阿來東南亞風味 (已結業)

呢條街出名多野食，同朋友行過見到餐廳裝修似茶餐廳，但原來賣泰國菜，而且價錢好似唔貴，就入左去。餐廳老闆好熱情，一有卡位就調比我地。點左最愛的泰國生蝦 $88一碟6隻，下面層冰夠曬份量，雪得d蝦冰凍，隻隻都好爽口鮮甜！醬汁偏辣，但係辣得過癮～大蝦炒金邊粉 $53呢個絕對係抵食之選！大蝦數量唔少，金邊粉用茄膏炒得均勻入味，而且keep 到口感，軟硬適中，隔離有花生碎，撈埋會冇咁膩，再擠d青檸汁撈埋酸酸甜甜就更加好味。芒果糯米飯 $58芒果份量出乎意料，有成隻芒果，而且好甜好濃芒果味。糯米飯熱辣辣好煙韌軟糯，加上唔會好甜的椰漿，好香濃好好味～餐廳唔係地道泰國餐廳裝修，但係出品味道都幾正宗，幾有泰國風味，而且更加適合香港人味。價錢方面都幾經濟，比一般泰國餐廳抵食。～

同朋友係旺角睇完戲，突然心血來潮想食泰國菜，就去左附近好多食肆條街睇下，見到呢間價錢幾抵都幾多人食就入去試下。肉碎生菜包 $68肉碎肥瘦均勻，食落保持到肉汁，加上洋蔥等配料一齊炒就更加豐富。呢個肉碎一d 都唔辣但係好惹味，而且份量十足，包曬d 生菜仲要每塊都包滿都仲有肉碎。生菜都幾爽口，如果多幾塊就更加好。咖哩軟殼蟹 $138呢碟送好「上鏡」，顏色好搶，份量都好多！農夫包裝住滿瀉的咖哩，上面擺左大大隻軟殼蟹！軟殼蟹炸得鬆脆而且都幾好肉，咖哩好濃厚又唔辣，忍唔住用麵包點曬嚟食！椰青 $35椰青雪得冰凍，椰青水超清甜！椰子肉厚得嚟唔會硬硬實實，都幾嫩滑有口感，椰子味濃郁，好解辣清爽～餐廳出品正宗得嚟幾啱香港人口味。佢地有好多菜式都唔辣，就算辣的菜式也不會太辣，是比較容易接受的程度。性價比幾高，味道唔錯。

收左工之後就同左朋友去到旺角食泰國菜，朋友有好介紹，當然就要去試下啦去到都有好多客人，見到佢地叫啲野食都好似唔錯咁，餐廳有好多唔同嘅泰國菜，樣樣我都想食，我嘅最愛：冬陰公、燒豬頸肉、生菜包、飛天通菜一定係必點，我朋友話想食咖喱軟殼蟹火山包，我地都叫左一份仲叫埋蒜蓉包點咖哩食先來左兩杯飲品分別係椰汁三色冰同埋檸檬水，椰汁三色冰又好濃郁嘅椰汁味連埋粉條食，好有口感，清新解渴。冬陰公我哋叫咗小份，入面有好多唔同嘅材料香茅、乾蔥、仲有幾隻蝦，蝦肉鮮甜爽口，食得出非常之新鮮，冬陰公湯酸中帶辣，非常醒為提神，辣味適中，兩個人飲份量啱啱好。燒豬頸肉都有幾大碟，豬頸肉幾有口感點上泰式秘製醬汁，更加好味。生菜包非常豐富而且份量多，肉碎會有少少辣味，包上生菜食非常滿足，而且生菜有好多塊，件件都好大塊同新鮮可以包到好多肉碎，食到最後唔會剩低好多肉碎飛天通菜炒得好有鑊氣，口感幾爽，味道會有少少辣同鹹香味，幾惹味。壓軸熱辣辣登場咖喱軟殼蟹火山包軟殼蟹揸得金黃香脆，炸漿非常之薄，唔會食到好滯，咖喱中加入雞蛋，令軟殼蟹入口除咗有濃郁嘅咖喱味之外，仲加多一份香滑麵包好鬆軟，沾上有豐富嘅咖喱汁，味道非常之匹配，令麵包更

