感豐富又滿足。滷豬髀喇沙米線($48)，湯底椰奶味重，豬脾肉帶皮很嫩，又有嚼勁，配芽菜、豆卜，生菜墊底增加美感。米線份量也很多，麵身偏軟，吸收了湯汁的味道。凍奶茶(跟麵凍飲加$7)

最近去旺角陪朋友看模型，在廣華街見到依間泰國餐廳，門面光猛，而我一向都喜歡吃泰國菜，那就入去品嚐一下美食啦！餐廳裝修簡約明亮，乾淨整潔，感覺舒服。餐牌上有多款二人套餐，另有招牌小菜、海南雞、海鮮、咖喱、飯類、黑鼓油乾撈粗麵、喇沙、湯金邊粉、炒菜、特式小食、甜點及飲品等，款式很多。星馬蛋黃雞翼     $68潮流興食蛋黃製品，這碟散發著陣陣香氣，雞翼是單骨，方便易食，讚！ 溶溶的蛋黃加上雞翼的香脆，太美味可口了！泰式鐡板蠔仔蛋    $78大大粒蠔仔，煎得剛剛熟，口感嫩滑。香味四溢的炒蛋，與蠔仔味道很配合，而且份量頗多，加上鐡板可以保持熱度持久效耐，令食物更熱更美味，真的不錯。馬拉盞炒通菜     $58醬料豐富的炒通菜，有蝦米、蒜蓉、蔥頭等，炒得很有獲氣，越吃越起勁，非常惹味。下午茶餐 - 滷豬髀喇沙米線     $38滷豬髀肉質軟淋不韌，滷水很入味，加上濃郁的喇沙湯底，以及米線的爽口，這碗惹味的湯米線，真的不錯。餐飲 - 荔枝梳打酸酸甜甜，少少氣泡，冰爽解膩，好飲。椰汁三色冰    $22濃濃椰汁香，滑嘟嘟的彩色粉條，軟滑爽口，美味。7喜     $14冰冰涼涼，清爽解渴，不錯。

女朋友最鐘意食泰菜， 日日番工碌Facebook 就成日見到呢間餐廳既蹤影，仲要有唔少好評， 不如就擇日試試佢。 見一般我地食開既泰國餐份量又唔係太多， 不如叫個多野d既餐啦， 點知， 真係唔知開心定後悔， 因為真係好L大份！ 超值！2人餐C $398泰式鮮蝦冬陰公湯入面有4 隻大蝦， 冬陰公湯好有香港風味，唔太多香料味， 岩我口味，而且仲好多料，好飲好食。脆炸馬來豆卜釀蝦膠脆口野點少得啊。 有d飲港式釀豆卜，不過就由魚肉變左蝦睇膠。 彈牙！咖哩炒軟殼蟹好好味既咖哩， 而軟殼蟹有足2 隻，你話係咪抵食先！飛天通菜飛天通菜炒得香口，呢碟份量岩岩好。星馬蛋黃雞翼$68唔錯。 有旦黄香， 雞翼唔太熱氣。椰汁西米糕$48我就唔太好椰汁，不過女友就愛上了！佢話入面勁多芋頭西米， 表頭既椰漿多到漏！正！

二人餐包埋飲品，仲要特飲唔洗加錢而且全日無加一，真係好抵！因為我想食生蝦刺身，就揀咗 Set B媽咪加 $20 轉咗椰青有個碟仔盛住，又擺定個匙羹等人可以刮椰肉都幾細心 ❤️我杯椰汁三色冰跟餐係唔洗加錢㗎！落咗好多椰漿，幾啱我口味生菜包嘅肉碎辣辣哋，愈食愈刺激估唔到個份量咁多，可以包到勁卜卜 😋生菜好新鮮，夠大塊去包啲豬肉碎泰式生蝦係我嘅 favourite食親泰國菜我都必點嘅套餐有生蝦都係二百幾已經抵食㗎啦仲要有半打咁多！啲生蝦幾大隻，質素唔錯～海南雞可以揀配白飯或者油飯我同媽咪都係油飯 fans 😂海南雞係髀位嚟，都幾多肉同滑送油飯好 perfect雖然呢度價錢平，但服務好好 👍🏻👍🏻👍🏻侍應叔叔落單快手，連埋收銀姐姐都係態度好 nice