今日又係姐妹日，因為大家返工地點關係就簡咗係旺角食飯！呢幾日天氣凍，好想飲返碗冬陰公湯暖身。😭上網搵咗陣就決定試呢間泰國野！無他價錢合適又算近間大h & m，食完行下街啱啱好。😂我地近8點去到，發現間餐廳差唔多full，無諗過weekday都咁爆，好彩仲有少量位，不過要搭下枱，不過無所謂，我地兩個女仔同佢空間都夠都舒服。我地叫咗細冬陰公（$78)，青木瓜沙律($58)，pad Thai($53)同青檸soda($22)。首先黎咗冬陰公同杯青檸soda。杯野飲正正常常唔特別講。而個冬陰公好有驚喜！個冬陰公料好多，大蝦都有三大隻，仲有其他蔬菜雜菇。而味道方面，佢都算辣夠味！加埋配料好有口感。🌶👍🏼原本以為細細兜，其實佢起碼分到三碗仔。👍🏼呢個青木瓜沙律份量好足，而味道無冬陰公咁辣，幾開胃。而個pad Thai 係最遲上，不過一上枱我地都嚇咗嚇，因為好大份😂 佢個蛋網好有心思值得一讚！👍🏼又有大大隻蝦，個粉入面都有唔少。👍🏼最後埋單發現唔洗加一，呢樣幾好。兩個女仔飽到食唔曬都係二百左右。👍🏼不過佢應該只係收現金大家要留意下！💰

早兩日同朋友係旺角食飯，去左阿來東南亞風味食泰國菜。佢地糧量大大碟，性價比高，味道都唔錯。我地2人叫左海南雞，生蝦刺生，生菜包，油飯。海南雞係冇骨既，雞肉好滑，份糧接近一隻，再加上佢既醬汁食，又滑又濃味，正呀。生蝦刺身基本上係泰國菜中都係必食既，呢度既生蝦好一隻，啲肉爽口唔會梅，再加上蒜頭同辣椒，加埋個泰式醬真係好夾。生菜包，肉碎有豬肉，辣椒，洋蔥，蒜頭，抄埋一碟 再加上生菜包住一齊食，唔會太咸，都好味既。飲品我地叫左 椰汁三色冰，泰味十足下面有啲相同大家分享下

難得發現抵食泰國菜！所以一定要寫食評分享！外脆內軟 食落唔會有油膩感 加左芝麻係面脆上加脆！配埋少少鹽點綴 一流！沙爹串燒 本身諗住嗌六條$78 但加多$30就可以多六條變一打 計落好似抵好多 所以最後嗌左一打🤣一黎到嚇親 本身已經好大條 仲要有十二條 超大堆頭！最期待的撈麵同雞翼！雞翼真係好食 有咸蛋黃粉真係邪惡到一個點🤤仲要好脆更香口！撈麵就一般 無特別～食泰國野點少得冬蔭公湯！係好岩香港人口味既冬蔭公！男朋友都問我咩叫岩香港人口味？我都唔知點形容xd 但個稠密程度同椰汁濃度同泰國既係有啲唔同既🤣其實我地仲有叫野飲 不過唔記得左影🤣值得一提係店員超貼心！本身淨係俾左每人一個碗仔 當我食緊撈麵之際又好想飲湯 店員突然自己送上多一個碗仔俾我地分湯飲！貼心在於佢好似識讀心咁自動俾碗我地xd餐牌仲有其他野都好想食！影低揀定for下次🤣👍🏻