呢個舖位轉手後變成食泰/星馬菜，唔細心留意行過會以為係一間茶餐廳裝修格局亦係茶餐廳風格，牆身貼上菜式相片，應該係食食物，唔係食裝修有散叫有套餐，價錢相當親民價係三款套餐中，被呢個二人餐(A) $228 所吸引住，皆因味味都岩食泰式海南鷄 (例牌)  份量比我認知嘅"例牌"為多鷄皮軟滑，唔想食咁多皮都可輕易"皮肉"分離; 肉就更加滑，已起骨，點醬後一啖放入口夠滋味選配白飯及油飯，好大碗呀!星馬蛋黃鷄翼就咁睇牌面，未食已經想像到係咩味道!  單骨鷄翼炸完再加多個流沙蛋黃"獻"，蛋黃味幾出!皮硬內軟，單骨又容易食成碟飛天通菜，份量夠3人食，絶對唔係夾兩"住"就食晒!  辣度都幾辣，如果唔食得辣，可轉炒馬拉盞!  通菜入口無渣，咁嘅炒法當然無得輸!飲品選擇除左大路檸茶咖啡外，仲有泰式咖啡/青檸/荔枝/熱情果梳打/珍多冰，叫番杯咸檸七黎潤下喉，成罐七喜比你，夠豪氣!見到隔離枱有人叫左呢個咖喱軟殼蟹火山包 ($138)，賣相吸引，忍唔住自己都加一個單成個麵包掏空，"注"入香濃惹味咖喱，辣到比起飛天通菜只係小兒科，加入蛋一齊煮，香滑無比，仲有加埋青椒洋蔥，增加甜味!軟殼蟹入口超熱辣，應該係即叫即炸，

今日同朋友嚟油麻地呢間阿來東南亞風味食晚飯，餐廳都好乾淨企理，侍應俾咗個卡位我哋，坐得好舒服，可以慢慢吹水慢慢食，睇吓menu都唔少選擇。星馬蛋黃雞翼$68，炸得好香脆，有陣陣嘅蛋黃味，中意食蛋黃嘅朋友不妨一試。馬拉盞炒通菜$58，炒得好靚，馬拉盞味好香好濃，呢個值得推薦。香茅鹽燒鰂魚$138，外脆內軟，入面啲肉一啲都唔乾，好滑，配埋個泰式醬汁好惹味！我本身好中意食魚，我自己一個都食咗大半條😂咖哩軟殻蟹火山包$138，個咖哩只係有少少辣，甜比較多，有蛋喺入面，用嚟送包就真係好夾。切開咗就係咁樣，啲軟殻蟹都比想像中多，好香口。總括嚟講，呢間餐廳環境潔淨，侍應好有禮貌，價錢親民，味道唔錯，好啱同朋友嚟聚餐。

近日有foodie 朋友推介這間位於旺角光華街的「阿來」。今天行完信和，就同honey一齊去醫肚。餐廳裝潢企理光猛，一如港式茶餐室的格局，而枱與枱之間有適當嘅距離，所以感覺唔會好逼。既然這咖喱軟殼蟹火山包是推介之物，一定要試試看。咖喱軟殼蟹火山包$138嘩啦！真是大件夾抵食！平日要吃泰式海鮮咖哩起碼索價二三百。而這軟殼蟹火山包只是$138，而且有成兩隻（四件）軟殼蟹！認真抵食！軟殼蟹炸得酥脆香口，夠乾身，沒有過份的油膩感覺。而那咖喱汁濃厚稠身，惹味香甜，一點也不辣，仲滿有椰香，正！再配以原味薄餅$25，更是好吃！薄餅鬆化香口，質地軟熟，索汁力一流！沾上咖喱汁的薄餅，真的令人一口接一口，吃過不停！菠蘿炒飯$53菠蘿炒飯雖然賣相普通，但實在真材實料有內涵！炒飯的配料十分豐富，有蜆、魷魚、臘腸、大蝦、菠蘿、提子、炒旦和肉鬆等等。炒飯炒得粒粒分明，加上多種的海鮮材料，無論味道同口感都幾豐富。以$53吃到這樣多料的菠蘿炒飯，性價比超高！馬拉盞炒通菜$68通菜份量唔少，炒得夠鑊氣。通菜軟嫩無渣，味道唔會太咸或太辣。加上馬拉盞的提味，和辣椒絲的一點辛，可口又惹味，送飯一流。椰青$35吃泰菜少不了椰青