最近發現左一間抵食夾大碟, 味道又唔錯的泰國餐廳. 而且地點都幾方便, 啱哂行得攰攰地過黎食一餐, 抖下氣嘅朋友們. 鐵板蠔仔蛋 $78  份量好大碟, 蠔仔肉都幾多, 每粒都差不多大, 外型圓碌碌好飽滿. 而且蠔仔都幾新鮮, 食落冇腥味或者蠔殼, 味道鮮. 雞蛋都幾好, 好香滑. 如果個蠔仔蛋能煎得再香脆香口啲, 就更加好! 馬拉盞炒芥蘭 $58  馬拉盞的香味都幾香, 味道適中唔會太濃味太辣. 而芥蘭都幾好, 唔會太老口感硬, 顏色翠綠口感都幾爽脆. 串燒沙爹豬肉+雞肉 (6串) $78  串燒每串的SIZE都唔細, 真係可以有大啖大啖食肉的滿足感覺. 豬肉&雞肉一樣地肉質都幾嫩, 咬落有肉汁唔會太乾. 椰汁味比較重, 味道偏向甜. 如果沙爹的香辣味重返少少, 會更加惹味. 鮮蝦炒金邊粉 $53  鮮蝦仁大大隻, 口感好爽. 金邊粉炒得都唔錯, 唔太油膩或者好碎, 味道甜中帶少少鹹. 可自由加入青檸汁同埋花生碎, 味道甜甜酸酸又帶有青檸的香味, 感覺清新. 食泰國野當然必叫 “芒果糯米飯” $58  糯米飯暖暖地, 口感煙韌軟香. 而淋面的椰汁的香味好足, 食落又唔會太甜,

依間泰國菜雖然係油麻地嘅後街，但係因為價錢夠平，食物唔錯，而且啲姐姐好nice,所以好旺場。軟殼蟹火山包 138軟殼蟹份量好多，不過唔夠熱，要扣分。個包點汁食好惹味，但係得個頂部係脆，建議個包唔洗淋滿汁，會整到個包唔脆。鮮蝦炒金邊粉 53又係好大份，個賣相幾靚，如果再乾身啲會更好。椰青 20好清甜，解渴一流，叫主食加$20就有，真係全港最平，唔飲對唔住自己。海南雞例牌 78 雞肉好嫩滑，即使係雞胸都唔會乾柴。點少少酸辣汁更開胃。

卧虎藏龍 今日去過波鞋街買波鞋，行完突然好想食泰國嘢，朋友就話有好介紹 黎到門口發現：「咦！係茶餐廳食泰國菜？」朋友就故弄玄虛話一陣就開估 入到去都係茶記格局，坐位算OK，打開餐牌款款嘢食。。都好平 好喇拿拿臨點咗嘢食先，食完就知龍定鳳，我地一共叫咗四樣嘢食： 1/ 炸蝦餅 ($68)呢個係次次食泰國菜都必食，咁嘅價錢仲大大件有咁嘅水準，仲要唔收加一，抵食 2/ 金磚豆腐 ($58)心諗都係普通炸豆腐，但食落口係外脆內軟，豆腐好滑，配埋外面脆卜卜係好食 3/ 鮮蝦炒金邊粉 ($53)53$一個金邊粉？無錯！蝦唔係講笑係爽，加埋檸檬汁同花生碎，幾十蚊食到咁高質確係意外 4/ 馬拉盞炒通菜 ($58)呢個配飯真係一流，一啖啤酒一啖馬拉盞，如果唔係飽真係想添碗飯。 嘢飲方面就試咗椰準三色冰，好有泰國的味道！加埋支大象啤唔講以為去咗泰國打個白鴿轉。 朋友果然無介紹錯，叫咗４樣嘢食加２個飲品，300$ 都唔駛！幾個朋友黎大吃大喝唔駛睇住價錢咁叫，確係爽快！