陪老公去旺角睇模型，行到去好多模型槍既廣華街見呢間菜館~ 感覺有d似茶餐廳，但原來呢度既款式種類幾多，仲係以東南亞為主，有炒粉麵、泰國、星馬菜都有~ 辣控既老公見到有泰式冬蔭公系列已經話要叫返碗黎過下口癮，呢度最好既地方係可以額外加＄10就可以點雙拼，論價錢真心講句係超值。到實物上檯都依然係非常足料兼對辨，絕對抵食過同區食個3餸麵車仔麵，我地點左海南雞併豬脾金邊粉，冇花冇假端起啖啖肉，麵底份量直迫加底，至於湯底就視乎個人偏好辣既程度有所不同，老公話辣度再提升1-2級會更好，仲趁熱呷幾口湯醒醒神，入口既酸辣氣味直奔喉嚨味蕾，嚐一口金邊粉再一口嫩滑雞肉，風味十足！不太吃辣的我都另外叫左一客滷豬脾飯，雖然大家都係滷豬脾，但老公既主要係肉，而我呢碟就有埋豬皮，份量都唔少~滑滑的順便補補骨膠原，滷汁都入哂味，唔錯! 跟餐加左$9飲泰式咖啡，店長送上之後仲會問啱唔啱飲，要唔要加奶~因為本身都比較中意黑咖啡，就覺得唔加都已經好好飲!咖哩炒軟殼蟹剛好一人半隻軟殼蟹，炸得鬆脆香口，外脆內軟，咖喱入面有蛋花，略帶椰香唔會太辣但好惹味！鐵板炒蠔仔蛋脹卜卜既蠔仔黐滿哂喺金黃色嘅蛋上面，蠔仔新鮮之餘分量仲好多，

今晚想2人世界，行完波鞋街見到間泰國菜就試下，叫左個2人餐C $398簡直係4人餐既分量好滿足呀泰式鮮蝦冬陰公湯有4隻大蝦好足料，個味岩岩好唔會好辣，好似係泰國飲個隻味泰式海南雞雞肉好嫩滑，仲配左2款醬泰式醬同港式薑蔥，可以食到2種口味脆炸馬來豆卜釀蝦膠第一次咁食將蝦膠釀入豆卜再炸左，蝦膠好彈牙加埋豆卜好香豆味，配以泰式甜酸醬，不錯咖哩炒軟殼蟹軟殼蟹唔夠脆口但勝在咖哩唔太辣，好多配料芹菜、青紅椒、洋蔥……最特別係加左雞蛋，每到個咖哩更加香濃飛天通菜加左辣椒有小小辣但好香口跟餐有2碗白飯，淨係叫左1碗飯加左$10轉蒜蓉包，有4塊蒜蓉包仲要每塊既牛油蒜蓉一點都不少，香脆之餘仲好濃味青檸梳打另外仲叫左依到必食既～星馬蛋黃雞翼$68香濃既蛋黃沾滿每隻雞翼，啖啖都食到蛋黃香，雞翼做左單骨，岩哂我地lady一啖一隻最後食埋個泰菜必食甜品，椰汁西米糕$48濃滑既椰汁西米糕仲加左芋頭令口感更加豐富

係旺角發現間坐滿人既泰國菜餐廳見價錢都幾抵，就入去試下小食有幾樣都好想食，揀拼盤就最好個拼盤比較特別，除左泰菜必有既蝦餅春卷外，另外兩款係蛋黃雞翼，豆卜蝦餅肉質彈牙，外脆內軟，比食開既大件春卷餡料飽滿蛋黃雞翼，蛋黃好香起沙，不過膽固醇既野，少食多滋味豆卜釀入蝦膠，入口香脆肉碎生菜包，肉碎係豬肉，多汁惹味，辣度適中，用新鮮生菜包住食，食用手黎特別有風味食食下，發覺肉碎多過菜，好少有，剩低既肉碎，撈飯食都可以辣椒膏蝦頭油海鮮炒飯，色香味俱全飯粒分明，辣味突出加上海鮮香，好醒胃個海鮮炒飯都幾辣，要左杯鹹檸七解辣最後埋單，每人都唔使$150，真係幾抵食，食物味道仲幾正宗tim