今日同兩個朋友去開旺角, 四圍都係人, 又唔想食譚仔南記, 有人提意去食泰國野~ 我突然醒起係廣華街個邊有一間泰國野叫阿來泰式既泰國野之前食過幾好食~ 今晚再去先~ 星期六下午4點~ 去到阿來泰式, 都幾FULL~ 9成入座, 好好彩我地WALK IN 都有2人位~ 實在係太好了~ 坐底睇下個餐牌又唔貴喎~ 叫咗 泰式炸蝦餅$68, 午市湯粉麵餐42-48蚊, 加12蚊有兩個椰汁西米糕, 加20蚊升級飲新鮮椰青~ 非常扺食~泰式炸蝦餅---必叫, 炸得外面好脆, 蝦膠好彈牙, 有蝦既鮮味, 鎮店之寶~我叫咗個泰式冬陰功湯金邊粉$48 加豬頸肉, 加海南雞 (雙併加多10蚊咋, 唔係唔叫埋丫) 湯底夠辣夠辣, 金邊粉爽滑, 豬頸肉好香口朋友叫咗個香茅豬扒黑豉油撈粗麵$48 , 豬扒炸得好香, 好有香茅味~ 一D都唔乾~ 水準之作椰汁西米糕---完美句號點少得甜品丫~ 椰香十足, 仲有芋頭粒+粟米~ 口感層次豐富~ 正~值得推介~ GOOD~

晚上在油麻地吃泰國菜，這家餐廳裝潢很樸實，類似茶餐廳的格局，設卡位和圓台，由於星期五晚的生活很旺，所以搭檯是常識吧？翻開餐牌，餐廳主要提供星馬泰的菜式，價錢實在，不設加一服務費。⭐️泰式酸辣無骨鳳爪沙律$58加入蘿蔔絲、蔥等配料，再加上調味料，吃起來酸酸辣辣，十分開胃。無骨鳳爪省卻了吮骨頭的麻煩，吃起來非常便利，鳳爪爽脆彈牙的口感很棒，雖然酸甜，但愈吃愈辣呢！⭐️星馬蛋黃雞翼$68蛋黃單骨雞翼炸得香脆，裹了蛋黃醬，咬下去盡是綿軟鹹香的蛋黃。香脆的雞皮和柔嫩的雞肉，多重口感融合在一起，令我欲罷不能，一連吃了好幾隻，如果嫌不夠味，還可以沾碟上的蛋黃醬。⭐️滷豬髀喇沙米線$48看見黃澄澄的湯頭，就流口了！嚐一口湯頭，湯頭香淡，很順口，但沒有想像中那般香濃，豬髀肉質較結實，若果換成雞腿我會更喜歡。⭐️炒芥蘭$58選擇了清炒芥蘭，健康的選擇。⭐️椰青$20清新解渴，很棒喔！

行完潮流特區見肚餓，又係醫肚時間，今次老友帶左我去一間食泰國菜既餐廳🍴去到餐廳門口，唉？唔係平時果啲泰國餐廳咁既？！餐廳格局係茶餐廳風格，外面仲貼左好多食物相，睇到都想食呀！入到去餐廳都幾多人，好好彩咁岩有張卡位俾我地 睇睇menu，食物種類幾好，基本上你諗到既泰國菜都有，樣樣都好想食，店員見我地兩個有選擇困難咁，就走過黎同我地推介佢地既招牌菜 - 星馬蛋黃雞奕、阿來金鏄豆腐、 香茅鹽燒脷魚、麥皮蝦等，之後我地都聽佢介紹叫左兩樣星馬蛋黃雞奕呢個雞奕確實係招牌菜，非常之香而且勁好食，必食之選！廚房已將雞奕切成單奕以方便食用，整隻雞奕都被蛋黃包圍，但食落去一啲都唔膩，呢樣野真係做得好好，因為我試過出面食過幾次，咬落去都成口粉咁又膩，但呢度真係唔同，食左幾隻都唔會覺得膩，味道適中唔太鹹，咬落去食到濃濃既蛋黃味道，但又食到雞奕內仲好juicy ，非常之惹味，我覺得真係好好味，真心推介！香茅鹽燒脷魚嘩！真係估唔到條魚會咁咁咁大條！！當時我地兩個女仔直頭呆左，$138真係超～抵~食！一打開塊魚皮，發現條脷魚超級多肉，肉質鮮嫩多汁，一啲都唔會腥，食落去非常肥美，好滿足！廚師仲配有一個醬點魚，呢個醬味

旺角行到攰搵間餐廳下午茶泰式未必一定要大班人食嘅自私食都得😛叫左個芒果糯米飯加椰青～🤤🤤椰青先到好清甜！大大個！呢度下午茶只係加$20平時叫一個至少$35抵！仲一早準備了鐵匙俾我食椰肉，細心！芒果糯米飯到了賣相一般啦～襯返呢度嘅茶餐廳格局不過食泰國野從來都唔係好睇環境賣相嘅最緊要好味！驚為天人的好味！好多是呢類甜品都係一早預備好，放喺雪櫃，雪到硬晒，又或者糯米好似未煮開咁硬掘掘😕呢個糯米飯係暖暖軟軟的配上微鹹嘅椰漿，超好味！！！估唔到會有個咁驚喜嘅邂逅☺️☺️☺️好幸福！芒果喺呢個時候，就變左配角不過也夠鮮甜美味！雖然呢度只係一個茶餐廳模式但相信廚師店家都有不少小心思希望將來可以再試試其他菜式！

今晚兩老又出街搵食. 放工後出咗旺角波鞋街同埋模型街. 行完差不多7:00, 要醫肚了. 旺角出名多嘢食. 不同國界美食都有. 係廣華街見到”阿來東南亞風味” 門口睇過餐牌, 價錢都可以. 望入餐廳環境也可以. 格局有點似茶餐廳. 見餐牌有3款2人餐. 食物都啱我地口味. 最後揀咗A餐$228泰式海南雞(例牌)星馬蛋黃雞翼飛天通菜油飯2碗飲品2杯. 泰式海南雞~雞肉好嫩滑，雞胸都係一樣. 配有2款醬料: 泰式醬及薑蔥星馬蛋黃雞翼~雞翼占上 鹹蛋黃漿炸， 鹹蛋黃非常甘香惹味，雞翼炸得剛好, 唔會乾, 而且保留肉汁。仲有一樣係值得讚嘅, 就係雞翼做咗單骨. 容易食. 所以係一款唔錯嘅菜式。飛天通菜~菜都好新鮮, 唔會老, 食落索索聲. 油飯, 充滿雞湯及薑味嘅油飯, 飯質剛好, 唔會太淋. 因我不太喜歡淋飯.青檸梳打及熱情果梳打我地仲加咗炸蝦餅, 炸得唔錯, 油份及粉唔太多. 蝦膠亦好彈牙, 食得過. 其實真係好經濟又實惠, $296又唔洗加一. 有咁多嘢食. 真係抵!

難得閒日放假，便約朋友旺角聚聚，附近泰國菜餐廳林立，朋友選了間地點就腳的試試。每次吃泰菜，自自然然會選海南雞飯。這裡的雞肉嫩滑，啖啖無骨雞肉夠貼心。油飯香味足，但雞湯味道不夠濃，略欠光澤。朋友則選了泰式鹵豬脾飯。豬脾份量不少，配有半邊鹵蛋及酸菜。豬手跟雞一樣去骨，吃時較方便。豬脾肉質軟腍, 炆得夠火喉, 有淡淡咸味, 若醃料濃一點更好。剛炸起熱騰騰上枱，豆卜脹卜卜釀滿蝦膠。有點像炸蝦丸，好吃！泰菜不能沒有的一定是芒果糯米飯。糯米口感煙韌，不會太硬。芒果熟透 甜到漏！