由朝做到三點幾都未食晏，已經有鯨吞天下嘅衝動，入到呢間睇落有啲食頽飯feel嘅餐廳，諗住都係求其食，點知打開餐牌，就見到一個令人動心嘅物體---咖喱軟殼蟹農夫飽！十分邪惡嘅咖喱誘惑响我最愛嘅農夫飽度湧出嚟不特只，炸得香脆兼份量十足嘅軟殼蟹亦响個飽度洶湧而出，情況澎湃至極！咖喱汁好香亦夠惹味，辣度一般，屬小兒科，但滲晒入飽度就令個飽好好味喇！單食飽實在太單調，見到餐牌上有呢個黃金雞翼，實在太吸引喇。。。雞翼外層沾滿鹹蛋黃，皮脆肉嫩，份量亦唔少，好滿足。最後再嚟一杯珍多冰，好在唔係太甜，啱啱好，椰汁亦唔孤寒，畀到足。食完後對呢間餐廳都幾有信心，仲有其他嘢都想試，下次會返卓！

今日收工又出旺角食泰國嘢阿來真係平靚正之選，好彩早到如果唔係要等位 兩個人晚飯$300 都唔駛，就可以食到好味嘅泰菜泰式鮮蝦冬陰功湯 $78我哋叫咗細size嘅冬陰功湯，裏面有三隻大蝦， 呢度嘅冬陰功湯味道偏濃，鍾意辣嘅朋友就啱曬咖哩軟殼蟹火山包 $138呢個火山包係餐廳嘅推介菜 即叫即整，麵包唔會林曬，而且有大大隻軟殼蟹， 中間嘅咖哩汁味道濃不過唔辣，除咗咖哩汁之外亦都落咗唔少蛋漿，火山裏面好多蛋絲 唔使叫飯，就咁食個包點啲咖哩汁已經夠曬飽肚豬頸肉炒芥蘭 $68今次嘅芥蘭有啲老，不過豬頸肉夠爽口，而且份量又多 最緊要係唔會好油，味道唔錯

好耐無食泰國菜，雖然入面好似普通茶記咁，但無食物絕對高質架！我地嗌左4樣野：馬沙文咖哩配薄餅、蛋黃雞翼、炒金邊粉同埋生菜包。嗰馬沙文雞肉咖喱幾重椰奶味，咖喱配埋牛油味超重既薄餅食係邪惡咗啲，但係我相信冇人會唔中意食好嘢㗎嘛🤣不過，入面啲雞肉有少少柴，有少少美中不足。星馬蛋黃雞翼呢個非常值得推介！蛋黃陣味非常香口，但佢炸上黎又唔油膩，拎黎送飯一流！泰式炒金邊粉應該係香港人最中意食嘅泰國菜，今次都唔例外，嗌咗嗰鮮蝦炒金邊粉，蝦肉結實彈牙，金邊粉甜酸並重，加少少辣，好開胃。另外生菜包亦唔錯！佢啲肉加埋香葉同少少辣椒，香得黎又帶點酸、酸得黎又帶點辣，非常開胃！加埋生菜，成個感覺好清新！我地介嗌咗杯椰汁三色冰同埋泰式咖啡，不過不失，同其他泰國餐廳基本上味道一樣。總括而言，呢間泰國菜味道唔錯，好啱香港人口味！

今日又捉埋朋友黎食泰國菜，款式太多實在懶得揀，就決定嗌個二人餐。食泰國菜必點既泰式生蝦😼生蝦好新鮮，肉質彈牙，配上自家製既辣汁，令味道更上一層樓👍🏻生菜包份量十足，肉碎香口惹味，帶點微辣，辣度好容易接受既👍🏻包埋生菜一齊食就可以減低膩感。海南雞配油飯，外表平凡，但味道幾有驚喜。雞肉肉質夠滑，唔會鞋，雞皮亦有油香。食辣野又點少香甜既椰青呢～椰汁三色冰解辣一流。-二人餐份量十足，加埋唔洗$300，都幾抵食！